| 1932 ᠣᠨ ᠤ ᠬᠠᠪᠤᠷ᠂ ᠶᠠᠫᠤᠨ ᠤ ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠨᠠᠢᠮᠠᠨ ᠬᠤᠰᠢᠭᠤ ᠳᠤ ᠳᠦᠷᠢᠨ ᠤᠷᠤᠵᠤ ᠢᠷᠡᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠰᠦᠢᠳᠦ᠋ᠩ | ᠰᠢᠶᠠᠨ ᠤ ᠵᠠᠬᠢᠷᠭᠠ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠪᠠᠶᠢᠰᠢᠩᠲᠦ ᠶᠢ ᠡᠵᠡᠯᠡᠵᠦ᠂ ᠨᠠᠢᠮᠠᠨ ᠤ ᠠᠷᠠᠳ ᠲᠦᠮᠡᠨ ᠳᠤ ᠬᠠᠷᠬᠢᠰ ᠬᠡᠷᠴᠡᠭᠡᠢ ᠺᠣᠯᠣᠨᠢ ᠶᠢᠨ ᠨᠣᠶᠠᠷᠬᠠᠯ ᠶᠠᠪᠤᠭᠤᠯᠪᠠ᠃ | ᠵᠡᠭᠦᠨ ᠬᠤᠶᠢᠲᠤ ᠶᠢᠨ ᠴᠡᠷᠢᠭ ᠤᠨ ᠲᠤᠰᠢᠶᠠᠯ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠤᠯᠤᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠦᠵᠡᠯ ᠰᠠᠨᠠᠭᠠ ᠪᠠᠷ ᠴᠢᠩᠭᠠ ᠣᠹᠢᠼᠧᠷ ᠵᠧᠦ ᠷᠦᠩ ᠵᠢᠦ | ᠥᠪᠥᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠬᠡᠰᠡᠭ ᠤᠨ ᠲᠠᠯᠠ ᠨᠤᠲᠤᠭ ᠢ ᠳᠣᠩᠰᠣᠯᠭᠠᠭᠰᠠᠨ ᠪᠠᠶᠢᠰᠢᠩᠲᠦ ᠶᠢᠨ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠪᠣᠰᠣᠯᠭᠠ ᠶᠢ ᠤᠳᠤᠷᠢᠳᠤᠪᠠ᠃ | ᠵᠧᠦ ᠷᠦᠩ ᠵᠢᠦ᠂ ᠤᠤᠯ ᠨᠡᠷᠡ ᠨᠢ ᠵᠧᠦ ᠷᠦᠩ᠂ 1894 ᠣᠨ ᠳᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠴᠢᠩ ᠯᠦᠩ ᠱᠠᠨ ᠪᠠᠯᠭᠠᠰᠤᠨ ᠤ ᠾᠧ ᠨᠠᠨ ᠵᠠᠩᠽᠢ | ᠲᠣᠰᠬᠤᠨ ᠳᠤ ᠲᠦᠷᠦᠵᠡᠢ᠃ ᠵᠡᠭᠦᠨ ᠬᠤᠶᠢᠲᠤ ᠶᠢᠨ ᠴᠡᠷᠢᠭ ᠲᠤ ᠠᠯᠪᠠ ᠬᠠᠭᠠᠵᠤ᠂ ᠰᠠᠯᠠᠭᠠᠨ ᠳᠠᠷᠤᠭᠠ᠂ ᠰᠤᠮᠤᠨ ᠳᠠᠷᠤᠭᠠ᠂ ᠹᠦᠰᠢᠨ ᠰᠢᠶᠠᠨ ᠤ ᠫᠠᠷᠲ᠋ᠢᠽᠠᠨ | ᠠᠩᠭᠢ ᠶᠢᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠵᠠᠢ᠃ ︽ᠶᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠠᠢᠮᠠᠨ︾ ᠤ ᠬᠡᠷᠡᠭ ᠬᠤᠪᠢᠰᠤᠯ ᠤᠨ ᠲᠠᠷᠠᠭᠠ᠂ ᠵᠢᠶᠠᠩ | ᠵᠢᠶᠧ ᠱᠢ ᠶᠢᠨ ᠦᠯᠦ ᠡᠰᠡᠷᠭᠦᠴᠡᠬᠦ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠳᠤ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠳᠡᠭᠡᠳᠦ ᠱᠠᠲᠤᠨ ᠠᠴᠠ ᠲᠡᠭᠦᠨ ᠢ ᠪᠣᠭᠤᠮᠲᠠ ᠳᠤ ᠰᠢᠯᠵᠢᠭᠦᠯᠦᠨ | ᠣᠷᠣᠭᠤᠯᠬᠤ ᠵᠠᠷᠯᠢᠭ ᠢ ᠡᠷᠡᠰ ᠲᠡᠪᠴᠢᠵᠦ᠂ ᠴᠡᠷᠢᠭ ᠤᠨ ᠲᠤᠰᠢᠶᠠᠯ ᠢᠶᠠᠨ ᠬᠠᠶᠠᠵᠤ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠠᠢ᠃1933 ᠣᠨ ᠤ ᠵᠤᠨ᠂ ᠬᠠᠭᠤᠷᠮᠠᠭ ᠰᠦᠢᠳᠦ᠋ᠩ | ᠰᠢᠶᠠᠨ ᠤ ᠳᠠᠷᠤᠭᠠ ᠾᠧ ᠰᠢᠦᠢ ᠦ᠋ ᠲᠡᠭᠦᠨ ᠢ ᠰᠢᠶᠠᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠶᠢᠨ ᠳᠠᠷᠤᠭᠠ ᠪᠠᠷ ᠲᠣᠮᠢᠯᠠᠪᠠ᠃ ᠵᠧᠦ ᠷᠦᠡᠭ ᠵᠢᠦ ᠶᠡᠭᠡ ᠠᠩᠭᠢ ᠶᠢᠨ | ᠳᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠶᠠᠫᠤᠨᠴᠤᠳ ᠲᠤ ᠳᠤᠷᠠ ᠦᠭᠡᠶᠢᠴᠡᠵᠦ ᠪᠠᠶᠢᠬᠤ ᠪᠠᠨ ᠦᠷᠭᠦᠯᠵᠢ ᠢᠯᠡᠷᠡᠭᠦᠯᠳᠡᠭ ᠪᠤᠯᠬᠤᠷ ᠶᠠᠫᠤᠨᠴᠤᠳ | ᠰᠡᠵᠢᠭ ᠲᠥᠷᠥᠵᠦ᠂ 1934 ᠣᠨ ᠤ 4 ᠳ᠋ᠦ᠋ᠭᠡᠷ ᠰᠠᠷᠠ ᠶᠢᠨ ᠨᠢᠭᠡᠨ ᠡᠳᠦᠷ᠂ ᠶᠠᠫᠣᠨ ᠬᠦᠮᠦᠨ ᠳᠠᠶᠢᠯᠠᠯᠭᠠ ᠶᠢᠨ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠲᠡᠭᠦᠨ ᠤ ᠫᠤᠤ | ᠵᠡᠪᠰᠡᠭ ᠢ ᠬᠤᠷᠢᠶᠠᠵᠤ ᠠᠪᠤᠪᠠ᠃ ᠵᠧᠦ ᠷᠦᠩ ᠵᠢᠦ ᠰᠥᠨᠢ ᠳᠡᠭᠡᠨ ᠰᠢᠶᠠᠨ ᠤ ᠵᠠᠬᠢᠷᠭᠠ ᠠᠴᠠ ᠳᠤᠲᠠᠭᠠᠨ ᠭᠠᠷᠴᠤ᠂ ᠲᠠᠬᠢᠨ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠠᠢ᠃ | 1935 ᠣᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠳᠤ᠂ ᠵᠧᠦ ᠷᠦᠩ ᠵᠢᠦ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠪᠣᠰᠣᠯᠭᠠ ᠭᠠᠷᠭᠠᠬᠤ ᠪᠠᠷ ᠢᠳᠡᠪᠬᠢᠲᠡᠢ ᠲᠥᠯᠥᠪᠯᠡᠵᠦ᠂ ᠤᠷᠢᠳ | ᠬᠤᠵᠢᠳ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠬᠤᠷᠤᠭᠠ ᠶᠢᠨ ᠤᠤᠯ ᠤᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠶᠢᠨ ᠳᠠᠷᠤᠭᠠ ᠮᠠ ᠯᠣᠣ ᠫᠠᠢ ︵ᠮᠠ ᠴᠢᠤᠸᠠᠨ ᠪᠦᠦ︶᠂ ᠯᠦ | ᠯᠢᠨ ᠤ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠵᠡᠪᠰᠡᠭᠲᠦ ᠬᠦᠴᠦᠨ ᠤ ᠫᠧᠢ ᠢᠦᠢ ᠴᠢᠩ᠂ ᠯᠠᠨ ᠲᠢᠶᠠᠨ ᠯᠢᠨ ᠨᠠᠷ ᠲᠠᠢ ᠬᠠᠷᠢᠯᠴᠠᠵᠤ᠂ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠵᠦ ᠤᠯᠤᠰ ᠢᠶᠠᠨ | ᠠᠪᠤᠷᠠᠬᠤ ᠴᠡᠷᠢᠭ ᠤᠨ ᠲᠤᠭ ᠢ ᠢᠯᠡ ᠪᠠᠷ ᠡᠷᠭᠦᠪᠡ᠃ 1935 ᠣᠨ ᠤ 7 ᠳ᠋ᠤᠭᠠᠷ ᠰᠠᠷᠠ ᠶᠢᠨ 23 ᠳᠤ᠂ ᠵᠧᠦ ᠷᠦᠡᠭ ᠵᠢᠦ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠨ ᠤᠯᠤᠰ ᠢᠶᠠᠨ | ᠠᠪᠤᠷᠠᠬᠤ ᠮᠢᠩᠭᠠ ᠭᠠᠷᠤᠢ ᠴᠡᠷᠢᠭ ᠢ ᠤᠳᠤᠷᠢᠳᠤᠨ ᠪᠠᠶᠢᠰᠢᠩᠲᠦ ᠶᠢ ᠪᠦᠰᠡᠯᠡᠨ ᠲᠡᠭᠠᠷᠢᠵᠦ᠂ ᠠᠷᠠᠳ ᠤᠯᠡᠠ ᠤ ᠳᠡᠮᠵᠢᠯᠭᠡ ᠪᠠᠷ ᠳᠥᠷᠪᠡᠬᠡᠨ ᠴᠠᠭ ᠤᠨ ᠳᠣᠲᠣᠷᠠ | ᠪᠠᠶᠢᠰᠢᠩᠲᠦ ᠶᠢ ᠪᠠᠶᠢᠯᠳᠤᠨ ᠡᠵᠡᠯᠡᠪᠡ᠃ ᠶᠠᠫᠤᠨ ᠤ ᠵᠥᠪᠯᠡᠭᠴᠢ ᠨᠣᠶᠠᠨ ᠱᠠᠨ ᠱᠧᠦ ᠷᠦᠩ ᡁᠢ ᠪᠣᠯᠣᠨ ᠵᠢᠯᠣᠭᠤᠳᠤᠭᠴᠢ ᠨᠣᠶᠠᠨ ᠵᠦᠩ ᠭᠧᠨ ᠴᠠᠩ ᠢ ᠶᠢ ᠠᠯᠠᠵᠤ | ᠂ ᠶᠠᠫᠤᠨ ᠤ ᠵᠠᠬᠢᠷᠭᠠ ᠶᠢᠨ ᠨᠣᠶᠠᠨ ᠰᠠᠰᠠᠺᠢ ᠵᠧᠩᠲ᠋ᠠᠷᠤ᠋ ᠵᠡᠷᠭᠡ ᠬᠥᠮᠥᠰ ᠢ ᠠᠮᠢᠳᠤ ᠪᠠᠷ ᠪᠠᠷᠢᠪᠴᠢᠯᠠᠪᠠ᠃ ᠪᠠᠶᠢᠯᠳᠤᠭᠠᠨ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ᠂ ᠵᠧᠦ ᠷᠦᠩ | ᠵᠢᠦ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠠᠮᠢᠳᠤ ᠪᠠᠷ ᠪᠠᠷᠢᠪᠴᠢᠯᠠᠭᠰᠠᠨ 3 ᠶᠠᠫᠤᠨ ᠬᠥᠮᠥᠨ ᠢ ᠲᠣᠭᠤᠨᠣᠯᠵᠢᠨ ᠵᠡᠭᠡᠯᠢ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠬᠦᠷᠢᠶᠡᠨ ᠳᠤ ᠳᠡᠭᠦᠵᠢᠯᠡᠵᠦ᠂ ᠤᠯᠠᠨ | ᠲᠦᠮᠡᠨ ᠤ ᠵᠠᠭᠠᠯᠳᠤᠯᠭᠠ ᠶᠢᠨ ᠶᠡᠭᠡ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠵᠤ᠂ ᠬᠤᠷᠠᠯ ᠤᠨ ᠳᠠᠷᠠᠭᠠ 3 ᠶᠠᠫᠤᠨ ᠬᠥᠮᠥᠨ ᠢ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠡᠯᠡᠰᠦᠨ | ᠬᠤᠲᠤᠭᠤᠷ ᠲᠤ ᠠᠪᠠᠴᠢᠵᠤ ᠫᠤᠤᠳᠠᠨ ᠠᠯᠠᠪᠠ᠃ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠨ ᠤᠯᠤᠰ ᠢᠶᠠᠨ ᠠᠪᠤᠷᠠᠬᠤ ᠵᠧᠦ ᠷᠦᠩ ᠵᠢᠦ ᠶᠢᠨ ᠴᠡᠷᠢᠭ ᠪᠠᠶᠢᠰᠢᠩᠲᠦ ᠳᠤ ᠭᠦᠢᠴᠡᠳ | ᠠᠮᠠᠷᠠᠵᠤ ᠴᠡᠭᠴᠡᠯᠡᠭᠰᠡᠨ ᠤ ᠲᠠᠷᠠᠭᠠ ᠪᠠᠶᠢᠰᠢᠩᠲᠦ ᠠᠴᠠ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠪᠠᠷ ᠤᠬᠤᠷᠢᠨ ᠭᠠᠷᠴᠤ᠂ ᠨᠠᠢᠮᠠᠨ᠂ ᠬᠦᠷᠢᠶᠡ᠂ ᠹᠦᠰᠢᠨ᠂ ᠠᠤᠬᠠᠨ᠂ ᠪᠸᠢᠢᠫᠢᠶᠤᠤ | ᠣᠷᠴᠢᠮ ᠢᠶᠠᠷ ᠲᠤᠭᠤᠷᠢᠨ ᠪᠠᠶᠢᠯᠳᠤᠪᠠ᠃ 1936 ᠣᠨ ᠤ 9 ᠳ᠋ᠦ᠋ᠭᠡᠷ ᠰᠠᠷᠠ ᠳᠤ᠂ ᠵᠧᠦ ᠷᠦᠩ ᠵᠢᠦ ᠶᠢᠨ ᠴᠡᠷᠢᠭ ᠠᠤᠬᠠᠨ ᠬᠤᠰᠢᠭᠤᠨ ᠤ ᠬᠤᠷᠠᠭᠠᠨ | ᠰᠦᠮᠡ ᠶᠢᠨ ᠣᠷᠴᠢᠮ ᠶᠠᠫᠤᠨ ᠬᠠᠭᠤᠷᠮᠠᠭ ᠴᠡᠷᠢᠭ ᠲᠤ ᠪᠦᠰᠡᠯᠡᠭᠳᠡᠵᠦ᠂ ᠵᠧᠦ ᠷᠦᠩ ᠵᠢᠦ ᠪᠦᠰᠡᠯᠡᠯᠲᠡ ᠶᠢ ᠰᠢᠪᠲᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠤ | ᠨᠢᠭᠤᠴᠠ ᠪᠠᠷ ᠪᠤᠴᠠᠨ ᠢᠷᠡᠬᠦ ᠳᠡᠭᠡᠨ᠂ ᠰᠢᠶᠠᠩ ᠶᠠᠩ ᠰᠦᠸᠧ ᠬᠡᠮᠡᠬᠦ ᠭᠠᠵᠠᠷ ᠢᠶᠠᠷ ᠥᠩᠭᠡᠷᠡᠨ ᠹᠦᠰᠢᠨ ᠤ ᠦᠷᠦᠮᠲᠦ ᠶᠢᠨ ᠠᠭᠤᠯᠠ ᠦᠭᠡᠳᠡ ᠶᠠᠪᠤᠵᠤ ᠪᠠᠶᠢᠬᠤ ᠳᠤ | ᠬᠥᠮᠥᠰ ᠲᠤ ᠨᠢᠭᠤᠴᠠ ᠪᠠᠨ ᠵᠠᠳᠠᠷᠠᠭᠤᠯᠤᠭᠳᠠᠭᠠᠳ᠂ ᠬᠠᠭᠤᠷᠮᠠᠭ ᠬᠤᠸᠠ ᠵᠢᠢ ᠶᠢᠩᠽᠢ ᠶᠢᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠶᠢᠨ ᠳᠠᠷᠤᠭᠠ ᠶᠢᠨ ᠪᠦᠦ ᠼᠠᠩ ᠶᠢᠨ | ᠳᠠᠭᠠᠭᠤᠯᠤᠭᠰᠠᠨ ᠴᠡᠷᠢᠭ ᠲᠤ ᠦᠷᠦᠮᠲᠦ ᠶᠢᠨ ᠠᠭᠤᠯᠠᠨ ᠳᠤ ᠪᠦᠰᠡᠯᠡᠭᠳᠡᠵᠦ᠂ ᠵᠧᠦ ᠷᠦᠩ ᠵᠢᠦ ᠰᠤᠮᠤ ᠳᠠᠭᠤᠰᠴᠤ ᠬᠦᠨᠡᠰᠦ ᠲᠠᠰᠤᠷᠠᠲᠠᠯᠠ ᠪᠠᠨ ᠪᠠᠶᠢᠯᠳᠤᠵᠤ | ᠡᠴᠦᠰ ᠲᠡᠭᠡᠨ ᠬᠦᠵᠦᠭᠦᠦ ᠪᠠᠨ ᠣᠭᠲᠣᠯᠣᠨ ᠦᠬᠦᠪᠡ᠂ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠰᠠᠶ᠋ᠢ 42 ᠨᠠᠰᠤᠲᠠᠢ ᠪᠠᠶᠢᠪᠠ᠃ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠨ ᠤᠯᠤᠰ ᠢᠶᠠᠨ ᠠᠪᠤᠷᠠᠬᠤ | ᠵᠧᠦ ᠷᠦᠩ ᠵᠢᠦ ᠶᠢᠨ ᠴᠡᠷᠢᠭ ᠬᠡᠳᠦᠶᠢᠪᠡᠷ ᠢᠯᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠳᠠᠶᠢᠰᠤᠨ ᠳᠤ ᠬᠦᠨᠳᠦ ᠴᠣᠬᠢᠯᠲᠠ ᠦᠭᠴᠦ ᠶᠠᠫᠤᠨ ᠤ ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠤᠨ ᠰᠡᠳᠬᠢᠯ ᠤᠨ | ᠵᠣᠪᠠᠯᠠᠩ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ︽ᠮᠠᠨᠵᠤ ᠤᠯᠤᠰ ᠤᠨ ᠴᠠᠭᠳᠠᠭᠠ ᠶᠢᠨ ᠲᠡᠦᠬᠡ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠶᠠᠫᠤᠨ ᠬᠠᠭᠤᠷᠮᠠᠭ ᠮᠠᠨᠵᠤ ︽ᠳ᠋ᠦᠩ | ᠪᠢᠶᠠᠨ ᠳ᠋ᠣᠣ ᠶᠢᠨ ᠶᠠᠩ ᠰᠧᠯᠢᠩ ︵ᠶᠠᠩ ᠵᠢᠩ ᠢᠦᠢ︶ ᠠᠴᠠ ᠳᠣᠷᠣᠭᠰᠢᠬᠢ ᠤᠯᠠᠭᠠᠨ ᠴᠡᠷᠢᠭ ᠤᠨ ᠰᠢᠰᠲ᠋ᠧᠮ ᠤᠨ ᠡᠯᠡ ᠳᠡᠭᠡᠷᠡᠮᠴᠢᠳ᠂ ᠭᠤᠷᠪᠠᠯᠵᠢᠨ ᠣᠷᠣᠨ ᠤ | ᠶᠠᠨ ᠱᠧᠩ ᠲᠠᠩ᠂ ᠪᠢᠨ ᠵᠢᠶᠠᠩ ᠮᠤᠵᠢ ᠶᠢᠨ ᠳᠤᠮᠳᠠᠳᠦ ᠬᠡᠰᠡᠭ ᠵᠢᠴᠢ ᠬᠤᠶᠢᠲᠤ ᠬᠡᠰᠡᠭ ᠤᠨ ᠵᠤᠤ ᠱᠠᠩ ᡁᠢ᠂ ᠵᠠᠩ ᠯᠢᠶᠠᠨ ᠺᠧ᠂ ᠺᠣᠣ ᠹᠧᠩ ᠯᠢᠨ᠂ ᠰᠢᠶᠧ | ᠸᠧᠨ ᠳ᠋ᠦᠩ ᠵᠡᠷᠭᠡ᠂ ᠵᠡᠭᠦᠨ ᠬᠡᠰᠡᠭ ᠤᠨ ᠬᠢᠯᠢ ᠲᠠᠭᠠᠤ ᠤᠷᠤᠨ ᠤ ᠺᠦᠩ ᠰᠢᠶᠠᠨ ᠷᠦᠩ᠂ ᠦ᠋ ᠢ ᠴᠧᠩ᠂ ᠵᠢᠨᠵᠧᠦ᠂ ᠷᠧᠾᠧ ᠮᠤᠵᠢ ᠶᠢᠨ ᠣᠷᠣᠨ ᠤ ᠯᠠᠨ | ᠲᠢᠶᠠᠨ ᠯᠢᠨ᠂ ᠯᠣᠣ ᠲᠢ ᠽᠢ᠂ ᠵᠧᠦ ᠷᠦᠩ ᠵᠢᠦ ᠵᠡᠷᠭᠡ︾ ᠶᠢ ᠮᠠᠨᠵᠤ ᠤᠯᠤᠰ ᠤᠨ ᠴᠡᠭᠴᠡᠯᠡᠨ ᠵᠠᠰᠠᠬᠤ ᠠᠵᠢᠯ ᠤᠨ ᠭᠤᠣᠯᠳᠠᠯᠭᠠ ᠪᠣᠯᠭᠠᠪᠠ᠃ | |