| ︽ᠡᠷᠳᠡᠨᠢ ᠶᠢᠨ ᠲᠤᠪᠴᠢ︾ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ | ᠵᠣᠬᠢᠶᠠᠭᠴᠢ᠄ ᠱ᠊ · ᠨᠠᠴᠤᠬᠳᠤᠷᠵᠢ | ᠰᠠᠭᠠᠡᠭ ᠰᠡᠴᠡᠨ ᠤ ᠵᠤᠬᠢᠶᠠᠬᠰᠠᠨ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠪᠤᠯ ᠮᠠᠨ ᠤ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠭᠤᠤᠯ ᠲᠤᠯᠭᠤᠷ ᠪᠢᠴᠢᠭ ᠤᠨ ᠨᠢᠭᠡᠨ ᠮᠦᠨ᠃ ᠮᠤᠩᠭᠤᠯ | ᠠᠷᠠᠳ ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ᠂ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠲᠤᠯᠭᠤᠷ ᠪᠢᠴᠢᠭ ᠤᠨ ᠵᠦᠢᠯ ᠠᠴᠠ ᠡᠨᠡ ᠵᠠᠪᠰᠠᠷᠠ ᠨᠡᠶᠢᠳᠡᠯᠡᠭᠳᠡᠭᠰᠡᠭᠡᠷ | ᠢᠷᠡᠭᠰᠡᠨ ᠢᠨᠦ 1937 ᠤᠨ ᠳᠤ ᠯᠤᠪᠰᠠᠩᠳᠠᠩᠵᠠᠨ ᠤ ᠠᠯᠳᠠᠨ ᠲᠤᠪᠴᠢ ᠶᠢ ᠳᠡᠭᠡᠲᠦ ᠲᠤᠤᠷᠠᠲᠦ ᠬᠤᠶᠠᠷ ᠲᠡᠪᠳᠡᠷ ᠪᠤᠯᠭᠠᠵᠦ᠂ 1945 ᠤᠨ ᠳᠤ ᠮᠤᠩᠭᠤᠯ ᠤᠨ | ᠨᠢᠭᠤᠴᠠ ᠲᠤᠪᠴᠢᠶᠠᠨ ᠢ ᠴᠠ᠊ · ᠲᠠᠮᠳᠢᠩᠰᠦ᠋ᠷᠦᠩ ᠤᠨ ᠡᠳᠦᠭᠡᠬᠢ ᠬᠡᠯᠡᠨ ᠳᠡᠭᠡᠷᠡ ᠤᠷᠴᠢᠭᠤᠯᠤᠬᠰᠠᠨ ᠢᠶᠠᠷ ᠨᠢ ᠲᠤᠰ ᠲᠤᠰ ᠨᠡᠶᠢᠳᠡᠯᠡᠭᠰᠡᠨ ᠪᠦᠭᠡᠳ ᠤᠳᠤ ᠰᠠᠭᠠᠡᠭ | ᠰᠡᠴᠡᠨ ᠤ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ ᠬᠡᠪᠯᠡᠬᠦᠯᠪᠡ᠃ | ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ 1663 ︵62︶ ᠤᠨ ᠳᠤ ᠠᠩᠬᠠ ᠵᠤᠬᠢᠶᠠᠬᠰᠠᠨ ᠨᠢ ᠶᠠᠩᠵᠦ ᠪᠦᠷᠢ ᠶᠢᠨ ᠡᠬᠡ ᠪᠢᠴᠢᠮᠡᠯ ᠢᠶᠠᠷ ᠮᠠᠨ ᠤ ᠦᠶᠡ ᠳᠤ ᠤᠯᠠᠮᠵᠢᠯᠠᠨ | ᠢᠷᠡᠵᠡᠢ᠃ ᠵᠦᠪᠬᠡᠨ ᠮᠤᠩᠭᠤᠯ ᠤᠯᠤᠰ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢᠨ ᠬᠡᠳᠦᠨ ᠶᠠᠩᠵᠦ ᠶᠢᠨ ᠡᠬᠡ ᠪᠤᠢ ᠪᠦᠭᠡᠳ ᠰᠡᠭᠦᠯ ᠤᠨ ᠦᠶᠡᠰ᠂ | ᠲᠤᠰ ᠤᠷᠤᠨ ᠤ ᠡᠨᠡ ᠲᠡᠷᠡ ᠨᠤᠲᠤᠬ ᠠᠴᠠ ᠨᠡᠮᠡᠵᠦ ᠤᠯᠳᠠᠬᠰᠠᠭᠠᠷ ᠪᠠᠶᠢᠨᠠ᠃ ᠮᠦᠨ ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ ᠤ 1954 ᠤᠨ ᠤ 772 | ᠳ᠋ᠤᠭᠠᠷ ᠲᠤ ᠤ · ᠪᠠᠭᠠᠨᠠ ᠶᠢᠨ ᠪᠢᠴᠢᠭᠰᠡᠨ ᠦᠬᠦᠯᠡᠯ ᠠᠴᠠ ᠦᠵᠡᠬᠦ ᠳᠤ ᠲᠡᠨᠳᠡ ᠴᠦ ᠮᠦᠨ ᠯᠡ ᠤᠯᠳᠠᠬᠰᠠᠭᠠᠷ ᠪᠠᠶᠢᠭᠠ ᠠᠵᠢ᠃ | 1829 ᠤᠨ ᠳᠤ ᠢ᠊ · ᠠ᠊ · ᠱᠮᠢᠳ᠋ᠲ ᠤᠨ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ ᠠᠩᠬᠠ ᠤᠳᠠᠭᠠ ᠭᠧᠷᠮᠠᠨ ᠬᠡᠯᠡᠨ ᠳᠡᠭᠡᠷᠡ ᠪᠦᠷᠢᠨᠡ ᠬᠦᠷᠪᠡᠬᠦᠯᠦᠨ | ᠨᠡᠶᠢᠳᠡᠯᠡᠭᠰᠡᠨ ᠢᠶᠠᠷ ᠦᠷᠦᠨᠡᠳᠡᠬᠢᠨ ᠤ ᠮᠤᠩᠭᠤᠯᠴᠢ ᠨᠠᠷ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠡᠨᠡ ᠴᠢᠬᠤᠯᠠ ᠲᠤᠯᠭᠤᠷ ᠪᠢᠴᠢᠭ ᠲᠠᠢ ᠰᠠᠶ᠋ᠢ ᠡᠬᠢᠯᠡᠨ ᠲᠠᠨᠢᠯᠴᠠᠵᠦ᠂ ᠲᠡᠷᠡ | ᠴᠠᠭ ᠠᠴᠠ ᠬᠤᠶᠢᠰᠢ᠂ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠲᠤᠯᠭᠤᠷ ᠪᠢᠴᠢᠭ ᠤᠨ ᠶᠤᠰᠤᠭᠠᠷ ᠦᠵᠡᠵᠦ᠂ ᠭᠠᠵᠠᠷ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠢ | ᠡᠷᠳᠡᠮᠳᠡᠨ ᠤ ᠰᠢᠨᠵᠢᠯᠡᠨ ᠦᠵᠡᠬᠦ ᠨᠢ ᠶᠡᠷᠦ ᠲᠠᠰᠤᠷᠠᠬᠰᠠᠨ ᠦᠭᠡᠢ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠢᠷᠡᠵᠡᠢ᠃ | ᠮᠤᠩᠭᠤᠯ ᠤᠨ ᠡᠷᠳᠡᠮᠳᠡᠨ ᠵᠠᠮᠰᠠᠷᠢᠨ ᠤ ᠴᠠᠸᠠᠩ ︽17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠪᠢᠴᠢᠭ ᠤᠳ︾ ᠭᠡᠳᠡᠭ | ᠵᠤᠬᠢᠶᠠᠯ ᠳᠤ ᠪᠠᠨ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠬᠡᠲᠦ ᠬᠡᠳᠦᠨ ᠲᠤᠯᠭᠤᠷ ᠪᠢᠴᠢᠭ ᠢ ᠤᠯᠠᠷᠢᠭᠤᠯᠤᠨ ᠰᠢᠨᠵᠢᠯᠡᠵᠦ᠂ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢᠨ ᠲᠤᠬᠠᠢ ᠦᠯᠡᠮᠵᠢ | ᠰᠤᠨᠢᠷᠬᠠᠯ ᠲᠠᠢ ᠵᠦᠢᠯ ᠢ ᠦᠬᠦᠯᠡᠵᠡᠢ᠃ | ᠰᠡᠭᠦᠯ ᠤᠨ ᠦᠶᠡ ᠳᠤ ᠨᠡᠷᠡᠳᠦ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠮᠤᠰᠲᠠᠶᠢᠷᠲ ᠤᠷᠳᠤᠰ ᠠᠴᠠ ᠤᠯᠳᠠᠬᠰᠠᠨ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢᠨ ᠭᠤᠷᠪᠠᠨ ᠶᠠᠩᠵᠦ ᠶᠢᠨ ᠡᠬᠡ | ᠬᠠᠭᠤᠯᠪᠤᠷᠢ ᠶᠢ ᠰᠢᠬᠦᠮᠵᠢᠯᠡᠯ ᠦᠬᠦᠯᠡᠯ ᠰᠠᠯᠳᠡ ᠶᠢᠨ ᠬᠠᠮᠳᠦ᠂ ᠪᠦᠬᠦᠳᠡ ᠲᠦᠷᠪᠡᠨ ᠳᠡᠪᠳᠡᠷ ᠪᠤᠯᠭᠠᠨ 1956 ᠤᠨ ᠳᠤ ᠨᠡᠶᠢᠳᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠰᠠᠭᠠᠡᠭ ᠰᠡᠴᠡᠨ 1604 ᠤᠨ ᠳᠤ ᠲᠦᠷᠦᠭᠡᠳ᠂ ᠶᠠᠭᠤ ᠴᠦ ᠪᠤᠯᠤᠬᠰᠠᠨ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯ ᠬᠠᠭᠠᠰ ᠬᠦᠷᠳᠡᠯᠡ ᠠᠮᠢᠳᠦ ᠪᠠᠶᠢᠵᠦ᠂ ᠲᠡᠷᠡ | ᠦᠶᠡ ᠳᠤ ᠪᠤᠯᠵᠦ ᠪᠠᠶᠢᠬᠰᠠᠨ ᠭᠡᠷᠡᠭ ᠶᠠᠪᠤᠳᠠᠯ ᠳᠤ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠵᠦ ᠶᠠᠪᠤᠬᠰᠠᠨ ᠬᠦᠮᠦᠨ ᠪᠤᠶᠤ᠃ ᠰᠠᠭᠠᠡᠭ ᠰᠡᠴᠡᠨ ᠤ ᠳᠡᠭᠡᠳᠦ ᠡᠪᠦᠭᠡ᠂ ᠬᠤᠳᠤᠬᠳᠦ | ᠰᠡᠴᠡᠨ ᠬᠤᠨᠭ᠌ ᠲᠠᠶᠢᠵᠢ ︵1540 ᠊᠊᠊ 1586︶ ᠪᠤᠯ᠂ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠴᠠᠭᠠᠨ ᠲᠡᠦᠬᠡ ᠶᠢ ᠦᠨᠳᠦᠰᠦᠯᠡᠨ ᠠᠷᠪᠠᠨ ᠪᠤᠶᠠᠨᠳᠦ ᠨᠤᠮ ᠤᠨ ᠴᠠᠭᠠᠨ | ᠲᠡᠦᠬᠡ ᠭᠡᠳᠡᠭ ᠢ ᠠᠯᠳᠠᠨ ᠬᠠᠨ ᠤ ︵1570 ᠭᠠᠳ ᠤᠨ ᠤ︶ ᠦᠶᠡ ᠳᠤ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠦ ᠪᠠᠶᠢᠬᠰᠠᠨ ᠠᠴᠠ ᠦᠵᠡᠬᠦᠯᠡ ᠲᠡᠭᠦᠨ ᠤ ᠭᠠᠷ ᠲᠤ | ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠬᠤᠪᠤᠷ ᠨᠤᠮ ᠪᠢᠴᠢᠭ ᠦᠯᠡᠮᠵᠢ ᠪᠠᠶᠢᠬᠰᠠᠨ ᠠᠨᠦ ᠯᠠᠪ ᠪᠦᠭᠡᠳ ᠰᠠᠭᠠᠡᠭ ᠰᠡᠴᠡᠨ ᠲᠡᠳᠡᠭᠡᠷ ᠨᠤᠮ ᠰᠤᠳᠤᠷ ᠢ ᠦᠪᠡᠯᠡᠨ ᠠᠪᠤᠬᠰᠠᠨ | ᠪᠠᠶᠢᠵᠦ ᠴᠦ ᠮᠡᠳᠡᠬᠦ ᠶᠤᠮ᠃ | ᠡᠷᠳᠡᠨᠢ ᠶᠢᠨ ᠲᠤᠪᠴᠢ᠂ ᠮᠤᠩᠭᠤᠯ ᠤᠷᠤᠨ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠵᠦ ᠪᠠᠶᠢᠬᠰᠠᠨ ᠦᠶᠡ ᠳᠤ ᠭᠠᠷᠤᠬᠰᠠᠨ ᠤᠴᠢᠷ᠂ ᠱᠠᠰᠢᠨ ᠤ ᠨᠦᠯᠦᠭᠡ ᠶᠢ | ᠶᠡᠬᠡᠬᠡᠨ ᠬᠠᠳᠠᠭᠠᠯᠠᠬᠰᠠᠨ ᠢ ᠳᠡᠮᠳᠡᠭᠯᠡᠬᠦ ᠭᠡᠷᠡᠭ ᠲᠠᠢ᠃ ᠰᠠᠭᠠᠡᠭ ᠰᠡᠴᠡᠨ ᠪᠠᠷ ᠮᠤᠩᠭᠤᠯ ᠤᠨ ᠲᠤᠮᠤᠬᠠᠨ ᠹᠧᠦᠳᠠᠯ ᠤᠨ ᠨᠢᠭᠡ ᠲᠤᠯᠠ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ | ᠪᠢᠴᠢᠬᠦ ᠳᠤ ᠪᠠᠨ ᠲᠡᠦᠬᠡᠳᠦ ᠬᠡᠷᠡᠭ ᠶᠠᠪᠤᠳᠠᠯ ᠢ ᠬᠠᠷᠢᠶᠠᠲᠦ ᠠᠩᠭᠢ ᠶᠢᠨ ᠡᠷᠭᠡ ᠠᠰᠢᠭ ᠢ ᠪᠠᠷᠢᠮᠳᠠᠯᠠᠨ ᠲᠠᠶᠢᠯᠪᠤᠷᠢᠯᠠᠨ ᠦᠬᠦᠯᠡᠭᠰᠡᠨ ᠢ ᠠᠩᠬᠠᠷᠴᠦ ᠤᠤᠯ ᠵᠤᠬᠢᠶᠠᠯ ᠢ | ᠰᠢᠬᠦᠮᠵᠢᠯᠡᠯᠳᠡᠢ ᠬᠡᠷᠡᠭᠯᠡᠬᠦ ᠢᠨᠦ ᠴᠢᠬᠤᠯᠠ᠃ | ᠲᠤᠰ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠭ ᠤᠨ ᠰᠢᠢᠳᠪᠦᠷᠢ ᠪᠠᠷ ᠲᠡᠦᠬᠡᠴᠢ ᠴᠡ᠊ · ᠨᠠᠰᠤᠨᠪᠠᠯᠵᠤᠷ᠂ ᠡᠨᠡ ᠬᠦ ᠲᠤᠤᠷᠠ ᠨᠡᠶᠢᠳᠡᠯᠡᠵᠦ ᠪᠤᠢ ᠡᠷᠳᠡᠨᠢ ᠶᠢᠨ | ᠲᠤᠪᠴᠢ ᠶᠢ ᠳᠠᠷᠤᠮᠠᠯᠯᠠᠨ ᠨᠡᠶᠢᠳᠡᠯᠡᠬᠦ ᠠᠵᠢᠯ ᠢ ᠡᠷᠬᠢᠯᠡᠨ ᠬᠢᠬᠦ ᠳᠤ ᠪᠠᠨ ᠮᠤᠩᠭᠤᠯ ᠤᠯᠤᠰ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠪᠤᠢ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢᠨ ᠲᠦᠷᠪᠡᠨ | ᠵᠦᠢᠯ ᠤᠨ ᠡᠬᠡ ᠶᠢᠨ ᠲᠤᠳᠤᠷᠠ ᠠᠴᠠ ᠬᠤᠯᠤᠰᠤᠨ ᠦᠵᠦᠭ ᠢᠶᠠᠷ ᠪᠢᠴᠢᠭᠰᠡᠨ ᠨᠡᠯᠢᠶᠡᠳ ᠡᠷᠳᠡᠨ ᠤ ᠪᠤᠯᠤᠯᠳᠠᠢ ᠨᠢᠭᠡ ᠡᠭᠡ ᠶᠢ ᠰᠤᠩᠭᠤᠨ ᠠᠪᠴᠦ᠂ ᠲᠡᠭᠦᠨ ᠢ | ᠬᠠᠯᠬᠠ ᠶᠢᠨ ᠲᠦᠰᠢᠶᠡᠲᠦ ᠬᠠᠨ ᠤ ᠭᠡᠷ ᠲᠤ ᠬᠠᠳᠠᠭᠠᠯᠠᠬᠳᠠᠨ ᠪᠠᠶᠢᠬᠰᠠᠨ ᠬᠤᠯᠤᠰᠤᠨ ᠦᠵᠦᠭ ᠢᠶᠠᠷ ᠪᠢᠴᠢᠭᠰᠡᠨ ᠨᠢᠭᠡ ᠡᠬᠡ᠂ ᠮᠤᠩᠭᠤᠯ ᠤᠨ ᠡᠷᠳᠡᠮᠳᠡᠨ | ᠵᠠᠮᠶᠠᠩ ᠤᠨ ᠠᠷᠠᠳ ᠤᠨ ᠵᠠᠰᠠᠬ ᠤᠨ ᠡᠬᠢᠨ ᠤ ᠦᠶᠡ ᠳᠤ ᠦᠪᠦᠷ ᠮᠤᠩᠭᠤᠯ ᠠᠴᠠ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠬᠠᠭᠤᠯᠪᠤᠷᠢᠯᠠᠨ ᠠᠪᠴᠢᠷᠠᠬᠰᠠᠨ ᠨᠢᠭᠡ ᠡᠬᠡ᠂ ᠮᠦᠨ | ᠨᠤᠮ ᠤᠨ ᠰᠠᠩ ᠳᠤ ᠪᠤᠢ᠂ ᠴᠤᠬᠤᠮ ᠬᠠᠮᠢᠭᠠ ᠠᠴᠠ ᠤᠯᠳᠠᠬᠰᠠᠨ ᠠᠨᠦ ᠦᠯᠦ ᠮᠡᠳᠡᠭᠳᠡᠬᠦ ᠦᠭᠡᠷᠡ ᠨᠢᠭᠡ ᠡᠬᠡ ᠶᠢᠨ ᠬᠠᠮᠲᠦ᠂ ᠪᠦᠬᠦᠳᠡ ᠭᠤᠷᠪᠠᠨ ᠡᠬᠡ ᠯᠦᠭᠡ | ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠵᠦ᠂ ᠤᠤᠯ ᠬᠡᠪᠯᠡᠬᠦᠯᠬᠦ ᠪᠠᠷ ᠰᠤᠩᠭᠤᠨ ᠠᠪᠤᠬᠰᠠᠨ ᠡᠬᠡ ᠶᠢᠨ ᠬᠠᠵᠠᠭᠤ ᠳᠤ ᠲᠤᠰᠬᠠᠢ ᠵᠡᠬᠦᠯᠳᠡ ᠶᠢ ᠬᠢᠵᠦ᠂ ᠡᠳᠡᠭᠡᠷ ᠲᠦᠷᠪᠡᠨ ᠡᠬᠡ ᠶᠢᠨ | ᠲᠤᠳᠤᠷᠠᠬᠢ ᠪᠠᠶᠢᠬᠤ᠂ ᠪᠠᠶᠢᠬᠤ ᠦᠭᠡᠢ ᠦᠭᠡ ᠦᠰᠦᠭ ᠤᠨ ᠢᠯᠭᠠᠪᠤᠷᠢ ᠶᠢ ᠨᠢᠭᠡᠳ ᠨᠢᠭᠡᠨ ᠦᠭᠡᠢ ᠵᠢᠬᠰᠠᠭᠠᠨ ᠪᠢᠴᠢᠬᠦ ᠵᠡᠷᠭᠡ ᠪᠠᠷ ᠦᠯᠡᠮᠵᠢᠬᠡᠨ ᠴᠢᠮᠬᠢᠯᠡᠬᠦᠷ | ᠠᠵᠢᠯ ᠢ ᠦᠢᠯᠡᠳᠴᠡᠢ᠃ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠭ ᠤᠨ ᠨᠡᠶᠢᠳᠡᠯᠡᠵᠦ ᠪᠤᠢ ᠡᠨᠡ ᠬᠦ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢᠨ ᠬᠠᠭᠤᠯᠪᠤᠷᠢ ᠨᠢ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠨᠤᠮ ᠤᠨ | ᠰᠠᠩ ᠳᠤ ᠪᠤᠢ ᠲᠦᠷᠪᠠᠨ ᠵᠦᠢᠯ ᠤᠨ ᠡᠬᠡ ᠲᠠᠢ ᠲᠠᠨᠢᠯᠴᠠᠬᠤ ᠳᠤ ᠲᠦᠬᠦᠮ ᠲᠤᠰᠠ ᠦᠵᠡᠬᠦᠯᠵᠦ᠂ ᠮᠤᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠲᠤᠯᠭᠤᠷ ᠪᠢᠴᠢᠭ ᠤᠨ ᠨᠢᠭᠡᠨ | ᠪᠤᠯᠬᠤ ᠡᠷᠳᠡᠨᠢ ᠶᠢᠨ ᠲᠤᠪᠴᠢ ᠶᠢ ᠴᠢᠨᠠᠬᠰᠢᠳᠡ ᠰᠤᠳᠤᠯᠤᠨ ᠰᠢᠨᠵᠢᠯᠡᠬᠦ ᠠᠵᠢᠯ ᠳᠤ ᠨᠢᠭᠡᠨ ᠵᠦᠢᠯ ᠤᠨ ᠬᠤᠪᠢ ᠨᠡᠮᠡᠷᠢ ᠪᠤᠯᠬᠤ ᠠᠨᠦ ᠲᠠᠮᠵᠢᠭ ᠦᠭᠡᠢ ᠪᠤᠶᠠ᠃ |