ᠮᠤᠩᠭᠤᠯᠴᠤᠳ ᠤᠨ ᠬᠦᠬᠡ ᠢᠳᠡᠬᠡᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/8/5
   ᠮᠤᠩᠭᠤᠯᠴᠤᠳ ᠬᠡᠬᠡᠷ᠎ᠠ ᠶᠢᠨ ᠤᠷᠭᠤᠮᠠᠯ ᠵᠢᠮᠢᠰ ᠪᠤᠶᠤ ᠳᠠᠷᠢᠮᠠᠯ ᠨᠤᠭᠤᠭ᠎ᠠ ᠵᠢᠮᠢᠰ ᠢ ᠶᠡᠷᠤᠩᠬᠡᠶᠢᠯᠠᠨ ᠬᠦᠬᠡ ᠢᠳᠡᠬᠡᠨ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠮᠤᠩᠭᠤᠯᠴᠤᠳ ᠬᠡᠬᠡᠷ᠎ᠠ ᠶᠢᠨ ᠤᠷᠭᠤᠮᠠᠯ ᠠᠴᠠ ᠬᠦᠮᠡᠯᠢ᠂ ᠭᠤᠭᠤᠳ᠂ ᠮᠠᠩᠬᠢᠷ᠂ ᠳᠠᠭᠠᠨ᠎ᠠ᠂ ᠳᠤᠭᠳᠠᠭᠤᠯ ᠵᠡᠷᠬᠡ ᠶᠢ ᠳᠡᠬᠦᠵᠤ᠂ ᠮᠢᠬ᠎ᠠ ᠲᠠᠢ ᠬᠤᠯᠢᠭᠠᠳ ᠪᠠᠩᠰᠢ᠂ ᠪᠤᠤᠰᠠ᠂ ᠬᠤᠤᠱᠤᠤᠷ ᠬᠢᠵᠤ ᠢᠳᠡᠬᠦ᠂ ᠮᠠᠯ ᠤᠨ ᠬᠡᠳᠡᠰᠤ ᠴᠢᠳᠬᠤᠬᠤ᠂ ᠬᠤᠳᠤᠭᠤᠳᠤ᠂ ᠤᠯᠤᠭᠠᠢ ᠪᠤᠷᠳᠤᠬᠤ ᠳᠤ ᠠᠮᠳᠠ ᠤᠷᠤᠭᠤᠯᠬᠤ᠂ ᠵᠤᠨ᠂ ᠨᠠᠮᠤᠷ ᠲᠠᠭᠠᠨ ᠳᠠᠪᠤᠰᠤᠯᠠᠬᠤ ᠪᠤᠶᠤ ᠠᠶᠢᠷᠠᠭ᠂ ᠰᠢᠷ᠎ᠠ ᠤᠰᠤᠨ ᠳᠤ ᠳᠠᠷᠤᠰᠢᠭᠤᠯᠤᠭᠠᠳ ᠵᠠᠭᠤᠰᠢ ᠬᠤᠯᠢᠰᠢᠨ ᠳᠤ ᠢᠳᠡᠳᠡᠭ᠃ ᠭᠤᠭᠤᠳ ᠤᠨ ᠴᠡᠴᠡᠭ ᠢᠶᠠᠷ ᠰᠤᠷᠢᠰᠤ ᠬᠢᠵᠤ᠂ ᠳᠠᠪᠤᠰᠤ ᠲᠠᠢ ᠬᠤᠯᠢᠵᠤ ᠨᠦᠳᠤᠬᠡᠳ ᠬᠡᠳᠡᠰᠤ ᠴᠢᠳᠬᠤᠬᠤ ᠪᠠ ᠬᠤᠳᠤᠭᠤᠳᠤ᠂ ᠤᠯᠤᠭᠠᠢ ᠪᠤᠷᠳᠤᠬᠤ ᠳᠤ ᠠᠮᠳᠠ ᠤᠷᠤᠭᠤᠯᠬᠤ᠂ ᠬᠤᠭᠤᠯᠠ ᠢᠳᠡᠬᠡᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠳᠠᠭ᠃ ᠬᠠᠯᠠᠭᠠᠢ᠂ ᠯᠤᠤᠯᠢ ᠶᠢ ᠳᠡᠬᠦᠵᠤ ᠪᠠᠩᠰᠢ᠂ ᠪᠤᠤᠰᠠ ᠬᠢᠬᠦ᠂ ᠭᠤᠯᠢᠷ ᠲᠠᠢ ᠬᠤᠭᠤᠯᠠᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠨ ᠢᠳᠡᠳᠡᠭ᠃ ᠬᠠᠯᠠᠭᠠᠢ᠂ ᠯᠤᠤᠯᠢ ᠪᠦᠯᠢᠶᠡᠨ ᠴᠢᠨᠠᠷᠳᠠᠢ᠂ ᠬᠤᠳᠤᠭᠤᠳᠤᠨ ᠤ ᠰᠢᠩᠬᠡᠬᠡᠯᠳᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠪᠠᠮ ᠬᠠᠪᠤᠳᠠᠷ ᠢ ᠵᠠᠰᠠᠬᠤ ᠳᠤ ᠳᠤᠰᠠᠳᠠᠢ ᠪᠠᠶᠢᠳᠠᠭ᠃ ᠬᠡᠬᠦ ᠳᠡᠭᠡᠨ ᠳᠡᠭᠷᠢ ᠳᠤᠤᠭᠠᠷᠬᠤ ᠠᠴᠠ ᠡᠮᠤᠨ᠎ᠠ ᠢᠳᠡᠪᠡᠯ ᠪᠡᠶ᠎ᠠ ᠬᠠᠪᠤᠳᠤᠨ᠎ᠠ ᠬᠡᠵᠤ ᠴᠡᠬᠡᠷᠯᠡᠳᠡᠭ᠃ ᠰᠢᠷ᠎ᠠ ᠬᠤᠸᠠᠷ ᠢ ᠰᠠᠶ᠋ᠢ ᠳᠡᠯᠬᠡᠷᠡᠬᠦ ᠦᠶ᠎ᠠ ᠪᠠᠷ ᠳᠡᠬᠦᠵᠤ᠂ ᠱᠦᠯᠤ ᠬᠤᠭᠤᠯᠠᠨ ᠳᠤ ᠬᠢᠬᠦ ᠪᠤᠶᠤ ᠬᠠᠭᠤᠷᠴᠤ ᠢᠳᠡᠬᠦ᠂ ᠵᠢᠩᠨᠡᠵᠤ ᠪᠤᠯᠭᠤᠭᠠᠳ ᠬᠠᠳᠠᠭᠠᠵᠤ᠂ ᠡᠪᠤᠯ᠂ ᠬᠠᠪᠤᠷ ᠲᠠᠭᠠᠨ ᠢᠳᠡᠳᠡᠭ᠃ ᠴᠠᠭᠠᠨ ᠮᠦᠬᠦ᠂ ᠤᠯᠠᠭᠠᠨ ᠮᠦᠬᠦ᠂ ᠮᠤᠳᠤᠨ ᠮᠦᠬᠦ ᠪᠠᠷ ᠱᠦᠯᠤ ᠭᠠᠷᠭᠠᠬᠤ᠂ ᠬᠠᠭᠤᠷᠴᠤ ᠢᠳᠡᠬᠦ᠂ ᠳᠠᠪᠤᠰᠤᠯᠠᠵᠤ ᠢᠳᠡᠬᠦ ᠪᠠ ᠬᠠᠳᠠᠭᠠᠵᠤ ᠬᠠᠳᠠᠭᠠᠯᠠᠭᠠᠳ ᠡᠪᠤᠯ ᠬᠠᠪᠤᠷ ᠢᠳᠡᠳᠡᠭ᠃
  ᠬᠦᠬᠡ ᠢᠳᠡᠬᠡᠨ ᠤ ᠳᠦᠷᠤᠯ ᠵᠦᠢᠯ    ᠮᠤᠩᠭᠤᠯᠴᠤᠳ ᠤᠨ ᠬᠦᠬᠡ ᠢᠳᠡᠬᠡᠨ ᠳᠤ ᠬᠡᠬᠡᠷ᠎ᠠ ᠶᠢᠨ ᠨᠤᠭᠤᠭ᠎ᠠ ᠪᠤᠯᠤᠨ ᠳᠠᠷᠢᠮᠠᠯ ᠨᠤᠭᠤᠭ᠎ᠠ᠂ ᠬᠡᠬᠡᠷ᠎ᠠ ᠶᠢᠨ ᠵᠢᠮᠢᠰ ᠪᠤᠯᠤᠨ ᠳᠠᠷᠢᠮᠠᠯ ᠵᠢᠮᠢᠰ ᠬᠡᠬᠦ ᠬᠤᠶᠠᠷ ᠶᠡᠭᠡ ᠳᠦᠷᠤᠯ ᠪᠠᠭᠳᠠᠳᠠᠭ ᠪᠠᠶᠢᠨ᠎ᠠ᠃ ᠡᠷᠳᠠ ᠦᠶ᠎ᠠ ᠳᠡᠭᠡᠨ ᠮᠤᠩᠭᠤᠯᠴᠤᠳ ᠬᠡᠬᠡᠷ᠎ᠠ ᠶᠢᠨ ᠨᠤᠭᠤᠭ᠎ᠠ ᠵᠢᠮᠢᠰ ᠢ ᠳᠡᠬᠦᠵᠤ ᠡᠳᠤᠷ ᠳᠤᠳᠤᠮ ᠤᠨ ᠬᠤᠭᠤᠯᠠ ᠢᠳᠡᠬᠡᠨ ᠳᠡᠭᠡᠨ ᠠᠰᠢᠭᠯᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠡᠬᠦᠯ ᠤᠨ ᠦᠶ᠎ᠠ ᠳᠤ ᠬᠡᠬᠡᠷ᠎ᠠ ᠶᠢᠨ ᠨᠤᠭᠤᠭ᠎ᠠ ᠵᠢᠮᠢᠰ ᠢ ᠠᠰᠢᠭᠯᠠᠬᠤ ᠶᠢᠨ ᠬᠠᠮᠳᠤ ᠳᠠᠷᠢᠮᠠᠯ ᠨᠤᠭᠤᠭ᠎ᠠ ᠵᠢᠮᠢᠰ ᠢ ᠬᠤᠭᠤᠯᠠ ᠤᠮᠳᠠ ᠳᠠᠭᠠᠨ ᠦᠷᠬᠡᠨ ᠢᠶᠠᠷ ᠠᠰᠢᠭᠯᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃    ᠨᠤᠭᠤᠭ᠎ᠠ ᠶᠢᠨ ᠵᠦᠢᠯ    ᠮᠤᠩᠭᠤᠯᠴᠤᠳ ᠤᠨ ᠢᠳᠡᠳᠡᠭ ᠬᠡᠬᠡᠷ᠎ᠠ ᠶᠢᠨ ᠨᠤᠭᠤᠭ᠎ᠠ ᠶᠢᠨ ᠵᠦᠢᠯᠡᠰ ᠲᠤ ᠬᠦᠮᠡᠯᠢ᠂ ᠭᠤᠭᠤᠳ᠂ ᠮᠠᠩᠬᠢᠷ᠂ ᠳᠠᠭᠠᠨ᠎ᠠ᠂ ᠬᠠᠯᠠᠭᠠᠢ᠂ ᠯᠤᠤᠯᠢ᠂ ᠰᠢᠷ᠎ᠠ ᠬᠤᠸᠠᠷ᠂ ᠴᠠᠭᠠᠨ ᠮᠦᠬᠦ᠂ ᠤᠯᠠᠭᠠᠨ ᠮᠦᠬᠦ᠂ ᠬᠠᠷ᠎ᠠ ᠮᠦᠬᠦ ᠵᠡᠷᠬᠡ ᠪᠠᠶᠢᠳᠠᠭ᠃ ᠰᠡᠬᠦᠯ ᠤᠨ ᠦᠶ᠎ᠠ ᠳᠤ ᠳᠠᠷᠢᠮᠠᠯ ᠨᠤᠭᠤᠭ᠎ᠠ ᠶᠢ ᠬᠤᠭᠤᠯᠠ ᠤᠮᠳᠠᠭᠠᠨ ᠳᠤ ᠠᠰᠢᠭᠯᠠᠬᠤ ᠳᠠᠭᠠᠨ ᠭᠤᠤᠯᠳᠠᠭᠤ ᠴᠠᠭᠠᠨ ᠨᠤᠭᠤᠭ᠎ᠠ᠂ ᠪᠦᠬᠡᠷᠡᠩᠬᠡᠢ ᠴᠠᠭᠠᠨ ᠨᠤᠭᠤᠭ᠎ᠠ᠂ ᠰᠢᠷ᠎ᠠ ᠯᠤᠤᠪᠠᠨᠭ᠌᠂ ᠴᠠᠭᠠᠨ ᠯᠤᠤᠪᠠᠨᠭ᠌᠂ ᠮᠠᠨᠵᠢᠨ᠂ ᠳᠦᠮᠤᠰᠤ᠂ ᠪᠤᠷᠴᠠᠭ᠂ ᠰᠤᠩᠬᠢᠨ᠎ᠠ᠂ ᠰᠠᠷᠢᠮᠰᠠᠭ᠂ ᠤᠷᠤᠰ ᠰᠤᠩᠬᠢᠨ᠎ᠠ᠂ ᠰᠤᠷᠢᠰᠤ᠂ ᠭᠤᠭᠤᠳ᠂ ᠭᠤᠸᠠ᠂ ᠬᠠᠰᠢ ᠵᠡᠷᠬᠡ ᠶᠢ ᠦᠷᠬᠡᠨ ᠢᠶᠠᠷ ᠠᠰᠢᠭᠯᠠᠬᠤ ᠪᠤᠯᠵᠠᠢ᠃    ᠵᠢᠮᠢᠰ ᠤᠨ ᠵᠦᠢᠯ    ᠮᠤᠩᠭᠤᠯᠴᠤᠳ ᠤᠨ ᠢᠳᠡᠳᠡᠭ ᠬᠡᠬᠡᠷ᠎ᠠ ᠶᠢᠨ ᠵᠢᠮᠢᠰ ᠤᠨ ᠵᠦᠢᠯᠡᠰ ᠲᠤ ᠦᠷᠢᠯ᠂ ᠮᠦᠢᠯ᠂ ᠬᠦᠢᠯᠡᠰᠤ᠂ ᠳᠤᠯᠤᠨᠤ᠂ ᠤᠯᠠᠭᠠᠨ᠎ᠠ᠂ ᠵᠤᠭ᠎ᠠ ᠵᠡᠷᠬᠡ ᠪᠠᠶᠢᠳᠠᠭ᠃ ᠡᠳᠡᠬᠡᠷ ᠵᠢᠮᠢᠰ ᠢ ᠳᠡᠬᠦᠵᠤ ᠰᠢᠨ᠎ᠠ ᠳᠡᠬᠡᠷ᠎ᠠ ᠨᠢ ᠢᠳᠡᠬᠦ ᠠᠴᠠ ᠭᠠᠳᠠᠨ᠎ᠠ᠂ ᠬᠠᠳᠠᠭᠠᠵᠤ ᠬᠠᠳᠠᠭᠠᠯᠠᠬᠤ ᠪᠠ ᠴᠢᠨᠠᠭᠰᠢᠳᠠ ᠪᠤᠯᠪᠠᠰᠤᠷᠠᠭᠤᠯᠤᠨ ᠢᠳᠡᠳᠡᠭ᠃ ᠨᠠᠮᠤᠷ ᠬᠦᠢᠯᠡᠰᠤ ᠪᠤᠯᠪᠠᠰᠤᠷᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠦᠷ᠎ᠠ ᠶᠢ ᠨᠢ ᠳᠡᠬᠦᠵᠤ ᠬᠡᠮᠬᠡᠴᠢᠬᠡᠳ ᠳᠤᠰᠤ ᠰᠢᠷᠭᠠᠭᠠᠵᠤ ᠠᠪᠳᠠᠭ᠃ ᠬᠠᠪᠤᠷ ᠲᠠᠭᠠᠨ ᠬᠠᠶᠢᠯᠠᠰᠤᠨ ᠮᠤᠳᠤᠨ ᠤ ᠵᠤᠭ᠎ᠠ ᠶᠢ ᠳᠡᠬᠦᠵᠤ ᠠᠪᠤᠭᠠᠳ᠂ ᠭᠤᠯᠢᠷ ᠲᠠᠢ ᠬᠤᠭᠤᠯᠠᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠬᠤ᠂ ᠭᠤᠯᠢᠷ ᠲᠠᠢ ᠬᠤᠯᠢᠵᠤ ᠪᠤᠭᠤᠷᠰᠤᠭ ᠬᠢᠵᠤ ᠢᠳᠡᠳᠡᠭ ᠪᠠ ᠬᠠᠳᠠᠭᠠᠵᠤ ᠳᠠᠯᠠᠭᠳᠠᠭᠠᠳ᠂ ᠰᠠᠭᠠᠭ᠂ ᠶᠤᠤᠮᠠᠢ ᠶᠢᠨ ᠭᠤᠯᠢᠷ ᠲᠠᠢ ᠬᠤᠯᠢᠵᠤ ᠢᠳᠡᠳᠡᠭ᠃ ᠰᠡᠬᠦᠯ ᠤᠨ ᠦᠶ᠎ᠡ ᠳᠤ ᠳᠠᠷᠢᠮᠠᠯ ᠵᠢᠮᠢᠰ ᠠᠴᠠ ᠳᠠᠷᠪᠤᠰ᠂ ᠠᠮᠳᠠᠳᠤ ᠬᠡᠮᠬᠡ᠂ ᠦᠷᠬᠡᠰᠤᠳᠤ ᠬᠡᠮᠬᠡ᠂ ᠳ᠋ᠦᠡᠭᠭᠤᠸᠠ᠂ ᠯᠠᠩᠭᠤᠸᠠ᠂ ᠠᠯᠮᠤᠷᠠᠳ᠂ ᠠᠯᠢᠮ᠎ᠠ ᠵᠡᠷᠬᠡ ᠶᠢ ᠳᠦᠬᠡᠮᠡᠯ ᠠᠰᠢᠭᠯᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃
   ᠬᠦᠬᠡ ᠢᠳᠡᠬᠡᠨ ᠢ ᠡᠳ᠋ᠯᠡᠬᠦ ᠤᠷ᠎ᠠ ᠤᠬᠠᠭᠠᠨ    ᠮᠤᠩᠭᠤᠯᠴᠤᠳ ᠬᠦᠬᠡ ᠢᠳᠡᠬᠡᠨ ᠢ ᠢᠳᠡᠬᠦ ᠳᠡᠭᠡᠨ ᠨᠤᠭᠤᠭ᠎ᠠ ᠵᠢᠮᠢᠰ ᠤᠨ ᠬᠦᠨᠳᠤ ᠬᠦᠡᠭᠬᠡᠨ᠂ ᠬᠠᠯᠠᠭᠤᠨ ᠰᠡᠷᠢᠬᠦᠨ ᠴᠢᠨᠠᠷ ᠢ ᠢᠯᠭᠠᠵᠤ᠂ ᠠᠳᠠᠯᠢ ᠪᠤᠰᠤ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠤ ᠢᠳᠡᠳᠡᠭ᠂ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠨᠤᠭᠤᠭ᠎ᠠ ᠵᠢᠮᠢᠰ ᠤᠨ ᠳᠤᠬᠠᠢ ᠤᠢᠢᠯᠠᠭᠠᠯᠳᠠ ᠳᠠᠨᠢᠯᠳᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠳᠡᠳᠡᠨ ᠤ ᠤᠷᠤᠰᠢᠨ ᠠᠮᠢᠳᠤᠷᠠᠭᠰᠠᠨ ᠪᠠᠶᠢᠭᠠᠯᠢ ᠶᠢᠨ ᠨᠦᠬᠦᠴᠡᠯ ᠪᠤᠯᠤᠨ ᠤᠢᠢᠯᠡᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯ ᠤᠨ ᠠᠷᠭ᠎ᠠ ᠬᠡᠯᠪᠡᠷᠢ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃
   ᠬᠦᠬᠡ ᠢᠳᠡᠬᠡᠨ ᠤ ᠳᠤᠬᠠᠢ ᠤᠢᠢᠯᠠᠭᠠᠯᠳᠠ ᠳᠠᠨᠢᠯᠳᠠ    ᠮᠤᠩᠭᠤᠯᠴᠤᠳ ᠨᠤᠭᠤᠭ᠎ᠠ ᠶᠢᠨ ᠵᠦᠢᠯ ᠢ ᠴᠤ ᠬᠦᠨᠳᠤ ᠬᠦᠡᠭᠬᠡᠨ᠂ ᠬᠠᠯᠠᠭᠤᠨ ᠰᠡᠷᠢᠬᠦᠨ ᠴᠢᠨᠠᠷ ᠢᠶᠠᠷ ᠬᠤᠪᠢᠶᠠᠵᠤ᠂ ᠪᠡᠶ᠎ᠠ ᠮᠠᠬᠠᠪᠤᠳ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ ᠡᠳ᠋ᠯᠡᠳᠡᠭ᠃ ᠶᠠᠮᠠᠷ ᠴᠤ ᠨᠤᠭᠤᠭ᠎ᠠ ᠶᠢ ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ ᠶᠢ ᠳᠡᠳᠤᠢ ᠯᠠ ᠳᠠᠭᠠᠰᠢᠶᠠᠬᠤ ᠦᠬᠡᠢ᠂ ᠪᠤᠯᠭᠤᠵᠤ ᠢᠳᠡᠬᠦ ᠶᠢ ᠡᠷᠬᠢᠮᠯᠡᠳᠡᠭ᠃    ᠰᠤᠩᠬᠢᠨ᠎ᠠ ᠰᠠᠷᠢᠮᠰᠠᠭ ᠬᠦᠨᠳᠤ᠂ ᠰᠡᠷᠢᠬᠦᠨ ᠴᠢᠨᠠᠷ ᠲᠠᠢ᠃ ᠬᠤᠭᠤᠯᠠ ᠵᠠᠭᠤᠰᠢᠨ ᠳᠤ ᠦᠨᠤᠷ ᠠᠮᠳᠠ ᠤᠷᠤᠭᠤᠯᠬᠤ ᠪᠦᠬᠡᠳ ᠬᠡᠢ ᠶᠢ ᠳᠠᠷᠤᠬᠤ᠂ ᠴᠠᠷ ᠢ ᠠᠷᠢᠯᠭᠠᠬᠤ᠂ ᠳᠤᠷ᠎ᠠ ᠪᠤᠯᠬᠢᠬᠤ ᠶᠢ ᠳᠠᠷᠤᠬᠤ᠂ ᠠᠮᠢᠰᠬᠤᠭ᠎ᠠ ᠳᠠᠪᠬᠤᠴᠠᠬᠤ ᠶᠢ ᠵᠠᠰᠠᠬᠤ ᠵᠡᠷᠬᠡ ᠤᠢᠢᠯᠡᠳᠤᠯ ᠲᠠᠢ᠃ ᠰᠤᠩᠬᠢᠨ᠎ᠠ ᠰᠠᠷᠢᠮᠰᠠᠭ ᠨᠢ ᠬᠦᠨᠳᠤ ᠰᠡᠷᠢᠬᠦᠨ ᠴᠢᠨᠠᠷᠳᠠᠢ ᠪᠦᠬᠡᠳ ᠰᠢᠩᠬᠡᠬᠡᠬᠦ ᠳᠤ ᠪᠡᠷᠬᠡ ᠨᠤᠭᠤᠭ᠎ᠠ ᠪᠤᠯᠬᠤᠷ᠂ ᠳᠦᠬᠦᠬᠡᠢ ᠪᠠᠷ ᠠᠷᠪᠢᠨ ᠢᠳᠡᠪᠡᠯ ᠬᠤᠳᠤᠭᠤᠳᠤ᠂ ᠡᠯᠢᠬᠡ᠂ ᠳᠡᠯᠢᠬᠦᠤ ᠶᠢ ᠬᠡᠮᠳᠤᠬᠡᠳᠡᠭ᠃ ᠰᠤᠩᠬᠢᠨ᠎ᠠ ᠶᠢᠨ ᠦᠷ᠎ᠠ ᠪᠤᠯᠤᠨ ᠬᠠᠳᠠᠭᠠᠭᠰᠠᠨ ᠬᠠᠶᠢᠷᠰᠤᠯᠢᠭ ᠡᠰᠢ ᠨᠢ ᠡᠮ ᠳᠤ ᠤᠷᠤᠳᠠᠭ᠃ ᠰᠠᠷᠢᠮᠰᠠᠭ ᠤᠨ ᠬᠠᠳᠠᠭᠠᠭᠰᠠᠨ ᠬᠠᠶᠢᠷᠰᠤᠯᠢᠬ ᠡᠰᠢ ᠨᠢ ᠴᠤ ᠡᠮ ᠳᠤ ᠤᠷᠤᠳᠠᠭ᠃ ᠬᠡᠢ ᠶᠢ ᠳᠠᠷᠤᠵᠤ᠂ ᠢᠯᠴᠢ ᠶᠢ ᠰᠡᠯᠪᠢᠬᠦ᠂ ᠪᠡᠳᠡᠬᠢ ᠶᠢ ᠡᠪᠳᠡᠬᠦ ᠤᠢᠢᠯᠡᠳᠤᠯ ᠲᠠᠢ᠃    ᠭᠤᠭᠤᠳ᠂ ᠬᠦᠮᠡᠯᠢ᠂ ᠮᠠᠩᠬᠢᠷ ᠵᠡᠷᠬᠡ ᠨᠤᠭᠤᠭ᠎ᠠ ᠨᠢ ᠬᠦᠨᠳᠤ᠂ ᠰᠡᠷᠢᠬᠦᠨ ᠴᠢᠨᠠᠷᠳᠠᠢ᠃ ᠬᠤᠭᠤᠯᠠ ᠵᠠᠭᠤᠰᠢᠨ ᠳᠤ ᠦᠨᠤᠷ ᠠᠮᠳᠠ ᠤᠷᠤᠭᠤᠯᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠬᠡᠢ ᠶᠢ ᠳᠠᠷᠤᠬᠤ᠂ ᠪᠡᠳᠡᠬᠢ ᠶᠢ ᠠᠷᠢᠯᠭᠠᠬᠤ᠂ ᠬᠤᠰᠬᠢᠨᠠᠭ ᠤᠨ ᠬᠦᠪᠳᠤᠷᠤᠤ ᠶᠢ ᠵᠠᠰᠠᠬᠤ ᠤᠢᠢᠯᠡᠳᠤᠯ ᠲᠠᠢ᠃ ᠳᠦᠬᠦᠬᠡᠢ ᠪᠠᠷ ᠠᠷᠪᠢᠨ ᠢᠳᠡᠪᠡᠯ᠂ ᠰᠢᠩᠬᠡᠬᠡᠯᠳᠠ ᠳᠤ ᠮᠠᠭᠤ᠂ ᠬᠤᠳᠤᠭᠤᠳᠤᠨ ᠳᠤ ᠬᠠᠷᠰᠢ ᠲᠠᠢ ᠪᠠᠶᠢᠳᠠᠭ᠃    ᠬᠠᠯᠠᠭᠠᠢ᠂ ᠯᠤᠤᠯᠢ ᠨᠤᠭᠤᠭ᠎ᠠ ᠨᠢ ᠬᠦᠨᠳᠤ᠂ ᠪᠦᠯᠢᠶᠡᠨ ᠴᠢᠨᠠᠷᠳᠠᠢ᠃ ᠬᠤᠳᠤᠭᠤᠳᠤᠨ ᠤ ᠰᠢᠩᠬᠡᠬᠡᠯᠳᠠ ᠳᠤ ᠳᠤᠰᠠᠳᠠᠢ᠂ ᠪᠠᠮ᠂ ᠬᠠᠪᠤᠳᠠᠷ ᠢ ᠵᠠᠰᠠᠬᠤ ᠤᠢᠢᠯᠡᠳᠤᠯ ᠲᠠᠢ᠃ ᠬᠡᠬᠦ ᠳᠡᠭᠡᠨ ᠬᠡᠳᠤ ᠠᠷᠪᠢᠨ ᠢᠳᠡᠪᠡᠯ᠂ ᠨᠢᠳᠤ ᠶᠢ ᠬᠡᠮᠳᠤᠬᠡᠬᠦ᠂ ᠬᠠᠷᠠᠴᠠ ᠶᠢ ᠮᠠᠭᠤᠳᠠᠭᠤᠯᠳᠠᠭ᠃ ᠬᠠᠯᠠᠭᠠᠢ᠂ ᠯᠤᠤᠯᠢ ᠶᠢᠨ ᠨᠠᠪᠴᠢ᠂ ᠡᠰᠢ ᠶᠢ ᠨᠢ ᠬᠡᠷᠴᠢᠵᠤ ᠪᠤᠷᠴᠠ ᠲᠠᠢ ᠴᠢᠨᠠᠵᠤ ᠱᠦᠯᠤ ᠲᠠᠢ ᠨᠤᠭᠤᠭ᠎ᠠ ᠬᠢᠵᠤ ᠢᠳᠡᠬᠦ ᠠᠴᠠ ᠭᠠᠳᠠᠨ᠎ᠠ᠂ ᠪᠤᠤᠰᠠ ᠪᠤᠭᠤᠵᠤ ᠢᠳᠡᠳᠡᠭ᠃    ᠴᠠᠭᠠᠨ ᠯᠤᠤᠪᠠᠨᠭ᠌ ᠬᠦᠡᠭᠬᠡᠨ᠂ ᠪᠦᠯᠢᠶᠡᠨ ᠴᠢᠨᠠᠷᠳᠠᠢ᠃ ᠰᠢᠩᠬᠡᠬᠡᠯᠳᠠ ᠳᠤ ᠳᠤᠰᠠᠳᠠᠢ᠂ ᠪᠡᠶ᠎ᠠ ᠳᠤ ᠰᠢᠮ᠎ᠠ ᠳᠡᠵᠢᠬᠡᠯ ᠰᠠᠶᠢᠳᠠᠢ᠂ ᠴᠠᠭᠠᠨ ᠯᠤᠤᠪᠠᠨᠭ᠌ ᠢ ᠴᠢᠨᠠᠵᠤ ᠪᠤᠯᠭᠤᠬᠤ ᠪᠤᠶᠤ ᠱᠦᠯᠤ ᠳᠤ ᠬᠢᠵᠤ ᠢᠳᠡᠪᠡᠯ᠂ ᠠᠮᠢᠰᠬᠤᠭ᠎ᠠ ᠳᠠᠪᠬᠤᠴᠠᠬᠤ ᠶᠢ ᠳᠠᠷᠤᠬᠤ᠂ ᠬᠠᠨᠢᠶᠠᠳᠤ ᠶᠢ ᠵᠤᠭᠰᠤᠭᠠᠬᠤ᠂ ᠬᠡᠢ ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠬᠤᠭᠤᠯᠠᠢ ᠶᠢᠨ ᠬᠠᠪᠤᠳᠠᠷ ᠢ ᠡᠳᠡᠬᠡᠬᠦ ᠤᠢᠢᠯᠡᠳᠤᠯ ᠲᠠᠢ᠃ ᠴᠠᠭᠠᠨ ᠯᠤᠤᠪᠠᠨᠭ᠌ ᠢ ᠬᠠᠳᠠᠭᠠᠭᠠᠳ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠱᠦᠯᠤ ᠪᠤᠴᠠᠯᠭᠠᠵᠤ ᠤᠤᠭᠤᠪᠠᠯ ᠪᠡᠶ᠎ᠠ ᠶᠢ ᠳᠠᠮᠢᠷᠵᠢᠭᠤᠯᠬᠤ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃    ᠪᠤᠷᠴᠠᠭ ᠬᠦᠡᠭᠬᠡᠨ᠂ ᠰᠡᠷᠢᠬᠦᠨ ᠴᠢᠨᠠᠷ ᠲᠠᠢ᠃ ᠬᠦᠮᠤᠨ ᠤ ᠪᠡᠶ᠎ᠠ ᠳᠤ ᠰᠢᠮ᠎ᠠ ᠰᠠᠶᠢᠳᠠᠢ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠬᠠᠯᠠᠭᠤᠨ ᠢ ᠳᠠᠷᠤᠬᠤ᠂ ᠴᠠᠷ ᠢ ᠬᠤᠪᠬᠤᠯᠬᠤ᠂ ᠠᠮᠢᠰᠬᠤᠭ᠎ᠠ ᠶᠢ ᠰᠢᠯᠤᠭᠤᠳᠬᠠᠬᠤ᠂ ᠰᠤᠳᠠᠯ ᠢ ᠴᠡᠪᠡᠷᠰᠢᠬᠦᠯᠬᠦ ᠵᠡᠷᠬᠡ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃ ᠪᠤᠷᠴᠠᠭ ᠰᠡᠷᠢᠬᠦᠨ ᠴᠢᠨᠠᠷᠳᠠᠢ ᠪᠤᠯᠬᠤᠷ᠂ ᠨᠦᠢᠷ ᠮᠠᠭᠤᠳᠠᠢ ᠬᠦᠮᠤᠨ ᠪᠤᠶᠤ ᠨᠠᠰᠤᠳᠠᠶᠢᠴᠤᠳ ᠦᠷᠬᠦᠯᠵᠢ ᠢᠳᠡᠪᠡᠯ ᠬᠡᠢ ᠶᠢ ᠪᠤᠰᠬᠠᠵᠤ᠂ ᠡᠷᠡᠬᠦᠯ ᠮᠡᠨᠳᠤ ᠶᠢ ᠨᠦᠯᠤᠬᠡᠯᠡᠳᠡᠭ᠃ ᠢᠳᠡᠬᠡᠨ ᠤᠮᠳᠠᠭᠠᠨ ᠨᠢ ᠬᠦᠨᠳᠤ ᠬᠦᠡᠭᠬᠡᠨ᠂ ᠬᠠᠯᠠᠭᠤᠨ ᠰᠡᠷᠢᠬᠦᠨ ᠴᠢᠨᠠᠷ ᠤᠨ ᠳᠠᠯ᠎ᠠ ᠪᠠᠷ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠭ ᠪᠤᠯᠬᠤᠷ᠂ ᠳᠡᠳᠡᠬᠡᠷ ᠨᠢ ᠬᠦᠮᠤᠨ ᠤ ᠪᠡᠶ᠎ᠠ ᠳᠤ ᠠᠳᠠᠯᠢ ᠪᠤᠰᠤ ᠰᠢᠮ᠎ᠠ ᠳᠡᠵᠢᠬᠡᠯ ᠢ ᠬᠦᠷᠳᠡᠬᠡᠨ ᠦᠯ ᠬᠤᠭᠤᠯᠠ ᠪᠤᠯᠵᠤ᠂ ᠪᠡᠶ᠎ᠠ ᠮᠠᠬᠠᠪᠤᠳ ᠢ ᠴᠢᠬᠢᠷᠠᠭᠵᠢᠭᠤᠯᠬᠤ ᠶᠢᠨ ᠬᠠᠮᠳᠤ᠂ ᠠᠷᠬᠠᠭ ᠬᠡᠮ ᠢ ᠠᠷᠢᠯᠭᠠᠬᠤ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃ ᠬᠡᠬᠦ ᠳᠡᠭᠡᠨ ᠢᠳᠡᠬᠡᠨ ᠤᠮᠳᠠᠭᠠᠨ ᠨᠢ ᠬᠦᠨᠳᠤ ᠬᠦᠡᠭᠬᠡᠨ᠂ ᠬᠠᠯᠠᠭᠤᠨ ᠰᠡᠷᠢᠬᠦᠨ ᠴᠢᠨᠠᠷ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠨ ᠬᠦᠮᠤᠨ ᠤ ᠪᠡᠶ᠎ᠠ ᠳᠤ ᠠᠳᠠᠯᠢ ᠪᠤᠰᠤ ᠬᠠᠷᠰᠢ ᠤᠴᠠᠷᠠᠭᠤᠯᠳᠠᠭ᠃ ᠡᠶᠢᠮᠤ ᠠᠴᠠ ᠢᠳᠡᠬᠡᠨ ᠤᠮᠳᠠᠭᠠᠨ ᠢ ᠡᠳ᠋ᠯᠡᠬᠦ ᠳᠡᠭᠡᠨ ᠳᠡᠳᠡᠬᠡᠷ ᠤᠨ ᠴᠢᠨᠠᠷ ᠢ ᠦᠨᠳᠤᠰᠤᠯᠡᠵᠤ᠂ ᠵᠤᠬᠢᠴᠠᠭᠤᠯᠤᠨ ᠡᠳ᠋ᠯᠡᠬᠦ ᠨᠢ ᠡᠷᠡᠬᠦᠯ ᠮᠡᠨᠳᠤ ᠲᠠᠢ ᠰᠢᠭᠤᠳ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠳᠠᠭ ᠶᠤᠮ᠃    ᠬᠦᠬᠡ ᠢᠳᠡᠬᠡᠨ ᠢ ᠢᠳᠡᠬᠦ ᠦᠨᠳᠤᠰᠤᠨ ᠠᠷᠭ᠎ᠠ    ᠮᠤᠩᠭᠤᠯᠴᠤᠳ ᠬᠦᠬᠡ ᠢᠳᠡᠬᠡᠨ ᠤ ᠳᠤᠳᠤᠷ ᠎ᠠ ᠠᠴᠠ ᠵᠢᠮᠢᠰ ᠢ ᠳᠦᠬᠦᠬᠡᠢ ᠪᠠᠷ ᠢᠳᠡᠵᠤ᠂ ᠨᠤᠭᠤᠭ᠎ᠠ ᠶᠢᠨ ᠵᠦᠢᠯᠡᠰ ᠠᠴᠠ ᠴᠦᠬᠡᠨᠭᠬᠢ ᠶᠢ ᠨᠢ ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ ᠶᠢ ᠭᠠᠷᠭᠠᠪᠠᠯ᠂ ᠤᠯᠠᠩᠬᠢ ᠵᠦᠢᠯ ᠤᠨ ᠨᠤᠭᠤᠭ᠎ᠠ ᠶᠢ ᠪᠤᠯᠭᠤᠵᠤ ᠢᠳᠡᠬᠦ ᠶᠢ ᠡᠷᠬᠢᠮᠯᠡᠳᠡᠭ᠃ ᠡᠶᠢᠮᠤ ᠠᠴᠠ ᠶᠠᠷᠤᠩᠬᠡᠢ ᠳᠤᠨᠢ ᠦᠵᠡᠪᠡᠯ᠂ ᠮᠤᠩᠭᠤᠯᠴᠤᠳ ᠤᠨ ᠬᠦᠬᠡ ᠢᠳᠡᠬᠡᠨ ᠢ ᠢᠳᠡᠬᠦ ᠦᠨᠳᠤᠰᠤᠨ ᠠᠷᠭ᠎ᠠ ᠨᠢ ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ᠂ ᠳᠠᠪᠤᠰᠤᠯᠠᠵᠤ ᠢᠳᠡᠬᠦ᠂ ᠴᠢᠨᠠᠵᠤ ᠢᠳᠡᠬᠦ᠂ ᠬᠠᠭᠤᠷᠴᠤ ᠢᠳᠡᠬᠦ ᠵᠡᠷᠬᠡ ᠪᠠᠶᠢᠳᠠᠭ᠃    ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ ᠵᠦᠢᠯ ᠳᠤ ᠦᠷᠬᠡᠰᠤᠳᠤ ᠬᠡᠮᠬᠡ᠂ ᠳᠠᠷᠪᠤᠰ᠂ ᠳᠦᠪᠡᠳ ᠬᠠᠰᠢ᠂ ᠰᠢᠷ᠎ᠠ ᠯᠤᠤᠪᠠᠨᠭ᠌᠂ ᠰᠠᠷᠢᠮᠰᠠᠭ᠂ ᠰᠤᠩᠬᠢᠨ᠎ᠠ᠂ ᠤᠷᠤᠰ ᠰᠤᠩᠬᠢᠨ᠎ᠠ ᠵᠡᠷᠬᠡ ᠨᠤᠭᠤᠭ᠎ᠠ ᠪᠠᠶᠢᠳᠠᠭ ᠪᠠ ᠦᠷᠢᠯ᠂ ᠮᠦᠢᠯ᠂ ᠬᠦᠢᠯᠡᠰᠤ᠂ ᠳᠤᠯᠤᠨᠤ᠂ ᠤᠯᠠᠭᠠᠨ᠎ᠠ᠂ ᠠᠯᠮᠤᠷᠠᠳ᠂ ᠠᠯᠢᠮ᠎ᠠ᠂ ᠬᠦᠵᠡᠯᠵᠡᠬᠡᠨ᠎ᠠ ᠵᠡᠷᠬᠡ ᠬᠡᠬᠡᠷ᠎ᠠ ᠶᠢᠨ ᠪᠤᠯᠤᠨ ᠳᠠᠷᠢᠮᠠᠯ ᠵᠢᠮᠢᠰ ᠪᠠᠭᠳᠠᠳᠠᠭ ᠪᠠᠶᠢᠨ᠎ᠠ᠃    ᠳᠠᠪᠤᠰᠤᠯᠠᠵᠤ ᠢᠳᠡᠬᠦ ᠵᠦᠢᠯ ᠳᠤ ᠮᠠᠨᠵᠢᠨ᠂ ᠰᠢᠷ᠎ᠠ ᠯᠤᠤᠪᠠᠨᠭ᠌᠂ ᠪᠤᠷᠴᠠᠭ᠂ ᠯᠠᠵᠤᠤ᠂ ᠭᠤᠭᠤᠳ᠂ ᠰᠤᠷᠢᠰᠤ᠂ ᠪᠦᠬᠡᠷᠡᠩᠬᠡᠢ ᠴᠠᠭᠠᠨ ᠨᠤᠭᠤᠭ᠎ᠠ ᠵᠡᠷᠬᠡ ᠪᠠᠶᠢᠳᠠᠭ᠃ ᠬᠦᠬᠡ ᠨᠤᠭᠤᠭ᠎ᠠ ᠶᠢ ᠳᠡᠬᠡᠷᠡᠬᠢ ᠮᠡᠳᠤ ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ᠂ ᠳᠠᠪᠤᠰᠤᠯᠠᠵᠤ ᠢᠳᠡᠬᠦ ᠠᠴᠠ ᠭᠠᠳᠠᠨ᠎ᠠ᠂ ᠭᠤᠤᠯᠳᠠᠭᠤ ᠴᠢᠨᠠᠬᠤ᠂ ᠬᠠᠭᠤᠷᠬᠤ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠤ ᠤᠯᠠᠨ ᠵᠦᠢᠯ ᠤᠨ ᠠᠮᠳᠠᠳᠤ ᠢᠳᠡᠬᠡᠨ ᠪᠤᠯᠭᠠᠵᠤ ᠢᠳᠡᠳᠡᠭ᠃    ᠵᠢᠮᠢᠰ ᠤᠨ ᠵᠦᠢᠯ ᠢ ᠳᠦᠬᠦᠬᠡᠢ ᠪᠠᠷ ᠢᠳᠡᠬᠦ ᠠᠴᠠ ᠭᠠᠳᠠᠨ᠎ᠠ᠂ ᠪᠤᠴᠠᠯᠭᠠᠵᠤ ᠠᠰᠢᠭᠯᠠᠳᠠᠭ᠃ ᠢᠡᠭᠬᠢᠵᠤ ᠪᠤᠴᠠᠯᠭᠠᠵᠤ ᠬᠠᠨᠳᠠᠯᠠᠭᠰᠠᠨ ᠵᠢᠮᠢᠰ ᠤᠨ ᠰᠢᠬᠦᠰᠤ ᠨᠢ ᠠᠮᠳᠠᠯᠢᠬ ᠰᠠᠶᠢᠬᠠᠨ ᠪᠦᠬᠡᠳ ᠬᠠᠳᠠᠭᠠᠯᠠᠬᠤ ᠴᠠᠭ ᠨᠢ ᠤᠷᠳᠤ᠂ ᠠᠪᠴᠤ ᠶᠠᠪᠤᠬᠤ ᠳᠤ ᠳᠦᠬᠦᠮ ᠪᠠᠶᠢᠳᠠᠭ ᠶᠤᠮ᠃     ︵ᠳᠤᠰ ᠨᠢᠭᠤᠷ ᠤᠨ ᠡᠬᠡ ᠪᠢᠴᠢᠭ ᠢ ︽ᠮᠤᠩᠭᠤᠯ ᠵᠠᠩ ᠤᠢᠢᠯᠠ ᠰᠤᠶᠤᠯ᠂ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠵᠠᠩ ᠤᠢᠢᠯᠠ︾ ᠠᠴᠠ ᠪᠠᠭᠤᠯᠭᠠᠪᠠ︶
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ