| ᠴ᠊᠂ ᠷᠢᠨᠴᠢᠨ | ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠤᠯᠳᠤᠭᠠᠢ | ᠤᠯᠠᠮ ᠰᠠᠶᠢᠨ ᠵᠢᠷᠭᠠᠯᠠᠩ ᠲᠠᠨ ᠪᠤᠯᠳᠤᠭᠠᠢ | ᠦᠭᠡᠬᠦᠨ ᠪᠦᠮᠪᠦᠭᠡᠷ ᠡᠨᠡ ᠰᠢᠬᠦᠰᠦ ᠪᠤᠯ | ᠤᠭᠠᠯᠵᠠᠨ ᠬᠤᠶᠠᠷ ᠡᠪᠡᠷ ᠲᠠᠢ | ᠤᠵᠢᠷᠮᠠ ᠲᠠᠷᠭᠤᠨ ᠨᠢᠷᠤᠭᠤ ᠲᠠᠢ | ᠳᠥᠭᠦᠷᠡᠩ ᠰᠠᠶᠢᠬᠠᠨ ᠲᠠᠷᠭᠤ ᠲᠠᠢ | ᠲᠤᠭᠤᠷᠢᠭ ᠰᠠᠶᠢᠬᠠᠨ ᠰᠡᠬᠦᠯ ᠲᠠᠢ | ᠲᠤᠬᠤᠮ ᠤᠨ ᠴᠢᠨᠡᠭᠡ ᠤᠭᠤᠴᠠ ᠲᠠᠢ | ᠲᠦᠭᠡ ᠨᠠᠷᠢᠨ ᠰᠢᠯᠪᠢ ᠲᠠᠢ | ᠴᠤᠯᠮᠤᠨ ᠬᠤᠶᠠᠷ ᠨᠢᠳᠤ ᠲᠠᠢ | ᠠᠷᠴᠠᠲᠤ ᠶᠢᠨ ᠰᠢᠯᠢ ᠳᠤ ᠨᠤᠳᠤᠭ ᠲᠠᠢ | ᠪᠠᠶᠠᠨ ᠤᠰᠤᠨ ᠪᠡᠯᠴᠢᠭᠡᠷ ᠲᠠᠢ | ᠪᠠᠶᠠᠳᠠᠢ ᠬᠠᠩᠭᠠᠢ ᠤᠮᠳᠠ ᠲᠠᠢ | ᠡᠵᠡᠨ ᠳᠤ ᠪᠠᠨ ᠡᠭᠡᠯᠢ ᠲᠠᠢ | ᠰᠢᠯᠢ ᠶᠢᠨ ᠨᠤᠭᠤᠭᠠᠨ ᠲᠡᠨᠵᠢᠨᠲ᠋ᠡᠭᠡᠷᠡ | ᠰᠢᠯᠢᠳᠡᠭ ᠮᠠᠯᠴᠢᠨ ᠥᠰᠭᠡᠭᠰᠡᠨ | ᠲᠦᠮᠡᠨ ᠬᠤᠨᠢᠨ ᠤ ᠲᠦᠷᠦᠭᠦᠦ | ᠲᠦᠨᠳᠦᠭᠡᠷ ᠴᠠᠭᠠᠨ ᠬᠤᠨᠢ | ᠮᠢᠩᠭᠠᠨ ᠬᠤᠨᠢᠨ ᠤ ᠲᠤᠮᠳᠠ ᠠᠴᠠ | ᠮᠠᠨᠳᠠᠭᠠᠷ ᠴᠠᠭᠠᠨ ᠢᠶᠠᠨ ᠰᠢᠯᠢᠵᠤ | ᠤᠷᠭᠠ ᠬᠤᠷᠤᠶᠢᠯᠠᠵᠤ ᠪᠠᠷᠢᠳᠠᠭ | ᠮᠠᠯᠴᠢᠨ ᠵᠠᠯᠠᠭᠤ ᠪᠠᠨ ᠤᠷᠢᠵᠤ | ᠢᠰᠡᠭᠡᠢ ᠶᠤᠭᠠᠨ ᠲᠡᠯᠭᠡᠵᠤ | ᠢᠷᠳᠦ ᠬᠤᠷᠴᠠ ᠬᠢᠳᠤᠭᠠ ᠪᠠᠷ | ᠡᠪᠴᠢᠬᠦᠨ ᠲᠤᠤᠭᠤᠷ ᠭᠡᠳᠡᠰᠦᠯᠡᠵᠤ | ᠭᠠᠨᠳᠢᠭ ᠴᠢᠯᠠᠭᠤ ᠪᠠᠷ ᠪᠠᠷᠢᠭᠰᠠᠨ | ᠭᠠᠯ ᠵᠤᠤᠬᠠ ᠲᠤᠯᠭᠠᠨ ᠳᠤ ᠪᠠᠨ | ᠬᠦᠨ ᠶᠡᠭᠡ ᠲᠤᠭᠤᠭᠠᠨ ᠳᠤ | ᠬᠤᠷᠠ ᠶᠢᠨ ᠤᠰᠤ ᠪᠠᠷ ᠦᠳᠭᠡᠷᠡᠭᠦᠯᠵᠤ | ᠠᠪᠦ ᠲᠡᠭᠡᠳᠦ ᠠᠴᠠ ᠥᠯᠡᠳᠡᠭᠡᠭᠰᠡᠨ | ᠠᠭᠠᠷᠤ ᠲᠡᠪᠰᠢᠨ ᠳᠤ ᠪᠠᠨ ᠦᠷᠦᠵᠤ | ᠤᠷᠳᠤᠰ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ | ᠦᠷᠦᠭᠡ ᠲᠤᠳᠤᠷᠠ ᠤᠷᠢᠵᠤ | ᠠᠪᠦ ᠡᠵᠢᠡᠴᠠ ᠲᠡᠷᠢᠬᠦᠯᠡᠵᠤ | ᠠᠪᠠᠭᠠ ᠨᠠᠭᠠᠴᠤ ᠲᠠᠷᠠᠭᠠᠯᠠᠨ | ᠡᠷᠬᠢᠮ ᠲᠦᠷᠦᠯ ᠪᠦᠬᠦᠨ ᠳᠤ ᠪᠠᠨ | ᠦᠩᠭᠡᠳᠦ ᠲᠦᠷᠪᠡᠯᠵᠢᠨ ᠰᠢᠷᠠᠭᠡᠨ ᠳᠤ | ᠦᠳᠭᠡ ᠰᠢᠭᠦᠰᠤ ᠪᠠᠨ ᠲᠡᠭᠡᠵᠢᠯᠡᠨ | ᠠᠭᠠᠷ ᠲᠡᠭᠷᠢ ᠳᠤ ᠡᠷᠭᠦᠵᠤ | ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠵᠤ | ᠲᠦᠭᠡᠯ ᠮᠠᠩᠨᠠᠢ ᠲᠡᠭᠡᠵᠢᠯᠡᠨ | ᠡᠷᠬᠢᠮ ᠲᠦᠷᠦᠯ ᠪᠦᠬᠦᠨ ᠳᠤ ᠪᠠᠨ | ᠠᠮᠪᠠᠨ ᠰᠢᠬᠦᠰᠦ ᠪᠠᠨ ᠲᠡᠯᠪᠢᠯᠠ᠃ |