| | | ᠊᠊᠊᠊᠊᠊᠊᠊᠊᠊ ᠬᠤᠷᠴᠢᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ ᠶᠢᠨ ᠭᠠᠷᠠᠭ ᠤᠨ ᠡᠷᠬᠢᠴᠡᠭᠦᠯᠦᠯ | ᠲᠠᠭᠤᠤ ᠬᠦᠭᠵᠢᠮ ᠪᠤᠯ ᠬᠦᠮᠦᠰ ᠤᠨ ᠲᠤᠳᠤᠭᠠᠳᠦ ᠰᠡᠳᠬᠢᠯᠭᠡ ᠶᠢᠨ ᠴᠢᠪᠬᠠᠳᠠᠰᠦ ᠶᠤᠮ ᠡ᠃ ᠠᠶᠠᠯᠭᠤ ᠬᠦᠭᠵᠢᠮ ᠢᠶᠠᠷ ᠬᠦᠮᠦᠰ ᠠᠵᠢᠯ ᠤᠨ ᠴᠢᠯᠡᠭᠡ᠂ | ᠠᠮᠢᠳᠤᠷᠠᠯ ᠤᠨ ᠶᠠᠳᠠᠷᠠᠭᠠ ᠪᠠᠨ ᠲᠡᠶᠢᠯᠵᠦ᠂ ᠤᠷᠮᠠ ᠰᠡᠳᠬᠢᠯ ᠢᠶᠠᠨ ᠰᠡᠷᠭᠦᠭᠡᠳᠡᠭ᠃ | ᠠᠵᠢᠯ ᠠᠮᠢᠳᠤᠷᠠᠯ ᠲᠤᠮᠳᠠ ᠪᠠᠨ ᠬᠦᠮᠦᠰ ᠭᠠᠷᠠᠭ ᠤᠨ ᠠᠮᠠᠷᠠᠯᠳᠠ ᠪᠠᠨ ᠰᠡᠯᠡᠭᠦᠨ ᠲᠠᠪᠠᠳᠠᠢ᠂ ᠵᠤᠭᠠ ᠴᠡᠩᠬᠡᠯ ᠲᠠᠢ ᠦᠡᠭᠭᠡᠷᠡᠭᠦᠯᠵᠦ᠂ ᠲᠠᠷᠠᠭᠠ ᠭᠠᠷᠠᠭ ᠤᠨ | ᠠᠵᠢᠯ ᠢᠶᠠᠨ ᠡᠷᠴᠢ ᠵᠤᠷᠢᠭ ᠲᠠᠢ᠂ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠡᠬᠢᠯᠡᠭᠦᠯᠳᠡᠭ᠃ ᠭᠠᠷᠠᠭ ᠤᠨ ᠰᠡᠭᠦᠯᠴᠢ ᠪᠠᠷ᠂ ᠲᠠ ᠨᠠᠷ ᠮᠠᠨᠢ ︽ᠬᠤᠷᠴᠢᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ | ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ︾ ᠳᠤ ᠪᠠᠨ ᠠᠩᠬᠠᠷᠤᠯ ᠢᠶᠠᠨ ᠬᠠᠨᠳᠤᠭᠤᠯᠵᠦ᠂ ᠠᠶᠠ ᠲᠠᠭᠤᠤ ᠪᠠᠷ ᠨᠢ ᠠᠵᠢᠯ ᠤᠨ ᠴᠢᠯᠡᠭᠡ ᠪᠠᠨ ᠲᠠᠶᠢᠯᠵᠦ᠂ ᠤᠶᠤᠨ ᠢᠶᠠᠨ ᠤᠮᠳᠠᠯᠠᠨ᠂ | ᠤᠷᠮᠡ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠦ᠂ ᠭᠠᠷᠠᠭ ᠤᠨ ᠴᠡᠩᠬᠡᠭᠦᠨ ᠬᠦᠷᠳᠡᠳᠡᠭ ᠪᠠᠶᠢᠬᠠ︕ | ᠲᠡᠭᠡᠷᠡ ᠭᠠᠷᠠᠭ ᠤᠨ ᠲᠠᠪᠤᠨ᠂ ᠵᠢᠷᠭᠤᠭᠠᠨ ᠤ ᠤᠷᠤᠢ ᠶᠢᠨ 7᠄ 30 ᠲᠤ ︽ᠬᠤᠷᠴᠢᠨ ᠤ ᠲᠠᠭᠤᠤ ᠬᠦᠭᠵᠢᠮ ᠤᠨ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ︾ ᠪᠤᠯᠵᠤᠭᠠ | ᠶᠤᠰᠤᠭᠠᠷ ᠢᠶᠠᠨ ᠡᠬᠢᠯᠡᠪᠡ᠃ ᠲᠦᠡᠭᠯᠢᠶᠤᠤ ᠬᠤᠳᠠ ᠶᠢᠨ ᠦᠨᠳᠦᠰᠦᠳᠡᠨ ᠤ ᠲᠠᠭᠤᠤ ᠪᠦᠵᠢᠭ ᠤᠨ ᠪᠦᠯᠬᠦᠮ ᠤᠨ ᠬᠡᠰᠡᠭ ᠲᠤᠭᠯᠠᠭᠴᠢ ᠠᠴᠠ ᠴᠠᠭ ᠤᠨ ᠤᠷᠤᠰᠬᠠᠯ | ᠳᠤ ᠨᠡᠶᠢᠴᠡᠭᠦᠯᠦᠨ᠂ ᠬᠡᠳᠦᠨ ᠶᠠᠩᠵᠦ ᠶᠢᠨ ᠬᠦᠭᠵᠢᠮᠳᠡᠭᠦᠷ ᠬᠠᠪᠰᠤᠷᠭᠠᠨ ᠠᠶᠠᠯᠭᠤ ᠬᠦᠭᠵᠢᠮ ᠢᠶᠠᠨ ᠭᠦᠭᠵᠢᠮᠳᠡᠵᠦ᠂ ᠠᠷᠠᠳ ᠤᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠦ᠂ | ᠦᠵᠡᠭᠴᠢ ᠤᠯᠠᠨ ᠲᠠᠢ ᠪᠠᠨ ᠵᠤᠯᠭᠠᠭᠰᠠᠨ ᠪᠠᠶᠢᠨᠠ᠃ | ᠮᠤᠷᠢᠨ ᠬᠤᠭᠤᠷᠴᠢ ᠰᠤᠶᠤᠯ ᠮᠤᠷᠢᠨ ᠬᠤᠭᠤᠷ ᠢᠶᠠᠨ ᠬᠦᠭᠯᠡᠬᠦᠯᠦᠨ ︽ᠮᠠᠷᠳᠠᠭᠠ ᠦᠭᠡᠢ︾ ᠭᠡᠬᠦ ᠲᠠᠭᠤᠤ ᠶᠢᠨ ᠠᠶᠠ ᠶᠢ ᠴᠤᠤᠷᠢᠶᠠᠳᠤᠭᠤᠯᠤᠨ ᠰᠢᠭᠤᠳ | ᠨᠡᠪᠳᠡᠷᠡᠭᠦᠯᠭᠡ ᠪᠠᠨ ᠡᠬᠢᠯᠡᠭᠦᠯᠵᠦ᠂ ᠪᠠᠭᠠᠳᠤᠷ᠂ ᠪᠠᠢ ᠬᠤᠤ ︽ᠲᠠᠬᠢᠨᠢ ᠶᠢᠨ ᠨᠠᠭᠤᠷ︾᠂ ︽ᠮᠠᠨᠳᠤᠬᠤ ᠨᠠᠷᠠ︾᠂ ︽ᠲᠠᠭᠤᠯᠠ︾᠂ ︽ᠲᠡᠭᠷᠢ ᠶᠢᠨ ᠬᠠᠶᠠᠭᠠ︾᠂ | ︽ᠳ᠋ᠠᠨᠠᠪᠠᠯ︾ ᠤᠨ ᠢᠷᠠᠭᠤ ᠠᠶᠠᠰ ᠢ ᠮᠤᠷᠢᠨ ᠬᠤᠭᠤᠷ ᠢᠶᠠᠷ ᠤᠶᠠᠩᠭᠠᠷᠠᠭᠤᠯᠤᠨ᠂ ᠦᠵᠡᠭᠴᠢ ᠲᠦᠮᠡᠨ ᠤ ᠪᠠᠨ ᠤᠷᠮᠠ ᠪᠠᠬᠠ ᠶᠢ ᠲᠠᠳᠠᠪᠠ᠃ ᠠᠷᠠᠳ ᠤᠨ ᠲᠠᠭᠤᠤ | ︽ᠪᠦᠭᠡᠷᠦᠯᠠᠢ︾᠂ ︽ᠲᠡᠭᠷᠢ ᠶᠢᠨ ᠰᠠᠯᠬᠢ︾ ᠶᠢ ᠵᠠᠯᠠᠭᠤ ᠲᠠᠭᠤᠴᠢᠨ ᠭᠦᠩ ᠫᠢᠩ ᠠᠴᠠ ᠰᠡᠳᠬᠢᠯ ᠡᠪᠬᠡᠷᠡᠳᠡᠯᠡ ᠠᠶᠠᠯᠭᠤᠯᠠᠨ ᠲᠠᠭᠤᠯᠠᠵᠦ ᠤᠯᠠᠨ ᠤ ᠰᠡᠳᠭᠢᠯ ᠢ | ᠬᠦᠨᠳᠡᠨᠡ᠃ ᠶᠠᠳᠤᠭᠠᠴᠢᠨ ᠰᠠᠴᠤᠷᠠ ᠶᠢᠨ ︽ᠤᠯᠠᠭᠠᠨ ᠰᠠᠷᠠᠯᠠᠩ︾᠂ ︽ᠬᠠᠨᠳᠡᠷᠮᠠ︾ ᠶᠢᠨ ᠠᠶᠠ ᠶᠢ ᠴᠢᠪᠬᠠᠳᠠᠬᠤ ᠨᠢ ᠲᠤᠩ ᠡᠷᠬᠢᠮᠰᠦᠭ ᠭᠤᠸᠠ ᠪᠠᠶᠢᠵᠦ᠂ | ᠨᠠᠮᠠᠭᠠ ᠯᠢᠩᠬᠤᠠ ᠴᠡᠴᠡᠭ ᠬᠤᠸᠠᠷ ᠮᠡᠳᠦ ᠦᠵᠡᠰᠭᠦᠯᠡᠩ ᠲᠦᠷᠦᠭᠰᠡᠨ ᠬᠠᠨᠳᠠᠷᠮᠠ ᠶᠠᠭ ᠯᠠ ᠡᠶᠢᠮᠦ ᠪᠠᠶᠢᠬᠤ ᠭᠡᠮᠡᠷᠬᠡᠨ ᠪᠤᠳᠤᠯ ᠲᠦᠷᠦᠭᠳᠡᠭᠦᠯᠳᠡᠭ ᠮᠦᠷᠳᠡᠭᠡᠨ | ᠬᠦᠮᠦᠰ ᠢ ᠦᠪᠡᠷ ᠤᠨ ᠡᠷᠭᠡ ᠦᠬᠡᠢ ᠡᠨᠡ ᠬᠦ ᠠᠶᠠ ᠲᠠᠭᠤᠨ ᠳᠤ ᠰᠤᠭᠳᠤᠭᠤᠷᠠᠭᠤᠯᠤᠨᠠ ᠪᠢᠯᠡ᠃ | ᠲᠤᠪᠰᠢᠭᠤᠷ ᠬᠦᠭᠵᠢᠮ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠢᠵᠠᠭᠤᠷ ᠬᠦᠭᠵᠢᠮᠳᠡᠭᠦᠷ ᠤᠨ ᠨᠢᠭᠡ ᠪᠠᠶᠢᠵᠦ᠂ ᠬᠢᠴᠡ ᠪᠦᠳᠦᠴᠡ ᠨᠢ ᠲᠦᠭᠦᠮ ᠪᠤᠯᠪᠠᠴᠦ ᠢᠷᠡᠭᠤ | ᠲᠤᠳᠦ᠂ ᠬᠦᠡᠭᠬᠢᠨᠡᠮᠡ ᠲᠠᠭᠤ ᠲᠠᠢ ᠲᠤᠪᠰᠢᠨ ᠬᠦᠭᠵᠢᠮᠳᠡᠬᠦ ᠬᠤᠶᠠᠷ ᠴᠢᠪᠬᠠᠳᠠᠰᠦ ᠲᠠᠢ ᠬᠦᠭᠵᠢᠮ ᠪᠤᠯᠤᠨᠠ᠃ ᠴᠤᠭᠪᠠᠭᠠᠳᠤᠷ ᠤᠨ ᠲᠤᠪᠰᠢᠭᠤᠷᠳᠠᠭᠰᠠᠨ ︽ᠵᠡᠯᠮᠡ | ᠬᠠᠷᠠ︾ ᠨᠢ ᠤᠷᠮᠠ ᠪᠠᠬᠠ ᠶᠢ ᠨᠡᠩ ᠲᠠᠳᠠᠵᠦ᠂ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠳᠤᠭ ᠠᠴᠠ ᠲᠦᠮᠡᠨ ᠠᠭᠳᠠ ᠶᠢᠨ ᠲᠦᠪᠡᠷᠭᠡᠨ ᠲᠤᠭᠤᠯᠳᠠᠵᠦ᠂ ︽ᠵᠡᠯᠮᠡ ᠬᠠᠷᠠ︾ | ᠶᠢᠨ ᠦᠤᠷᠰᠡᠭᠡᠨ ᠳᠤ ᠮᠤᠷᠢᠳᠡᠨ ᠤᠳᠤᠮ ᠤᠨ ᠬᠡᠶᠢᠮᠦᠷᠢ ᠰᠡᠷᠭᠦᠨᠡ ᠭᠡᠯᠳᠡᠢ᠃ ︽ᠬᠤᠨ ᠭᠠᠯᠠᠭᠤ︾᠂ ︽ᠰᠡᠯᠡᠩᠭᠡ ᠮᠦᠷᠡᠨ︾ ᠤ ᠠᠶᠠ ᠮᠤᠳᠤᠨ ᠴᠤᠭᠤᠷ ᠠᠴᠠ | ᠬᠦᠡᠭᠬᠢᠨᠡᠨ ᠱᠤᠤᠬᠢᠨᠠᠵᠦ᠂ ᠶᠠᠭ ᠯᠠ ᠰᠡᠯᠡᠩᠭᠡ ᠮᠦᠷᠡᠨ ᠤ ᠬᠦᠪᠡᠭᠡᠨ ᠳᠤ ᠤᠢ ᠬᠦᠪᠴᠢ ᠠᠴᠠ ᠲᠤᠭᠤᠯᠳᠠᠬᠤ ᠰᠢᠪᠠᠭᠤᠳ ᠤᠨ ᠲᠤᠩᠭᠤᠳᠤᠭᠠᠨ ᠪᠠ ᠭᠤᠤᠯ | ᠭᠤᠷᠤᠬᠠ ᠶᠢᠨ ᠭᠤᠷᠴᠢᠬᠢᠨᠠᠬᠤ ᠲᠠᠭᠤᠨ ᠢ ᠴᠢᠩᠨᠠᠨ ᠰᠠᠭᠤᠵᠦ ᠪᠠᠶᠢᠭᠠ ᠰᠢᠬ ᠲᠠᠶᠢᠪᠤᠩ ᠲᠠᠭᠠᠳᠠᠢ ᠰᠠᠨᠠᠭᠳᠠᠭᠤᠯᠤᠨᠠ᠃ | ︽ᠠᠷᠤ ᠭᠠᠵᠠᠷ ᠤᠷᠭᠤᠭᠴᠢ | ᠠᠴᠠ ᠪᠦᠭᠡ ᠲᠠᠢ ᠠᠯᠳᠠᠷᠭᠠᠨᠠ | ᠠᠯᠠᠭᠠᠨ ᠲᠡᠭᠡᠷᠡ ᠪᠠᠨ ᠲᠡᠵᠢᠭᠡᠭᠰᠡᠨ | ᠠᠪᠤ ᠯᠠ ᠡᠵᠢ ᠬᠤᠶᠠᠷ ᠮᠢᠨᠢ | ᠡᠪᠦᠷ ᠭᠠᠵᠠᠷ ᠤᠷᠭᠤᠭᠴᠢ | ᠡᠰᠢ ᠪᠦᠭᠡ ᠲᠠᠢ ᠠᠯᠳᠠᠷᠭᠠᠨᠠ | ᠡᠯᠢᠭᠡᠨ ᠳᠡᠭᠡᠷᠡ ᠪᠠᠨ ᠲᠡᠵᠢᠭᠡᠭᠰᠡᠨ | ᠡᠵᠢ ᠯᠠ ᠠᠪᠤ ᠬᠤᠶᠠᠷ ᠮᠢᠨᠢ︾ ᠭᠡᠵᠦ ᠵᠠᠯᠠᠭᠤ ᠲᠠᠭᠤᠴᠢᠨ ᠤᠷᠤᠭᠰᠢ ᠪᠤᠷᠢᠶᠠᠳ ᠠᠷᠠᠳ ᠤᠨ ᠲᠠᠭᠤᠤ ︽ᠠᠯᠳᠠᠷᠭᠠᠨᠠ︾ ᠶᠢ ᠬᠦᠭᠡᠮᠡᠶᠢᠯᠡᠭᠰᠠᠨ ᠨᠢ ᠲᠤᠩ | ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠦ᠂ ᠠᠯᠢᠪᠠ ᠪᠦᠬᠦᠨ ᠠᠮᠢᠯᠠᠨ ᠰᠡᠷᠭᠦᠭᠰᠡᠨ ᠤᠷᠢᠬᠠᠨ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠨᠤᠳᠤᠭ ᠤᠨ ᠮᠢᠨᠢ ᠠᠭᠤᠯᠨ ᠨᠢᠷᠤᠭᠤᠳ ᠤᠨ ᠡᠩᠭᠡᠷ | ᠬᠤᠷᠮᠤᠢ ᠪᠠᠷ ᠰᠤᠶᠤᠭᠠᠯᠠᠨ ᠨᠠᠬᠢᠶᠠᠯᠠᠵᠦ ᠪᠠᠶᠢᠭᠠ ᠡᠪᠡᠰᠦ ᠤᠷᠭᠤᠮᠡᠯ ᠬᠦᠭᠡᠷᠡᠨ ᠬᠠᠷᠠᠭᠳᠠᠬᠤ ᠰᠢᠬ ᠪᠤᠯᠤᠯᠠ᠃ ᠴᠤᠪᠤᠭᠤ ᠶᠢᠨ ᠬᠦᠭᠵᠢᠮᠳᠡᠭᠰᠡᠨ ᠱᠤᠳᠤᠷᠭᠤ ᠠᠴᠠ | ︽ᠭᠡᠤᠬᠡᠨ ᠮᠤᠷᠳᠠᠭᠤᠯᠬᠤ ᠲᠠᠭᠤᠤ︾ ᠶᠢᠨ ᠠᠶᠠ ᠤᠶᠠᠩᠭᠠᠷᠠᠵᠤ᠂ | ︽ᠮᠦᠰᠦᠨ ᠲᠡᠭᠡᠭᠦᠷ ᠬᠦᠶᠦᠳᠡᠯ ᠲᠠᠢ | ᠮᠦᠡᠭᠭᠦᠨ ᠴᠤᠬᠤᠷ ᠮᠤᠷᠢ ᠮᠢᠨᠢ | ᠮᠦᠡᠭᠬᠦ ᠱᠢᠷᠦ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠮᠢᠨᠢ ᠬᠦᠮᠦᠨ ᠤ ᠳ᠋ᠧ | ᠮᠠᠩᠬᠠᠨ ᠲᠡᠭᠡᠭᠦᠷ ᠬᠦᠶᠦᠳᠡᠯ ᠲᠠᠢ | ᠮᠠᠩᠨᠠᠢ ᠬᠠᠯᠵᠠᠨ ᠮᠤᠷᠢ ᠮᠢᠨᠢ | ᠮᠠᠩᠨᠤᠭ ᠱᠢᠷᠦ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠮᠢᠨᠢ ᠭᠦᠮᠤᠨ ᠤ ᠳ᠋ᠧ︾ ᠭᠡᠮᠡᠨ ᠬᠠᠷᠢ ᠳᠤ ᠮᠤᠷᠳᠠᠭᠰᠠᠨ ᠬᠡᠤᠬᠡᠨᠴᠤᠳ ᠤᠨ ᠲᠦᠷᠬᠦᠮ ᠢ ᠨᠢ ᠰᠠᠨᠠᠭᠳᠠᠭᠤᠯᠵᠦ᠂ ᠬᠦᠮᠦᠨ ᠤ ᠨᠤᠳᠤᠭ | ᠬᠦᠨᠳᠡᠯᠡᠨ ᠤ ᠭᠠᠵᠠᠷ ᠲᠤ ᠠᠵᠢᠯᠯᠠᠵᠦ ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠬᠦᠮᠦᠰ ᠤᠨ ᠨᠤᠳᠤᠭ ᠢ ᠨᠢ ᠡᠷᠢᠭᠳᠡᠭᠦᠯᠦᠨᠡ᠃ | ᠬᠤᠭᠤᠷᠳᠠᠨᠠ ᠤᠤ᠂ ᠬᠦᠭᠡᠮᠡᠶᠢᠯᠡᠨᠡ ᠤᠤ᠂ ᠲᠤᠪᠰᠢᠭᠤᠷᠳᠠᠨᠠ ᠤᠤ᠂ ᠴᠤᠭᠤᠷᠳᠠᠨᠠ ᠤᠤ᠂ ᠴᠢᠪᠬᠠᠳᠠᠨᠠ ᠤᠤ ᠁ ᠢᠵᠠᠭᠤᠷ ᠤᠷᠠᠯᠢᠭ ᠤᠨ ᠬᠦᠭᠵᠢᠮ | ᠤᠨ ᠠᠯᠢᠨ ᠳᠤ ᠨᠢ ᠴᠦ ᠪᠦᠷ ᠤᠷᠠ ᠠᠪᠢᠶᠠᠰ ᠲᠠᠢ ᠵᠠᠯᠠᠭᠤᠴᠤᠳ ᠤᠨ ᠭᠤᠶᠢᠳᠠ ᠲᠤᠭᠯᠠᠯᠳᠠ ᠬᠦᠮᠦᠰ ᠤᠨ ᠰᠡᠳᠬᠢᠯ ᠳᠤ ᠭᠦᠷᠴᠦ᠂ ᠤᠷᠠᠨ ᠪᠦᠳᠦᠭᠡᠯ ᠢᠶᠠᠨ | ᠦᠵᠡᠭᠴᠢ ᠰᠤᠨᠤᠰᠤᠭᠴᠢᠳ ᠲᠤ ᠪᠠᠨ ᠭᠠᠶᠢᠬᠠᠰᠢ ᠠᠯᠳᠠᠳᠠᠯᠠ ᠰᠤᠨᠢᠷᠬᠠᠭᠤᠯᠬᠤ ᠨᠢ ᠲᠡᠷᠡ᠃ | | | | | | | | | | | | |