| ᠵᠠᠷᠤᠳ ᠣᠪᠣᠭᠠ ᠪᠣᠯ ᠵᠠᠷᠤᠳ ᠨᠤᠳᠤᠭ ᠠᠷᠲᠠᠶ ᠠᠭᠤᠯᠠᠨ ᠠᠴᠠ ᠡᠮᠦᠨᠡᠰᠢ ᠨᠡᠭᠦᠭᠰᠡᠨ ᠤ ᠳᠠᠷᠠᠭᠠ ᠬᠠᠶᠢᠷᠬᠠᠨ ᠬᠠᠨ ᠤ ᠬᠠᠮᠤᠭ ᠥᠨᠳᠥᠷ ᠠᠭᠤᠯᠠᠨ ᠳᠡᠭᠡᠷᠡ ᠪᠤᠰᠬᠠᠵᠦ᠂ | ᠬᠡᠳᠦᠨ ᠵᠠᠭᠤᠨ ᠵᠢᠯ ᠲᠠᠬᠢᠬᠤ ᠶᠢ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠡᠷᠲᠡᠨ ᠤ ᠣᠪᠣᠭᠠ ᠪᠣᠯᠤᠨᠠ᠃ ᠬᠤᠵᠢᠮ ᠨᠢ ᠮᠠᠨᠵᠤ ᠴᠢᠩ ᠤᠯᠤᠰ ᠮᠣᠩᠭᠤᠯ ᠬᠤᠰᠢᠭᠤᠳ ᠲᠤ ᠰᠠᠯᠭᠠᠨ | ᠵᠠᠰᠠᠬᠤ ᠪᠠ ᠵᠠᠳᠠᠷᠠᠭᠤᠯᠬᠤ ᠲᠥᠷᠥ ᠶᠢᠨ ᠪᠤᠳᠤᠯᠭᠠ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠠᠴᠠ ᠪᠣᠯᠵᠤ᠂ ᠵᠠᠷᠤᠳ ᠢ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠵᠠᠷᠤᠳ ᠬᠤᠰᠢᠭᠤ ᠪᠣᠯᠭᠠᠨ ᠬᠤᠪᠢᠶᠠᠭᠰᠠᠨ ᠤ | ᠳᠠᠷᠠᠭᠠ ᠵᠠᠷᠤᠳ ᠣᠪᠣᠭᠠ ᠶᠢ ᠵᠡᠬᠦᠨ ᠭᠠᠷᠤᠨ ᠵᠠᠷᠤᠳ ᠪᠠᠶᠢᠯᠡ ᠵᠠᠰᠠᠭ ᠤᠨ ᠲᠠᠬᠢᠯᠭᠠ ᠳᠤ ᠣᠷᠣᠭᠤᠯᠵᠠᠶ᠃ ᠪᠠᠷᠠᠭᠤᠨ ᠭᠠᠷᠤᠨ ᠵᠠᠷᠤᠳ ᠪᠠᠶᠢᠯᠡ ᠵᠠᠰᠠᠭ ᠴᠠᠭᠠᠨ ᠲᠡᠮᠡᠬᠡᠨ ᠬᠠᠨ | ᠠᠭᠤᠯᠠᠨ ᠲᠡᠭᠡᠷᠡ ᠰᠢᠨᠡ ᠤᠪᠤᠭᠠ ᠪᠤᠰᠬᠠᠵᠦ ᠲᠠᠬᠢᠳᠠᠭ ᠪᠤᠯᠪᠠ᠃ | 2016 ᠣᠨ ᠳᠤ ᠵᠠᠷᠤᠳ ᠣᠪᠣᠭᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠨᠡᠷᠡᠲᠦ ᠣᠪᠣᠭᠠ ᠪᠠᠷ ᠵᠢᠭᠰᠠᠭᠠᠭᠳᠠᠪᠠ᠃ ᠵᠠᠷᠤᠳ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ | ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠶᠢᠨ ᠲᠥᠯᠥᠭᠡ᠂ 2017 ᠣᠨ ᠳᠤ ᠵᠠᠷᠤᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ | ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠰᠠᠯᠠᠭᠠ ᠮᠦᠴᠢᠷ ᠢ ᠵᠠᠷᠤᠳ ᠣᠪᠣᠭᠠ ᠶᠢ ᠵᠠᠰᠠᠨ ᠰᠡᠯᠪᠢᠵᠦ᠂ ᠠᠷᠠᠳ ᠤᠨ ᠳᠤᠮᠳᠠᠬᠢ ᠤᠪᠤᠭᠠ ᠲᠠᠬᠢᠬᠤ ᠠᠵᠢᠯᠯᠠᠭᠠ ᠶᠢ ᠳᠠᠬᠢᠨ ᠰᠡᠷᠬᠦᠭᠡᠬᠦ | ᠠᠵᠢᠯ ᠢ ᠬᠠᠷᠢᠭᠤᠴᠠᠭᠤᠯᠵᠠᠶ᠃ ᠦᠨᠦ ᠵᠢᠯ ᠠᠴᠠ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠢ ᠤᠪᠤᠭᠠ ᠲᠠᠬᠢᠬᠤ ᠡᠳᠦᠷ ᠪᠤᠯᠭᠠᠨ ᠲᠤᠭᠳᠠᠭᠠᠵᠦ᠂ | ᠲᠠᠬᠢᠯᠭᠠ ᠶᠢᠨ ᠶᠣᠰᠣᠯᠠᠯ ᠢ ᠣᠪᠣᠭᠠᠨ ᠲᠠᠷᠤᠭᠠ ᠡᠷᠬᠢᠯᠡᠵᠦ᠂ ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ ᠠᠴᠠ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠶᠢ ᠵᠣᠬᠢᠴᠠᠭᠤᠯᠬᠤ ᠪᠠ ᠬᠢᠨᠠᠨ | ᠬᠠᠮᠢᠶᠠᠷᠬᠤ ᠶᠢ ᠬᠠᠷᠢᠭᠤᠴᠠᠭᠤᠯᠪᠠ᠃ | 2020 ᠣᠨ ᠤ 7 ᠰᠠᠷᠠ ᠶᠢᠨ 3 ︵ᠴᠠᠭᠠᠨ ᠬᠤᠯᠤᠭᠠᠨᠠ ᠵᠢᠯ ᠤᠨ 5 ᠰᠠᠷᠠ ᠶᠢᠨ 13 ᠤ ᠡᠳᠦᠷ︶᠂ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ | ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷ ᠵᠠᠷᠤᠳ ᠣᠪᠣᠭᠠ ᠶᠢ ᠳᠠᠬᠢᠬᠤ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠪᠡ᠃ ᠦᠷᠯᠦᠬᠡ ᠶᠢᠨ 6 ᠴᠠᠭ ᠲᠤ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠬᠦᠮᠦᠰ | ᠰᠢᠬᠦᠰᠦ᠂ ᠴᠠᠭᠠᠨ ᠢᠳᠡᠭᠡ᠂ ᠠᠷᠢᠬᠢ ᠲᠠᠷᠠᠰᠦ᠂ ᠬᠦᠵᠢ ᠵᠤᠯᠠ ᠵᠡᠷᠭᠡ ᠲᠠᠬᠢᠯᠭᠠ ᠶᠢᠨ ᠡᠳ᠋ ᠢᠶᠠᠨ ᠠᠪᠴᠦ᠂ 1200 ᠮᠧᠲᠷ ᠤᠨ ᠦᠨᠳᠦᠷ ᠲᠠᠬᠢ ᠬᠠᠶᠢᠷᠬᠠᠨ ᠬᠠᠨ ᠤ ᠤᠷᠤᠢ | ᠲᠡᠭᠡᠷᠡ ᠬᠦᠷᠴᠦ ᠬᠠᠶᠢᠷᠬᠠᠨ ᠤᠪᠤᠭᠠ ᠪᠠᠨ ᠲᠠᠬᠢᠪᠠ᠃ ᠤᠪᠤᠭᠠ ᠪᠠᠨ ᠲᠠᠪᠤᠨ ᠦᠩᠭᠡ ᠶᠢᠨ ᠳᠠᠷᠴᠤᠭ᠂ ᠬᠠᠳᠠᠭ ᠵᠡᠷᠬᠡ ᠪᠠᠷ ᠴᠢᠮᠡᠵᠦ᠂ ᠬᠦᠵᠢ ᠵᠤᠯᠠ ᠠᠰᠠᠭᠠᠨ᠂ ᠰᠠᠩ | ᠤᠳᠤᠯᠭᠠ ᠡᠭᠦᠰᠬᠡᠨ᠂ ᠲᠠᠬᠢᠯᠭᠠ ᠶᠢᠨ ᠨᠤᠮ ᠤᠩᠰᠢᠭᠤᠯᠵᠦ᠂ ᠲᠡᠷᠯᠢᠭ ᠢᠶᠠᠷ ᠢᠶᠠᠨ ᠭᠤᠶᠤᠭᠰᠠᠨ ᠬᠦᠮᠦᠰ ᠤᠪᠤᠭᠠ ᠶᠢ ᠲᠤᠭᠤᠷᠢᠨ ᠭᠤᠷᠪᠠ ᠡᠷᠬᠢᠵᠦ᠂ ᠤᠪᠤᠭᠠᠨ ᠳᠠᠭᠠᠨ | ᠮᠦᠷᠬᠦᠨ᠂ ᠬᠤᠷᠠ ᠪᠤᠷᠤᠭᠠᠨ ᠲᠡᠭᠰᠢ᠂ ᠮᠠᠯ ᠰᠦᠷᠦᠭ ᠦᠨᠢᠷ ᠪᠠᠶᠠᠯᠢᠭ᠂ ᠠᠷᠠᠳ ᠲᠦᠮᠡᠨ ᠠᠮᠤᠷ ᠠᠮᠤᠭᠤᠯᠠᠩ ᠪᠠᠶᠢᠬᠤ ᠶᠢ ᠬᠦᠰᠡᠨ ᠲᠠᠭᠠᠳᠬᠠᠪᠠ᠃ ᠡᠨᠡ ᠤᠳᠠᠭᠠ ᠶᠢᠨ | ᠲᠠᠬᠢᠯᠭᠠ ᠳᠤ ᠤᠯᠠᠨ ᠵᠢᠯ ᠤᠨ ᠡᠮᠦᠨᠡ ᠠᠯᠤᠰ ᠬᠤᠯᠠ ᠶᠢᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠦᠷᠢᠶᠡᠲᠦ ᠪᠠᠯᠭᠠᠰᠤᠨ ᠳᠤ ᠨᠤᠲᠤᠭᠰᠢᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ 20 | ᠭᠠᠷᠤᠢ ᠵᠠᠷᠤᠳ ᠮᠠᠯᠴᠢᠨ ᠬᠦᠷᠦᠯᠴᠡᠨ ᠢᠷᠡᠪᠡ᠃ ᠡᠬᠦᠨ ᠢ ᠪᠠᠰᠠ ᠨᠢᠭᠡ ᠵᠦᠢᠯ ᠤᠨ ︽ᠤᠪᠤᠭᠠᠨ ᠲᠡᠭᠡᠷᠡᠬᠢ ᠠᠭᠤᠯᠵᠠᠯᠳᠠ︾ ᠬᠡᠬᠦ ᠳᠤ ᠪᠤᠯᠬᠤ ᠪᠢᠵᠠ︕ | | | | | | |