| ᠊᠊᠊᠊᠊᠊᠊᠊᠊ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ︽ᠱᠤᠩᠬᠤᠷ︾ ᠬᠠᠮᠲᠤᠯᠢᠭ ᠢ ᠲᠡᠮᠲᠡᠭᠯᠡᠪᠡ | | | | | | ᠤᠢᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠳᠤ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠨᠢᠬᠡ ᠪᠦᠯᠦᠭ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ | ᠤᠷᠠᠯᠢᠭᠴᠢᠨ ᠵᠠᠯᠠᠭᠤᠴᠤᠳ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠨᠢ ᠤᠷᠠᠯᠢᠭ ᠤᠨ ᠲᠠᠶᠢᠰᠠᠨ ᠳᠤ ᠰᠢᠨᠠ ᠤᠳᠤ ᠪᠤᠯᠤᠨ ᠬᠢᠯᠠᠯᠵᠠᠨ ᠪᠠᠶᠢᠭᠠ ᠶᠢ | ᠤᠷᠠᠯᠢᠭ ᠰᠤᠨᠢᠷᠬᠠᠳᠠᠭ ᠬᠦᠮᠦᠰ ᠶᠠᠭᠤᠨ ᠠᠨᠳᠠᠬᠤ ᠪᠢᠯᠠ⁈ ᠲᠤᠰ ᠬᠠᠮᠲᠤᠯᠢᠭ ᠨᠢ ᠴᠤᠭᠤᠷ᠂ ᠮᠤᠷᠢᠨ ᠬᠤᠭᠤᠷ᠂ ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ᠂ ᠲᠤᠪᠰᠢᠭᠤᠷ | ᠵᠡᠷᠭᠡ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠦᠭᠵᠢᠮᠳᠡᠬᠦᠷ ᠢᠶᠠᠷ ᠬᠤᠷᠴᠢᠨ ᠠᠷᠠᠳ ᠤᠨ ᠳᠠᠭᠤᠤ᠂ ᠦᠯᠢᠬᠡᠷ ᠬᠤᠯᠪᠤᠭᠠ ᠵᠡᠷᠭᠡ ᠪᠠᠨ ᠢᠵᠠᠭᠤᠷ ᠤᠷᠠᠯᠢᠭ ᠤᠨ ᠬᠡᠯᠪᠡᠷᠢ ᠪᠠᠷ | ᠭᠤᠴᠤ ᠰᠠᠶᠢᠬᠠᠨ ᠢᠯᠡᠳᠭᠡᠨ ᠬᠠᠷᠠᠭᠤᠯᠳᠠᠭ ᠢᠶᠠᠷ ᠢᠶᠠᠨ ᠦᠵᠡᠭᠴᠢ ᠲᠦᠮᠡᠨ ᠤ ᠪᠠᠨ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠭᠰᠠᠭᠠᠷ ᠶᠠᠪᠤᠨᠠ᠃ ᠬᠡᠷᠪᠡ ᠲᠠ ᠢᠳᠡᠭᠡᠬᠦ ᠦᠬᠡᠢ ᠪᠤᠯ | ᠲᠡᠳᠡᠨ ᠤ ︽ᠭᠠᠶᠢᠬᠠᠮᠰᠢᠭᠲᠤ ᠱᠤᠩᠬᠤᠷ︾᠂ ︽ᠲᠠᠶᠠ ᠪᠦᠬᠡᠷᠡ︾᠂ ︽ᠬᠦᠰᠡᠯ ᠪᠢᠯᠬᠠᠭᠰᠠᠨ ᠲᠠᠯᠠ ᠨᠤᠲᠤᠭ︾᠂ ︽ᠤᠭ᠍ᠶᠤᠨᠽᠠᠨᠳᠠᠨ︾᠂ ︽ᠳ᠋ᠥ᠋ᠩ ᠱᠠᠨ ᠭᠡ | ᠭᠡ︾᠂ ︽ᠳᠤᠮᠳᠠᠳᠤ ᠶᠢᠨ ᠮᠤᠷᠢᠨ ᠸᠠᠩ ᠤᠨ ᠮᠠᠭᠲᠠᠭᠠᠯ︾ ᠵᠡᠷᠭᠡ ᠭᠤᠴᠤ ᠲᠤᠭᠯᠠᠯᠳᠠ ᠠᠴᠠ ᠨᠢ ᠰᠤᠨᠢᠷᠬᠠᠭᠠᠳ ᠠᠪ᠂ ᠰᠤᠨᠤᠰᠤᠭᠠᠳ ᠦᠵᠡ︕ ᠰᠡᠳᠬᠢᠯ ᠢ | ᠴᠢᠨᠢ ᠬᠦᠭᠰᠡᠬᠦᠯᠵᠦ᠂ ᠰᠦᠨᠡᠰᠦ ᠶᠢ ᠴᠢᠨᠢ ᠲᠦᠬᠡᠷᠢᠬᠦᠯᠦᠨᠡ︔ ᠤᠶᠤᠨ ᠢ ᠴᠢᠨᠢ ᠤᠮᠳᠠᠯᠠᠵᠦ᠂ ᠤᠬᠠᠭᠠᠨ ᠢ ᠴᠢᠨᠢ ᠳᠤᠩᠭᠠᠯᠠᠭᠰᠢᠭᠤᠯᠤᠨᠠ᠃ ᠲᠡᠭᠡᠪᠡᠯ ᠲᠡᠳᠡᠨ ᠤ | ᠲᠤᠭᠯᠠᠯᠳᠠ ᠶᠠᠭᠠᠬᠢᠬᠤ ᠳᠤ ᠪᠠᠨ ᠲᠡᠶᠢᠮᠦ ᠷᠢᠳᠢ ᠰᠢᠳᠢ ᠲᠠᠢ ᠪᠠᠶᠢᠳᠠᠭ ᠪᠤᠯ︖ ᠤᠴᠢᠷ ᠨᠢ ᠲᠡᠳᠡ ᠲᠡᠳᠡᠭᠡᠷ ᠤᠤᠯ ᠳᠠᠭᠤᠤ ᠶᠢᠨ ᠬᠢᠨ ᠠᠶᠠ ᠬᠦᠭᠵᠢᠮ᠂ ᠦᠬᠡ | ᠰᠢᠯᠦᠭ ᠁ ᠪᠦᠬᠦ ᠵᠦᠢᠯ ᠳᠡᠭᠡᠷᠡ ᠨᠢ ᠦᠪᠡᠷ ᠤᠨ ᠭᠡᠬᠦ ᠬᠦᠴᠦ ᠬᠦᠳᠡᠯᠮᠦᠷᠢ᠂ ᠤᠶᠤᠨ ᠤᠬᠠᠭᠠᠨ᠂ ᠤᠷᠠ ᠠᠪᠢᠶᠠᠰ ᠢᠶᠠᠨ ᠰᠢᠬᠢᠳᠭᠡᠭᠰᠡᠨ ᠳᠤ ᠤᠷᠤᠰᠢᠨᠠ᠃ | ᠶᠠᠭ ᠡᠶᠢᠮᠦ ᠠᠴᠠ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠤ ᠤᠷᠠᠯᠢᠭ ᠰᠤᠶᠤᠯ ᠳᠤ ᠪᠠᠨ ᠤᠴᠢᠷ ᠦᠬᠡᠢ ᠶᠡᠭᠡ ᠬᠠᠶᠢᠷᠠᠲᠠᠢ ᠶᠠᠪᠤᠭᠠ ᠬᠦᠮᠦᠰ ᠲᠠᠢ ᠲᠠᠨᠢᠯᠴᠠᠵᠦ᠂ ᠲᠡᠳᠡᠨ ᠤ | ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠶᠤ ᠭᠡᠰᠡᠨ ᠬᠦᠰᠡᠯ 2021 ᠤᠨ ᠤ ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ 1 ᠰᠠᠷᠠ ᠶᠢᠨ 15 ᠤ ᠤᠷᠤᠢ᠂ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠬᠤᠷᠴᠢᠨ ᠤ | ᠳᠠᠭᠤᠤ ᠬᠦᠭᠵᠢᠮ ᠤᠨ ᠰᠢᠭᠤᠳ ᠨᠡᠪᠲᠡᠷᠡᠬᠦᠯᠬᠡ ᠳᠤ ᠠᠩᠬᠠ ᠤᠳᠠᠭᠠ ᠪᠠᠨ ᠤᠷᠢᠭᠳᠠᠨ ᠤᠷᠤᠯᠴᠠᠭᠰᠠᠨ ᠢᠶᠠᠷ ᠪᠡᠶᠡᠯᠡᠯ ᠢᠶᠠᠨ ᠤᠯᠤᠭᠰᠠᠨ ᠶᠤᠮ᠃ | ᠊᠊᠊᠊᠊᠊ ᠮᠠᠨ ᠤ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ 2014 ᠤᠨ ᠳᠤ ᠪᠠᠶᠢᠭᠤᠯᠤᠭᠳᠠᠵᠠᠢ᠂ 10 ᠡᠷᠡᠭᠲᠡᠢ᠂ 2 ᠡᠮᠡᠭᠲᠡᠢ ᠨᠡᠶᠢᠲᠡ 12 ᠬᠡᠰᠢᠬᠦᠨ ᠲᠠᠢ᠃ ᠪᠢᠳᠡ | ᠪᠦᠬᠦᠳᠡᠬᠡᠷ ᠢᠶᠠᠨ ᠪᠦᠷ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠢᠶᠠᠨ ᠬᠦᠭᠵᠢᠮ ᠤᠨ ᠪᠦᠯᠬᠦᠮ ᠤᠨ ᠬᠡᠰᠢᠬᠦᠨ᠃ ᠮᠠᠨ ᠤ ᠡᠳᠡᠭᠡᠷ ᠬᠦᠮᠦᠰ ᠤᠨ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠢᠷᠡᠵᠦ | ᠠᠵᠢᠯᠯᠠᠭᠰᠠᠨ ᠴᠠᠭ ᠨᠢ ᠪᠠᠰᠠ ᠬᠤᠭᠤᠷᠤᠨᠳᠦ ᠪᠠᠨ ᠳᠡᠮᠡᠢ ᠵᠦᠷᠢᠬᠦ ᠦᠬᠡᠢ ᠪᠦᠬᠡᠳ ᠠᠯᠢ ᠨᠢᠬᠡᠨ ᠤ ᠬᠢᠨᠢ ᠶᠠᠮᠠᠷ ᠶᠠᠪᠤᠳᠠᠯ ᠲᠠᠢ ᠪᠤᠯ ᠪᠦᠬᠦᠳᠡᠭᠡᠷ ᠢᠶᠠᠨ | ᠬᠦᠳᠡᠯᠦᠯᠴᠡᠵᠦ ᠰᠢᠢᠳᠪᠦᠷᠢᠯᠡᠳᠡᠭ ᠰᠠᠶᠢᠨ ᠨᠠᠶᠢᠵᠠ ᠨᠠᠷ᠃ ᠶᠠᠭ ᠲᠡᠶᠢᠮᠦ ᠪᠠᠷ ᠢᠶᠠᠨ ᠪᠦᠬᠦᠳᠡᠭᠡᠷ ᠢᠶᠠᠨ ᠬᠠᠮᠲᠤᠷᠠᠵᠦ ᠪᠠᠶᠢᠭᠠᠳ ᠬᠤᠷᠴᠢᠨ ᠤ ᠤᠷᠠᠯᠢᠭ ᠰᠤᠶᠤᠯ ᠢᠶᠠᠨ | ᠰᠢᠨᠡ ᠨᠢᠬᠡ ᠬᠡᠯᠪᠡᠷᠢ ᠪᠠᠷ ᠬᠦᠮᠦᠰ ᠲᠤ ᠲᠠᠨᠢᠭᠤᠯᠤᠶᠠ ᠭᠡᠬᠦ ᠵᠤᠷᠢᠯᠭᠠ ᠪᠠᠷ ᠨᠢᠬᠡᠲᠦᠯᠲᠡᠢ ᠵᠦᠪᠳᠡᠨ ᠲᠤᠬᠢᠷᠠᠭᠰᠠᠨ ᠢᠶᠠᠷ ᠮᠠᠨ ᠤ ᠬᠠᠮᠲᠤᠯᠢᠬ ᠪᠠᠶᠢᠭᠤᠯᠤᠭᠳᠠᠭᠰᠠᠨ | ᠶᠤᠮ᠃ ᠬᠠᠮᠲᠤᠯᠢᠭ ᠤᠨ ᠢᠶᠠᠨ ᠨᠡᠷᠡ ᠶᠢᠨ ᠬᠤᠪᠢ ᠳᠤ᠂ ᠱᠤᠩᠬᠤᠷ ᠭᠡᠳᠡᠭ ᠨᠡᠷᠡ ᠶᠢ ᠠᠪᠤᠭᠰᠠᠨ ᠨᠢ ᠡᠶᠢᠮᠦ ᠬᠤᠶᠠᠷ ᠲᠠᠯᠠ ᠶᠢᠨ ᠠᠭᠤᠯᠭᠠ ᠲᠠᠢ᠃ ᠨᠢᠬᠡ ᠳᠤ᠂ | ᠱᠤᠩᠬᠤᠷ ᠭᠡᠳᠡᠭ ᠨᠢ ᠲᠠᠯᠠ ᠨᠤᠲᠤᠭ ᠲᠤ ᠡᠷᠬᠡ ᠳᠤᠷᠠ ᠪᠠᠷ ᠠᠮᠢᠳᠤᠷᠠᠳᠠᠭ᠂ ᠤᠷᠤᠰᠢᠨ ᠲᠤᠭᠲᠠᠨᠢᠬᠤ ᠴᠢᠳᠠᠪᠤᠷᠢ ᠲᠤᠩ ᠴᠢᠩᠭᠠ ᠨᠢᠬᠡ ᠵᠦᠢᠯ ᠤᠨ ᠰᠢᠪᠠᠭᠤ ᠶᠢᠨ | ᠨᠡᠷᠡ᠃ ᠪᠠᠰᠠ ᠨᠢᠬᠡ ᠨᠢ᠂ ᠮᠠᠨ ᠤ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠳᠤ ᠬᠤᠯᠠ ᠤᠢᠢᠷᠠ ᠳᠤ ᠪᠠᠨ ᠠᠯᠳᠠᠷᠰᠢᠵᠦ᠂ ᠱᠤᠩᠬᠤᠷ ᠰᠢᠪᠠᠭᠤ ᠶᠢᠨ | ᠲᠤᠮᠤᠭ ᠲᠠᠢ᠂ ᠬᠤᠷᠴᠢᠨ ᠨᠤᠲᠤᠭ ᠤᠨ ᠢᠶᠠᠨ ᠰᠦᠯᠳᠡ ᠪᠤᠯᠤᠭᠰᠠᠨ ᠱᠤᠩᠬᠤᠷ ᠤᠨ ᠠᠭᠤᠯᠠ ᠪᠤᠢ᠃ ᠶᠠᠭ ᠲᠡᠶᠢᠮᠦ ᠪᠠᠷ ᠢᠶᠠᠨ ᠪᠢᠳᠡ ᠡᠷᠡᠯᠬᠡᠭ ᠱᠤᠩᠬᠤᠷ ᠤᠨ | ᠵᠤᠷᠢᠭ ᠢ ᠡᠪᠦᠷᠯᠡᠵᠦ᠂ ᠦᠨᠳᠦᠷ ᠠᠭᠤᠯᠠ ᠶᠢᠨ ᠢᠶᠠᠨ ᠰᠦᠷ ᠲᠤ ᠨᠢ ᠰᠢᠲᠦᠵᠦ ︽ᠱᠤᠩᠬᠤᠷ︾ ᠭᠡᠬᠦ ᠡᠨᠡ ᠨᠡᠷᠡ ᠶᠢ ᠠᠪᠤᠭᠰᠠᠨ ᠶᠤᠮ ᠭᠡᠵᠦ ᠬᠠᠮᠲᠤᠯᠢᠭ ᠤᠨ | ᠠᠬᠠᠯᠠᠭᠴᠢ ᠠᠯᠳᠠᠷᠲᠤ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠤ ᠪᠠᠨ ᠡᠶᠢᠨ ᠬᠦ ᠲᠠᠨᠢᠯᠴᠠᠭᠤᠯᠪᠠ᠃ | ᠬᠠᠮᠲᠤᠯᠢᠬ ᠭᠡᠭᠴᠢ ᠨᠢ ᠤᠯᠠᠨ ᠬᠦᠮᠦᠨ ᠬᠠᠮᠳᠤᠷᠠᠨ ᠪᠠᠶᠢᠵᠦ ᠨᠢᠬᠡ ᠠᠵᠢᠯ ᠢ ᠪᠡᠶᠡᠯᠡᠬᠦᠯᠳᠡᠭ ᠪᠤᠯᠬᠤᠷ ᠰᠠᠨᠠᠯ ᠪᠤᠳᠤᠯ ᠢᠶᠠᠨ ᠨᠢᠭᠡᠳᠭᠡᠬᠦ᠂ ᠬᠦᠴᠦ ᠪᠠᠨ | ᠲᠦᠪᠯᠡᠷᠡᠬᠦᠯᠬᠦ ᠳᠡᠭᠡᠷᠡ ᠰᠠᠶᠢᠲᠤᠷ ᠠᠵᠢᠯᠯᠠᠵᠦ ᠴᠢᠳᠠᠪᠠᠯ ᠰᠠᠶ᠋ᠢ ᠠᠮᠵᠢᠯᠲᠠ ᠳᠤ ᠬᠦᠷᠴᠦ ᠴᠢᠳᠠᠳᠠᠭ ᠨᠢ ᠮᠡᠳᠡᠭᠡᠵᠢ᠃ ᠭᠡᠬᠦ ᠳᠤ ᠪᠠᠨ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠤᠨ | ᠪᠦᠬᠦ ᠬᠡᠰᠢᠬᠦᠨ ᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ ᠨᠢᠬᠡ ᠳᠤ ᠮᠡᠷᠭᠡᠰᠢᠵᠦ ᠤᠯᠠᠨ ᠳᠤ ᠴᠠᠭᠠᠷᠠᠭᠰᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠤᠭᠯᠠᠭᠴᠢ ᠪᠤᠯᠬᠤᠷ ᠪᠢᠴᠢᠬᠦ᠂ ᠳᠠᠭᠤᠯᠠᠬᠤ᠂ | ᠬᠦᠭᠵᠢᠮᠳᠡᠬᠦ᠂ ᠪᠦᠵᠢᠭᠯᠡᠬᠦ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠴᠢᠳᠠᠪᠤᠷᠢ ᠶᠢ ᠢᠵᠢ ᠪᠦᠷᠢᠳᠦᠬᠦᠯᠦᠭᠰᠡᠨ ᠬᠦᠮᠦᠰ ᠪᠠᠶᠢᠵᠦ᠂ ᠪᠦᠬᠦᠳᠡᠭᠡᠷ ᠢᠶᠠᠨ ᠦᠪᠡᠷ ᠦᠪᠡᠷ ᠤᠨ ᠴᠢᠳᠠᠳᠠᠭ | ᠤᠷᠠ ᠠᠪᠢᠶᠠᠰ ᠪᠦᠬᠦᠨ ᠢᠶᠠᠨ ᠭᠠᠷᠭᠠᠵᠦ ᠪᠠᠶᠢᠭᠠᠳ ᠨᠢᠬᠡ ᠲᠤᠭᠯᠠᠯᠳᠠ ᠶᠢ ᠪᠡᠶᠡᠯᠡᠬᠦᠯᠳᠡᠭ᠃ ᠶᠠᠭᠠᠬᠢᠪᠠᠯ ᠲᠡᠷᠡ ᠳᠠᠭᠤᠤ ᠶᠢ ᠨᠡᠩ ᠡᠪᠯᠢᠭ ᠰᠤᠨᠤᠰᠪᠤᠷᠢᠲᠠᠢ ᠪᠤᠯᠭᠠᠵᠦ | ᠴᠢᠳᠠᠬᠤ ᠪᠤᠢ︖ ᠶᠠᠭᠠᠬᠢᠵᠦ ᠠᠵᠢᠯᠯᠠᠪᠠᠯ ᠡᠨᠡ ᠠᠶᠠ ᠶᠢ ᠤᠯᠠᠮ ᠢᠳᠡᠯᠢᠭ ᠬᠦᠭᠵᠢᠮᠯᠢᠭ ᠪᠤᠯᠭᠠᠵᠦ ᠳᠡᠶᠢᠯᠬᠦ ᠪᠤᠢ︖ ᠲᠡᠳᠡ ᠬᠤᠭᠤᠷᠤᠨᠳᠦ ᠪᠠᠨ ᠵᠦᠪᠳᠡᠯᠴᠡᠨᠡ᠂ | ᠪᠤᠯᠢᠶᠠᠯᠳᠤᠨᠠ᠂ ᠮᠠᠷᠭᠤᠯᠳᠤᠨᠠ᠃ ᠵᠠᠷᠢᠮ ᠳᠤ ᠪᠠᠨ ᠨᠢᠬᠡ ᠠᠶᠠ ᠶᠢᠨ ᠨᠤᠭᠤᠯᠤᠭᠠᠰᠤ ᠶᠢ ᠵᠠᠰᠠᠬᠤ ᠶᠢᠨ ᠲᠦᠯᠦᠬᠡ᠂ ᠨᠢᠬᠡ ᠳᠠᠭᠤᠤ ᠶᠢᠨ ᠬᠦᠭᠵᠢᠮ ᠢ ᠨᠢ | ᠦᠬᠡᠷᠡᠴᠢᠯᠡᠬᠦ ᠶᠢᠨ ᠲᠦᠯᠦᠬᠡ ᠬᠡᠳᠦᠬᠦᠯᠡ ᠶᠢᠨ ᠰᠠᠨᠠᠯ ᠪᠤᠳᠤᠯ ᠬᠤᠭᠤᠷᠤᠨᠳᠦ ᠪᠠᠨ ᠵᠦᠷᠢᠶᠡᠨ ᠲᠠᠢ ᠪᠤᠯᠵᠦ ᠰᠢᠷᠦᠬᠦᠨ ᠮᠠᠷᠭᠤᠯᠳᠤᠨᠠ᠃ ᠭᠡᠬᠦ ᠳᠤ ᠪᠠᠨ ᠭᠡᠨ | ᠨᠢᠬᠡᠨ ᠤ ᠬᠤᠪᠢ ᠶᠢᠨ ᠠᠰᠢᠭ ᠲᠤᠰᠠ ᠶᠢᠨ ᠲᠦᠯᠦᠬᠡ ᠪᠢᠰᠢ᠂ ᠬᠠᠷᠢᠨ ᠬᠠᠮᠲᠤᠯᠢᠬ ᠤᠨ ᠢᠶᠠᠨ ᠨᠡᠷᠡ ᠲᠦᠷᠦ᠂ ᠨᠦᠯᠦᠬᠡᠯᠡᠬᠦ ᠬᠦᠴᠦᠨ ᠤ ᠲᠦᠯᠦᠬᠡ ᠪᠤᠯᠬᠤᠷ | ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠪᠠᠨ ᠤᠭᠲᠤ ᠨᠦᠯᠦᠬᠡᠯᠡᠳᠡᠭ ᠦᠬᠡᠢ᠃ ᠠᠷᠪᠠᠨ ᠬᠤᠶᠠᠷ ᠬᠦᠮᠦᠨ ᠤ ᠪᠤᠳᠤᠯ ᠰᠡᠳᠬᠢᠯ ᠨᠢᠬᠡ ᠯᠠ ᠴᠡᠭ ᠲᠤ ᠲᠦᠪᠯᠡᠷᠡᠵᠦ᠂ ᠠᠷᠪᠠᠨ | ᠬᠤᠶᠠᠷ ᠬᠦᠮᠦᠨ ᠤ ᠤᠬᠠᠭᠠᠨ ᠨᠢᠬᠡ ᠯᠠ ᠵᠦᠭ ᠲᠤ ᠬᠦᠭᠯᠡᠵᠦ᠂ ᠦᠪᠡᠷ ᠦᠪᠡᠷ ᠤᠨ ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠢᠶᠠᠨ ᠴᠢᠷᠮᠠᠶᠢᠨ ᠠᠵᠢᠯᠯᠠᠨᠠ᠃ ᠬᠠᠮᠲᠤᠯᠢᠬ ᠤᠨ | ᠴᠢᠬᠤᠯᠠᠴᠢᠯᠠᠭᠠ ᠠᠴᠠ ᠪᠤᠯᠵᠦ ᠵᠠᠷᠢᠮ ᠨᠢ ᠮᠤᠷᠢᠨ ᠬᠤᠭᠤᠷ ᠰᠤᠷᠤᠭᠰᠠᠨ ᠪᠤᠯᠪᠠᠴᠤ ᠬᠡᠨᠭᠭᠡᠷᠭᠡᠴᠢᠨ ᠲᠤᠪᠰᠢᠭᠤᠷᠴᠢᠨ ᠪᠤᠯᠵᠦ᠂ ᠵᠠᠷᠢᠮ ᠨᠢ ᠬᠤᠯᠪᠤᠭᠠ ᠬᠡᠯᠡᠳᠡᠭ | ᠪᠤᠯᠪᠠᠴᠦ ᠪᠠᠰᠠ ᠮᠤᠷᠢᠨ ᠬᠤᠭᠤᠷ ᠲᠠᠲᠠᠳᠠᠭ ᠴᠤ ᠪᠤᠯᠪᠠ᠃ ᠪᠤᠰᠤᠳ ᠬᠦᠮᠦᠰ ᠴᠠᠭ ᠲᠤ ᠪᠠᠨ ᠠᠵᠢᠯ ᠳᠤ ᠪᠠᠨ ᠭᠠᠷᠴᠦ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠬᠤ ᠳᠤ᠂ ︽ | ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠤᠨ ᠬᠢᠨ ᠲᠤᠭᠯᠠᠯᠳᠠ ᠪᠠᠨ ᠪᠤᠯᠪᠠᠰᠤᠷᠠᠭᠠᠳ ᠦᠷ ᠴᠠᠶᠢᠯᠭᠠᠨᠠ︔ ᠭᠠᠷᠠᠭ ᠤᠨ ᠡᠳᠦᠷ᠂ ᠠᠮᠠᠷᠠᠯᠳᠠ ᠶᠢᠨ ᠴᠠᠭ ᠢᠶᠠᠷ ᠴᠤ ᠭᠡᠰᠡᠨ ᠠᠩᠭᠠ | ᠬᠡᠦᠬᠡᠳ ᠢᠶᠠᠨ ᠳᠠᠭᠠᠭᠤᠯᠤᠭᠠᠳ ᠰᠢᠷᠭᠠᠭᠤ ᠪᠤᠯᠪᠠᠰᠤᠷᠠᠳᠠᠭ ᠲᠡᠳᠡᠨ ᠳᠤ ᠤᠨᠳᠠᠵᠦ ᠠᠮᠠᠷᠠᠬᠤ᠂ ᠰᠡᠯᠡᠬᠦᠴᠡᠵᠦ ᠵᠤᠭᠠᠴᠠᠬᠤ ᠵᠠᠪ ᠶᠡᠷᠦ ᠠᠴᠠ ᠬᠤᠮᠰᠠᠳᠠᠨᠠ᠃ | ᠤᠴᠢᠷ ᠨᠢ ᠲᠡᠳᠡᠨ ᠤ ᠮᠦᠷᠦᠨ ᠳᠡᠭᠡᠷᠡ ᠪᠤᠰᠤᠳ ᠨᠦᠬᠦᠳ ᠠᠴᠠ ᠪᠠᠨ ᠢᠯᠡᠬᠦᠦ ᠨᠢᠬᠡ ᠠᠵᠢᠯ ᠡᠬᠦᠷᠭᠡ ᠲᠠᠯᠪᠢᠭᠳᠠᠵᠦ ᠪᠠᠶᠢᠳᠠᠭ᠂ ᠤᠴᠢᠷ ᠨᠢ ᠲᠡᠳᠡ ᠪᠤᠯ ︽ | ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠤᠨ ᠬᠡᠰᠢᠬᠦᠳ᠃ ᠡᠨᠡ ᠬᠦ ᠤᠯᠠᠭᠠᠨᠮᠦ᠋ᠴᠢᠷ ᠬᠡᠮᠡᠬᠦ ᠬᠠᠶᠢᠷᠠ ᠪᠢᠯᠬᠠᠭᠰᠠᠨ ᠲᠤᠮᠤ ᠭᠡᠷ ᠪᠦᠯᠢ ᠶᠢᠨ ᠢᠶᠠᠨ ᠳᠤᠲᠤᠷᠠᠬᠢ ᠨᠢᠬᠡ ᠵᠢᠵᠢᠭ ᠭᠡᠷ | ᠪᠦᠯᠢ ᠪᠤᠯᠤᠭᠰᠠᠨ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠨᠢ ᠦᠪᠡᠷ ᠤᠨ ᠢᠶᠠᠨ ᠬᠠᠮᠲᠤᠯᠢᠬ ᠤᠨ ᠢᠶᠠᠨ ᠨᠡᠷᠡ ᠨᠢᠭᠤᠷ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠢᠶᠠᠨ ᠨᠡᠷᠡ ᠲᠦᠷᠦ᠂ ᠬᠤᠰᠢᠭᠤ | ᠨᠤᠲᠤᠭ ᠤᠨ ᠢᠶᠠᠨ ᠠᠯᠳᠠᠷ ᠨᠡᠷᠡ ᠶᠢ ᠬᠠᠮᠲᠤ ᠳᠤ ᠨᠢ ᠡᠷᠬᠦᠵᠦ ᠶᠠᠪᠤᠬᠤ ᠬᠠᠲᠠᠭᠤ ᠠᠶᠠᠨ ᠳᠤ ᠨᠢᠬᠡᠨᠳᠡ ᠲᠦᠷᠦᠬᠡ ᠵᠢᠬᠢᠨ ᠮᠤᠷᠳᠠᠴᠢᠬᠠᠭᠰᠠᠨ ᠪᠤᠯᠬᠤᠷ ᠶᠠᠭᠠᠬᠢᠭᠰᠠᠨ | ᠴᠤ ᠭᠠᠷ ᠬᠤᠭᠤᠰᠤᠨ ᠭᠠᠨᠵᠤᠭᠠ ᠲᠠᠲᠠᠭᠤ ᠪᠤᠴᠠᠵᠦ ᠪᠤᠯᠬᠤ ᠦᠬᠡᠢ ᠭᠡᠳᠡᠭ ᠢ ᠲᠡᠳᠡᠭᠡᠷ ᠠᠷᠪᠠᠨ ᠬᠤᠶᠠᠷ ᠬᠦᠮᠦᠨ ᠳᠤᠲᠤᠷᠬᠠᠢ ᠮᠡᠳᠡᠵᠦ ᠪᠠᠶᠢᠯᠠ᠃ ᠶᠠᠭ | ᠲᠡᠶᠢᠮᠦ ᠪᠠᠷ ᠢᠶᠠᠨ ᠨᠢᠬᠡ ᠰᠡᠳᠬᠢᠯ ᠭᠠᠭᠴᠠ ᠵᠤᠷᠢᠭ ᠢᠶᠠᠷ ᠤᠷᠤᠭᠰᠢ ᠪᠠᠨ ᠲᠡᠮᠡᠦᠯᠵᠦ᠂ ᠠᠷᠤ ᠭᠡᠷ᠂ ᠠᠳᠠᠯ ᠠᠮᠢᠳᠤᠷᠠᠯ᠂ ᠦᠯᠦᠬᠡᠢ ᠲᠠᠢ ᠨᠢᠯᠬᠠ ᠪᠠᠨ ᠬᠦᠷᠳᠡᠯᠡ | ᠠᠷᠤ ᠳᠤ ᠪᠠᠨ ᠬᠠᠶᠠᠵᠦ᠂ ᠠᠯᠤᠰ ᠬᠤᠯᠠ ᠭᠠᠵᠠᠷ ᠤᠳ ᠢᠶᠠᠷ ᠬᠡᠳᠦ ᠬᠡᠳᠦᠨ ᠬᠤᠨᠤᠭ ᠢᠶᠠᠷ ᠲᠤᠭᠯᠠᠯᠳᠠ ᠭᠠᠷᠭᠠᠵᠦ ᠶᠠᠪᠤᠨᠠ᠂ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠳᠤ | ᠤᠷᠤᠯᠴᠠᠨᠠ᠃ | ᠬᠠᠷᠠ ᠬᠦᠯᠦᠰᠦᠨ ᠤ ᠦᠵᠦᠬᠦᠷ ᠲᠤ ᠲᠠᠨᠠ ᠰᠤᠪᠤᠳ ᠪᠦᠮᠪᠦᠷᠢᠵᠦ᠂ ᠬᠠᠲᠠᠭᠤ ᠴᠢᠷᠮᠠᠶᠢᠯᠭᠠ ᠶᠢᠨ ᠳ᠋ᠦᠡᠭ ᠳᠤ ᠦᠢᠯᠡᠰ ᠪᠦᠲᠦᠭᠡᠯ ᠰᠦᠮᠪᠦᠷᠯᠡᠳᠡᠭ | ᠤᠴᠢᠷᠲᠠᠢ᠃ ᠬᠠᠮᠲᠤᠯᠢᠬ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤᠬᠤᠷᠬᠠᠨ ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ᠂ ᠲᠡᠳᠡ ᠪᠤᠰᠤᠳ ᠠᠴᠠ ᠬᠡᠳᠦ᠋ᠢᠳᠦᠭᠰᠡᠨ ᠬᠠᠲᠠᠭᠤ ᠴᠢᠷᠮᠠᠶᠢᠯᠭᠠ ᠨᠠᠨᠳᠢᠨ | ᠵᠢᠳᠬᠦᠯ ᠢᠶᠠᠷ ᠢᠶᠠᠨ ᠠᠯᠢ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠦ ᠠᠮᠵᠢᠵᠠᠢ᠃ 2014 ᠤᠨ ᠤ 8 ᠰᠠᠷᠠ ᠳᠤ ᠪᠤᠯᠤᠭᠰᠠᠨ ᠪᠦᠬᠦ ᠤᠷᠤᠨ ᠤ | ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠯᠢᠭ ᠤᠨ ᠨᠠᠶᠢᠷ ᠲᠤ ᠤᠤᠭᠠᠯ ᠪᠦᠲᠦᠭᠡᠯ ︽ᠲᠠᠯᠠ ᠨᠤᠲᠤᠭ ᠤᠨ ᠬᠦᠡᠭᠭᠡᠨ ᠮᠤᠷᠢᠲᠦ ᠴᠡᠷᠢᠭ︾ ᠢᠶᠠᠷ | ᠵᠤᠬᠢᠶᠠᠨ ᠪᠦᠲᠦᠭᠡᠯᠬᠡ ᠶᠢᠨ ᠨᠢᠬᠡᠳᠦᠬᠡᠷ ᠳᠡᠰ ᠤᠨ ᠱᠠᠩᠨᠠᠯ ᠪᠠ ᠲᠤᠭᠯᠠᠯᠳᠠ ᠶᠢᠨ ᠨᠢᠬᠡᠳᠦᠬᠡᠷ ᠲᠡᠰ ᠤᠨ ᠱᠠᠩᠨᠠᠯ ᠢ ᠬᠦᠷᠳᠡᠵᠡᠢ᠃ 2015 ᠤᠨ ᠪᠤᠯᠤᠨ 2016 | ᠤᠨ ᠳᠤ ᠬᠤᠶᠠᠷ ᠵᠢᠯ ᠳᠠᠷᠠᠭᠠᠯᠠᠨ ᠬᠢᠷᠢᠨ ᠮᠤᠵᠢ ᠶᠢᠨ ᠰᠢᠨᠡ ᠵᠢᠯ ᠤᠨ ᠦᠳᠡᠰᠢᠯᠡᠭᠡ ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠪᠠ᠃ 2017 ᠤᠨ ᠤ 5 ᠰᠠᠷᠠ ᠳᠤ᠂ | ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠶᠠᠮᠤᠨ ᠤ ᠤᠨᠴᠠ ᠤᠷᠢᠯᠭᠠ ᠪᠠᠷ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠢ ᠲᠦᠯᠦᠬᠡᠯᠡᠨ ︽ᠤᠯᠤᠰ ᠢᠶᠠᠨ ᠬᠠᠶᠢᠷᠠᠯᠠᠵᠦ | ᠳᠤᠮᠳᠠᠳᠤ ᠶᠢᠨ ᠵᠡᠬᠦᠳᠦ ᠶᠢ ᠲᠡᠷᠭᠡᠯᠰᠢᠬᠦᠯᠬᠦ︾ ᠪᠦᠬᠦ ᠤᠯᠤᠰ ᠤᠨ ᠪᠤᠯᠪᠠᠰᠤᠨ ᠲᠤᠰᠬᠤᠨ ᠪᠠᠯᠭᠠᠰᠤ ᠶᠢᠨ ᠤᠷᠠᠨ ᠰᠠᠶᠢᠬᠠᠨ ᠤ ᠦᠵᠡᠬᠦᠯᠬᠡ ᠳᠤ ᠤᠷᠤᠯᠴᠠᠵᠠᠢ᠃ | 2017 ᠤᠨ ᠤ 8 ᠰᠠᠷᠠ ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯ ᠤᠨ ᠤᠢ ᠶᠢ ᠪᠡᠯᠬᠡᠯᠡᠬᠦ ᠤᠷᠠᠨ ᠰᠠᠶᠢᠬᠠᠨ ᠤ | ᠦᠵᠡᠬᠦᠯᠬᠡ ᠳᠤ ᠤᠷᠤᠯᠴᠠᠵᠠᠢ᠃ 2018 ᠤᠨ ᠤ 8 ᠰᠠᠷᠠ ᠳᠤ᠂ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠳᠤᠮᠳᠠᠳᠤ ᠤᠯᠤᠰ · ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠯᠠ | ᠨᠤᠲᠤᠭ ᠤᠨ ᠰᠤᠶᠤᠯ ᠤᠨ ᠨᠠᠶᠢᠷ ᠤᠨ ︽ᠲᠠᠯᠠ ᠨᠤᠲᠤᠭ ᠢᠶᠠᠨ ᠳᠠᠭᠤᠯᠠᠶᠠ︾ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠠᠯᠢᠭ ᠤᠨ ᠪᠦᠯᠬᠦᠮ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠤᠤᠭᠠᠯ ᠪᠦᠲᠦᠭᠡᠯ ︽ᠭᠠᠶᠢᠬᠠᠮᠰᠢᠬᠲᠤ ᠱᠤᠩᠬᠤᠷ︾ ᠢᠶᠠᠷ ᠢᠶᠠᠨ ᠤᠷᠤᠯᠴᠠᠵᠦ᠂ ᠪᠦᠬᠦ ᠤᠷᠤᠨ ᠤ 300 ᠭᠠᠷᠤᠢ ᠬᠠᠮᠲᠤᠯᠢᠬ ᠤᠨ ᠳᠤᠮᠳᠠ ᠠᠴᠠ | ᠵᠤᠬᠢᠶᠠᠨ ᠪᠦᠲᠦᠭᠡᠯᠬᠡ ᠶᠢᠨ ᠨᠢᠬᠡᠳᠦᠬᠡᠷ ᠳᠡᠰ᠂ ᠲᠤᠭᠯᠠᠯᠳᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠳᠡᠰ ᠤᠨ ᠱᠠᠩᠨᠠᠯ ᠬᠦᠷᠳᠡᠵᠡᠢ᠃ 2018 ᠤᠨ ᠤ 10 ᠰᠠᠷᠠ ᠳᠤ᠂ ︽ᠨᠢᠬᠡ | ᠪᠦᠰᠡ ᠨᠢᠬᠡ ᠵᠠᠮ · ᠤᠪᠤᠭᠠᠨ ᠳᠡᠷᠭᠡᠳᠡᠬᠢ ᠠᠭᠤᠯᠵᠠᠯᠳᠠ︾ ᠪᠦᠬᠦ ᠤᠷᠤᠨ ᠤ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠬᠤᠷᠴᠢᠨ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ | ᠤᠷᠤᠯᠳᠤᠭᠠᠨ ᠳᠤ ᠬᠤᠷᠴᠢᠨ ᠠᠷᠠᠳ ᠤᠨ ᠳᠠᠭᠤᠤ ︽ᠪᠤᠨᠳᠠᠷᠸᠠ ᠴᠡᠴᠡᠭ︾ ᠢᠶᠠᠷ ᠢᠶᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠳᠤᠭᠤᠢᠢᠯᠠᠩ ᠳᠤ ᠬᠤᠶᠠᠳᠤᠭᠠᠷ ᠳᠡᠰ ᠲᠤ | ᠲᠤᠳᠤᠷᠠᠵᠠᠢ᠃ 2018 ᠤᠨ ᠤ 12 ᠰᠠᠷᠠ ᠳᠤ ᠪᠤᠯᠤᠭᠰᠠᠨ ︽ᠨᠢᠬᠡ ᠪᠦᠰᠡ ᠨᠢᠬᠡ ᠵᠠᠮ · ᠤᠪᠤᠭᠠᠨ ᠳᠡᠷᠭᠡᠳᠡᠬᠢ ᠠᠭᠤᠯᠵᠠᠯᠳᠠ︾ ᠪᠦᠬᠦ ᠤᠷᠤᠨ ᠤ ᠮᠤᠷᠢᠨ | ᠬᠤᠭᠤᠷ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠤᠭᠠᠯ ᠪᠦᠲᠦᠭᠡᠯ ︽ᠬᠦᠰᠡᠯ ᠪᠢᠯᠬᠠᠭᠰᠠᠨ ᠲᠠᠯᠠ ᠨᠤᠲᠤᠭ︾ ᠢᠶᠠᠷ ᠢᠶᠠᠨ ᠲᠤᠭᠯᠠᠯᠳᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠳᠡᠰ ᠤᠨ ᠱᠠᠩᠨᠠᠯ | ᠬᠦᠷᠳᠡᠵᠡᠢ᠃ 2019 ᠤᠨ ᠳᠤ᠂ ︽ᠱᠤᠩᠬᠤᠷ︾ ᠬᠠᠮᠲᠤᠯᠢᠬ ᠨᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠬᠤᠲᠠ᠂ ᠬᠤᠰᠢᠭᠤᠨ ᠳᠡᠰ ᠤᠨ ᠭᠤᠷᠪᠠᠨ ᠲᠠᠯᠠᠪᠠᠢ | ᠲᠤᠰᠬᠠᠢ ᠲᠤᠭᠯᠠᠯᠳᠠ ᠪᠠᠨ ᠠᠮᠵᠢᠯᠲᠠᠲᠠᠢ ᠶᠠᠪᠤᠭᠳᠠᠭᠤᠯᠪᠠ᠃ 2020 ᠤᠨ ᠤ 8 ᠰᠠᠷᠠ ᠳᠤ ᠨᠠᠢᠮᠠᠨ ᠮᠤᠵᠢ ᠤᠷᠤᠨ ᠤ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠬᠤᠷᠴᠢᠨ | ᠦᠯᠢᠬᠡᠷᠲᠦ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠰᠢᠨᠡ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠳᠠᠶᠠ ᠪᠦᠬᠡᠷᠡ︾ ᠪᠠᠷ ᠢᠶᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ | ᠳᠤᠭᠤᠢᠢᠯᠠᠩ ᠤᠨ ᠨᠢᠬᠡᠳᠦᠬᠡᠷ ᠳᠡᠰ ᠲᠤ ᠲᠤᠳᠤᠷᠠᠵᠠᠢ᠃ 2020 ᠤᠨ ᠤ 8 ᠰᠠᠷᠠ ᠳᠤ᠂ ᠪᠦᠬᠦ ᠬᠤᠲᠠ ᠶᠢᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠨ ᠰᠠᠶᠢᠬᠠᠨ ᠤ ᠬᠠᠷᠢᠭᠤ | ᠮᠡᠳᠡᠬᠦᠯᠦᠯᠲᠡ ᠶᠢᠨ ᠲᠤᠭᠯᠠᠯᠳᠠ ᠳᠤ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠨᠢ ᠲᠤᠪᠤᠶᠢᠮᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠦᠭᠰᠡᠨ ᠱᠠᠩᠨᠠᠯ ᠲᠤᠰᠴᠤ᠂ ᠬᠤᠷᠴᠢᠨ ᠠᠷᠠᠳ ᠤᠨ | ᠳᠠᠭᠤᠤ ︽ᠳ᠋ᠥ᠋ᠩ ᠱᠠᠨ ᠭᠡ ᠭᠡ︾ ᠪᠠᠷ ᠲᠤᠭᠯᠠᠯᠳᠠ ᠶᠢᠨ ᠨᠢᠬᠡᠳᠦᠬᠡᠷ ᠳᠡᠰ ᠤᠨ ᠱᠠᠩᠨᠠᠯ ᠬᠦᠷᠳᠡᠵᠡᠢ᠃ ᠡᠳᠡᠭᠡᠷ ᠢᠷᠠᠭᠤ ᠠᠯᠳᠠᠷ᠂ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠤᠳ ᠲᠤ | ︽ᠱᠤᠩᠬᠤᠷ︾ ᠬᠠᠮᠲᠤᠯᠢᠬ ᠤᠨ ᠪᠦᠬᠦ ᠬᠡᠰᠢᠬᠦᠨ ᠤ ᠬᠠᠮᠲᠤᠯᠢᠭ ᠢᠶᠠᠨ ᠬᠡᠰᠡᠨ ᠬᠠᠯᠠᠭᠤᠨ ᠬᠠᠶᠢᠷᠠ᠂ ᠤᠷᠠᠯᠢᠭ ᠢᠶᠠᠨ ᠬᠡᠰᠡᠨ ᠦᠨᠡᠨᠴᠢ ᠵᠢᠳᠬᠦᠯ ᠰᠢᠩᠭᠡᠭᠰᠡᠨ | ᠪᠠᠶᠢᠬᠤ ᠤᠴᠢᠷᠲᠠᠢ᠃ | ᠊᠊᠊᠊᠊᠊ ᠮᠠᠨ ᠤ ᠬᠠᠮᠲᠤᠯᠢᠬ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠪᠠᠨ ᠠᠪᠤᠭᠠᠳ ᠦᠨᠦᠳᠦᠷ ᠤᠨ ᠡᠳᠦᠢ ᠲᠡᠳᠦᠢ ᠠᠮᠵᠢᠯᠲᠠ ᠳᠤ ᠬᠦᠷᠦᠭᠰᠡᠨ ᠨᠢ ᠲᠡᠳᠡᠭᠡᠷ ᠤᠯᠠᠨ | ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠦᠮᠦᠨ ᠤ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠬᠡ ᠠᠴᠠ ᠰᠠᠯᠵᠦ ᠴᠢᠳᠠᠬᠤ ᠦᠬᠡᠢ ᠶᠤᠮ᠃ ᠮᠠᠨ ᠤ ᠭᠠᠵᠠᠷ ᠤᠷᠤᠨ ᠤ ᠨᠠᠮ ᠵᠠᠰᠠᠭ ᠤᠨ ᠤᠳᠤᠷᠢᠳᠤᠯᠭᠠ | ᠂ ᠪᠠᠶᠢᠭᠤᠯᠭᠠ ᠠᠴᠠ ᠡᠬᠢᠯᠡᠬᠡᠳ ᠪᠢᠳᠡᠨ ᠢ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠬᠠᠯᠠᠭᠤᠨ ᠭᠠᠷ ᠢᠶᠠᠨ ᠰᠤᠩᠭᠠᠨ ᠬᠠᠪᠰᠤᠷᠤᠨ ᠳᠡᠮᠵᠢᠨ ᠵᠤᠷᠢᠭᠵᠢᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠦᠬᠡᠳ | ᠨᠡᠩ ᠢᠯᠠᠩᠭᠤᠶᠠ ︽ᠠᠨᠳᠠ︾ ᠬᠠᠮᠲᠤᠯᠢᠬ ᠤᠨ ᠪᠠᠭᠰᠢ ᠨᠠᠷ ᠠᠬᠢᠨ ᠳᠠᠬᠢᠨ ᠢᠷᠡᠵᠦ ᠪᠢᠳᠡᠨ ᠳᠤ ᠪᠤᠯᠪᠠᠰᠤᠷᠠᠯ ᠬᠦᠷᠲᠡᠭᠡᠵᠦ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠠᠭᠠᠷ ᠢᠷᠡᠭᠰᠡᠨ | ᠶᠤᠮ᠃ ᠪᠢᠳᠡ ᠲᠡᠳᠡᠭᠡᠷ ᠬᠦᠮᠦᠰ ᠤᠨ ᠢᠶᠠᠨ ᠬᠦᠰᠡᠯ ᠢ ᠶᠠᠭᠠᠬᠢᠭᠰᠠᠨ ᠴᠤ ᠬᠦᠰᠡᠷᠳᠡᠬᠦᠯᠬᠦ ᠦᠭᠡᠢ ᠪᠠᠷ ᠴᠢᠷᠮᠠᠶᠢᠨᠠ᠃ ᠱᠤᠩᠬᠤᠷ ᠭᠡᠳᠡᠭ ᠤᠭᠲᠠᠷᠭᠤᠢ ᠶᠢᠨ | ᠴᠡᠭᠡᠯ ᠢᠶᠠᠷ ᠡᠷᠭᠡ ᠳᠤᠷᠠ ᠪᠠᠷ ᠨᠢᠰᠳᠡᠭ ᠡᠷᠡᠯᠭᠡᠭ ᠰᠢᠪᠠᠭᠤ᠂ ᠬᠠᠮᠲᠤᠯᠢᠭ ᠢᠶᠠᠨ ᠪᠢᠳᠡ ᠨᠢᠬᠡᠨ ᠱᠤᠩᠬᠤᠷ ᠰᠢᠪᠠᠭᠤ ᠪᠠᠷ ᠵᠦᠢᠷᠯᠡᠬᠦ ᠶᠤᠮ ᠪᠤᠯ ᠰᠠᠶ᠋ᠢᠬᠠᠨ ᠦᠳᠦ | ᠰᠤᠳᠤ ᠨᠢ ᠪᠦᠷᠢᠳᠦᠬᠡᠳ ᠳᠡᠪᠳᠡᠷᠢᠨ ᠨᠢᠰᠴᠦ ᠪᠠᠶᠢᠭᠠ ᠵᠤᠯᠵᠠᠭᠠ ᠱᠤᠩᠬᠤᠷ ᠯᠠ ᠲᠡᠳᠦᠢ᠂ ᠦᠨᠳᠦᠷ ᠲᠤ ᠲᠡᠬᠦᠯᠢᠵᠦ ᠬᠤᠯᠠ ᠨᠢᠰᠬᠦ ᠶᠢᠨ ᠲᠦᠯᠦᠬᠡ ᠪᠢᠳᠡ | ᠬᠠᠲᠠᠭᠤᠵᠢᠯᠲᠠᠢ ᠪᠤᠯᠪᠠᠰᠤᠷᠠᠵᠦ ᠦᠳᠦ ᠵᠢᠬᠦᠷ ᠢᠶᠠᠨ ᠬᠠᠲᠠᠭᠤᠷᠠᠭᠤᠯᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠬᠠᠮᠲᠤᠯᠢᠭ ᠤᠨ ᠠᠬᠠᠯᠠᠭᠴᠢ ᠠᠯᠳᠠᠷᠲᠤ ᠳᠠᠷᠤᠤᠬᠠᠨ ᠪᠦᠬᠡᠳ | ᠢᠲᠡᠭᠡᠯᠳᠡᠶᠢᠬᠡᠨ ᠶᠠᠷᠢᠵᠦ ᠪᠠᠶᠢᠯᠠ᠃ | ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠮᠠᠨᠢ ︽ᠲᠠᠯᠠ ᠨᠤᠲᠤᠭ ᠤᠨ ᠬᠤᠪᠢᠰᠬᠠᠯᠲᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠦᠡᠭᠭᠡᠨ ᠮᠤᠷᠢᠲᠦ ᠴᠡᠷᠢᠭ︾ ᠤᠨ ᠰᠢᠯᠢᠳᠡᠭ | ᠤᠳᠤᠮᠰᠢᠯ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠵᠦ᠂ ᠬᠤᠷᠴᠢᠨ ᠰᠤᠶᠤᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠦ᠂ ᠨᠡᠩ ᠤᠯᠠᠨ ᠭᠠᠵᠠᠷ ᠤᠷᠤᠨ ᠤ ᠤᠨᠴᠠᠯᠢᠬ ᠲᠠᠢ᠂ | ᠳᠡᠯᠬᠡᠷᠡᠬᠦᠯᠦᠨ ᠲᠠᠷᠬᠠᠭᠠᠵᠦ ᠦᠪᠯᠡᠨ ᠦᠯᠡᠳᠡᠭᠡᠵᠦ ᠪᠤᠯᠬᠤᠢᠢᠴᠠ ᠰᠤᠳᠤᠨ ᠰᠠᠶᠢᠬᠠᠨ ᠤᠷᠠᠯᠢᠭ ᠤᠨ ᠪᠦᠲᠦᠭᠡᠯ ᠲᠦᠷᠦᠬᠦᠯᠬᠦ ᠪᠤᠯᠤᠨᠠ ᠭᠡᠳᠡᠭ ᠲᠤ ᠢᠲᠡᠭᠡᠯᠲᠡᠢ | ᠪᠠᠶᠢᠨᠠ᠃ ᠲᠡᠭᠡᠯᠬᠦᠢ ᠴᠤ ᠶᠠᠭᠠᠬᠢᠬᠤᠪ⁈ ︽ᠱᠤᠩᠬᠤᠷ ᠬᠠᠮᠲᠤᠯᠢᠬ︾ ᠮᠠᠨᠢ ᠳᠤᠨᠳᠠᠷᠠᠰᠢ ᠦᠬᠡᠢ ᠳᠠᠯᠠᠢ ᠪᠠᠶᠠᠨ ᠬᠤᠷᠴᠢᠨ ᠰᠤᠶᠦᠯ ᠤᠨ ᠢᠶᠠᠨ ᠲᠠᠩᠰᠤᠭ | ᠦᠪ ᠠᠴᠠ ᠡᠷᠴᠢ ᠠᠪᠴᠦ᠂ ᠰᠢᠨᠳᠠᠷᠠᠰᠢ ᠦᠬᠡᠢ ᠬᠠᠲᠠᠨ ᠵᠤᠷᠢᠬᠲᠤ ᠮᠤᠩᠭᠤᠯ ᠵᠠᠯᠠᠭᠤᠰ ᠤᠨ ᠤᠷᠠ ᠠᠪᠢᠶᠠᠰ ᠤᠬᠠᠭᠠᠨ ᠲᠠᠮᠢᠷ ᠢᠶᠠᠷ ᠵᠢᠬᠦᠷ ᠬᠢᠵᠦ᠂ | ᠦᠨᠳᠦᠷ ᠠᠴᠠ ᠦᠨᠳᠦᠷ᠂ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠨᠢᠰᠬᠦ ᠨᠢ ᠯᠠᠪᠲᠠᠢ ᠶᠤᠮ ᠡ᠃ | | | |