ᠤᠢᠢᠷᠠᠳ ᠬᠡᠮᠡᠬᠦ ᠮᠤᠩᠭᠤᠯ ᠤᠨ ᠪᠠᠷᠠᠭᠤᠨ ᠲᠦᠷᠪᠡᠨ ᠲᠦᠮᠡᠨ ᠤ ᠳᠤᠬᠠᠢ ︵ᠬᠤᠶᠠᠷ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/15
     ᠭᠠᠯᠳᠠᠨ ᠪᠤᠱᠤᠭᠳᠤ ᠬᠠᠭᠠᠨ ᠲᠦᠷᠪᠡᠨ ᠤᠢᠢᠷᠠᠳ ᠢ ᠨᠢᠭᠡᠳᠭᠡᠵᠤ᠂ ᠵᠦᠡᠭᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠨᠢ ᠮᠤᠩᠭᠤᠯ ᠳᠡᠦᠭᠡᠨ ᠳᠤ ᠬᠡᠷᠡᠯ ᠰᠠᠴᠤᠷᠠᠩᠭᠤᠢ ᠨᠢᠭᠡ ᠬᠠᠭᠤᠳᠠᠰᠤ ᠶᠢ ᠪᠢᠴᠢᠭᠯᠡᠭᠰᠡᠨ ᠶᠠᠪᠤᠳᠠᠯ ᠶᠤᠮ᠃ ᠭᠡᠪᠡᠴᠦ ᠲᠦᠪᠡᠳ ᠤᠨ ᠯᠠᠮ᠎ᠠ ᠭᠠᠷᠤᠯᠳᠠᠢ ᠪᠤᠯᠬᠤᠷ ᠲᠦᠪᠡᠳ ᠲᠤ ᠲᠦᠷᠦ ᠶᠢᠨ ᠡᠷᠭᠡ᠂ ᠠᠯᠤᠰ ᠤᠨ ᠪᠤᠳᠤᠯᠭ᠎ᠠ ᠪᠠᠨ ᠡᠵᠡᠮᠳᠡᠭᠦᠯᠦᠭᠰᠡᠨ ᠨᠢ ᠳᠡᠭᠦᠨ ᠤ ᠭᠤᠨᠢᠭᠳᠤ ᠬᠤᠪᠢ ᠵᠠᠶᠠᠭ᠎ᠠ ᠶᠢᠨ ᠡᠬᠢᠯᠡᠯᠳᠡ ᠪᠠᠶᠢᠵᠤᠬᠤᠢ᠃ ᠲᠦᠪᠡᠳ ᠭᠡᠰᠡᠨ ᠦᠨᠳᠦᠰᠦᠳᠡᠨ ᠡᠬᠢᠨ ᠳᠤ ᠪᠠᠨ ᠶᠡᠭᠡ ᠬᠦᠴᠦᠷᠬᠡᠭ ᠪᠠᠶᠢᠵᠤ᠂ ᠳᠠᠩ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠲᠦᠪᠡᠳ ᠤᠨ ᠴᠡᠷᠢᠭ ᠳᠠᠩ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠢ ᠨᠢ ᠬᠦᠷᠳᠡᠯ᠎ᠡ ᠡᠵᠡᠯᠡᠵᠤ᠂ ᠳᠤᠮᠳᠠᠳᠤ ᠠᠽᠢᠶ᠎ᠠ ᠳᠤ ᠴᠦ ᠴᠡᠷᠢᠭ ᠤᠷᠤᠵᠤ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠢ ᠰᠢᠳᠦᠭᠰᠡᠨ ᠤ ᠰᠡᠭᠦᠯᠡᠷ ᠳᠡᠳᠡᠨ ᠤ ᠡᠷᠡᠯᠭᠡᠭ ᠳᠠᠶᠢᠴᠢᠨ ᠴᠢᠨᠠᠷ ᠨᠢ ᠬᠤᠪᠢᠷᠠᠵᠤ᠂ ᠠᠭᠠᠵᠢᠮ ᠢᠶᠠᠷ ᠳᠤᠷᠦ᠋ᠢᠳᠠᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠳᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠤᠢᠢᠷᠠᠳ ᠬᠠᠷᠢᠨ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠳᠤ ᠪᠦᠷᠢᠨ ᠤᠷᠤᠭᠠᠳᠤᠢ ᠪᠠᠶᠢᠵᠤ᠂ ᠡᠷᠡᠯᠭᠡᠭ ᠳᠠᠶᠢᠴᠢᠨ ᠪᠠᠶᠢᠵᠤᠬᠤᠢ᠃ ᠲᠦᠪᠡᠳ ᠤᠨ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠬᠦ ᠦᠶ᠎ᠡ ᠳᠤ ᠳᠦᠷᠦᠪᠠᠶᠢᠬᠤ ᠬᠦᠦᠰᠢ ᠬᠠᠭᠠᠨ ᠠᠴᠠ ᠤᠢᠢᠷᠠᠳ ᠴᠡᠷᠢᠭ  ᠢ ᠳᠠᠭᠠᠭᠤᠯᠵᠤ᠂ ᠲᠦᠪᠡᠳ ᠢ ᠳᠠᠷᠤᠩᠭᠤᠢᠢᠯᠠᠵᠤ ᠪᠠᠶᠢᠭᠰᠠᠨ ᠬᠠᠯᠬ᠎ᠠ ᠶᠢᠨ ᠴᠤᠬᠤᠷ ᠴᠤᠭᠳᠤ ᠶᠢᠨ ᠴᠡᠷᠢᠭ ᠢ ᠤᠯᠠᠭᠠᠨ ᠬᠤᠰᠤᠤ ᠶᠢ ᠤᠯᠠᠶᠢᠯᠭᠠᠳᠠᠯ᠎ᠠ ᠬᠢᠳᠤᠨ ᠳᠠᠷᠤᠵᠤ᠂ ᠲᠦᠪᠡᠳ ᠤᠨ ᠤᠯᠠᠭᠠᠨ ᠤ ᠱᠠᠰᠢᠨ ᠢ ᠳᠠᠷᠤᠵᠤ᠂ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠢ ᠮᠠᠨᠳᠤᠭᠤᠯᠤᠯ᠎ᠠ ᠭᠡᠳᠡᠭ᠃
      ᠳᠡᠭᠦᠨ ᠠᠴᠠ ᠠᠪᠤᠭᠠᠳ ᠤᠢᠢᠷᠠᠳ ᠤᠨ ᠬᠤᠱᠤᠳ ᠠᠶᠢᠮᠠᠭ ᠨᠢ ᠬᠦᠬᠡᠨᠠᠭᠤᠷ ᠲᠤ ᠰᠠᠭᠤᠵᠤ ᠲᠦᠪᠡᠳ ᠢ ᠡᠵᠡᠮᠰᠢᠵᠤ ᠪᠠᠶᠢᠵᠠᠢ᠃ ᠭᠠᠯᠳᠠᠨ ᠪᠤᠱᠤᠭᠳᠤ ᠬᠠᠭᠠᠨ ᠠᠴᠠ ᠵᠦᠡᠭᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠬᠦᠬᠡᠨᠠᠭᠤᠷ ᠤᠨ ᠬᠤᠱᠤᠳ ᠲᠤ ᠶᠡᠭᠡ ᠳᠠᠷᠤᠯᠳᠠ ᠪᠤᠯᠵᠤ᠂ ᠴᠢᠨᠠᠭᠰᠢᠯᠠᠨ ᠳᠠᠯᠠᠢ ᠯᠠᠮ᠎ᠠ  ᠶᠢᠨ ᠲᠦᠯᠦᠭᠡᠨ ᠤ ᠬᠦᠮᠦᠨ ᠪᠤᠯᠵᠤ᠂ ᠬᠠᠯᠬ᠎ᠠ ᠶᠢᠨ ᠬᠡᠷᠡᠭ ᠲᠤ ᠭᠠᠷ ᠲᠦᠷᠦᠨ᠂ ᠵᠢᠪᠰᠤᠨᠳᠠᠮᠪᠠ ᠬᠤᠳᠤᠭᠳᠤ ᠶᠢ ᠳᠠᠷᠤᠵᠤ᠂ ᠴᠢᠨᠠᠭᠰᠢᠯᠠᠨ ᠳᠠᠯᠠᠢ ᠯᠠᠮ᠎ᠠ ᠶᠢᠨ ᠲᠦᠯᠦᠭᠡᠨ ᠤ ᠬᠦᠮᠦᠨ ᠪᠤᠯᠭᠠᠨ ᠳᠤᠮᠢᠯᠠᠭᠰᠠᠨ ᠢᠯᠭᠤᠭᠰᠠᠨ ᠬᠤᠳᠤᠭᠳᠤ᠂ ᠵᠢᠷᠤᠩ ᠬᠤᠳᠤᠭᠳᠤ ᠶᠢᠨ ᠰᠢᠬᠠᠮᠳᠠᠭᠤᠯᠭ᠎ᠠ ᠪᠠᠷ ᠤᠳᠤ ᠶᠢᠨ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ  ᠳᠤ ᠬᠦᠷᠴᠦ ᠮᠠᠨᠵᠤ ᠶᠢᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠲᠠᠢ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠢᠶᠠᠨ ᠦᠵᠡᠯᠴᠡᠬᠦ ᠳᠤ ᠴᠦ ᠳᠤᠯᠵᠤ ᠪᠠᠶᠢᠵᠠᠢ᠃ ᠡᠨᠡ ᠪᠤᠯ ᠨᠢᠭᠡ ᠶᠡᠭᠡ ᠬᠤᠤᠳᠤᠤ ᠶᠠᠪᠤᠳᠠᠯ ᠶᠤᠮ᠃ ᠳᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠤᠢᠢᠷᠠᠳ ᠨᠢᠭᠡᠨᠳᠡ ᠪᠠᠷᠠᠭᠤᠨᠰᠢ ᠨᠡᠭᠦᠵᠤ᠂ ᠵᠡᠭᠦᠨ ᠮᠤᠩᠭᠤᠯ ᠤᠨ ᠶᠠᠪᠤᠳᠠᠯ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠨᠢ ᠬᠠᠯᠬ᠎ᠠ ᠳᠡᠳᠦ᠋ᠢᠯᠡ᠃ ᠳᠡᠷᠡ ᠳ᠋ᠢᠪᠠ ᠰᠠᠩᠵᠠᠢ ᠪᠤᠯᠤᠨ ᠲᠦᠪᠡᠳ ᠬᠦᠮᠦᠰ ᠤᠨ ᠨᠠᠷᠢᠨ ᠤᠬᠠᠭᠠᠯᠭ᠎ᠠ ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯ ᠤᠢᠢᠷᠠᠳ ᠮᠠᠨᠵᠤ ᠶᠢᠨ ᠲᠦᠷᠦ ᠲᠠᠢ ᠳᠡᠮᠡᠴᠡᠯᠳᠦᠬᠦ ᠬᠡᠷᠡᠭᠴᠡᠭᠡ ᠦᠭᠡᠢ ᠶᠤᠮ᠃ ᠭᠠᠯᠳᠠᠨ ᠨᠢ ᠡᠶᠢᠮᠦ ᠠᠯᠳᠠᠭ᠎ᠠ ᠲᠠᠢ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠳᠤ ᠪᠠᠨ ᠪᠤᠯᠵᠤ ᠭᠤᠨᠢᠭᠳᠤ ᠵᠦᠴᠦᠭᠡ ᠳᠤᠭᠯᠠᠵᠠᠢ᠃ ᠭᠠᠭᠴᠠᠬᠠᠨ ᠤᠢᠢᠷᠠᠳ ᠢᠶᠠᠨ ᠨᠢᠭᠡᠳᠭᠡᠵᠤ ᠳᠤᠮᠳᠠᠳᠤ ᠠᠽᠢᠶ᠎ᠠ ᠵᠦᠭ ᠦᠷᠭᠡᠳᠭᠡᠭᠰᠡᠨ ᠪᠤᠯ ᠤᠳᠤ ᠶᠢᠨ ᠺᠠᠽᠠᠭᠰᠲ᠋ᠠᠨ ᠤ ᠨᠤᠳᠤᠭ ᠳᠡᠪᠢᠰᠬᠡᠷ ᠤᠢᠢᠷᠠᠳ ᠤᠨ ᠪᠤᠯᠬᠤ ᠪᠠᠶᠢᠭᠰᠠᠨ᠃ ᠰᠢᠨᠵᠢᠶᠠᠩ ᠤᠨ ᠬᠦᠡᠭᠵᠤ ᠰᠤᠪᠤᠰᠠᠢ ᠬᠠᠯᠢᠮᠠᠭ ᠤᠨ ᠠᠶᠢᠯᠴᠢᠯᠠᠬᠤ ᠦᠶ᠎ᠡ ᠳᠤ ᠬᠠᠯᠢᠮᠠᠭ ᠤᠨ ᠤᠷᠤᠨ ᠨᠤᠳᠤᠭ ᠤᠨ ᠳᠠᠷᠤᠭ᠎ᠠ ᠨᠠᠷ ︽ᠳᠠᠨᠤᠰ ᠵᠡᠭᠦᠨᠰᠢ ᠶᠠᠪᠤᠭᠰᠠᠨ ᠦᠭᠡᠢ᠂ ᠰᠲ᠋ᠠᠯᠢᠨ ᠮᠠᠨ ᠢ ᠴᠦᠯᠡᠭᠰᠡᠨ ᠦᠭᠡᠢ ᠪᠤᠯ ᠪᠢᠳᠡ ᠺᠠᠽᠠᠭᠰᠲ᠋ᠠᠨ ᠠᠴᠠ ᠴᠦ ᠶᠡᠭᠡ ᠤᠯᠤᠰ ᠢ ᠪᠠᠶᠢᠭᠤᠯᠵᠤ ᠳᠡᠶᠢᠯᠦᠨ᠎ᠡ᠃︾ ᠭᠡᠵᠤ ᠬᠡᠯᠡᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ᠃      ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢᠨ ᠮᠠᠨᠳᠤᠨ ᠭᠠᠷᠤᠭᠰᠠᠨ ᠨᠢ ᠤᠢᠢᠷᠠᠳ ᠲᠤ ᠵᠦᠡᠭᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠴᠦ ᠬᠠᠯᠬ᠎ᠠ ᠳᠤ ᠳᠠᠷᠤᠯᠳᠠ ᠦᠭᠴᠦ ᠮᠠᠨᠵᠤ ᠳᠤ ᠪᠠᠭᠤᠵᠤ ᠦᠭᠭᠦ ᠳᠤ ᠬᠦᠷᠭᠡᠵᠡᠢ᠃ ᠤᠢᠢᠷᠠᠳ ᠤᠨ ᠤᠳᠤᠷᠢᠳᠤᠭᠴᠢᠳ ᠨᠢ ᠮᠤᠩᠭᠤᠯ  ᠤᠨ ᠳᠤᠳᠤᠷ᠎ᠠ ᠪᠠᠨ ᠠᠷᠭ᠎ᠠ ᠪᠤᠳᠤᠯᠭ᠎ᠠ ᠲᠠᠢ ᠳᠤ ᠤᠷᠤᠬᠤ ᠪᠤᠯᠪᠠᠴᠤ ᠮᠠᠨᠵᠤ ᠶᠢᠨ ᠡᠮᠦᠨ᠎ᠡ ᠠᠷᠠᠢ ᠯᠡ ᠢᠯᠠᠭᠳᠠᠭᠠᠳ ᠪᠠᠶᠢᠬᠤ ᠪᠤᠯᠵᠠᠢ᠃ ᠬᠠᠷᠢᠨ ᠮᠠᠨᠵᠤ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯ ᠭᠠᠯᠳᠠᠨ ᠪᠤᠱᠤᠭᠳᠤ ᠨᠢᠭᠡ ᠦᠶ᠎ᠡ ᠪᠦᠬᠦ ᠮᠤᠩᠭᠤᠯ ᠢ ᠨᠢᠭᠡᠳᠬᠡᠵᠤ ᠮᠡᠳᠡᠨ᠎ᠡ᠃ ᠳᠡᠶᠢᠮᠦ ᠪᠤᠯᠪᠠᠴᠤ ᠬᠤᠵᠢᠮ ᠤᠨ ᠪᠠᠶᠢᠳᠠᠯ ᠡᠰᠡᠨ ᠬᠠᠭᠠᠨ ᠠᠴᠠ ᠰᠠᠶᠢᠨ ᠴᠦ ᠪᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠬ᠎ᠠ᠃ ᠤᠴᠢᠷ ᠨᠢ ᠨᠢᠭᠡᠳᠦᠯ ᠤᠨ ᠬᠤᠶᠢᠨ᠎ᠠ ᠡᠪᠳᠡᠷᠡᠯ ᠢ ᠶᠠᠭᠠᠬᠢᠵᠤ ᠴᠦ ᠳᠡᠶᠢᠯᠬᠦ ᠦᠭᠡᠢ ᠶᠤᠮ᠃      ᠨᠦᠬᠦᠬᠡ ᠳᠠᠯ᠎ᠠ ᠳᠤ ᠮᠠᠨᠵᠤ ᠴᠦ ᠦᠪᠡᠷ ᠤᠨ ᠬᠦᠴᠦᠨ ᠢᠶᠠᠷ ᠮᠤᠩᠭᠤᠯ ᠠᠶᠢᠮᠠᠭ ᠢ ᠳᠠᠭᠠᠭᠤᠯᠵᠤ ᠳᠡᠶᠢᠯᠦᠭᠰᠡᠨ ᠪᠤᠰᠤ᠂ ᠬᠠᠷᠢᠨ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠠᠯᠠᠯᠳᠤᠬᠤ ᠨᠢ ᠮᠠᠨᠵᠤ ᠳᠤ ᠵᠠᠪᠰᠢᠶᠠᠨ ᠤᠯᠭᠤᠵᠤ᠂ ᠨᠢᠭᠡ ᠶᠢ ᠨᠢ ᠳᠡᠮᠵᠢᠬᠦ ᠨᠡᠷ᠎ᠡ ᠪᠠᠷ ᠨᠦᠬᠦᠭᠡ ᠶᠢ ᠨᠢ ᠳᠠᠷᠤᠵᠤ ᠡᠵᠡᠯᠡᠨ ᠠᠪᠴᠤ ᠪᠠᠶᠢᠭᠰᠠᠨ ᠶᠤᠮ᠃ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ ᠨᠢ ᠬᠤᠷᠴᠢᠨ ᠠᠶᠢᠮᠠᠭ ᠢ ᠮᠠᠨᠵᠤ ᠲᠠᠢ ᠬᠤᠯᠪᠤᠭᠠᠯᠠᠯ᠎ᠠ ᠭᠡᠵᠤ ᠴᠡᠷᠢᠭᠯᠡᠬᠦ ᠳᠤ ᠮᠠᠨᠵᠤ ᠨᠢ ᠬᠤᠷᠴᠢᠨ ᠢ ᠳᠡᠮᠵᠢᠬᠦ ᠨᠡᠷ᠎ᠡ ᠪᠠᠷ ᠴᠠᠬᠠᠷ ᠢ ᠳᠠᠷᠤᠭᠰᠠᠨ ᠶᠤᠮ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠠ ᠳᠠᠶᠠᠨ ᠬᠠᠭᠠᠨ ᠤ ᠦᠶ᠎ᠡ ᠶᠢᠨ ᠶᠡᠭᠡ ᠨᠢᠭᠡᠳᠦᠯ ᠭᠡᠳᠡᠭ ᠨᠢ ᠴᠦ ᠬᠤᠷᠴᠢᠨ ᠠᠶᠢᠮᠠᠭ ᠲᠠᠢ ᠬᠤᠯᠪᠤᠭᠠᠯᠠᠭᠰᠠᠨ ᠦᠭᠡᠢ ᠪᠤᠯ ᠤᠢᠢᠷᠠᠳ ᠢ ᠳᠡᠶᠢᠯᠬᠦ ᠳᠤ ᠪᠡᠷᠬᠡ᠂ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠤᠷᠪᠠᠯᠭᠠᠨ ᠢ ᠴᠦ ᠳᠠᠷᠤᠵᠤ ᠠᠪᠴᠤ ᠳᠡᠶᠢᠯᠬᠦ ᠦᠭᠡᠢ ᠶᠤᠮ᠃ ᠯᠢᠭᠳᠡᠨ ᠬᠠᠭᠠᠨ ᠨᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠨ ᠶᠡᠭᠡ ᠳᠤ ᠪᠤᠳᠤᠵᠤ᠂ ᠶᠡᠭᠡ ᠤᠮᠤᠷᠬᠠᠭ ᠰᠠᠭᠰᠠᠭᠤ ᠵᠠᠩ ᠭᠠᠷᠭᠠᠭᠰᠠᠨ ᠦᠭᠡᠢ ᠪᠤᠯ ᠳᠡᠶᠢᠮᠦ ᠮᠠᠭᠤ ᠬᠤᠪᠢ ᠵᠠᠶᠠᠭᠠᠨ  ᠳᠤ ᠬᠦᠷᠴᠦ ᠪᠤᠯᠤᠰᠢ ᠦᠭᠡᠢ ᠶᠤᠮ᠃ ᠡᠶᠢᠮᠦ ᠵᠠᠩ ᠨᠢ ᠦᠨᠦ ᠶᠢᠨ ᠮᠠᠨ ᠤ ᠳᠤᠮᠳᠠ ᠴᠦ ᠶᠡᠭᠡ ᠪᠠᠷ ᠤᠷᠤᠰᠢᠵᠤ᠂ ᠳᠡᠷᠡ ᠦᠶ᠎ᠡ ᠶᠢᠨ ᠵᠠᠩ ᠠᠷᠠᠨᠰᠢᠨ ᠠᠴᠠ ᠪᠠᠨ ᠰᠠᠯᠵᠤ ᠴᠦ ᠳᠡᠶᠢᠯᠦᠭᠡᠳᠦᠢ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠨ᠎ᠠ᠃      ᠮᠠᠨᠵᠤ ᠶᠢᠨ ᠤᠢᠢᠷᠠᠳ ᠲᠤ ᠠᠪᠤᠭᠰᠠᠨ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠪᠤᠯ ᠳᠠᠷᠤᠵᠤ ᠠᠪᠬᠤ ᠪᠢᠰᠢ ᠪᠤᠯ ᠬᠢᠳᠤᠯᠭ᠎ᠠ ᠬᠢᠬᠦ ᠶᠠᠪᠤᠳᠠᠯ ᠶᠤᠮ᠃ ᠤᠴᠢᠷ ᠨᠢ ᠤᠢᠢᠷᠠᠳ ᠬᠦᠮᠦᠰ ᠬᠦᠮᠦᠨ ᠤ ᠵᠠᠬᠢᠷᠤᠯ ᠳᠤ ᠤᠷᠤᠳᠠᠭ ᠦᠭᠡᠢ ᠡᠷᠡᠯᠬᠡᠭ ᠳᠠᠶᠢᠴᠢᠨ ᠴᠢᠨᠠᠷ ᠲᠠᠢ᠃ ᠴᠢ ᠨᠢᠭᠡ ᠴᠠᠭ ᠡᠵᠡᠯᠡᠪᠡᠴᠦ᠂ ᠳᠠᠷᠠᠭ᠎ᠠ ᠴᠠᠭ ᠨᠢ ᠳᠤᠰᠠᠭᠠᠷᠯᠠᠬᠤ ᠶᠤᠮ᠃ ᠤᠢᠢᠷᠠᠳ ᠬᠦᠮᠦᠰ ᠬᠡᠳᠦᠢ ᠳᠠᠷᠤᠭᠳᠠᠭᠰᠠᠨ ᠴᠦ ︽ᠳᠠᠷᠤᠪᠠᠴᠤ ᠳᠠᠷᠳᠠᠶᠢᠴᠤ᠂ ᠪᠤᠯᠠᠪᠠᠴᠤ ᠪᠤᠯᠳᠠᠶᠢᠳᠠᠭ︾ ᠵᠠᠩ ᠴᠢᠨᠠᠷ ᠨᠢ ᠡᠬᠢᠨ ᠠᠴᠠ  ᠨᠢ ᠳᠠᠭᠤᠰᠳᠠᠯ᠎ᠠ ᠳᠤᠭᠤᠰᠢᠯᠠᠭᠳᠠᠵᠤ ᠪᠠᠶᠢᠪᠠ᠃ ᠡᠨᠡ ᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠨᠢ ᠮᠠᠨᠵᠤ ᠴᠦ ᠭᠡᠰᠡᠨ᠂ ᠤᠷᠤᠰ ᠴᠦ ᠭᠡᠰᠡᠨ ᠭᠠᠶᠢᠬᠠᠮᠠᠷ ᠠᠳᠠᠯᠢᠬᠠᠨ ᠪᠠᠶᠢᠵᠤ᠂ ᠡᠨᠡ ᠵᠠᠭᠤᠨ ᠪᠤᠯᠳᠠᠯ᠎ᠠ ᠬᠢᠭᠳᠡᠵᠤ ᠢᠷᠡᠪᠡ᠃ ᠮᠠᠨᠵᠤ ᠶᠢᠨ ᠬᠠᠭᠠᠳ ᠨᠢ ᠤᠢᠢᠷᠠᠳ ᠬᠦᠮᠦᠰ ᠢ ᠬᠢᠳᠤᠬᠤ ᠳᠤ ᠤᠷᠤᠰ ᠨᠢ ᠴᠦᠯᠡᠯᠭᠡ  ᠳᠤ ᠶᠠᠪᠤᠭᠤᠯᠤᠨ ᠪᠠᠶᠢᠵᠤ ᠪᠡᠶ᠎ᠡ ᠮᠠᠬᠠᠪᠤᠳ ᠤᠨ ᠳᠠᠯ᠎ᠠ ᠪᠠᠷ ᠤᠰᠠᠳᠬᠠᠬᠤ ᠶᠢ ᠲᠦᠷᠦᠭᠦᠨ ᠳᠤ ᠳᠠᠯᠪᠢᠵᠤ ᠪᠠᠶᠢᠪᠠ᠃ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠲᠤ ᠴᠦ ᠨᠢᠭᠡ ᠤᠳᠠᠭᠠᠨ ᠤ ︽ᠱᠠᠮᠪᠠᠯ ᠤᠨ ᠳᠠᠶᠢᠨ︾ ᠨᠡᠷ᠎ᠡ ᠲᠠᠢ ᠤᠢᠢᠷᠠᠳ ᠬᠦᠮᠦᠰ ᠤᠨ ᠶᠡᠭᠡ ᠪᠤᠰᠤᠯᠭ᠎ᠠ ᠭᠠᠷᠴᠤ ᠰᠲ᠋ᠠᠯᠢᠨ ᠬᠦᠷᠳᠡᠯ᠎ᠡ ᠠᠶᠤᠨ ᠰᠤᠴᠢᠭᠰᠠᠨ ᠭᠡᠳᠡᠭ᠃ ᠤᠷᠤᠰ ᠴᠡᠷᠢᠭ ᠢᠷᠡᠵᠤ ᠡᠳᠡᠭᠡᠷ ᠪᠤᠰᠤᠭᠴᠢᠳ ᠢ ᠨᠢᠰᠬᠡᠯ ᠢᠶᠠᠷ ᠪᠦᠮᠪᠦᠭᠡᠳᠡᠨ᠂ ᠳᠠᠩᠺ ᠪᠠᠷ ᠳᠠᠭᠠᠷᠢᠭᠤᠯᠵᠤ᠂ ᠶᠡᠭᠡ ᠬᠢᠳᠤᠯᠭ᠎ᠠ ᠶᠠᠪᠤᠭᠤᠯᠤᠨ ᠪᠠᠶᠢᠵᠤ ᠳᠠᠷᠤᠵᠠᠢ᠃ ᠡᠨᠡ ᠪᠤᠰᠤᠯᠭ᠎ᠠ ᠨᠢ ᠤᠳᠤ ᠪᠤᠯᠳᠠᠯ᠎ᠠ ᠬᠤᠷᠢᠭᠠᠳᠠᠢ ᠬᠡᠪ ᠢᠶᠠᠷ ᠪᠠᠶᠢᠵᠤ᠂ ᠬᠡᠳᠦᠨ ᠬᠦᠮᠦᠨ ᠤᠷᠤᠯᠴᠠᠭᠰᠠᠨ᠂ ᠬᠡᠳᠦᠢ ᠬᠦᠮᠦᠨ ᠦᠬᠦᠭᠰᠡᠨ ᠢ ᠪᠦᠷ ᠨᠢᠭᠤᠴᠠᠯᠠᠵᠤ ᠪᠠᠶᠢᠨ᠎ᠠ᠃ ᠪᠢᠴᠢᠭ ᠰᠤᠷᠪᠤᠯᠵᠢ ᠪᠠᠷ ᠪᠢᠴᠢᠬᠦ ᠶᠢ ᠴᠦ ᠬᠤᠷᠢᠭᠯᠠᠭᠰᠠᠭᠠᠷ ᠪᠠᠶᠢᠨ᠎ᠠ᠃      ᠤᠢᠢᠷᠠᠳ ᠤᠨ ᠳᠤᠮᠳᠠ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠭᠰᠡᠨ ᠠᠴᠠ ᠰᠡᠭᠦᠯᠡᠷ ᠤᠯᠠᠨ ᠢᠰᠯᠠᠮ ᠤᠨ ᠱᠠᠰᠢᠨᠳᠠᠨ ᠤ ᠳᠤᠮᠳᠠ ᠤᠢᠢᠷᠠᠳ ᠤᠨ ᠦᠵᠡᠯ ᠰᠠᠨᠠᠭᠠᠨ ᠤ ᠨᠢᠭᠡᠳᠦᠯ᠂ ᠦᠪᠡᠷ ᠤᠨ ᠳᠤᠰᠠᠭᠠᠷ ᠳᠤᠭᠳᠠᠨᠢᠯ ᠳᠤ ᠴᠢᠬᠤᠯᠠ ᠡᠭᠦᠷᠬᠡ ᠬᠦᠢᠴᠡᠳᠭᠡᠵᠡᠢ᠃ ᠽᠠᠶ᠎ᠠ ᠪᠠᠨᠳᠢᠳᠠ ᠠᠴᠠ ᠤᠳᠤ ᠦᠰᠦᠭ ᠢ ᠵᠤᠬᠢᠶᠠᠭᠰᠠᠨ ᠠᠴᠠ ᠦᠪᠡᠷ  ᠤᠨ ᠤᠨᠴᠠᠯᠢᠭ ᠪᠦᠬᠦᠢ ᠤᠢᠢᠷᠠᠳ ᠰᠤᠶᠤᠯ ᠢ ᠪᠦᠳᠦᠭᠡᠵᠤ᠂ ᠤᠢᠢᠷᠠᠳ ᠤᠨ ᠤᠯᠤᠰ ᠲᠦᠷᠦ᠂ ᠴᠡᠷᠢᠭ ᠳᠠᠶᠢᠨ᠂ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠢᠶᠠᠨ ᠦᠨᠳᠦᠷ ᠲᠦᠪᠰᠢᠨ  ᠳᠤ ᠬᠦᠷᠭᠡᠭᠰᠡᠨ ᠶᠤᠮ᠃ ᠳᠡᠶᠢᠮᠦ ᠪᠤᠯᠪᠠᠴᠤ ᠪᠠᠰᠠ ᠦᠪᠡᠷ ᠤᠨ ᠨᠠᠵᠠᠭᠠᠢ ᠳᠠᠯ᠎ᠠ ᠪᠠᠶᠢᠭᠰᠠᠨ ᠦᠭᠡᠢ ᠪᠢᠰᠢ᠃ ᠲᠦᠪᠡᠳ ᠠᠴᠠ ᠠᠪᠤᠭᠰᠠᠨ ᠱᠠᠰᠢᠨ ᠪᠤᠯᠬᠤᠷ ᠲᠦᠪᠡᠳ ᠪᠠ ᠵᠡᠭᠦᠨ ᠮᠤᠩᠭᠤᠯ ᠤᠨ ᠬᠡᠷᠡᠭ ᠲᠤ ᠤᠷᠢᠶᠠᠭᠳᠠᠭᠰᠠᠨ᠂ ᠨᠡᠩ ᠦᠨᠳᠦᠷ ᠰᠤᠶᠤᠯ ᠢ ᠬᠦᠯᠢᠶᠡᠨ ᠠᠪᠬᠤ ᠨᠢ ᠵᠤᠭᠰᠤᠩᠭᠤᠢᠢᠷᠠᠵᠠᠢ᠃ ᠭᠠᠯᠳᠠᠨ ᠪᠤᠱᠤᠭᠳᠤ  ᠶᠢᠨ ᠮᠠᠨᠵᠤ ᠲᠠᠢ ᠪᠠᠶᠢᠯᠳᠤᠭᠰᠠᠨ᠂ ᠴᠧᠧᠠᠩᠷᠠᠪᠳᠠᠨ ᠤ ᠲᠦᠪᠡᠳ ᠤᠨ ᠱᠠᠰᠢᠨ ᠤ ᠬᠢᠨ ᠤ ᠠᠷᠭ᠎ᠠ ᠳᠤ ᠤᠷᠤᠵᠤ ᠬᠤᠱᠤᠳ ᠢᠶᠠᠨ ᠳᠠᠷᠤᠵᠤ ᠦᠭᠭᠦᠭᠰᠡᠨ᠂ ᠲᠦᠪᠡᠳ  ᠲᠤ ᠴᠡᠷᠢᠭ ᠤᠷᠤᠭᠤᠯᠤᠭᠰᠠᠨ ᠵᠡᠷᠭᠡ ᠨᠢ ᠪᠦᠷ ᠯᠡ ᠲᠦᠪᠡᠳ ᠬᠦᠮᠦᠰ ᠲᠤ ᠠᠰᠢᠭᠯᠠᠭᠳᠠᠭᠰᠠᠨ ᠶᠠᠪᠤᠳᠠᠯ ᠶᠤᠮ᠃      ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢᠨ ᠦᠶ᠎ᠡ ᠳᠤ ᠤᠢᠢᠷᠠᠳ ᠪᠤᠯᠪᠠᠰᠤ ᠨᠢᠭᠡᠨ ᠠᠶᠤᠯ ᠭᠠᠮᠰᠢᠭ ᠳᠤᠬᠢᠶᠠᠭᠰᠠᠨ ᠦᠶ᠎ᠡ ᠪᠢᠯᠡ᠃ ᠤᠳᠤ ᠳᠡᠦᠭᠡ ᠪᠢᠴᠢᠯᠭᠡ ᠳᠡᠭᠡᠷ᠎ᠡ ᠭᠠᠯᠳᠠᠨ ᠢ ᠦᠨᠳᠦᠰᠦᠳᠡᠨ ᠤ ᠪᠠᠭᠠᠳᠤᠷ ᠬᠡᠮᠡᠨ ᠦᠨᠡᠯᠡᠵᠤ ᠪᠠᠶᠢᠳᠠᠭ ᠴᠦ᠂ ᠦᠨᠡᠨ ᠳᠡᠭᠡᠷ᠎ᠡ ᠪᠠᠨ ᠤᠢᠢᠷᠠᠳ ᠲᠤ ᠠᠶᠤᠯ ᠭᠠᠮᠰᠢᠭ ᠢ ᠠᠪᠴᠢᠷᠠᠭᠰᠠᠨ ᠬᠦᠮᠦᠨ ᠪᠢᠯᠡ᠃ ᠢᠩᠭᠢᠵᠤ ᠬᠡᠯᠡᠪᠡᠯ ᠤᠯᠠᠨ ᠬᠦᠮᠦᠰ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠮᠦᠷᠳᠡᠭᠡᠨ ᠨᠠᠳᠠ ᠶᠢ ᠬᠠᠷᠢᠶᠠᠨ ᠵᠦᠭᠡᠬᠦ ᠴᠦ ᠮᠠᠭᠠᠳ᠃ ᠦᠨᠡᠨ ᠶᠠᠪᠤᠳᠠᠯ ᠨᠢ ᠦᠨᠡᠬᠡᠷ ᠳᠡᠶᠢᠮᠦ᠃ ᠭᠠᠯᠳᠠᠨ ᠤ ᠦᠶ᠎ᠡ  ᠳᠤ ᠭᠠᠯᠳᠠᠨ ᠠᠴᠠ ᠲᠦᠪᠡᠳ ᠤᠨ ᠪᠠᠶᠢᠭᠤᠯᠤᠯ ᠢ ᠳᠠᠭᠤᠷᠢᠶᠠᠵᠤ᠂ ᠱᠠᠰᠢᠨ ᠲᠦᠷᠦ ᠨᠢᠭᠡᠳᠦᠭᠰᠡᠨ ᠬᠠᠭᠠᠨᠳᠤ ᠪᠠᠶᠢᠭᠤᠯᠤᠯ ᠢ ᠪᠠᠶᠢᠭᠤᠯᠬᠤ ᠪᠠᠷ ᠵᠤᠷᠢᠯᠭ᠎ᠠ ᠪᠤᠯᠭᠠᠭᠰᠠᠨ᠂ ᠨᠠᠶᠢᠵᠢ ᠳᠦᠢᠨ ᠬᠤᠳᠤᠭᠳᠤ ᠶᠢᠨ ᠬᠤᠪᠢᠯᠭᠠᠨ ᠢ ᠡᠷᠢᠬᠦ ᠶᠢ ᠪᠠᠶᠢᠯᠭᠠᠵᠤ᠂ ᠯᠠᠮᠠ ᠨᠠᠷ ᠲᠤ ᠴᠦ ᠶᠡᠭᠡ ᠬᠢᠳᠤᠯᠭ᠎ᠠ ᠶᠠᠪᠤᠭᠤᠯᠤᠭᠰᠠᠨ᠃ ᠳᠠᠷᠠᠭ᠎ᠠ ᠪᠠᠷ ᠨᠢ ᠳᠠᠯᠠᠢ ᠯᠠᠮᠠ ᠶᠢᠨ ᠲᠦᠯᠦᠭᠡᠨ ᠤ ᠬᠦᠮᠦᠨ ᠪᠤᠯᠵᠤ᠂ ᠬᠠᠯᠬ᠎ᠠ ᠤᠢᠢᠷᠠᠳ ᠤᠨ ᠳᠠᠶᠢᠨ ᠢ ᠡᠭᠦᠰᠬᠡᠵᠤ᠂ ᠬᠦᠵᠢᠮ ᠨᠢ ᠴᠢᠩ ᠬᠦᠷᠦᠨ ᠲᠠᠢ ᠪᠠᠶᠢᠯᠳᠤᠵᠤ᠂ ᠤᠢᠢᠷᠠᠳ ᠤᠨ ᠳᠠᠶᠢᠨ ᠢ ᠡᠭᠦᠰᠭᠡᠵᠤ᠂ ᠬᠤᠵᠢᠮ ᠨᠢ ᠴᠢᠩ ᠬᠦᠷᠦᠨ ᠲᠠᠢ ᠪᠠᠶᠢᠯᠳᠤᠵᠤ᠂ ᠤᠢᠢᠷᠠᠳ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠶᠡᠭᠡ ᠪᠠᠭᠤᠷᠠᠭᠤᠯᠤᠭᠰᠠᠨ ᠪᠢᠯᠡ᠃ ᠤᠳᠤ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ ᠠᠭᠤᠯᠭ᠎ᠠ ᠲᠠᠢ ᠡᠷᠡᠰ ᠤᠨᠳᠤᠤ ᠬᠦᠮᠦᠨ ᠪᠢᠯᠡ᠃ ᠭᠠᠯᠳᠠᠨ ᠤ ᠦᠶ᠎ᠡ ᠠᠴᠠ ᠨᠠᠶᠢᠵᠢ ᠳᠦᠢᠨ ᠬᠤᠳᠤᠭᠳᠤ ᠶᠢᠨ ᠬᠤᠶᠢᠳᠤ ᠲᠦᠷᠢ ᠤᠢᠢᠷᠠᠳ ᠲᠤ ᠢᠯᠡᠷᠡᠬᠦ ᠶᠢ ᠪᠠᠶᠢᠯᠭᠠᠵᠤ᠂ ᠯᠠᠮᠠ ᠨᠠᠷ ᠲᠤ ᠬᠢᠳᠤᠯᠭ᠎ᠠ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠨᠢᠭᠡ ᠪᠦᠯᠦᠭ ᠯᠠᠮᠠ ᠢᠵᠢᠯ ᠵᠠᠢ  ᠳᠤ ᠤᠴᠢᠵᠠᠢ᠃ ᠬᠠᠯᠬ᠎ᠠ ᠲᠠᠢ ᠪᠠᠶᠢᠯᠳᠤᠭᠰᠠᠨ ᠳᠠᠶᠢᠨ ᠤ ᠳᠠᠷᠠᠭ᠎ᠠ ᠬᠠᠯᠬ᠎ᠠ ᠶᠢᠨ ᠮᠢᠩᠭ᠎ᠠ ᠭᠠᠷᠤᠢ ᠯᠠᠮ᠎ᠠ ᠶᠢ ᠪᠦᠷ ᠬᠦᠡᠭᠭᠡᠯᠡᠵᠤ ︵ᠪᠦᠭᠡᠷ᠎ᠡ ᠶᠢ ᠨᠢ ᠠᠪᠤᠭᠰᠠᠨ᠂ ᠮᠠᠨ ᠤ ᠬᠡᠯᠡᠯᠭᠡ ᠪᠠᠷ ᠴᠠᠭᠠᠯᠠᠭᠰᠠᠨ︶ ᠳᠤᠷᠤᠮᠵᠢᠯᠠᠭᠰᠠᠨ ᠭᠡᠳᠡᠭ ᠶᠤᠮ᠃ ᠬᠡᠷᠪᠡ ᠬᠠᠯᠬ᠎ᠠ ᠲᠠᠢ ᠳᠠᠶᠢᠨ ᠬᠢᠭᠰᠡᠨ ᠦᠭᠡᠢ ᠪᠤᠯ ᠪᠦᠬᠦ ᠬᠠᠯᠬ᠎ᠠ ᠮᠠᠨᠵᠤ ᠳᠤ ᠤᠷᠤᠵᠤ ᠦᠭᠭᠦ ᠶᠠᠪᠤᠳᠠᠯ ᠦᠭᠡᠢ ᠮᠦᠷᠳᠡᠭᠡᠨ ᠬᠤᠵᠢᠮ ᠤᠨ ᠵᠦᠡᠭᠭᠠᠷ ᠴᠦ ᠳᠡᠳᠦᠢ ᠭᠠᠭᠴᠠᠭᠠᠷᠳᠠᠬᠤ ᠪᠠᠷ ᠦᠭᠡᠢ ᠶᠤᠮ᠃      ᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠪᠠᠭᠠᠳᠤᠷ ᠬᠤᠩ ᠳᠠᠶᠢᠵᠢ ᠶᠢᠨ ᠬᠦᠦ ᠴᠧᠧᠠᠩᠷᠠᠪᠳᠠᠨ ᠪᠤᠰᠴᠤ᠂ ᠳᠤᠯᠤᠭᠠᠬᠠᠨ ᠬᠦᠮᠦᠨ ᠠᠴᠠ ᠪᠠᠨ ᠵᠢᠷᠠᠨ ᠲᠦᠮᠡᠨ ᠬᠦᠮᠦᠨ ᠲᠠᠢ ᠶᠡᠭᠡ ᠵᠦᠡᠭᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ᠃ ᠮᠤᠩᠭᠤᠯ ᠤᠨ ᠡᠯ᠎ᠡ ᠭᠠᠵᠠᠷ ᠲᠤ ᠪᠠᠶᠢᠭ᠎ᠠ ᠤᠢᠢᠷᠠᠳᠴᠤᠳ ᠪᠦᠷ ᠯᠡ ᠳᠡᠭᠦᠨ ᠤ ᠳᠤᠭ ᠳᠤᠤᠷ᠎ᠠ ᠤᠴᠢᠵᠤ ᠪᠦᠯᠬᠦᠮᠳᠡᠭᠰᠡᠨ ᠪᠢᠯᠡ᠃ ᠴᠧᠧᠨᠩᠷᠠᠪᠳᠠᠨ ᠪᠤᠯᠤᠨ ᠳᠡᠭᠦᠨ ᠤ ᠬᠦᠦ ᠭᠠᠯᠳᠠᠨᠴᠡᠷᠢᠭ ᠪᠤᠯᠪᠠᠰᠤ ᠦᠨᠡᠭᠡᠷ ᠤᠢᠢᠷᠠᠳ ᠢ ᠮᠠᠨᠳᠤᠭᠤᠯᠤᠭᠰᠠᠨ ᠭᠠᠪᠢᠶᠠᠳᠤ ᠬᠠᠳ ᠨᠤᠶᠠᠳ ᠪᠢᠯᠡ᠃ ᠳᠡᠭᠡᠪᠡᠴᠦ ᠳᠡᠳᠡᠨ ᠤ ᠳᠡᠦᠭᠡᠨ ᠪᠠᠶᠢᠷᠢ ᠰᠠᠭᠤᠷᠢ ᠤᠳᠤ ᠬᠦᠷᠳᠡᠯ᠎ᠡ ᠨᠢᠭᠡᠨ ᠵᠦᠡᠭᠭᠠᠷ ᠤᠯᠤᠰ ᠭᠡᠵᠤ ᠪᠠᠶᠢᠵᠤ ᠪᠤᠯᠬᠤ ᠪᠠᠶᠢᠭᠰᠠᠨ ᠶᠤᠮ᠃ ᠠᠷᠪᠠᠨ ᠬᠤᠶᠠᠷ ᠤᠳᠤᠭ ᠤᠢᠢᠷᠠᠳ ᠢ ᠬᠤᠷᠢᠨ ᠲᠦᠷᠪᠡᠨ ᠤᠳᠤᠭ ᠪᠤᠯᠭᠠᠵᠤ᠂ ᠬᠦᠮᠦᠨ ᠠᠮᠠ ᠶᠢ ᠵᠢᠷᠠᠨ ᠬᠤᠶᠠᠷ ᠲᠦᠮᠡ ᠪᠤᠯᠭᠠᠭᠰᠠᠨ ᠭᠠᠪᠢᠶᠠᠳᠤ ᠬᠠᠭᠠᠨ ᠪᠢᠯᠡ᠃ ᠤᠢᠢᠷᠠᠳᠴᠤᠳ ᠠᠮᠤᠷᠰᠠᠨᠠᠭ᠎ᠠ ᠶᠢ ᠰᠢᠳᠦᠬᠦ ᠨᠢ ᠨᠢᠭᠡ ᠵᠦᠢᠯ ᠤᠨ ᠮᠤᠩᠬᠠᠷᠠᠯ ᠪᠤᠶᠤ᠃      ᠠᠮᠤᠷᠰᠠᠨᠠᠭ᠎ᠠ ᠶᠢᠨ ᠳᠤᠬᠠᠢ ᠤᠯᠠᠨ ᠯᠡ ᠪᠠᠶᠢᠨ᠎ᠠ᠃ ᠵᠦᠡᠭᠭᠠᠷ ᠲᠤ ᠬᠠᠭᠠᠨ ᠰᠠᠭᠤᠬᠤ ᠭᠡᠳ ᠯᠡ ᠡᠬᠢᠯᠡᠭᠡᠳ ᠡᠯᠳᠡᠪ ᠮᠠᠭᠤ ᠰᠠᠨᠠᠭᠠᠳᠠᠨ ᠲᠠᠢ ᠬᠤᠤᠪᠢᠯᠳᠤᠵᠤ ᠂ ᠳᠡᠩᠬᠡᠭᠡ ᠦᠭᠡᠢ ᠳᠠᠸᠠᠴᠢ ᠶᠢ ᠬᠠᠭᠠᠨ ᠰᠠᠭᠤᠯᠭᠠᠵᠤ᠂ ᠳᠠᠷᠠᠭ᠎ᠠ ᠪᠠᠷ ᠨᠢ ᠬᠠᠰᠠᠭ ᠲᠠᠢ ᠨᠡᠶᠢᠯᠡᠵᠤ ᠵᠦᠡᠭᠭᠠᠷ ᠬᠤᠶᠠᠷ ᠰᠦᠮ᠎ᠡ ᠶᠢ ᠭᠠᠯᠳᠠᠪᠠ᠃ ᠴᠢᠩ ᠬᠦᠷᠦᠨ  ᠲᠠᠢ ᠨᠡᠶᠢᠯᠡᠵᠤ ᠵᠦᠡᠭᠭᠠᠷ ᠲᠤ ᠪᠠᠨ ᠳᠠᠶᠢᠨ ᠳᠤᠯᠤᠭᠠᠨ ᠢ ᠳᠡᠭᠳᠡᠭᠡᠵᠤ᠂ ᠦᠰᠢᠶᠡᠳᠡᠨ ᠢ ᠦᠷᠦᠭᠡᠨ ᠳᠤ ᠪᠠᠨ ᠳᠠᠭᠠᠭᠤᠯᠵᠤ ᠢᠷᠡᠪᠡ᠃ ᠴᠢᠩ ᠬᠦᠷᠦᠨ ᠢ ᠲᠦᠰᠢᠭᠡᠳ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠬᠠᠮᠤᠭ ᠰᠡᠭᠦᠯ ᠳᠤ ᠨᠢ ᠤᠷᠤᠰ ᠲᠠᠢ ᠨᠡᠶᠢᠯᠡᠵᠤ ᠤᠷᠤᠰ ᠲᠤ ᠤᠷᠤᠵᠤ ᠦᠭᠭᠦ ᠬᠡᠪᠡ᠃ ᠡᠶᠢᠮᠦ ᠬᠦᠮᠦᠨ ︽ᠦᠨᠳᠦᠰᠦᠳᠡᠨ ᠤ ᠪᠠᠭᠠᠳᠤᠷ︾ ᠪᠤᠯᠴᠢᠬᠠᠨ᠎ᠠ ᠤᠤ︖ ᠤᠢᠢᠷᠠᠳ ᠤᠨ ᠶᠡᠭᠡ ᠬᠢᠳᠤᠯᠭ᠎ᠠ ᠨᠢ ᠴᠦ ᠠᠮᠤᠷᠰᠠᠨᠠᠭ᠎ᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠳᠠᠢ ᠪᠢᠯᠡ᠃ ᠠᠮᠤᠷᠰᠠᠨᠠᠭ᠎ᠠ ᠴᠦ ᠳᠡᠶᠢᠮᠦ ᠶᠡᠭᠡ ᠠᠭᠤᠤ ᠰᠠᠨᠠᠭ᠎ᠠ ᠲᠠᠢ ᠬᠦᠮᠦᠨ ᠪᠤᠰᠤ᠂ ᠤᠢᠢᠷᠠᠳ ᠢ ᠬᠦᠭᠵᠢᠭᠦᠯᠦᠶ᠎ᠡ᠂ ᠬᠦᠴᠦᠷᠭᠡᠭᠵᠢᠭᠦᠯᠦᠶ᠎ᠡ ᠭᠡᠰᠡᠨ ᠴᠦ ᠶᠠᠪᠤᠳᠠᠯ ᠪᠢᠰᠢ᠂ ᠤᠢᠢᠷᠠᠳ ᠲᠤ ᠪᠠᠨ ᠬᠠᠭᠠᠨ ᠰᠠᠭᠤᠬᠤ ᠭᠡᠵᠤ ᠯᠡ ᠰᠠᠨᠠᠭᠠᠷᠠᠭᠰᠠᠨ ᠬᠦᠮᠦᠨ᠂ ᠬᠠᠭᠠᠨ ᠰᠠᠭᠤᠵᠤ ᠡᠷᠭᠡ ᠠᠳᠬᠤᠪᠠᠯ ᠬᠡᠨ ᠳᠤ ᠴᠦ ᠰᠠᠶᠢᠨ ᠪᠤᠯᠵᠤ ᠪᠤᠯᠤᠮᠠᠷ ᠯᠡ ᠳᠡᠶᠢᠮᠦ ᠯᠡ ᠬᠦᠮᠦᠨ ᠪᠢᠯᠡ᠃ ᠠᠮᠤᠷᠰᠠᠨᠠᠭ᠎ᠠ ᠶᠢᠨ ᠳᠤᠬᠠᠢ ᠦᠨᠡᠯᠡᠯᠳᠡ ᠨᠢ ᠮᠤᠩᠭᠤᠯ ᠤᠯᠤᠰ ᠲᠤ ᠤᠷᠤᠰ ᠬᠦᠮᠦᠨ ᠤ ᠪᠢᠴᠢᠵᠤ ᠦᠭᠭᠦᠭᠰᠡᠨ ᠳᠡᠦᠭᠡ ᠪᠠᠷ ᠰᠠᠶᠢᠨ ᠦᠨᠡᠯᠡᠭᠳᠡᠵᠡᠢ᠃ ᠠᠮᠤᠷᠰᠨᠠᠭ᠎ᠠ ᠦᠬᠦᠬᠦ ᠳᠤ ᠪᠠᠨ ᠤᠷᠤᠰ ᠲᠤ ᠤᠷᠤᠵᠤ ᠦᠭᠴᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠯᠡ ᠳᠡᠭᠡᠵᠤ ᠦᠨᠡᠯᠡᠭᠰᠡᠨ ᠶᠠᠪᠤᠳᠠᠯ᠂ ᠠᠮᠤᠷᠰᠠᠨᠠᠭ᠎ᠠ ᠬᠡᠷᠪᠡ ᠭᠤᠴᠢᠨ ᠨᠠᠢᠮᠠᠳᠠᠶᠢᠬᠠᠨ ᠴᠡᠴᠡᠭ ᠡᠪᠡᠳᠴᠢᠨ ᠢᠶᠠᠷ ᠦᠭᠦᠭᠰᠡᠨ ᠦᠭᠡᠢ ᠪᠤᠯ ᠤᠷᠤᠰ ᠴᠡᠷᠢᠭ ᠢ ᠳᠠᠭᠠᠭᠤᠯᠵᠤ ᠢᠷᠡᠬᠦ ᠴᠦ ᠮᠠᠭᠠᠳ ᠦᠭᠡᠢ ᠶᠤᠮ᠃      ᠤᠢᠢᠷᠠᠳ ᠤᠨ ᠳᠡᠦᠭᠡᠨ ᠳᠤ ᠪᠠᠭᠠᠳᠤᠷ ᠬᠦᠮᠦᠰ ᠤᠯᠠᠨ ᠪᠠᠶᠢᠳᠠᠭ᠃ ᠤᠨᠴᠠᠭᠠᠢᠢᠯᠠᠨ ᠤᠢᠢᠷᠠᠳ ᠢ ᠪᠠᠷᠠᠭᠤᠨᠰᠢ ᠵᠠᠮᠴᠢᠯᠠᠨ ᠳᠤᠮᠳᠠᠳᠤ ᠠᠽᠢᠶ᠎ᠠ ᠵᠦᠭ ᠦᠷᠭᠡᠳᠭᠡᠭᠰᠡᠨ ᠳᠡᠳᠡᠭᠡᠷ ᠨᠡᠷ᠎ᠡ ᠦᠭᠡᠢ ᠪᠠᠭᠠᠳᠤᠷ ᠤᠳ᠃ ᠬᠤᠶᠢᠳ ᠢᠰᠠᠯᠪᠠᠢ ᠶᠢᠨ ᠰᠠᠶᠢᠨ ᠬᠢᠶ᠎ᠡ ᠶᠤᠮ ᠤᠤ᠂ ᠳᠤᠷᠭᠤᠳ ᠤᠨ ᠬᠠᠷ᠎ᠠ ᠬᠤᠯᠠᠨ ᠬᠡᠬᠦ ᠮᠡᠳᠦ᠃ ᠪᠠᠷᠠᠭᠤᠨᠰᠢ ᠢᠵᠢᠯ ᠵᠠᠢ ᠵᠦᠭ ᠨᠤᠳᠤᠭ ᠦᠷᠭᠡᠳᠭᠡᠭᠰᠡᠨ ᠬᠤᠤ ᠦᠷᠯᠦᠭ ᠨᠤᠶᠠᠨ᠂ ᠬᠤᠱᠤᠳ ᠢᠶᠠᠨ ᠳᠠᠭᠠᠭᠤᠯᠵᠤ ᠬᠦᠭᠡᠨᠠᠭᠤᠷ ᠲᠤ ᠬᠤᠱᠤᠳ ᠬᠠᠭᠠᠨᠳᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠬᠦᠦᠰᠢ ᠬᠠᠭᠠᠨ ᠮᠡᠳᠦ ᠤᠯᠠᠨ ᠪᠠᠶᠢᠨ᠎ᠠ᠃ ᠵᠦᠡᠭᠭᠠᠷ ᠢᠶᠠᠨ ᠳᠠᠬᠢᠨᠳᠠ ᠮᠠᠨᠳᠤᠭᠤᠯᠤᠭᠰᠠᠨ ᠴᠧᠧᠠᠩᠷᠠᠪᠳᠠᠨ᠂ ᠴᠢᠩ ᠤᠯᠤᠰ ᠤᠨ ᠴᠡᠷᠢᠭ ᠢ ᠬᠡᠳᠦᠨᠳᠡ ᠢᠯᠠᠵᠤ ᠵᠦᠡᠭᠭᠠᠷ ᠢᠶᠠᠨ ᠬᠦᠭᠵᠢᠭᠦᠯᠦᠭᠰᠡᠨ ᠭᠠᠯᠳᠠᠨᠴᠡᠷᠢᠭ ᠬᠠᠭᠠᠨ ᠮᠡᠳᠦ᠃      ᠤᠢᠢᠷᠠᠳ ᠤᠨ ᠬᠢᠳᠤᠯᠭ᠎ᠠ ᠶᠢᠨ ᠳᠤᠬᠠᠢ ︽ᠤᠢᠢᠷᠠᠳ ᠳᠡᠦᠭᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ︾ ᠢ ᠤᠩᠰᠢᠭᠠᠳ ᠵᠢᠷᠦᠭᠡ ᠰᠡᠳᠬᠢᠯ ᠴᠡᠴᠡᠷᠡᠵᠤ ᠨᠢᠭᠡ ᠰᠦᠨᠢ ᠤᠨᠳᠠᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠪᠠᠨ ᠤᠳᠤ ᠪᠤᠯᠳᠠᠯ᠎ᠠ ᠴᠡᠭᠡᠵᠢᠯᠡᠭᠰᠡᠭᠡᠷ᠃ ᠳᠡᠷᠡ ᠦᠶ᠎ᠡ ᠳᠤ ᠠᠷᠠᠢ ᠴᠦ ᠬᠤᠷᠢ ᠴᠦ ᠬᠦᠷᠦᠭᠡᠳᠦᠢ ᠪᠠᠶᠢᠭᠰᠠᠨ ᠶᠤᠮ᠃ ᠪᠤᠳᠤᠬᠤ ᠪᠤᠯᠭᠠᠨ ᠬᠤᠷᠤᠰᠤᠯ ᠬᠦᠷᠴᠦ ᠵᠢᠷᠦᠬᠡ ᠴᠡᠴᠡᠷᠡᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠤᠳᠤ ᠪᠠᠰᠠ ᠪᠤᠳᠤᠪᠠᠯ ᠳᠤᠳᠤᠷ᠎ᠠ ᠰᠢᠨᠡᠯᠠᠭᠰᠠᠭᠠᠷ ᠁      ᠤᠳᠤ ᠪᠤᠳᠤᠪᠠᠯ ᠤᠢᠢᠷᠠᠳ ᠬᠦᠮᠦᠰ ᠬᠢᠳᠤᠯᠭ᠎ᠠ ᠳᠤ ᠦᠷᠳᠦᠭᠰᠡᠨ ᠪᠤᠯᠪᠠᠴᠤ ᠪᠦᠬᠦᠨ ᠢᠶᠠᠷ ᠬᠢᠳᠤᠭᠳᠠᠭᠰᠠᠨ ᠪᠢᠰᠢ ᠶᠤᠮ᠃ ᠪᠦᠬᠦᠢ ᠯᠡ ᠲᠦᠷᠪᠡᠳ ᠠᠶᠢᠮᠠᠭ ᠠᠮᠤᠷᠰᠠᠨᠠᠭ᠎ᠠ ᠳᠤ ᠬᠠᠰᠢᠭᠳᠠᠵᠤ ᠭᠤᠷᠪᠠᠨ ᠴᠡᠷᠢᠭ ᠤᠨ ᠳᠠᠭᠠᠭᠤᠯᠭ᠎ᠠ ᠪᠠᠷ ᠴᠢᠩ ᠤᠯᠤᠰ ᠲᠤ ᠪᠠᠭᠤᠨ ᠦᠭᠴᠦ ᠪᠦᠬᠦᠨ ᠢᠶᠠᠷ ᠦᠯᠡᠳᠡᠪᠡ᠃ ᠤᠳᠤ ᠶᠢᠨ ᠮᠤᠩᠭᠤᠯ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠤᠢᠢᠷᠠᠳ ᠤᠨ ᠤᠯᠠᠩᠭᠢ ᠨᠢ ᠲᠦᠷᠪᠡᠳ ᠬᠦᠮᠦᠰ ᠪᠢᠯᠡ᠃ ᠵᠦᠡᠭᠭᠠᠷ ᠤᠨ ᠳᠤᠳᠤᠷᠠᠬᠢ ᠳᠤᠷᠭᠤᠳ ᠬᠦᠮᠦᠰ ᠰᠡᠷᠡᠩ ᠤᠨ ᠳᠠᠭᠠᠭᠤᠯᠭ᠎ᠠ ᠳᠤᠤᠷ᠎ᠠ ᠢᠵᠢᠯ ᠵᠠᠢ ᠳᠤ ᠤᠴᠢᠪᠠ᠃ ᠬᠠᠰᠠᠭ ᠤᠨ ᠬᠢᠯᠢ ᠳᠤ ᠳᠤᠳᠠᠭᠠᠨ ᠭᠠᠷᠤᠭᠰᠠᠨ ᠤᠢᠢᠷᠠᠳᠴᠤᠳ ᠤᠨ ᠤᠯᠠᠩᠭᠢ ᠨᠢ ᠢᠵᠢᠯ ᠵᠠᠢ ᠳᠤ ᠤᠴᠢᠭᠰᠠᠨ ᠶᠤᠮ᠃ ᠢᠵᠢᠯ ᠵᠠᠢ ᠶᠢᠨ ᠤᠢᠢᠷᠠᠳ ᠤᠳ ᠬᠤᠵᠢᠮ ᠨᠢ ᠵᠡᠭᠦᠨ ᠨᠤᠳᠤᠭ ᠢᠶᠠᠨ ᠵᠤᠷᠢᠵᠤ ᠢᠷᠡᠭᠰᠡᠨ ᠤ ᠨᠢᠭᠡ ᠰᠢᠯᠳᠠᠭᠠᠨ ᠨᠢ ᠳᠡᠳᠡᠭᠡᠷ ᠵᠦᠡᠭᠭᠠᠷ ᠬᠦᠮᠦᠰ ᠤᠨ ᠰᠠᠨᠠᠭᠤᠯᠭ᠎ᠠ ᠲᠠᠢ ᠶᠡᠬᠡᠬᠡᠨ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠭᠰᠠᠨ ᠪᠢᠯᠡ᠃      ᠤᠢᠢᠷᠠᠳ ᠤᠨ ᠤᠯᠠᠩᠭᠢ ᠬᠡᠰᠡᠭ ᠨᠢ ᠦᠪᠡᠷ ᠵᠠᠭᠤᠷ᠎ᠠ ᠶᠢᠨ ᠳᠡᠮᠡᠴᠡᠯᠳᠦᠭᠡᠨ ᠠᠴᠠ ᠪᠤᠯᠵᠤ ᠪᠡᠶ᠎ᠡ ᠪᠠᠷᠠᠭᠰᠠᠨ᠃ ᠨᠢᠭᠡ ᠬᠡᠰᠡᠭ ᠨᠢ ᠬᠢᠵᠢᠭ ᠡᠪᠡᠳᠴᠢᠨ ᠠᠴᠠ ᠪᠤᠯᠵᠤ ᠪᠡᠶ᠎ᠡ ᠪᠠᠷᠠᠵᠠᠢ᠃ ᠡᠨᠡ ᠨᠢ ᠪᠦᠬᠦᠢ ᠯᠡ ᠵᠦᠡᠭᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠬᠠᠭᠠᠰ ᠤᠷᠴᠢᠮ ᠢ ᠡᠵᠡᠯᠡᠨ᠎ᠡ᠃ ᠢᠵᠢᠯ ᠵᠠᠢ ᠳᠤ ᠤᠴᠢᠭᠰᠠᠨ ᠨᠢ ᠠᠷᠪᠠᠨ ᠤ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠬᠤᠪᠢ ᠤᠷᠴᠢᠮ ᠢ ᠡᠵᠡᠯᠡᠨ᠎ᠡ᠃ ᠴᠢᠩ ᠤᠯᠤᠰ ᠤᠨ ᠬᠢᠵᠠᠭᠠᠷ ᠲᠤ ᠠᠶᠤᠯ ᠠᠴᠠ ᠵᠢᠭᠤᠳᠠᠨ ᠤᠴᠢᠭᠰᠠᠨ ᠲᠦᠷᠪᠡᠳ ᠠᠴᠠ ᠠᠰᠳᠠᠭᠠᠨ ᠪᠠᠰᠠ ᠠᠷᠪᠠᠨ ᠤ ᠨᠢᠭᠡ ᠤᠷᠴᠢᠮ ᠪᠠᠶᠢᠬᠤ ᠶᠤᠮ᠃ ᠬᠦᠯᠦᠨ ᠪᠤᠶᠢᠷ ᠲᠤ ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢᠨ ᠦᠶ᠎ᠡ ᠠᠴᠠ ᠠᠪᠤᠭᠠᠳ ᠤᠯᠠᠨ ᠪᠠᠶᠢᠵᠤ᠂ ᠬᠤᠵᠢᠮ ᠨᠢ ᠨᠢᠭᠡ ᠪᠦᠯᠦᠭ ᠨᠢ ᠭᠠᠯᠳᠠᠨᠴᠡᠷᠢᠭ ᠬᠠᠭᠠᠨ ᠤ ᠦᠶ᠎ᠡ ᠳᠤ ᠤᠢᠢᠷᠠᠳ ᠵᠦᠭ ᠢᠶᠠᠨ ᠲᠦᠷᠪᠡᠨ ᠶᠠᠪᠤᠵᠠᠭᠠᠵᠠᠢ᠃ ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠡᠬᠢᠨ ᠳᠤ ᠬᠢᠵᠢᠭ ᠡᠪᠡᠳᠴᠢᠨ ᠢᠶᠠᠷ ᠤᠯᠠᠨ ᠳᠤᠭ᠎ᠠ ᠪᠠᠷ ᠬᠤᠷᠤᠭᠳᠠᠭᠰᠠᠨ ᠴᠦ ᠬᠦᠯᠦᠨ ᠪᠤᠶᠢᠷ ᠤᠨ ᠢᠮᠢᠨ ᠤᠷᠴᠢᠮ ᠢᠶᠠᠷ ᠪᠠᠰᠠ ᠪᠠᠭ᠎ᠠ ᠪᠤᠰᠤ ᠦᠭᠡᠯᠡᠳᠴᠤᠳ ᠪᠠᠶᠢᠨ᠎ᠠ ᠭᠡᠳᠡᠭ᠃ ᠭᠠᠯᠳᠠᠨ ᠪᠤᠱᠤᠭᠳᠤ  ᠶᠢᠨ ᠦᠶ᠎ᠡ ᠳᠤ ᠨᠢᠭᠡ ᠪᠦᠯᠦᠭ ᠮᠠᠨᠵᠤ ᠳᠤ ᠪᠠᠭᠤᠵᠤ ᠦᠭᠭᠦ ᠳᠤᠷ᠎ᠠ ᠦᠭᠡᠢ ᠤᠢᠢᠷᠠᠳᠴᠤᠳ ᠤᠳᠤ ᠶᠢᠨ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ ᠶᠠᠺᠦᠲ ᠤᠯᠤᠰ ᠤᠨ ᠪᠦᠷᠢᠯᠳᠦᠭᠦᠨ ᠳᠤ ᠤᠷᠤᠭᠰᠠᠨ ᠭᠡᠳᠡᠭ ᠶᠤᠮ᠃ ᠶᠠᠭ ᠬᠡᠪᠴᠢᠶᠡᠨ ᠳᠡᠭᠡᠷ᠎ᠡ ᠪᠠᠨ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ ᠳᠤᠪᠠ ᠤᠯᠤᠰ ᠨᠢ ᠵᠦᠡᠭᠭᠠᠷ ᠤᠨ ᠪᠦᠷᠢᠯᠳᠦᠭᠦᠨ ᠪᠠᠶᠢᠵᠠᠢ᠃ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠳᠤ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠠᠯᠳᠠᠢ ᠤᠯᠤᠰ ᠭᠡᠵᠤ ᠪᠤᠢ᠃ ᠤᠭ ᠪᠦᠷᠢᠯᠳᠦᠭᠦᠨ ᠨᠢ ᠤᠢᠢᠷᠠᠳ ᠬᠦᠮᠦᠰ ᠶᠤᠮ᠃ ᠺᠢᠷᠬᠢᠰᠲ᠋ᠠᠨ  ᠤ ᠠᠩᠬᠠᠨ ᠤ ᠶᠡᠷᠦᠩᠭᠡᠶᠢᠯᠡᠭᠴᠢ ᠠᠺᠠᠶᠧᠪ ᠤᠭ ᠨᠢ ᠤᠢᠢᠷᠠᠳ ᠬᠦᠮᠦᠨ ᠭᠡᠰᠡᠨ᠃ ᠮᠢᠨᠤ ᠪᠤᠳᠤᠬᠤ ᠪᠠᠷ ᠺᠠᠽᠠᠭᠰᠲ᠋ᠠᠨ ᠳᠤ ᠴᠦ ᠤᠯᠠᠨ ᠤᠢᠢᠷᠠᠳ ᠬᠦᠮᠦᠰ ᠪᠠᠶᠢᠵᠤ ᠳᠠᠭᠠᠷᠠᠨ᠎ᠠ᠃      ᠤᠢᠢᠷᠠᠳᠴᠤᠳ ᠬᠡᠳᠦ᠋ᠢᠪᠡᠷ ᠤᠯᠤᠰ ᠢᠶᠠᠨ ᠮᠦᠬᠦᠭᠡᠵᠤ ᠠᠷᠠᠳ ᠢᠶᠠᠨ ᠬᠢᠳᠤᠭᠤᠯᠤᠭᠰᠠᠨ ᠪᠤᠯᠪᠠᠴᠤ ᠤᠢᠢᠷᠠᠳ ᠤᠨ ᠳᠡᠭᠡᠳᠦ ᠳᠠᠪᠬᠤᠷᠭᠠᠳᠠᠨ᠂ ᠤᠢᠢᠷᠠᠳ ᠬᠦᠮᠦᠰ ᠤᠨ ᠳᠤᠳᠤᠷ᠎ᠠ ᠤᠯᠤᠰ ᠢᠶᠠᠨ ᠰᠡᠷᠬᠦᠭᠡᠬᠦ ᠪᠤᠳᠤᠯ ᠬᠦᠰᠡᠯ ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠰᠦᠮᠡᠯᠵᠡᠭᠡᠳ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ ᠬᠠᠯᠬ᠎ᠠ ᠮᠤᠩᠭᠤᠯ ᠳᠤᠰᠠᠭᠠᠷ ᠳᠤᠭᠳᠠᠨᠢᠬᠤ ᠦᠶᠡᠰ ᠬᠠᠯᠬ᠎ᠠ ᠶᠢᠨ ᠲᠦᠷᠪᠡᠨ ᠬᠠᠭᠠᠨ ᠤ ᠭᠠᠵᠠᠷ ᠠᠴᠠ ᠠᠰᠳᠠᠭᠠᠨ ᠬᠤᠪᠳᠤ ᠶᠢᠨ ᠬᠢᠵᠠᠭᠠᠷ ᠪᠤᠯ ᠪᠠᠷᠤᠭ ᠯᠡ ᠪᠦᠷ ᠤᠢᠢᠷᠠᠳ ᠤᠨ ᠨᠤᠳᠤᠭ ᠪᠠᠶᠢᠵᠠᠢ᠃ ᠳᠡᠭᠦᠨ ᠤ ᠳᠤᠳᠤᠷ᠎ᠠ ᠵᠠ ᠯᠠᠮᠠ ᠳ᠋ᠠᠮᠪᠢᠵᠠᠯᠰᠠᠨ ᠶᠡᠭᠡ ᠡᠭᠦᠷᠭᠡ ᠬᠦᠢᠴᠡᠳᠭᠡᠵᠡᠢ᠃ ᠭᠡᠷᠪᠡ ᠳᠡᠷᠡ ᠬᠦᠮᠦᠨ ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯ ᠤᠢᠢᠷᠠᠳ ᠬᠦᠮᠦᠰ ᠬᠠᠯᠬ᠎ᠠ ᠲᠠᠢ ᠨᠢᠭᠡᠳᠬᠦ ᠭᠡᠭᠴᠢ ᠶᠡᠭᠡ ᠲᠦᠪᠡᠭᠳᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠳᠠᠬᠢᠭᠠᠳ ᠤᠷᠤᠰ ᠬᠦᠮᠦᠰ ᠪᠠᠰᠠ ᠬᠤᠪᠳᠤ ᠶᠢᠨ ᠬᠢᠵᠠᠭᠠᠷ ᠢ ᠬᠠᠯᠬ᠎ᠠ ᠲᠠᠢ ᠨᠡᠶᠢᠯᠡᠭᠦᠯᠬᠦ ᠬᠦᠰᠡᠯ ᠲᠠᠢ ᠪᠠᠶᠢᠭᠰᠠᠨ ᠲᠠᠢ ᠬᠤᠯᠪᠤᠭᠳᠠᠨ᠎ᠠ᠃ ᠠᠯᠳᠠᠢ ᠠᠭᠤᠯᠠᠨ ᠤ ᠡᠮᠦᠨᠡᠬᠢ ᠳᠤᠷᠭᠤᠳ ᠤᠨ ᠬᠢᠵᠠᠭᠠᠷ ᠪᠤᠯᠪᠠᠰᠤ ᠪᠠᠰᠠ ᠴᠦ ᠤᠢᠢᠷᠠᠳ ᠤᠨ ᠨᠤᠳᠤᠭ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠪᠡᠭᠡᠵᠢᠩ ᠤᠨ ᠬᠢᠨ ᠫᠠᠯᠲ᠋ᠠ ᠸᠠᠩ ᠢᠶᠠᠷ ᠦᠭᠶᠦᠭᠡ ᠪᠤᠯᠭᠠᠵᠤ ᠦᠪᠡᠷ ᠤᠨ ᠬᠢᠵᠠᠭᠠᠷ ᠲᠤ ᠪᠠᠨ ᠦᠯᠡᠳᠡᠭᠡᠵᠡᠢ᠃ ᠫᠠᠯᠲ᠋ᠠ ᠸᠠᠩ ᠠᠴᠠ ᠬᠤᠪᠳᠤ ᠶᠢᠨ ᠬᠢᠵᠠᠭᠠᠷ ᠤᠨ ᠸᠠᠩ ᠨᠠᠷ ᠤᠳ ᠲᠤ ᠵᠠᠬᠢᠳᠠᠯ ᠪᠢᠴᠢᠵᠤ᠂ ᠬᠠᠯᠬ᠎ᠠ ᠳᠤ ᠨᠡᠶᠢᠯᠡᠬᠦ ᠬᠡᠷᠡᠭ ᠦᠭᠡᠢ᠂ ᠦᠪᠡᠷ ᠢᠶᠠᠨ ᠤᠢᠢᠷᠠᠳ ᠤᠯᠤᠰ ᠢᠶᠠᠨ ᠪᠠᠶᠢᠭᠤᠯᠤᠶ᠎ᠠ ᠭᠡᠵᠤ ᠤᠷᠢᠶᠠᠯᠠᠵᠤ ᠴᠦ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠬᠠᠯᠬ᠎ᠠ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠤᠢᠢᠷᠠᠳ ᠬᠦᠮᠦᠰ ᠪᠤᠰᠤᠯᠴᠠᠵᠤ ᠦᠪᠡᠷ ᠤᠨ ᠤᠯᠤᠰ ᠢᠶᠠᠨ ᠪᠠᠶᠢᠭᠤᠯᠬᠤ ᠵᠤᠷᠢᠯᠭ᠎ᠠ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠠᠵᠢᠯᠯᠠᠭ᠎ᠠ ᠨᠢ ᠮᠤᠩᠭᠤᠯ ᠤᠨ ᠴᠦᠢᠪᠠᠯᠰᠠᠩ ᠪᠠ ᠤᠷᠤᠰ ᠵᠦᠪᠯᠡᠯᠳᠦ ᠶᠢᠨ ᠵᠤᠷᠢᠯᠭ᠎ᠠ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠠᠵᠢᠯᠯᠠᠭ᠎ᠠ ᠨᠢ ᠮᠤᠩᠭᠤᠯ ᠤᠨ ᠴᠦᠢᠪᠠᠯᠰᠠᠩ ᠪᠠ ᠤᠷᠤᠰ ᠵᠦᠪᠯᠡᠯᠳᠦ ᠶᠢᠨ ᠵᠤᠷᠢᠯᠭ᠎ᠠ ᠲᠠᠢ ᠬᠠᠷᠰᠢᠯᠳᠤᠭᠰᠠᠨ ᠤᠴᠢᠷ ᠵᠠ ᠯᠠᠮ᠎ᠠ ᠶᠢ ᠨᠢᠭᠤᠴᠠ ᠪᠠᠷ ᠬᠤᠤᠷᠯᠠᠵᠤ ᠤᠢᠢᠷᠠᠳ ᠬᠦᠮᠦᠰ  ᠲᠤ ᠴᠦ ᠶᠡᠭᠡ ᠳᠠᠷᠤᠩᠭᠤᠢᠢᠯᠠᠯ ᠶᠠᠪᠤᠭᠤᠯᠵᠠᠢ᠃      ᠤᠢᠢᠷᠠᠳᠴᠤᠳ ᠤᠳᠤ ᠳᠡᠯᠡᠭᠡᠢ ᠳᠡᠭᠡᠷ᠎ᠡ ᠵᠢᠷᠠᠭᠠᠳ ᠲᠦᠮᠡᠨ ᠬᠦᠮᠦᠰ ᠪᠤᠢ᠃ ᠬᠡᠷᠪᠡ ᠠᠹᠭᠠᠨ ᠤ ᠬᠠᠵᠠᠷᠴᠤᠳ ᠢ ᠨᠡᠮᠡᠪᠡᠯ ᠳᠤᠭ᠎ᠠ ᠨᠢ ᠬᠡᠳᠦᠨ ᠵᠠᠭᠤᠨ ᠲᠦᠮᠡ ᠬᠦᠷᠦᠨ᠎ᠡ᠃ ᠳᠡᠳᠡᠨᠦᠰ ᠭᠡᠳᠦ᠋ᠢᠪᠡᠷ ᠢᠰᠯᠠᠮ ᠱᠠᠰᠢᠨ ᠢ ᠰᠢᠳᠦᠭᠰᠡᠨ ᠪᠤᠯᠪᠠᠴᠤ ᠤᠭ ᠢᠵᠠᠭᠤᠷ ᠨᠢ ᠤᠢᠢᠷᠠᠳ ᠬᠦᠮᠦᠰ ᠶᠤᠮ᠃ ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠳᠠᠪᠢ ᠵᠢᠷᠠᠭᠠᠳ ᠤᠨ ᠪᠤᠯᠳᠠᠯ᠎ᠠ ᠤᠢᠢᠷᠠᠳ ᠮᠤᠩᠭᠤᠯ ᠠᠶᠠᠯᠭᠤ ᠪᠠᠷ ᠶᠠᠷᠢᠵᠤ ᠪᠠᠶᠢᠯ᠎ᠠ ᠭᠡᠳᠡᠭ᠃ ᠤᠷᠤᠰ ᠤᠨ ᠬᠢᠵᠠᠭᠠᠷ ᠲᠤ ᠪᠠᠶᠢᠳᠠᠭ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠠᠯᠢᠮᠠᠭ ᠤᠯᠤᠰ ᠲᠤ ᠠᠷᠪᠠᠨ ᠳᠤᠯᠤᠭᠠᠨ ᠲᠦᠮᠡ ᠰᠢᠬᠠᠭᠤ ᠤᠢᠢᠷᠠᠳ ᠬᠦᠮᠦᠰ ᠪᠤᠢ᠃ ᠳᠡᠳᠡᠨᠦᠰ ᠪᠤᠯᠪᠠᠰᠤ ᠳᠤᠷᠭᠤᠳ ᠵᠡᠭᠦᠨᠰᠢ ᠨᠡᠭᠦᠬᠦ ᠳᠤ ᠢᠵᠢᠯ ᠮᠦᠷᠡᠨ ᠤ ᠪᠠᠷᠠᠭᠤᠨ ᠡᠷᠬᠢ ᠳᠤ ᠦᠯᠡᠳᠡᠵᠤ ᠬᠤᠴᠤᠷᠤᠭᠰᠠᠨ ᠲᠦᠷᠪᠡᠳᠴᠤᠳ ᠶᠤᠮ᠃ ᠪᠠᠰᠠ ᠳᠤᠷᠭᠤᠳᠴᠤᠳ ᠵᠡᠭᠦᠨᠰᠢ ᠨᠡᠭᠦᠬᠦ ᠳᠤ ᠵᠠᠮ ᠳᠤᠮᠳᠠ ᠠᠴᠠ ᠢᠵᠢᠯ ᠵᠠᠢ ᠳᠤ ᠪᠠᠨ ᠪᠤᠴᠠᠵᠤ ᠬᠠᠷᠢᠭᠰᠠᠳ ᠴᠦ ᠪᠠᠶᠢᠨ᠎ᠠ᠃ ᠳᠡᠳᠡᠨᠦᠰ ᠨᠢᠭᠡ ᠦᠶ᠎ᠡ ᠬᠦᠮᠦᠨ ᠠᠮᠠ ᠬᠤᠷᠢᠨ ᠲᠦᠮᠡ ᠤᠷᠴᠢᠮ ᠬᠦᠷᠦᠭᠰᠡᠨ ᠳᠤ ᠶᠡᠭᠡ ᠦᠯᠦᠰᠬᠦᠯᠡᠩ ᠳᠤ ᠦᠷᠳᠦᠵᠤ ᠬᠦᠮᠦᠨ ᠠᠮᠠ ᠨᠢ ᠬᠠᠭᠠᠰ ᠪᠠᠭᠤᠷᠠᠵᠠᠢ᠃ ᠳᠠᠬᠢᠨ ᠨᠠᠽᠢᠰ ᠭᠧᠷᠮᠠᠨ  ᠤ ᠴᠡᠷᠢᠭ ᠲᠤ ᠤᠷᠤᠵᠤ ᠵᠦᠪᠯᠡᠯᠳᠦ ᠶᠢᠨ ᠴᠡᠷᠢᠭ ᠢ ᠬᠡᠳᠦ ᠤᠳᠠᠭ᠎ᠠ ᠢᠯᠠᠭᠳᠠᠭᠤᠯᠤᠭᠰᠠᠨ ᠠᠴᠠ ᠰᠲ᠋ᠠᠯᠢᠨ ᠠᠴᠠ ᠰᠢᠪᠧᠷᠢᠶ᠎ᠠ ᠳᠤ ᠴᠦᠯᠡᠵᠤ ᠬᠦᠮᠦᠨ ᠠᠮᠠ ᠶᠢ ᠨᠢ ᠪᠠᠰᠠ ᠬᠠᠭᠠᠰ ᠢᠯᠡᠭᠦᠦ ᠶᠢ ᠬᠤᠷᠤᠭᠳᠠᠭᠤᠯᠵᠠᠢ᠃ ︽ ᠮᠠᠨ ᠢ ᠴᠦᠯᠡᠭᠰᠡᠨ ᠰᠲ᠋ᠠᠯᠢᠨ ᠤ ᠮᠢᠬ᠎ᠠ  ᠶᠢ ᠨᠢ ᠨᠤᠬᠠᠢ ᠢᠳᠡᠳᠦᠭᠡᠢ︾ ᠬᠡᠰᠡᠨ ᠬᠠᠯᠢᠮᠠᠭ ᠳᠠᠭᠤᠤ ᠬᠦᠷᠳᠡᠯ᠎ᠡ ᠳᠠᠭᠤᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃      ᠳᠤᠷᠭᠤᠳᠴᠤᠳ ᠵᠦᠡᠭᠭᠠᠷ ᠮᠦᠬᠦᠬᠦ ᠳᠤ ᠨᠤᠳᠤᠭ ᠵᠦᠭ ᠢᠶᠠᠨ ᠪᠤᠴᠠᠬᠤ ᠭᠡᠰᠡᠨ ᠰᠡᠳᠬᠢᠯ ᠨᠢ ᠤᠨᠳᠠᠷᠠᠰᠢ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠪᠠᠶᠢᠵᠠᠢ᠃ ᠳᠤᠷᠭᠤᠳᠴᠤᠳ ᠶᠠᠪᠤᠭᠰᠠᠨ ᠤ ᠰᠡᠭᠦᠯᠡᠷ ᠦᠯᠡᠳᠡᠭᠰᠡᠨ ᠬᠠᠯᠢᠮᠠᠭᠴᠤᠳ ᠴᠦ ᠴᠠᠭ ᠦᠷᠬᠦᠯᠵᠢ ᠬᠠᠷᠢᠬᠤ ᠶᠢ ᠡᠷᠡᠮᠡᠯᠵᠡᠵᠤ ᠪᠠᠶᠢᠵᠤᠬᠤᠢ᠃ ᠬᠡᠪᠡᠴᠦ ᠰᠡᠭᠦᠯᠡᠷ ᠦᠯᠡᠳᠡᠭᠰᠡᠨ ᠬᠠᠯᠢᠮᠠᠭᠴᠤᠳ ᠴᠦ ᠴᠠᠭ ᠦᠷᠬᠦᠯᠵᠢ ᠬᠠᠷᠢᠬᠤ ᠶᠢ ᠡᠷᠡᠮᠡᠯᠵᠡᠵᠤ ᠪᠠᠶᠢᠵᠤᠬᠤᠢ᠃ ᠬᠡᠪᠡᠴᠦ ᠳᠡᠳᠡᠭᠡᠷ ᠨᠢ ᠴᠠᠭ ᠦᠶ᠎ᠡ ᠶᠢᠨ ᠪᠠᠶᠢᠳᠠᠯ ᠢ ᠪᠤᠷᠤᠭᠤ ᠪᠠᠷ ᠤᠢᠢᠯᠠᠭᠠᠵᠤ᠂ ᠤᠨᠳᠤᠤ ᠭᠠᠳᠠᠨ᠎ᠠ ᠶᠢᠨ ᠪᠠᠶᠢᠳᠠᠯ ᠢ ᠤᠭᠳᠤ ᠤᠢᠢᠯᠠᠭᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠤ ᠬᠢ᠃ ᠬᠡᠷᠪᠡ ᠬᠠᠯᠢᠮᠠᠭᠴᠤᠳ ᠤᠷᠴᠢᠨ ᠦᠶ᠎ᠡ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠤᠯ ᠪᠠᠰᠠ ᠶᠡᠭᠡ ᠤᠯᠤᠰ ᠢ ᠪᠠᠶᠢᠭᠤᠯᠵᠤ ᠪᠤᠯᠬᠤ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠤᠷᠤᠰ ᠬᠦᠮᠦᠨ ᠠᠪᠠᠴᠢᠵᠤ ᠰᠤᠷᠭᠠᠬᠤ ᠶᠢ ︽ᠴᠢᠰᠤ ᠶᠢ ᠨᠢ ᠰᠤᠷᠤᠵᠤ᠂ ᠮᠠᠩ ᠮᠤᠭᠠᠢ ᠳᠡᠵᠢᠭᠡᠵᠤ ᠪᠠᠶᠢᠵᠠᠢ︾ ᠭᠡᠵᠤ ᠤᠢᠢᠯᠠᠭᠠᠵᠤ ᠪᠠᠶᠢᠵᠠᠢ᠃ ᠳᠤᠷᠭᠤᠳ ᠬᠠᠨ ᠤᠪᠰᠢ ᠬᠤᠷᠢᠨ ᠳᠤᠯᠤᠭᠠᠳᠠᠶᠢᠬᠠᠨ ᠴᠢᠰᠤ ᠰᠢᠩᠭᠡᠨ ᠨᠠᠰᠤ ᠪᠠᠭ᠎ᠠ ᠶᠢᠨ ᠤᠷᠰᠢᠭ ᠢᠶᠠᠷ ᠤᠯᠠᠨ ᠬᠦᠮᠦᠰ ᠤᠨ ᠦᠬᠡᠨ ᠳᠤ ᠤᠷᠤᠵᠤ ᠬᠠᠯᠢᠮᠠᠭ ᠢᠶᠠᠨ ᠠᠪᠴᠤ ᠵᠡᠭᠦᠨᠰᠢ ᠭᠠᠷᠤᠭᠠᠳ ᠪᠤᠮ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠬᠦᠮᠦᠨ ᠢᠶᠠᠨ ᠳᠤᠯᠤᠭᠠᠨ ᠲᠦᠮᠡ ᠬᠦᠷᠳᠡᠯ᠎ᠡ ᠬᠢᠳᠤᠭᠤᠯᠵᠠᠢ᠃ ᠦᠨᠡᠨ ᠳᠤ ᠪᠠᠨ ᠶᠠᠭ ᠢᠷᠡᠭᠰᠡᠨ ᠬᠦᠮᠦᠰ ᠨᠢ ᠭᠤᠷᠪᠠᠨ ᠲᠦᠮᠡ ᠢᠯᠡᠭᠦᠬᠡᠨ ᠭᠡᠵᠤ ᠴᠢᠩ ᠤᠯᠤᠰ ᠤᠨ ᠮᠠᠲ᠋ᠧᠷᠢᠶᠠᠯ  ᠳᠤ ᠪᠢᠴᠢᠭᠳᠡᠵᠤ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠳᠤᠳᠤᠷ᠎ᠠ ᠢᠵᠢᠯ ᠵᠠᠢ ᠳᠤ ᠪᠠᠨ ᠪᠤᠴᠠᠵᠤ ᠶᠠᠪᠤᠭᠰᠠᠨ ᠬᠡᠳᠦᠨ ᠲᠦᠮᠡᠨ ᠬᠦᠮᠦᠨ ᠪᠠᠭᠳᠠᠭᠳᠠᠨ᠎ᠠ᠃ ︽ᠢᠵᠢᠯ ᠵᠠᠢ ᠶᠢᠨ ᠤᠰᠤᠨ ᠢ᠂ ᠢᠰᠬᠦᠯᠡᠩ ᠭᠡᠳ ᠢᠷᠡᠪᠠᠦ ᠳᠠ᠂ ᠢᠯᠢ ᠳᠡᠭᠡᠰ ᠤᠨ ᠤᠰᠤ ᠶᠢ᠂ ᠠᠮᠳᠠᠳᠠᠶᠢᠬᠠᠨ ᠭᠡᠳ ᠢᠷᠡᠪᠠᠦ ᠳᠠ᠂ ᠬᠠᠶᠢᠭᠠᠳ ᠢᠷᠡᠭᠰᠡᠨ ᠭᠠᠵᠠᠷ ᠴᠢᠨᠢ᠂ ᠬᠠᠳᠠ ᠴᠢᠯᠠᠭᠤ ᠬᠤᠶᠠᠷ᠂ ᠤᠯᠤᠭᠠᠳ ᠠᠪᠤᠭᠰᠠᠨ ᠶᠠᠭᠤᠮ᠎ᠠ ᠴᠢᠨᠢ᠂ ᠤᠳᠤᠭ᠎ᠠ ᠵᠢᠩᠰᠠ ᠬᠤᠶᠠᠷ ᠁︾ ᠭᠡᠵᠤ ᠴᠦ ᠳᠠᠭᠤᠤ ᠳᠠᠭᠤᠯᠠᠭᠳᠠᠵᠤ ᠪᠠᠶᠢᠵᠠᠢ᠃ ᠤᠪᠰᠢ ᠬᠠᠭᠠᠨ ᠬᠤᠷᠢᠨ ᠳᠤᠯᠤᠭᠠᠨ ᠨᠠᠰᠤᠨ ᠳᠤ ᠪᠠᠨ ᠵᠡᠭᠦᠨᠰᠢ ᠠᠶᠠᠯᠠᠬᠤ ᠠᠶᠠᠨ ᠢ ᠡᠬᠢᠯᠡᠭᠦᠯᠵᠤ᠂ ᠭᠤᠷᠪᠠᠨ ᠵᠢᠯ ᠤᠨ ᠠᠶᠠᠨ ᠢᠶᠠᠷ ᠲᠦᠷᠦ ᠪᠠᠨ ᠪᠠᠷᠠᠵᠤ ᠲᠦᠮᠡᠨ ᠢᠶᠠᠨ ᠵᠦᠳᠡᠭᠡᠭᠡᠳ᠂ ᠭᠤᠴᠢᠨ ᠬᠡᠳᠦᠳᠡᠶᠢᠬᠡᠨ ᠨᠠᠰᠤ ᠪᠠᠷᠠᠵᠠᠢ᠃ ᠵᠠᠷᠢᠮ ᠰᠤᠷᠪᠤᠯᠵᠢ ᠳᠤ ᠴᠢᠩ ᠤᠯᠤᠰ ᠤᠨ ᠳᠡᠭᠷᠢ ᠳᠡᠳᠬᠦᠭᠴᠢ ᠬᠤᠤᠷᠯᠠᠵᠤ ᠠᠯᠠᠵᠠᠢ ᠭᠡᠳᠡᠭ᠃ ᠪᠢ ᠦᠵᠡᠪᠡᠰᠦ ᠦᠪᠡᠷ  ᠤᠨ ᠠᠶᠢᠮᠠᠭ ᠢᠶᠠᠨ ᠴᠢᠨ᠋‌‍ᠸ᠎ᠠ ᠶᠢᠨ ᠠᠮᠠᠨ ᠠᠴᠠ ᠭᠠᠷᠭᠠᠭᠠᠳ ᠪᠠᠷᠰ ᠤᠨ ᠠᠮᠠᠨ ᠳᠤ ᠤᠷᠤᠭᠤᠯᠤᠭᠰᠠᠨ ᠠᠨᠤ ᠦᠨᠡᠨ ᠶᠠᠪᠤᠳᠠᠯ ᠪᠤᠶᠤ᠃      ᠤᠢᠢᠷᠠᠳ ᠤᠨ ᠪᠤᠷᠬᠠᠨ ᠱᠠᠰᠢᠨ ᠴᠦ ᠤᠨᠳᠤᠤ ᠮᠤᠩᠭᠤᠯ ᠢᠶᠠᠨ ᠪᠤᠳᠤᠪᠠᠯ ᠦᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠤᠬᠤᠢ᠃ ᠵᠢᠷᠠᠭᠠᠳ ᠲᠦᠮᠡᠨ ᠬᠦᠮᠦᠨ ᠠᠮᠠ  ᠶᠢᠨ ᠳᠤᠳᠤᠷ᠎ᠠ ᠬᠤᠶᠠᠷᠬᠠᠨ ᠬᠡᠶᠢᠳ ᠲᠠᠢ ᠮᠦᠷᠳᠡᠭᠡᠨ ᠮᠤᠩᠭᠤᠯ ᠬᠡᠯᠡ ᠪᠠᠷ ᠭᠤᠤᠯᠴᠢᠯᠠᠨ ᠨᠤᠮ ᠤᠩᠰᠢᠵᠤ ᠪᠠᠶᠢᠭᠰᠠᠨ ᠴᠦ ᠮᠠᠭᠠᠳ᠃ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠤ ᠨᠤᠮ ᠰᠤᠳᠤᠷ ᠤᠳ ᠨᠠᠶᠢᠵᠢ ᠳᠦᠢᠨ ᠬᠤᠳᠤᠭᠳᠤ ᠶᠢᠨ ᠦᠶ᠎ᠠ ᠠᠴᠠ ᠡᠬᠢᠯᠡᠨ ᠤᠷᠴᠢᠭᠤᠯᠤᠭᠳᠠᠵᠤ᠂ ᠵᠦᠡᠭᠭᠠᠷ ᠮᠦᠬᠦᠳᠡᠯ᠎ᠡ ᠮᠤᠩᠭᠤᠯ ᠰᠤᠳᠤᠷ ᠤᠳ ᠬᠡᠪᠯᠡᠭᠳᠡᠵᠤ ᠪᠠᠶᠢᠵᠠᠢ᠃ ᠰᠦᠮ᠎ᠡ ᠬᠡᠶᠢᠳ ᠲᠤ ᠯᠠᠮᠠ ᠨᠠᠷ ᠨᠤᠮ ᠤᠩᠰᠢᠬᠤ ᠶᠢ ᠭᠠᠷᠭᠠᠪᠠᠯ ᠶᠡᠷᠦ ᠶᠢᠨ ᠠᠷᠠᠳ ᠤᠨ ᠳᠤᠮᠳᠠ ᠪᠦᠷ ᠬᠠᠷ᠎ᠠ ᠪᠠᠭᠰᠢᠨᠠᠷ ᠮᠤᠩᠭᠤᠯ ᠰᠤᠳᠤᠷ ᠤᠩᠰᠢᠨ ᠳᠠᠭᠤᠳᠠᠵᠤ ᠪᠠᠶᠢᠪᠠ᠃ ᠮᠤᠩᠭᠤᠯ ᠰᠤᠳᠤᠷ ᠴᠦ ᠨᠡᠯᠢᠶᠡᠳ ᠪᠦᠷᠢᠨ ᠪᠠᠶᠢᠵᠤ᠂ ᠤᠳᠤ ᠤᠯᠳᠠᠭᠰᠠᠨ ᠠᠴᠠ ᠦᠵᠡᠪᠡᠯ ᠰᠦᠮ᠎ᠡ ᠬᠡᠶᠢᠳ ᠲᠤ ᠤᠩᠰᠢᠭᠳᠠᠵᠤ ᠪᠠᠶᠢᠭᠰᠠᠨ ᠰᠤᠳᠤᠷ ᠨᠤᠮ ᠤᠳ ᠪᠦᠷ ᠯᠡ ᠠᠷᠠᠳ ᠤᠨ ᠳᠤᠮᠳᠠ ᠮᠤᠩᠭᠤᠯ ᠪᠠᠷ ᠬᠡᠪᠯᠡᠯ ᠢᠶᠠᠷ ᠳᠠᠷᠬᠠᠭᠠᠭᠳᠠᠵᠤ ᠪᠠᠶᠢᠵᠠᠢ᠃ ᠠᠯᠳᠠᠨ ᠤᠷᠦ᠋ᠢᠳᠤ ᠰᠦᠮ᠎ᠡ᠂ ᠮᠡᠭᠭᠦᠨ ᠤᠷᠦ᠋ᠢᠳᠤ ᠰᠦᠮ᠎ᠡ ᠳᠤ ᠪᠦᠷ ᠨᠤᠮ ᠰᠤᠳᠤᠷ ᠪᠠᠷᠯᠠᠬᠤ ᠭᠠᠵᠠᠷ ᠪᠠᠶᠢᠭᠰᠠᠨ ᠮᠠᠭᠠᠳ᠃ ᠳᠤᠰᠬᠠᠢᠢᠯᠠᠨ ᠰᠦᠮ᠎ᠡ ᠬᠡᠶᠢᠳ ᠢ ᠳᠡᠵᠢᠭᠡᠳᠡᠭ ᠳᠠᠪᠤᠨ ᠵᠢᠰᠠ ᠪᠠᠶᠢᠵᠤ ᠡᠬᠡᠯᠵᠢᠯᠡᠨ ᠰᠦᠮ᠎ᠡ ᠭᠡᠶᠢᠳ ᠢ ᠳᠡᠵᠢᠭᠡᠳᠡᠭ ᠪᠠᠶᠢᠵᠠᠢ᠃ ᠰᠦᠮ᠎ᠡ ᠬᠡᠶᠢᠳ ᠨᠢ ᠤᠢᠢᠷᠠᠳ ᠤᠨ ᠬᠠᠭᠠᠳ ᠤᠨ ᠰᠢᠭᠤᠳ ᠵᠠᠬᠢᠷᠤᠯ ᠳᠤᠤᠷ᠎ᠠ ᠪᠠᠶᠢᠵᠤ᠂ ᠨᠤᠮ ᠬᠤᠷᠠᠬᠤ ᠵᠡᠷᠭᠡ ᠶᠠᠮᠠᠷ ᠨᠢᠭᠡᠨ ᠱᠠᠰᠢᠨ ᠤ ᠠᠵᠢᠯᠯᠠᠭ᠎ᠠ ᠳᠤ ᠬᠠᠭᠠᠳ ᠨᠤᠶᠠᠳ ᠤᠨ ᠵᠦᠪᠰᠢᠶᠡᠷᠡᠯ ᠢ ᠠᠪᠴᠤ ᠰᠠᠶ᠋ᠢ ᠶᠠᠪᠤᠭᠳᠠᠭᠤᠯᠵᠤ ᠪᠠᠶᠢᠭᠰᠠᠨ ᠴᠦ ᠮᠠᠭᠠᠳ᠃ ᠦᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ ᠤᠯᠤᠰ ᠤᠨ ᠰᠦᠮ᠎ᠡ ᠬᠡᠶᠢᠳ ᠪᠠᠶᠢᠭᠰᠠᠨ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠠᠴᠠ ᠬᠠᠮᠤᠭ ᠤᠷᠤᠢ ᠴᠢᠩ ᠤᠯᠤᠰ ᠢ ᠳᠠᠭᠠᠭᠰᠠᠨ ᠤᠨᠴᠠᠯᠢᠭ ᠢᠶᠠᠷ ᠦᠵᠡᠪᠡᠯ ᠮᠤᠩᠭᠤᠯᠴᠤᠳ ᠦᠪᠡᠷ ᠢᠶᠠᠨ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠢ ᠰᠢᠳᠦᠭᠰᠡᠨ ᠪᠤᠯ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠤ ᠨᠠᠵᠠᠭᠠᠢ ᠨᠦᠯᠦᠭᠡ ᠶᠢ ᠪᠠᠭᠠᠰᠬᠠᠵᠤ ᠪᠤᠯᠬᠤ ᠶᠤᠮ᠃ ᠨᠦᠬᠦᠭᠡ ᠳᠠᠯ᠎ᠠ ᠳᠤ ᠤᠯᠠᠨ ᠢᠰᠯᠠᠮ ᠤᠨ ᠱᠠᠰᠢᠨᠳᠠᠨ ᠤ ᠳᠤᠮᠳᠠ ᠤᠯᠤᠰ ᠪᠠᠶᠢᠭᠤᠯᠵᠤ ᠪᠠᠶᠢᠬᠤ ᠳᠤ ᠪᠠᠨ ᠴᠦ ᠦᠪᠡᠷ ᠤᠨ ᠤᠨᠴᠠᠯᠢᠭ ᠢᠶᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠵᠠᠷᠢᠮ ᠪᠠᠶᠢᠳᠠᠯ ᠳᠤᠤᠷ᠎ᠠ ᠢᠰᠯᠠᠮ ᠤᠨ ᠱᠠᠰᠢᠨᠳᠤ ᠬᠢᠷᠬᠢᠰ᠂ ᠬᠠᠰᠠᠭ ᠨᠠᠷ ᠲᠤ ᠴᠦ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠢᠶᠠᠨ ᠳᠡᠯᠭᠡᠷᠡᠭᠦᠯᠵᠤ ᠪᠠᠶᠢᠵᠠᠢ᠃      ᠮᠠᠨ ᠤ ᠤᠨᠳᠤᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠮᠠᠨᠵᠤ ᠴᠢᠩ ᠤᠯᠤᠰ ᠠᠴᠠ ᠯᠠᠮ᠎ᠠ ᠶᠢᠨ ᠱᠠᠰᠢᠨ ᠢ ᠳᠤᠷ᠎ᠠ ᠮᠡᠳᠡᠨ ᠬᠦᠭᠵᠢᠭᠦᠯᠵᠤ ᠨᠢᠭᠡ ᠬᠤᠰᠢᠭᠤᠨ ᠳᠤ ᠬᠡᠳᠦ ᠬᠡᠳᠦ᠂ ᠴᠢᠨᠠᠭᠰᠢᠯᠠᠨ ᠬᠡᠳᠦᠨ ᠠᠷᠪᠠ ᠪᠠᠷ ᠴᠦ ᠪᠠᠶᠢᠭᠤᠯᠵᠤ ᠪᠠᠶᠢᠵᠠᠢ᠃ ᠢᠡᠭᠭᠢᠭᠰᠡᠨ ᠠᠴᠠ ᠤᠩᠨᠢᠭᠤᠳ ᠵᠡᠭᠦᠨ ᠬᠤᠰᠢᠭᠤ ᠮᠠᠨᠵᠤ ᠳᠤ ᠤᠷᠤᠵᠤ ᠦᠭᠭᠦ ᠦᠶ᠎ᠡ ᠶᠢᠨ ᠬᠤᠶᠠᠷ ᠲᠦᠮᠡ ᠨᠠᠢᠮᠠᠨ ᠮᠢᠩᠭ᠎ᠠ ᠭᠠᠷᠤᠢ ᠬᠦᠮᠦᠨ ᠠᠮᠠ ᠠᠴᠠ ᠮᠠᠨᠵᠤ ᠮᠦᠬᠦᠬᠦ ᠳᠤ ᠨᠠᠢᠮᠠᠨ ᠮᠢᠩᠭ᠎ᠠ ᠭᠠᠷᠦ᠋ᠢᠬᠠᠨ ᠬᠦᠮᠦᠨ ᠠᠮᠠ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠯᠠᠮᠠ ᠨᠠᠷ ᠨᠢ ᠪᠦᠷ ᠯᠡ ᠲᠦᠪᠡᠳ ᠢᠶᠠᠷ ᠨᠤᠮ ᠢᠶᠠᠨ ᠤᠩᠰᠢᠵᠤ᠂ ᠠᠶᠢᠯ ᠭᠡᠷ ᠲᠤ ᠵᠠᠯᠠᠭᠳᠠᠬᠤ ᠳᠤ ᠪᠠᠨ ᠪᠦᠷ ᠯᠡ ᠲᠦᠪᠡᠳ ᠢᠶᠠᠷ ᠤᠩᠰᠢᠨ᠂ ᠮᠦᠷᠬᠦᠯᠴᠢᠨ ᠨᠢ ᠰᠤᠨᠤᠰᠤᠭᠠᠳ ᠤᠢᠢᠯᠠᠭᠠᠬᠤ ᠦᠭᠡᠢ᠂ ᠯᠠᠮᠠ ᠨᠢ ᠴᠦ ᠤᠩᠰᠢᠭᠠᠳ ᠤᠢᠢᠯᠠᠭᠠᠬᠤ ᠦᠭᠡᠢ ᠰᠤᠨᠢᠨ ᠪᠠᠶᠢᠳᠠᠯ ᠭᠠᠷᠴᠤ ᠪᠠᠶᠢᠭᠰᠠᠨ᠃ ᠬᠤᠰᠢᠭᠤᠨ ᠰᠦᠮ᠎ᠡ ᠳᠤ ᠴᠠᠮ ᠬᠠᠷᠠᠶᠢᠬᠤ ᠳᠤ ᠪᠠᠨ ᠴᠦ ᠲᠦᠪᠡᠳ ᠢᠶᠠᠷ ᠳᠠᠭᠤᠯᠠᠵᠤ ᠪᠠᠶᠢᠵᠠᠢ᠃ ᠭᠠᠳᠠᠭᠠᠳᠤ ᠶᠢᠨ ᠰᠤᠳᠤᠯᠭᠠᠨ ᠳᠤ ᠲᠦᠮᠡᠨ ᠰᠦᠰᠦᠭᠳᠡᠨ ᠤ ᠳᠤᠮᠳᠠ ᠨᠢᠭᠡ ᠰᠦᠮ᠎ᠡ ᠪᠠᠶᠢᠳᠠᠭ ᠨᠢ ᠬᠠᠷᠢᠴᠠᠯ ᠨᠢ ᠳᠠᠭᠠᠷᠠᠨ᠎ᠠ ᠭᠡᠨ᠃ ᠬᠠᠷᠢᠨ ᠮᠠᠨ ᠤ ᠳᠤᠮᠳᠠ ᠬᠠᠷᠢᠴᠠᠯ ᠨᠢ ᠠᠷᠪᠠᠭᠠᠳ ᠳᠠᠬᠢᠨ ᠢᠶᠠᠷ ᠵᠦᠷᠢᠭᠰᠡᠨ ᠪᠠᠶᠢᠵᠤᠬᠤᠢ᠃      ᠤᠢᠢᠷᠠᠳ ᠬᠠᠭᠠᠨᠳᠤ ᠤᠯᠤᠰ ᠤᠨ ᠨᠤᠳᠤᠭ ᠳᠡᠪᠢᠰᠭᠡᠷ ᠨᠢ ᠤᠳᠤ ᠳᠡᠭᠡᠷ᠎ᠡ ᠪᠠᠨ ᠬᠢᠳᠠᠳ᠂ ᠤᠷᠤᠰ᠂ ᠮᠤᠩᠭᠤᠯ ᠤᠯᠤᠰ᠂ ᠺᠠᠽᠠᠭᠰᠲ᠋ᠠᠨ᠂ ᠺᠢᠷᠬᠢᠰᠲ᠋ᠠᠨ᠂ ᠦᠽᠢᠪᠧᠺᠰᠲ᠋ᠠᠨ᠂ ᠳᠠᠵᠢᠺᠰᠲ᠋ᠠᠨ᠂ ᠫᠠᠺᠢᠰᠲ᠋ᠠᠨ᠂ ᠡᠨᠡᠳᠭᠡᠭ᠂ ᠠᠹᠠᠭᠠᠨᠢᠰᠲ᠋ᠠᠨ ᠮᠡᠳᠦ ᠶᠢᠨ ᠤᠯᠠᠨ ᠤᠯᠤᠰ ᠲᠤ ᠬᠤᠪᠢᠶᠠᠭᠳᠠᠨ ᠤᠷᠤᠪᠠ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠬᠤᠪᠳᠤ ᠶᠢᠨ ᠬᠢᠵᠠᠭᠠᠷ ᠨᠢ ᠵᠦᠡᠭᠭᠠᠷ ᠤᠨ ᠨᠤᠳᠤᠭ ᠪᠠᠶᠢᠭᠰᠠᠨ ᠶᠤᠮ᠃ ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢᠨ ᠦᠶ᠎ᠡ ᠳᠤ ᠳᠠᠷᠢᠶ᠎ᠠ ᠳᠠᠷᠢᠵᠤ᠂ ᠨᠤᠳᠤᠭ ᠬᠤᠪᠢᠶᠠᠷᠢᠯᠠᠵᠤ ᠪᠦᠳᠦᠮᠵᠢᠳᠡᠢ ᠵᠠᠬᠢᠷᠴᠤ ᠪᠠᠶᠢᠵᠠᠢ᠃ ᠵᠦᠡᠭᠭᠠᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠳᠠᠶᠢᠨ ᠳᠤ ᠲᠦᠷᠪᠡᠳ ᠬᠦᠮᠦᠰ ᠭᠤᠷᠪᠠᠨ ᠴᠡᠷᠢᠭ ᠤᠨ ᠳᠠᠭᠠᠭᠤᠯᠭ᠎ᠠ ᠳᠤᠤᠷ᠎ᠠ ᠠᠯᠳᠠᠢ ᠠᠭᠤᠯᠠ ᠶᠢ ᠳᠠᠪᠠᠵᠤ ᠴᠢᠩ ᠤᠯᠤᠰ ᠲᠤ ᠪᠠᠭᠤᠵᠤ ᠦᠭᠭᠦᠭᠡᠳ ᠤᠯᠠᠭᠠᠨ ᠭᠤᠮ ᠤᠷᠴᠢᠮ ᠭᠠᠵᠠᠷ ᠨᠤᠳᠤᠭ ᠵᠢᠭᠠᠵᠤ ᠰᠠᠭᠤᠯᠭᠠᠪᠠ᠃ ᠰᠡᠭᠦᠯ ᠳᠤ ᠢᠵᠢᠯ ᠵᠠᠢ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠰᠡᠷᠡᠩ ᠤᠨ ᠬᠤᠰᠢᠭᠤ ᠶᠢ ᠪᠠᠰᠠ ᠡᠨᠡ ᠤᠷᠤᠨ ᠳᠤ ᠰᠠᠭᠤᠯᠭᠠᠪᠠ᠃ ᠮᠤᠩᠭᠤᠯ ᠤᠯᠤᠰ ᠲᠤ ᠤᠢᠢᠷᠠᠳ ᠭᠠᠷᠤᠯ ᠲᠠᠢ ᠬᠦᠮᠦᠰ ᠬᠤᠷᠢ ᠭᠠᠷᠤᠢ ᠲᠦᠮᠡ ᠪᠤᠢ᠃ ᠰᠢᠨᠵᠢᠶᠠᠩ ᠤᠷᠴᠢᠮ ᠤᠨ ᠳᠤᠷᠭᠤᠳ ᠪᠠ ᠢᠯᠢ ᠤᠷᠴᠢᠮ ᠢᠶᠠᠷ ᠬᠢᠳᠤᠭᠳᠠᠵᠤ ᠦᠯᠡᠳᠡᠨ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠴᠤᠷᠤᠰ ᠪᠠ ᠨᠡᠭᠦᠯᠭᠡᠵᠤ ᠠᠪᠴᠢᠷᠠᠭᠰᠠᠨ ᠴᠠᠬᠠᠷ ᠬᠦᠮᠦᠰ ᠲᠠᠢ ᠪᠠᠷᠤᠭ ᠬᠤᠷᠢᠨ ᠲᠦᠮᠡ ᠵᠠᠪᠳᠤᠭᠤ ᠪᠠᠶᠢᠨ᠎ᠠ ᠭᠡᠳᠡᠭ᠃ ᠤᠷᠤᠰ ᠤᠨ ᠢᠵᠢᠯ ᠵᠠᠢ ᠶᠢᠨ ᠬᠠᠯᠢᠮᠠᠭᠴᠤᠳ᠂ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠠᠯᠳᠠᠢ ᠤᠯᠤᠰ ᠤᠨ ᠤᠢᠢᠷᠠᠳᠴᠤᠳ ᠪᠠ ᠤᠨᠳᠤᠤ ᠭᠠᠵᠠᠷ ᠰᠠᠭᠤᠷᠢᠰᠢᠵᠤ ᠪᠠᠶᠢᠭ᠎ᠠ ᠤᠢᠢᠷᠠᠳ ᠬᠦᠮᠦᠰ ᠬᠤᠷᠢᠭᠠᠳ ᠲᠦᠮᠡ ᠪᠤᠢ᠃ ᠳᠤᠪᠠᠴᠤᠳ ᠨᠢ ᠤᠢᠢᠷᠠᠳ ᠲᠤ ᠤᠷᠤᠳᠠᠭ ᠪᠤᠯᠪᠠᠰᠤ ᠡᠨᠡ ᠳᠤᠭ᠎ᠠ ᠠᠴᠠ ᠪᠠᠰᠠ ᠭᠠᠷᠤᠨ᠎ᠠ᠃ ᠬᠦᠬᠡᠨᠠᠭᠤᠷ ᠲᠤ ᠬᠡᠳᠦᠨ ᠲᠦᠮᠡᠨ ᠬᠤᠱᠤᠳᠴᠤᠳ ᠪᠠᠶᠢᠨ᠎ᠠ᠃ ᠬᠡᠪᠡᠴᠦ ᠬᠤᠱᠤᠳ ᠤᠯᠤᠰ ᠪᠠᠶᠢᠭᠰᠠᠨ ᠴᠠᠭ ᠲᠤ ᠲᠦᠴᠢ ᠳᠠᠪᠢᠭᠠᠳ ᠲᠦᠮᠡᠨ ᠬᠦᠮᠦᠨ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ ᠰᠢᠨᠵᠢᠶᠠᠩ ᠤᠨ ᠤᠢᠢᠷᠠᠳᠴᠤᠳ ᠪᠠ ᠬᠦᠬᠡᠨᠠᠭᠤᠷ ᠤᠨ ᠬᠤᠱᠤᠳᠴᠤᠳ ᠬᠠᠰᠠᠭ ᠳᠡᠭᠡᠷᠡᠮ ᠳᠤ ᠤᠯᠠᠨ ᠬᠢᠳᠤᠭᠳᠠᠭᠰᠠᠨ ᠪᠤᠶᠤ ᠰᠢᠨᠵᠢᠶᠠᠩ ᠮᠤᠩᠭᠤᠯᠴᠤᠳ ᠨᠢ ᠤᠢᠢᠭᠤᠷᠴᠤᠳ ᠺᠠᠽᠠᠭ ᠳᠡᠭᠡᠷᠡᠮ  ᠳᠤ ᠤᠯᠠᠨ ᠬᠢᠳᠤᠭᠳᠠᠭᠰᠠᠨ ᠪᠤᠶᠤ ᠰᠢᠨᠵᠢᠶᠠᠩ ᠮᠤᠩᠭᠤᠯᠴᠤᠳ ᠨᠢ ᠤᠢᠢᠭᠤᠷᠴᠤᠳ ᠲᠤ ᠪᠠᠭ᠎ᠠ ᠪᠤᠰᠤ ᠠᠯᠠᠭᠳᠠᠯ᠎ᠠ ᠭᠡᠳᠡᠭ ᠶᠤᠮ᠃ ᠡᠨᠡ ᠳᠡᠦᠭᠡ ᠶᠢ ᠨᠡᠶᠢᠳᠡᠯᠡᠵᠤ ᠦᠵᠡᠭᠦᠰᠢᠳᠡᠢ᠃ ᠬᠦᠭᠡᠨᠠᠭᠤᠷ ᠤᠨ ᠮᠤᠩᠭᠤᠯ ᠢ ᠤᠨᠳᠤᠤ ᠦᠨᠳᠦᠰᠦᠳᠡᠨ ᠪᠤᠯᠭᠠᠨ ᠵᠠᠳᠠᠷᠠᠭᠤᠯᠤᠭᠰᠠᠨ ᠤᠯᠠᠨ ᠪᠤᠢ᠃ ︽ᠴᠠᠭᠠᠨ ᠮᠤᠩᠭᠤᠯ︾ ᠭᠡᠭᠴᠢ ᠮᠤᠩᠭᠤᠯᠴᠤᠳ ᠪᠤᠯ ᠪᠤᠯᠳᠤ ᠪᠠᠷ ᠢᠶᠠᠨ ᠤᠢᠢᠷᠠᠳ ᠬᠦᠮᠦᠰ ᠪᠤᠯᠬᠤ ᠶᠤᠰᠤᠳᠠᠢ᠃ ᠴᠠᠭᠠᠨ ᠮᠤᠩᠭᠤᠯ ᠬᠦᠬᠡᠨᠠᠭᠤᠷ ᠤᠷᠴᠢᠮ ᠢᠶᠠᠷ ᠬᠤᠷᠢᠭᠠᠳ ᠲᠦᠮᠡ ᠪᠤᠢ᠃ ᠪᠠᠰᠠ ᠨᠢᠭᠡ ᠪᠦᠯᠦᠭ ᠢᠰᠯᠠᠮ ᠱᠠᠰᠢᠨ ᠰᠢᠳᠦᠳᠡᠭ ︽ᠰᠠᠷᠳᠠᠭᠤᠯ ᠮᠤᠩᠭᠤᠯ︾ ᠭᠡᠭᠳᠡᠳᠡᠭ ᠳ᠋ᠦᠡᠭᠰᠢᠶᠠᠩᠴᠤᠳ ᠪᠤᠢ᠃ ᠤᠭ ᠭᠠᠷᠤᠯ ᠨᠢ ᠺᠠᠽᠠᠭ ᠶᠤᠮ ᠤᠤ᠂ ᠮᠤᠩᠭᠤᠯ ᠶᠤᠮ ᠤᠤ ᠮᠤᠩᠭᠤᠯ ᠰᠤᠳᠤᠯᠭᠠᠴᠢᠳ ᠴᠦ ᠮᠠᠷᠭᠤᠭᠠᠨ ᠲᠠᠢ ᠪᠠᠶᠢᠭᠰᠠᠭᠠᠷ᠃ ᠳ᠋ᠦᠢᠩᠰᠢᠶᠠᠩ ᠮᠤᠩᠭᠤᠯ ᠳᠠᠪᠢᠭᠠᠳ ᠲᠦᠮᠡᠨ ᠬᠦᠮᠦᠨ ᠪᠤᠢ᠃ ᠶᠤᠭᠤᠷᠴᠤᠳ ᠭᠡᠵᠤ ᠪᠤᠢ᠃ ᠵᠡᠭᠦᠨ ᠬᠡᠰᠡᠭ ᠨᠢ ᠴᠠᠭᠠᠨ ᠶᠤᠭᠤᠷ ᠨᠢ ᠮᠤᠩᠭᠤᠯ ᠲᠠᠢ ᠤᠢᠢᠷ᠎ᠠ᠂ ᠪᠠᠷᠠᠭᠤᠨ ᠰᠢᠷ᠎ᠠ ᠶᠤᠭᠤᠷ ᠨᠢ ᠤᠢᠢᠭᠤᠷ ᠠᠴᠠ ᠤᠯᠠᠷᠢᠵᠤ ᠢᠷᠡᠭᠰᠡᠨ ᠭᠡᠳᠡᠭ᠃ ᠬᠡᠳᠦᠨ ᠮᠢᠩᠭᠠᠨ ᠬᠦᠮᠦᠨ ᠪᠤᠢ᠃ ᠭᠠᠨᠰᠤ ᠳᠤ ᠨᠢᠭᠡ ᠪᠦᠯᠦᠭ ᠮᠤᠩᠭᠤᠯᠴᠤᠳ ᠪᠠᠶᠢᠳᠠᠭ ᠨᠢ ᠰᠦᠪᠧᠢ ᠮᠤᠩᠭᠤᠯ ᠭᠡᠵᠤ ᠪᠤᠢ᠃ ᠢᠷᠡᠯ ᠭᠠᠷᠤᠯ ᠤᠨ ᠳᠤᠬᠠᠢ ᠶᠠᠮᠠᠷ ᠪᠠᠶᠢᠳᠠᠭ  ᠢ ᠮᠠᠲ᠋ᠧᠷᠢᠶᠠᠯ ᠠᠴᠠ ᠤᠯᠤᠭᠰᠠᠨ ᠦᠭᠡᠢ᠂ ᠴᠤᠭᠳᠤ ᠳᠠᠶᠢᠵᠢ ᠶᠢᠨ ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠬᠤᠶᠠᠷ ᠲᠦᠮᠡ ᠢᠯᠡᠭᠦᠦ ᠬᠠᠯᠬ᠎ᠠ ᠬᠦᠮᠦᠰ ᠨᠢ ᠤᠢᠢᠷᠠᠳ ᠤᠨ ᠳᠤᠮᠳᠠ ᠰᠢᠩᠭᠡᠵᠡᠢ᠃ ᠴᠢᠩ ᠤᠯᠤᠰ ᠤᠨ ᠨᠠᠶᠢᠷᠠᠯᠳᠤ ᠲᠦᠪ ᠬᠠᠭᠠᠨ ᠤ ᠦᠶ᠎ᠡ ᠪᠠᠷ ᠬᠦᠬᠡᠨᠠᠭᠤᠷ ᠤᠨ ᠮᠤᠩᠭᠤᠯᠴᠤᠳ ᠢ ᠬᠤᠷᠢ ᠭᠠᠷᠤᠢ ᠲᠦᠮᠡ ᠬᠢᠳᠤᠵᠠᠢ᠃ ᠡᠨᠡ ᠨᠢ ᠬᠤᠱᠤᠳ ᠲᠤ ᠬᠤᠶᠠᠷ ᠬᠠᠭᠠᠨ ᠭᠠᠷᠭᠠᠵᠤ ᠬᠠᠭᠠᠷᠠᠯᠳᠤᠭᠤᠯᠵᠤ ᠪᠠᠶᠢᠭᠠᠳ ᠴᠡᠷᠢᠭ ᠤᠷᠤᠭᠤᠯᠵᠤ ᠡᠵᠡᠯᠡᠵᠤ ᠠᠪᠬᠤ ᠬᠡᠰᠡᠨ ᠴᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠪᠠᠷ ᠰᠢᠨᠵᠢᠶᠠᠩ ᠤᠨ ᠨᠢᠭᠡ ᠪᠦᠯᠦᠭ ᠨᠤᠳᠤᠭ ᠳᠡᠪᠢᠰᠭᠡᠷ ᠤᠷᠤᠰ ᠲᠤ ᠤᠷᠤᠬᠤ ᠶᠢ ᠳᠠᠭᠠᠯᠳᠤᠨ ᠨᠢᠭᠡ ᠪᠦᠯᠦᠭ ᠤᠢᠢᠷᠠᠳᠴᠤᠳ ᠬᠠᠰᠠᠭ ᠤᠨ ᠳᠤᠮᠳᠠ ᠤᠷᠤᠭᠰᠠᠨ ᠪᠠᠶᠢᠵᠤ ᠮᠡᠳᠡᠨ᠎ᠡ᠃ ᠵᠦᠡᠭᠭᠠᠷ ᠮᠦᠬᠦᠬᠦ ᠳᠤ ᠬᠠᠰᠠᠭ ᠲᠤ ᠳᠤᠳᠠᠭᠠᠨ ᠤᠷᠤᠭᠰᠠᠨ ᠤᠢᠢᠷᠠᠳᠴᠤᠳ ᠲᠤ ᠺᠠᠽᠠᠭᠴᠤᠳ ᠤᠨ ᠳᠤᠮᠳᠠ ᠳᠠᠯᠳᠠᠯᠠᠨ ᠦᠯᠡᠳᠡᠭᠰᠡᠨ ᠪᠠᠶᠢᠵᠤ ᠴᠦ ᠮᠡᠳᠡᠨ᠎ᠡ᠃      ᠡᠨᠡᠳᠭᠡᠭ ᠫᠠᠺᠢᠰᠲ᠋ᠠᠨ ᠤ ᠬᠤᠶᠢᠳᠤ ᠬᠡᠰᠡᠭ ᠤᠨ ᠺᠠᠱᠮᠢᠷ ᠤᠷᠤᠨ ᠪᠤᠯ ᠵᠦᠡᠭᠭᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠴᠦ ᠪᠠᠶᠢᠭᠰᠠᠨ ᠮᠠᠭᠠᠳ ᠦᠭᠡᠢ᠃ ᠴᠧᠧᠠᠩᠷᠠᠪᠳᠠᠨ ᠤ ᠦᠶ᠎ᠡ ᠳᠤ ᠶᠡᠭᠡ ᠴᠡᠷᠢᠨᠳᠤᠩᠷᠤᠪ ᠺᠠᠱᠮᠢᠷ ᠢᠶᠠᠷ ᠳᠠᠮᠵᠢᠨ ᠲᠦᠪᠡᠳ ᠲᠤ ᠴᠡᠷᠢᠭ ᠤᠷᠤᠭᠤᠯᠵᠠᠢ᠃ ᠠᠹᠠᠭᠠᠨᠢᠰᠲ᠋ᠠᠨ ᠤ ᠬᠤᠶᠢᠳᠤ ᠬᠡᠰᠡᠭ ᠨᠢ ᠳᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠵᠦᠡᠭᠭᠠᠷ ᠤᠢᠢᠷᠠᠳ ᠲᠤ ᠬᠤᠷᠢᠶᠠᠯᠠᠭᠳᠠᠵᠤ ᠪᠠᠶᠢᠵᠠᠢ᠃ ᠠᠹᠭᠠᠨ ᠤ ᠬᠠᠵᠠᠷᠴᠤᠳ ᠨᠢ ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠡᠭᠰᠡᠨ ᠦᠭᠡᠯᠡᠳ ᠤᠢᠢᠷᠠᠳ ᠤᠨ ᠪᠦᠷᠢᠯᠳᠦᠭᠦᠨ ᠮᠠᠭᠠᠳ᠃ ᠺᠢᠷᠬᠢᠽᠰᠲ᠋ᠠᠨ ᠨᠢ ᠵᠦᠡᠭᠭᠠᠷ ᠤᠯᠤᠰ ᠤᠨ ᠰᠢᠭᠤᠳ ᠮᠡᠳᠡᠯ ᠳᠤ ᠪᠠᠶᠢᠵᠤ᠂ ︽ᠺᠢᠷᠬᠢᠰ ᠲᠦᠮᠡᠨ︾ ᠭᠡᠰᠡᠨ ᠨᠡᠷ᠎ᠡ ᠲᠠᠢ ᠪᠠᠶᠢᠭᠰᠠᠨ᠃ ᠺᠢᠷᠬᠢᠰ ᠨᠢ ᠤᠳᠤ  ᠶᠢᠨ ᠮᠤᠩᠭᠤᠯ ᠤᠯᠤᠰ ᠤᠨ ᠬᠢᠵᠠᠭᠠᠷ ᠲᠤ ᠪᠠᠶᠢᠭᠰᠠᠨ ᠢᠶᠠᠨ ᠴᠧᠧᠡᠩᠷᠠᠪᠳᠠᠨ ᠬᠠᠭᠠᠨ ᠠᠴᠠ ᠤᠷᠤᠰ ᠲᠠᠢ ᠬᠤᠯᠪᠤᠭᠠᠯᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠤ ᠵᠦᠡᠭᠭᠠᠷ ᠤᠨ ᠳᠤᠮᠳᠠ ᠬᠡᠰᠡᠭ ᠲᠤ ᠰᠢᠯᠵᠢᠭᠦᠯᠦᠭᠰᠡᠨ ᠭᠡᠳᠡᠭ ᠶᠤᠮ᠃ ᠺᠠᠽᠠᠭ ᠴᠦ ᠵᠦᠡᠭᠭᠠᠷ ᠤᠨ ᠬᠠᠷᠢᠶᠠᠳᠤ ᠪᠠᠶᠢᠭᠰᠠᠨ᠃ ᠵᠦᠡᠭᠭᠠᠷ ᠤᠨ ᠬᠤᠷᠢᠨ ᠲᠦᠷᠪᠡᠨ ᠤᠳᠤᠭ ᠨᠢ ᠬᠠᠰᠠᠭ ᠬᠦᠮᠦᠨ᠂ ᠨᠢᠭᠡ ᠤᠳᠤᠭ ᠨᠢ ᠺᠢᠷᠬᠢᠰ ᠬᠦᠮᠦᠰ ᠢᠶᠠᠷ ᠪᠦᠷᠢᠯᠳᠦᠯ᠎ᠡ ᠬᠡᠳᠡᠭ ᠶᠤᠮ᠃

ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ