| ᠵᠢᠷᠭᠤᠳᠤᠭᠠᠷ ᠣᠨ ᠤ ᠳᠣᠣᠷᠠᠳᠤ ᠳᠡᠪᠲᠡᠷ ᠤᠨ ︽ᠮᠣᠩᠭᠤᠯᠴᠤᠳ ᠤᠨ ᠰᠠᠭᠠᠲᠠᠨ ᠰᠠᠭᠤᠬᠤ ᠶᠣᠰᠤ ᠵᠠᠩᠰᠢᠯ︾ ᠭᠡᠬᠦ ᠬᠢᠴᠢᠶᠡᠯ ᠤᠨ ᠵᠡᠷᠭᠡᠴᠡᠭᠡ ᠤᠩᠰᠢᠯᠭᠠ | ᠮᠣᠩᠭᠤᠯᠴᠤᠳ ᠤᠨ ᠵᠣᠴᠢᠯᠠᠬᠤ ᠶᠣᠰᠤᠨ | ᠴ᠊᠂ ᠷᠢᠨᠴᠢᠨ | ᠮᠣᠩᠭᠤᠯᠴᠤᠳ ᠮᠠᠨᠢ ᠣᠯᠠᠨ ᠰᠠᠶᠢᠬᠠᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠤ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠲᠡᠭᠦᠨ ᠤ ᠳᠣᠲᠤᠷᠠᠬᠢ ᠵᠣᠴᠢᠯᠠᠬᠤ ᠶᠣᠰᠤ ᠵᠠᠩᠰᠢᠯ ᠪᠠ ᠲᠡᠭᠦᠨ ᠯᠦᠭᠡ | ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠶᠣᠰᠤ ᠨᠢ ᠮᠣᠩᠭᠤᠯᠴᠤᠳ ᠤᠨ ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠶᠣᠰᠤ ᠰᠤᠷᠲᠠᠬᠤᠨ ᠲᠠᠢ ᠶᠢ ᠬᠠᠷᠢᠭᠤᠯᠵᠤ ᠪᠠᠶᠢᠳᠠᠭ᠃ | ᠮᠣᠩᠭᠤᠯᠴᠤᠳᠵᠣᠴᠢᠯᠠᠬᠤ ᠳᠤ ᠪᠠᠨ ᠭᠤᠣᠯᠳᠠᠭᠤ ᠴᠤᠮᠴᠤᠶᠢᠵᠤ ᠰᠠᠭᠤᠬᠤ ᠪᠠ ᠵᠠᠪᠢᠯᠠᠵᠤ ᠰᠠᠭᠤᠬᠤ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ | ᠰᠠᠨᠳᠠᠶᠢᠯᠠᠬᠤ᠂ ᠬᠦᠯ ᠢᠶᠠᠨ ᠵᠢᠭᠢᠬᠦ᠂ ᠡᠪᠦᠳᠦᠭ ᠢᠶᠠᠨ ᠲᠡᠪᠡᠷᠢᠬᠦ᠂ ᠰᠦᠭᠦᠳᠬᠦ᠂ ᠶᠠᠪᠠᠭᠠᠨ ᠰᠠᠭᠤᠬᠤ ᠵᠡᠷᠭᠡ ᠣᠯᠠᠨ ᠵᠦᠢᠯ ᠤᠨ ᠰᠠᠭᠤᠳᠠᠯ ᠪᠠᠶᠢᠳᠠᠭ᠃ ᠴᠤᠮᠴᠤᠶᠢᠬᠤ ᠪᠠ | ᠵᠠᠪᠢᠯᠠᠵᠤ ᠰᠠᠭᠤᠬᠤ ᠶᠢ ᠮᠣᠩᠭᠤᠯᠴᠤᠳ ᠪᠡᠶᠡ ᠮᠠᠬᠠᠪᠤᠳ ᠲᠤ ᠠᠰᠢᠭᠲᠠᠢ ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠰᠠᠭᠤᠳᠠᠯ ᠭᠡᠵᠤ ᠪᠠᠭ᠋ᠠᠷᠬᠠᠨ ᠦᠵᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠵᠣᠴᠢᠯᠠᠵᠤ ᠭᠡᠷ ᠲᠤ ᠣᠷᠣᠬᠤ ᠳᠠᠭᠠᠨ ᠢᠰᠡᠭᠡᠢ ᠡᠭᠦᠳᠡ ᠰᠡᠬᠦᠬᠦ ᠳᠤ ᠪᠤᠷᠤᠭᠤ ︵ᠪᠠᠷᠠᠭᠤᠨ︶ ᠲᠠᠯᠠ ᠶᠢ ᠴᠡᠭᠡᠷᠯᠡᠨᠡ᠃ ᠵᠦᠪ ︵ᠵᠡᠭᠦᠨ︶ ᠲᠠᠯᠠ ᠶᠢ | ᠰᠡᠬᠦᠵᠦ ᠤᠷᠤᠨᠠ᠃ ᠪᠤᠷᠤᠭᠤ ᠲᠠᠯᠠ ᠠᠴᠠ ᠨᠢ ᠰᠡᠭᠦᠪᠡᠯ ᠪᠡᠯᠭᠡ ᠳᠡᠮᠪᠡᠷᠢᠯ ᠮᠠᠭᠤᠲᠠᠢ ᠭᠡᠵᠦ ︽ᠵᠠᠭᠤ ᠬᠦᠷᠲᠡᠯᠡ ᠲᠤᠭᠠ ᠮᠡᠳᠡᠬᠦ ᠦᠭᠡᠢ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠵᠦᠭ ᠢᠯᠭᠠᠬᠤ | ᠦᠭᠡᠢ ᠬᠦᠮᠦᠨ︾ ᠭᠡᠵᠦ ᠵᠢᠮᠡᠯᠡᠭᠳᠡᠨᠡ᠃ ᠭᠡᠷ ᠤᠨ ᠪᠣᠱᠤᠭᠠ ᠶᠢ ᠠᠯᠬᠤᠬᠤ ᠳᠠᠭᠠᠨ ᠬᠠᠳᠠᠪᠴᠢ ᠳᠤ ᠭᠦᠯ ᠭᠦᠷᠭᠦ ᠠᠴᠠ ᠪᠣᠯᠭᠤᠮᠵᠢᠯᠠᠨ ᠬᠠᠳᠠᠪᠴᠢ ᠶᠢᠨ ᠵᠡᠭᠦᠨ ᠬᠠᠭᠠᠰ | ᠲᠠᠯᠠ ᠪᠠᠷ ᠠᠯᠬᠤᠨᠣᠷᠣᠨᠠ᠃ | ᠭᠡᠷ ᠤᠨ ᠲᠤᠯᠭᠠ᠂ ᠲᠣᠭᠤᠨᠤ᠂ ᠪᠣᠱᠤᠭᠠ ᠭᠤᠷᠪᠠ ᠪᠣᠯ ᠳᠠᠷᠬᠠᠨ ᠭᠦᠡᠳᠦᠲᠡᠢ᠂ ᠶᠠᠮᠠᠷ ᠴᠦ ᠭᠦᠮᠦᠨ ᠭᠡᠳ ᠡᠨᠡ ᠭᠤᠷᠪᠡ ᠶᠢ ᠭᠦᠡᠳᠡᠵᠦ ᠪᠣᠯᠳᠠᠭ ᠦᠭᠡᠢ᠃ ᠭᠡᠷᠪᠡ | ᠰᠠᠨᠠᠮᠰᠠᠷ ᠦᠭᠡᠢ ᠭᠠᠷ ᠭᠦᠯ ᠢᠶᠠᠨ ᠭᠦᠷᠭᠡᠭᠦ ᠳᠤ ᠭᠦᠷᠪᠡᠯ ᠭᠡᠷ ᠤᠨ ᠡᠵᠡᠨ ᠢ ᠳᠣᠷᠣᠮᠵᠢᠯᠠᠭᠰᠠᠨ ᠳᠤ ᠲᠣᠭᠠᠴᠠᠭᠳᠠᠨᠠ᠃ ᠡᠶᠢᠮᠦ ᠠᠴᠠ ᠭᠡᠶᠢᠴᠢᠨ ᠭᠡᠷ ᠲᠤ ᠣᠷᠣᠬᠤ ᠳᠤ | ᠲᠣᠯᠣᠭᠠᠢ ᠪᠠᠨ ᠪᠦᠭᠦᠶᠢᠵᠦ ᠡᠨᠡ ᠭᠤᠷᠪᠠ ᠳᠤ ᠭᠠᠷ ᠭᠦᠯ ᠭᠦᠷᠭᠡᠭᠦ ᠠᠴᠠ ᠪᠠᠨ ᠪᠣᠯᠭᠤᠮᠵᠢᠯᠠᠳᠠᠭ᠃ ᠡᠨᠡ ᠨᠢ ᠲᠣᠳᠤᠭᠤ᠂ ᠭᠠᠯ ᠭᠤᠯᠤᠮᠲᠠ᠂ ᠰᠢᠲᠦᠭᠡᠨ ᠪᠤᠷᠬᠠᠨ ᠳᠤᠨᠢ | ᠪᠦᠭᠦᠶᠢᠡ ᠶᠣᠰᠤᠯᠠᠵᠤ᠂ ᠭᠡᠷ ᠤᠨ ᠡᠵᠡᠨ ᠢ ᠭᠦᠡᠳᠦᠳᠭᠡᠵᠦ ᠪᠠᠶᠢᠭᠠ ᠤᠳᠬᠠ ᠲᠠᠢ᠃ | ᠭᠡᠷ ᠲᠤ ᠣᠷᠣᠭᠰᠠᠨ ᠤ ᠳᠠᠷᠠᠭᠠ ᠪᠦᠰᠡᠲᠡᠶᠢᠴᠦᠳ ᠲᠤᠯᠭᠠ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ᠂ ᠪᠦᠰᠡᠭᠦᠶᠢᠴᠦᠳ ᠲᠤᠯᠭᠠ ᠶᠢᠨ ᠵᠡᠭᠦᠨ ᠲᠠᠯᠠ ᠪᠠᠷ ᠨᠠᠰᠤᠨ ᠤ ᠡᠷᠡᠮᠪᠡ᠂ | ᠡᠰᠡᠬᠦᠯᠡ ᠦᠶᠡ ᠶᠢᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠲᠡᠰ ᠳᠠᠷᠠᠭᠠ ᠲᠠᠢ ᠰᠠᠭᠤᠳᠠᠭ᠃ ᠭᠡᠷ ᠤᠨ ᠡᠵᠡᠨ᠂ ᠠᠬᠠᠮᠠᠳ ᠲᠣᠮᠤᠭᠠᠲᠠᠳ ᠠᠴᠠ ᠡᠬᠢᠯᠡᠭᠡᠳ ᠨᠠᠰᠤ ᠥᠨᠳᠦᠷ ᠪᠦᠰᠡᠳᠡᠶᠢᠴᠤᠳ ᠨᠢ | ᠵᠠᠪᠢᠯᠠᠵᠤ᠂ ᠪᠦᠰᠡᠬᠦᠶᠢᠴᠤᠳ ᠨᠢ ᠴᠤᠮᠴᠤᠶᠢᠵᠤ ᠰᠠᠭᠤᠳᠠᠭ᠃ | ᠭᠡᠶᠢᠴᠢᠨ ᠵᠣᠴᠢᠨ ᠭᠡᠷ ᠠᠴᠠ ᠭᠠᠷᠬᠤ ᠳᠠᠭᠠᠨ ᠬᠠᠶᠠᠭᠠ ᠶᠢ ᠲᠠᠭᠠᠨ ᠭᠠᠷᠳᠠᠭ᠃ ᠪᠠᠭᠠᠴᠤᠳ ᠭᠡᠤᠭᠡᠳ᠂ ᠪᠦᠰᠡᠭᠦᠶᠢᠴᠤᠳ ᠤᠷᠢᠳᠠᠪᠠᠷ ᠭᠠᠷᠤᠨᠠ᠃ ᠭᠡᠭᠦ ᠳᠡᠭᠡᠨ | ᠠᠷᠤ ᠪᠠᠷ ᠢᠶᠠᠨ ᠪᠤᠶᠤ ᠪᠡᠶᠡ ᠪᠠᠨ ᠬᠠᠵᠠᠭᠤᠯᠠᠰᠭᠢᠨ ᠣᠬᠤᠷᠢᠵᠤ ᠭᠠᠷᠳᠠᠭ ᠪᠠᠶᠢᠨᠠ᠃ ᠲᠤᠯᠭᠠ ᠵᠤᠤᠬᠠ᠂ ᠲᠣᠭᠤᠭᠠ ᠰᠢᠨᠠᠭᠠ᠂ ᠡᠷᠭᠢᠨᠡᠭ ᠲᠤ ᠬᠤᠷᠮᠣᠢ ᠭᠤᠳᠣᠯ ᠢᠶᠠᠨ | ᠭᠦᠷᠭᠡᠭᠦ ᠶᠢ ᠴᠡᠭᠡᠷᠯᠡᠨᠡ᠃ ᠭᠠᠯ ᠤᠨ ᠬᠠᠶᠢᠴᠢ᠂ ᠰᠢᠯᠡᠭᠡᠪᠦᠷ ᠳᠡᠭᠡᠷᠡ ᠭᠢᠰᠭᠢᠭᠦ ᠪᠤᠶᠤ ᠳᠡᠭᠡᠭᠦᠷ ᠨᠢ ᠠᠯᠬᠤᠬᠤ ᠶᠢ ᠮᠦᠨ ᠴᠡᠭᠡᠷᠯᠡᠳᠡᠭ᠃ ᠬᠤᠯᠠ ᠵᠠᠮ ᠶᠠᠪᠤᠬᠤ ᠭᠦᠮᠦᠨ ᠪᠤᠶᠤ | ᠵᠣᠴᠢᠨ ᠭᠡᠷ ᠠᠴᠠ ᠭᠠᠷᠬᠤ ᠳᠤ ᠰᠢᠨᠠᠭᠠ ᠶᠢ ᠵᠠᠪᠠᠯ ᠲᠣᠭᠤᠭᠠ ᠠᠴᠠ ᠰᠠᠯᠭᠠᠬᠤ ᠶᠤᠰᠤ ᠲᠠᠢ᠂ ᠡᠰᠡᠪᠡᠯ ᠵᠠᠮ ᠳᠤ ᠰᠠᠭᠠᠳ ᠭᠠᠷᠤᠨᠠ ᠭᠡᠳᠡᠭ᠃ ᠡᠭᠦᠳᠡ ᠪᠠᠨ ᠬᠦᠴᠦᠲᠠᠢ | ᠨᠡᠭᠡᠭᠡᠵᠤ ᠬᠠᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠢᠩᠭᠢᠪᠡᠯ ᠶᠤᠰᠤ ᠵᠦᠢ ᠮᠡᠳᠡᠬᠦ ᠦᠭᠡᠢ ᠪᠤᠶᠤ ᠳᠤᠷᠠ ᠦᠭᠡᠶᠢᠴᠡᠭᠰᠡᠨ ᠤ ᠪᠤᠳᠠᠲᠤ ᠢᠯᠡᠷᠡᠯ ᠪᠤᠯᠤᠨᠠ᠃ | ᠠᠶᠢᠯᠴᠢᠨ ᠭᠡᠶᠢᠴᠢᠨ ᠮᠤᠷᠳᠠᠬᠤ ᠳᠤ ᠪᠠᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠦᠭᠡ ᠭᠡᠯᠡᠵᠦ ᠢᠷᠦᠭᠡᠯ ᠲᠠᠯᠪᠢᠳᠠᠭ᠃ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠵᠤ᠂ ︽ᠲᠠ ᠨᠠᠷ ᠰᠠᠶᠢᠨ ᠰᠠᠭᠠᠲᠠᠵᠤ | ᠪᠠᠶᠢᠭᠠᠷᠠᠢ︕︾ ᠭᠡᠳᠡᠭ᠃ ᠭᠡᠷ ᠤᠨ ᠡᠵᠡᠨ᠄ ︽ᠵᠠᠮ ᠳᠤ ᠪᠠᠨ ᠰᠠᠶᠢᠨ ᠶᠠᠪᠤᠭᠠᠷᠠᠢ︕︾ ᠭᠡᠵᠦ ᠭᠡᠯᠡᠭᠡᠳ ᠵᠣᠴᠢᠨ ᠢᠶᠠᠨ ᠦᠳᠡᠨ ᠮᠤᠷᠳᠠᠭᠤᠯᠵᠤ ᠭᠠᠷᠳᠠᠭ᠃ ︽ᠠᠮᠠᠨ ᠤ | ᠪᠡᠯᠭᠡ ᠬᠠᠮᠢᠭᠠᠰᠢ ᠪᠠᠨ ᠪᠣᠯ ᠠᠯᠤᠰ ᠤᠨ ᠪᠡᠯᠭᠡ ᠲᠡᠰᠢ ᠪᠠᠨ︾ ᠭᠡᠵᠦ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠮᠣᠷᠳᠠᠨ ᠭᠠᠷᠬᠤ ᠶᠢ ᠡᠷᠭᠢᠮᠯᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠤᠨ ᠵᠣᠴᠢᠯᠠᠬᠤ ᠶᠣᠰᠤ ᠵᠠᠩᠰᠢᠯ ᠢ ᠨᠠᠷᠢᠨ ᠰᠢᠨᠵᠢᠵᠤ ᠠᠵᠢᠭᠯᠠᠪᠠᠯ ᠲᠡᠭᠦᠨ ᠳᠤ ᠪᠣᠯᠪᠠᠰᠤᠨ ᠶᠣᠰᠤ ᠮᠤᠷᠠᠯ ᠭᠦᠨᠵᠡᠭᠡᠢ ᠰᠢᠩᠭᠡᠵᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ | ᠦᠭᠡᠢ ᠡᠷᠡᠭᠦᠯ ᠡᠩᠬᠡ ᠠᠮᠢᠳᠤᠷᠠᠬᠤ ᠵᠢᠮᠠ ᠶᠤᠰᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠤᠯᠠᠮᠵᠢᠯᠠᠯᠲᠤ ᠶᠣᠰᠤ ᠵᠠᠩᠰᠢᠯ ᠢᠶᠠᠨ ᠣᠶᠢᠯᠠᠭᠠᠵᠤ ᠮᠡᠳᠡᠬᠦ ᠨᠢ ᠪᠢᠳᠠᠨ ᠤ ᠡᠷᠡᠭᠦᠯ | ᠮᠡᠨᠳᠤ ᠪᠠᠷ ᠦᠰᠦᠨ ᠪᠣᠶᠢᠵᠢᠬᠤ ᠳᠤ ᠲᠤᠶᠢᠯ ᠤᠨ ᠠᠴᠢ ᠲᠠᠢ ᠶᠤᠮ᠃ |