| ᠡᠯᠳᠡᠪ ᠤᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ | ᠡᠨᠡ ᠬᠤᠨᠢᠨ ᠤ ᠡᠷᠭᠢᠮ ᠴᠢᠨᠠᠷ ᠢ ᠦᠭᠦᠯᠠᠪᠠᠯ | ᠬᠤᠨᠢᠨ ᠤ ᠤᠭᠤᠴᠠ ᠨᠢᠷᠤᠭᠤ ᠨᠢ | ᠲᠠᠯᠠᠭᠡᠢ ᠶᠢᠷᠳᠢᠨᠴᠤ ᠶᠢᠨ ᠴᠢᠨᠠᠷᠳᠠᠢ | ᠬᠤᠶᠠᠷ ᠬᠠ ᠬᠤᠤᠰ ᠭᠤᠶᠠ ᠨᠢ | ᠲᠦᠷᠪᠠᠨ ᠲᠢᠪ ᠤᠨ ᠴᠢᠨᠠᠷᠳᠠᠢ | ᠠᠷᠪᠠᠨ ᠬᠤᠶᠠᠷ ᠰᠠᠭᠡᠷ ᠨᠢ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠴᠢᠨᠠᠷᠳᠠᠢ | ᠠᠮᠠᠨ ᠭᠦᠵᠤᠭᠦᠤ ᠲᠠᠷᠢᠭᠦᠳᠠᠨ ᠨᠢ | ᠠᠯᠳᠠᠢ ᠬᠠᠨ ᠤ ᠴᠢᠨᠠᠷᠳᠠᠢ | ᠬᠤᠨᠭ᠍ᠰᠢᠶᠠᠷ ᠬᠠᠯᠵᠠᠨ ᠰᠠᠷᠠᠳᠤ ᠳᠤᠯᠤᠭᠠᠢ ᠨᠢ | ᠰᠦᠮᠪᠤᠷ ᠠᠭᠤᠯᠠ ᠶᠢᠨ ᠴᠢᠨᠠᠷ ᠲᠠᠢ | ᠬᠤᠨᠭ᠌ ᠪᠠᠷᠢᠭᠠᠳ ᠱᠠᠭᠠ ᠴᠢᠮᠤᠭᠡ ᠨᠢ | ᠰᠦᠮᠪᠤᠷ ᠠᠭᠤᠯᠠᠨ ᠳᠤ ᠤᠷᠭᠤᠭᠰᠠᠨ | ᠭᠠᠯᠪᠠᠷᠽᠠᠨᠳᠠᠨ ᠮᠤᠳᠤᠨ ᠤ ᠴᠢᠨᠠᠷᠳᠠᠢ | ᠤᠭᠤᠷᠠᠭ ᠳᠠᠷᠭᠤᠨ ᠰᠠᠭᠦᠯ ᠨᠢ | ᠽᠠᠮᠪᠤᠳᠢᠪ ᠤᠨ ᠴᠢᠨᠠᠷᠳᠠᠢ | ᠱᠠᠭᠠ ᠴᠢᠮᠤᠭᠡ ᠨᠢ | ᠽᠠᠨᠳᠠᠨ ᠮᠤᠳᠤᠨ ᠴᠢᠨᠠᠷᠳᠠᠢ | ᠱᠠᠭᠠ ᠨᠢ ᠴᠤᠬᠤᠮ | ᠶᠠᠮᠠᠷ ᠴᠢᠨᠠᠷᠳᠠᠢ ᠪᠤᠢ︖ ᠭᠡᠪᠡᠯ | ᠨᠠᠢᠮᠠᠨ ᠡᠷᠳᠡᠨᠢ ᠶᠢᠨ ᠴᠢᠨᠠᠷᠳᠠᠢ | ᠡᠨᠡ ᠬᠤᠨᠢ ᠭᠡᠭᠴᠢ ᠪᠤᠯᠪᠠᠴᠤ | ᠡᠩ ᠤᠷᠢᠳᠤ ᠡᠷᠳᠡ ᠨᠢᠭᠡᠨ ᠴᠠᠭ ᠲᠤ | ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠷᠢᠶᠠᠳᠤ | ᠠᠯᠳᠠᠢ ᠬᠠᠨᠭ᠍ᠭᠠᠢ ᠶᠢᠨ ᠠᠷᠤ ᠳᠠᠬᠢ | ᠠᠯᠠᠭᠳᠠᠢ ᠪᠠᠶᠠᠨ ᠤ ᠬᠤᠳᠠᠨ ᠳᠤ | ᠠᠷᠭᠠᠯᠵᠢᠨ ᠴᠠᠭᠠᠨ ᠬᠤᠴᠠ ᠠᠴᠠ ᠡᠭᠦᠰᠴᠤ | ᠬᠤᠷᠭᠤᠯᠵᠢᠨ ᠴᠠᠭᠠᠨ ᠬᠤᠨᠢᠨ ᠠᠴᠠ ᠭᠠᠷᠤᠭᠰᠠᠨ | ᠳᠤᠩ ᠴᠠᠭᠠᠨ ᠬᠤᠷᠠᠭᠠ ᠭᠡᠭᠴᠢ ᠪᠤᠯᠪᠠᠴᠤ | ᠭᠦᠷᠤᠭᠡᠯᠠᠩ ᠭᠠᠵᠠᠷ ᠭᠡᠪᠳᠡᠭᠰᠡᠨ ᠦᠭᠡᠢ ᠠᠴᠠ | ᠭᠦᠯ ᠳᠡᠭᠡᠨ ᠤᠡᠭᠭᠠᠰᠤ ᠲᠠᠢ ᠨᠤᠤᠰᠤ ᠲᠠᠢ | ᠭᠦᠭᠡᠨᠡᠨ ᠳᠤ ᠬᠤᠯᠪᠤᠭᠰᠠᠨ ᠦᠭᠡᠢ ᠠᠴᠠ | ᠭᠦᠵᠤᠭᠦᠨ ᠳᠡᠭᠡᠨ ᠠᠬᠤᠷ ᠲᠠᠢ ᠦᠰᠤ ᠲᠠᠢ | ᠭᠡᠤᠭᠡᠳ ᠰᠢᠤᠬᠠᠳ ᠲᠤ ᠪᠠᠷᠢᠭᠤᠯᠤᠭᠰᠠᠨ ᠦᠭᠡᠢ ᠠᠴᠠ | ᠬᠤᠨᠭ᠌ ᠳᠠᠭᠠᠨ ᠦᠭᠡᠭᠦ ᠲᠠᠢ ᠳᠤᠰᠤ ᠲᠠᠢ | ᠲᠡᠭᠰᠢ ᠰᠠᠶᠢᠬᠠᠨ ᠪᠠᠶᠢᠳᠠᠯ ᠲᠠᠢ | ᠲᠠᠪᠭᠡ ᠲᠦᠷᠪᠠᠨ ᠳᠤᠭᠤᠷᠠᠢ ᠲᠠᠢ | ᠤᠷᠠᠯᠢᠭ ᠰᠠᠶᠢᠬᠠᠨ ᠲᠠᠭᠤ ᠲᠠᠢ | ᠤᠭᠠᠯᠵᠠᠨ ᠬᠤᠶᠠᠷ ᠡᠪᠠᠷ ᠲᠠᠢ | ᠯᠤᠨᠳᠤᠨ ᠬᠤᠶᠠᠷ ᠨᠢᠳᠤ ᠲᠠᠢ | ᠬᠠᠨᠠ ᠶᠢᠨ ᠴᠢᠨᠡᠭᠡᠨ ᠤᠭᠤᠴᠠ ᠲᠠᠢ | ᠬᠠᠪᠬᠠᠭ ᠤᠨ ᠴᠢᠨᠡᠭᠡᠨ ᠰᠠᠭᠦᠯ ᠲᠠᠢ | ᠡᠵᠡᠨ ᠳᠡᠭᠡᠨ ᠡᠭᠡᠯᠢᠳᠠᠢ | ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠬᠤᠨᠢ ᠭᠡᠭᠴᠢ ᠶᠢ | ᠡᠷᠭᠢᠮ ᠤᠯᠠᠨ ᠲᠦᠷᠦᠯ ᠲᠠᠨ ᠳᠠᠭᠠᠨ | ᠡᠷᠭᠦᠨ ᠪᠠᠷᠢᠵᠤ ᠪᠠᠶᠢᠬᠤ ᠨᠢ ᠡᠨᠡ ᠪᠢᠯᠠ᠃ |