| ᠦᠯᠦᠭᠡᠢ ᠣᠯᠠᠮᠵᠢᠯᠠᠬᠤ ᠶᠤᠰᠤᠠ ᠭᠡᠵᠦ ᠠᠪᠤ ᠳᠡᠭᠡᠳᠦᠰ ᠤᠨ ᠦᠶᠡ ᠳᠡᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠦᠯᠦᠭᠡᠢ ᠪᠠᠨ ᠬᠡᠥᠬᠡᠳ ᠤᠨ ᠦᠶᠡ ᠳᠡᠭᠡᠨ ᠣᠯᠠᠮᠵᠢᠯᠠᠨ ᠬᠡᠷᠡᠭᠯᠡᠬᠦ ᠶᠢ | ᠬᠡᠯᠡᠵᠦ ᠪᠠᠶᠢᠨᠠ᠃ ᠰᠢᠨᠡ ᠪᠠᠷ ᠪᠦᠲᠦᠭᠡᠭᠰᠡᠨ ᠦᠯᠦᠭᠡᠢ ᠪᠠᠨ ᠮᠣᠩᠭᠤᠯᠴᠣᠳ ᠡᠪᠳᠡᠯᠡᠵᠦ ᠬᠠᠭᠠᠯᠬᠤ ᠦᠭᠡᠢ ᠬᠠᠳᠠᠭᠠᠯᠠᠵᠣ ᠲᠠᠯᠪᠢᠳᠠᠭ ᠪᠣᠯᠬᠤᠷ ᠵᠠᠷᠢᠮ ᠨᠢᠭᠡ ᠦᠯᠦᠭᠡᠢ ᠶᠢ | ᠭᠤᠷᠪᠠ ᠳᠦᠷᠪᠡᠨ ᠦᠶᠡ ᠵᠠᠷᠣᠭᠰᠠᠨ ᠲᠡᠦᠬᠡ ᠲᠠᠢ ᠴᠦ ᠪᠠᠶᠢᠳᠠᠭ᠃ ᠬᠡᠷᠪᠡ ᠣᠯᠠᠮᠵᠢᠯᠠᠬᠤ ᠦᠯᠦᠭᠡᠢ ᠦᠭᠡᠢ ᠪᠣᠶᠣ ᠰᠢᠨᠡ ᠦᠯᠦᠭᠡᠢ ᠬᠢᠵᠦ ᠵᠠᠪᠳᠣᠬᠤ ᠦᠭᠡᠢ ᠪᠣᠯ ᠳᠠᠷᠣᠢ | ᠬᠠᠭᠤᠴᠢᠨ ᠦᠯᠦᠭᠡᠢ ᠶᠢ ᠵᠢᠭᠡᠯᠡᠨᠡ᠃ | ᠨᠢᠭᠡ ᠳᠤ᠂ ᠦᠯᠦᠭᠡᠢ ᠵᠢᠭᠡᠯᠡᠬᠦ ᠳᠡᠭᠡᠨ ᠪᠠᠰᠠ ᠰᠣᠩᠭᠤᠵᠣ ᠵᠢᠭᠡᠯᠡᠨᠡ᠃ ᠦᠯᠦᠭᠡᠢ ᠵᠢᠭᠡᠯᠡᠬᠦ ᠠᠴᠠ ᠡᠮᠦᠨᠡ ᠠᠪᠤ ᠡᠵᠢ ᠨᠢ ᠬᠡᠨ ᠤ ᠦᠯᠦᠭᠡᠢ ᠨᠢ ᠶᠠᠮᠠᠷ ᠶᠠᠮᠠᠷ ᠬᠡᠦᠬᠡᠳ ᠢ | ᠠᠮᠣᠷ ᠮᠡᠨᠳᠦ ᠦᠰᠬᠡᠭᠰᠡᠨ ᠭᠡᠵᠦ ᠬᠤᠷᠣᠭᠤ ᠳᠠᠷᠣᠵᠣ ᠬᠢᠮᠣᠰᠣ ᠨᠢᠰᠠᠯᠵᠣ ᠪᠠᠶᠢᠭᠠᠳ ᠰᠠᠶ᠋ᠢ ᠵᠢᠭᠡᠯᠡᠬᠦ ᠦᠯᠦᠭᠡᠢ ᠪᠠᠨ ᠲᠣᠭᠲᠠᠭᠠᠳᠠᠭ ᠶᠣᠮ᠃ ᠦᠯᠦᠭᠡᠢ ᠵᠢᠭᠡᠯᠡᠬᠦ ᠳᠡᠭᠡᠨ ᠬᠦᠦ | ᠬᠦᠰᠡᠵᠦ ᠪᠠᠶᠢᠬᠤ ᠨᠢ ᠬᠦᠦ ᠠᠷᠪᠢᠨ ᠦᠰᠭᠡᠭᠰᠡᠨ ᠦᠯᠦᠭᠡᠢ ᠶᠢ ᠵᠢᠭᠡᠯᠡᠵᠦ᠂ ᠦᠬᠢᠨ ᠬᠦᠰᠡᠵᠦ ᠪᠠᠶᠢᠬᠤ ᠨᠢ ᠦᠬᠢᠨ ᠠᠷᠪᠢᠨ ᠬᠦᠮᠦᠨ ᠤ ᠦᠯᠦᠭᠡᠢ ᠶᠢ ᠵᠢᠭᠡᠯᠡᠳᠡᠭ᠃ ᠦᠯᠦᠭᠡᠢ | ᠪᠠᠰᠠ ᠠᠳᠠᠯᠢ ᠦᠭᠡᠢ᠃ ᠵᠠᠷᠢᠮ ᠦᠯᠦᠭᠡᠢ ᠳᠤ ᠬᠡᠪᠲᠡᠭᠰᠡᠨ ᠬᠡᠦᠬᠡᠳ ᠨᠢ ᠬᠡᠳᠦᠶᠢᠢᠪᠡᠷ ᠡᠪᠡᠳᠴᠢᠨ ᠦᠭᠡᠢ ᠪᠣᠯᠪᠠᠴᠣ ᠴᠠᠶᠢᠯᠵᠠᠵᠣ ᠪᠦᠭᠡᠯᠵᠢᠭᠡᠳ ᠯᠡ ᠪᠠᠶᠢᠳᠠᠭ᠃ ᠵᠠᠷᠢᠮ | ᠦᠯᠦᠭᠡᠢ ᠳᠤᠨᠢ ᠬᠡᠦᠬᠡᠳ ᠬᠡᠪᠲᠡᠭᠰᠡᠭᠡᠷ ᠯᠡ ᠡᠪᠡᠳᠴᠢᠨ ᠠᠷᠬᠠᠭ ᠲᠣᠬᠲᠠᠳᠠᠭ᠃ ᠡᠶᠢᠮᠦ ᠦᠯᠦᠭᠡᠢ ᠶᠢ ᠪᠣᠯ ᠰᠡᠵᠢᠭᠯᠡᠭᠡᠳ ᠵᠢᠭᠡᠯᠡᠳᠡᠭ ᠦᠭᠡᠢ ᠪᠠᠶᠢᠳᠠᠭ᠃ ᠬᠡᠷᠪᠡ ᠠᠷᠪᠢᠨ | ᠬᠡᠦᠬᠡᠳ ᠢ ᠠᠮᠣᠷ ᠲᠦᠪᠰᠢᠨ ᠦᠰᠬᠡᠭᠰᠡᠨ ᠦᠯᠦᠭᠡᠢ ᠶᠢ ᠪᠣᠯ ᠬᠦᠮᠦᠰ ᠪᠣᠯᠢᠶᠠᠯᠳᠣᠵᠣ ᠪᠠᠶᠢᠭᠠᠳ ᠵᠢᠭᠡᠯᠡᠵᠦ ᠪᠠᠶᠢᠳᠠᠭ᠃ ᠡᠨᠡ ᠪᠣᠯ ᠬᠡᠦᠬᠡᠳ ᠢᠶᠠᠨ ᠠᠮᠣᠷ ᠲᠦᠪᠰᠢᠨ ᠦᠰᠬᠡᠬᠦ ᠶᠢ | ᠪᠣᠳᠣᠵᠣ ᠪᠠᠶᠢᠨᠠ᠃ | ᠬᠤᠶᠠᠷ ᠲᠤ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠨᠦᠯᠦᠭᠡ ᠪᠠᠷ ᠬᠡᠦᠬᠡᠳ ᠬᠠᠵᠠᠭᠰᠠᠨ ᠦᠯᠦᠭᠡᠢ ᠪᠣᠯ ᠪᠠᠰᠠ ᠬᠡᠦᠬᠡᠳ ᠬᠠᠵᠠᠬᠤ ᠵᠠᠩ ᠲᠠᠢ ᠭᠡᠳᠡᠭ ᠵᠣᠷᠰᠢᠯ ᠠᠴᠠ ᠪᠣᠯᠵᠣ ᠪᠠᠶᠢᠨᠠ᠃ | ᠦᠯᠦᠭᠡᠶᠢᠳᠡᠬᠦ ᠬᠡᠦᠬᠡᠳ ᠲᠤ ᠰᠠᠶᠢᠨ ᠲᠠᠢ ᠲᠠᠯᠠ ᠪᠠᠶᠢᠬᠤ ᠳᠤ ᠡᠮᠵᠡᠭ ᠲᠠᠢ ᠲᠠᠯᠠ ᠪᠠᠰᠠ ᠪᠠᠶᠢᠵᠣ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠄ ᠬᠡᠲᠦᠷᠬᠡᠢ ᠪᠠᠷᠢᠵᠣ ᠣᠶᠠᠭᠰᠠᠨ ᠠᠴᠠ ᠪᠣᠯᠵᠣ | ᠪᠣᠭᠤᠭᠳᠠᠭᠠᠳ ᠪᠡᠶᠡ ᠨᠢ ᠦᠰᠬᠦ ᠦᠭᠡᠢ ᠪᠣᠯᠬᠤ ᠪᠣᠶᠣ ᠬᠦᠴᠦᠲᠡᠢ ᠠᠷᠭᠠᠳᠠᠭᠰᠠᠨ ᠠᠴᠠ ᠪᠣᠯᠵᠣ ᠬᠡᠦᠬᠡᠳ ᠨᠢ ᠲᠣᠯᠣᠭᠠᠢ ᠡᠪᠡᠳᠬᠦ ᠡᠪᠡᠳᠴᠢᠨ ᠲᠠᠢ ᠪᠣᠯᠣᠭᠰᠠᠨ ᠵᠡᠷᠭᠡ ᠦᠵᠡᠭᠳᠡᠯ | ᠣᠷᠣᠰᠢᠵᠣ ᠪᠠᠶᠢᠳᠠᠭ᠃ ᠭᠡᠪᠡᠴᠦ ᠮᠣᠩᠭᠤᠯ ᠦᠯᠦᠭᠡᠢ ᠶᠢᠨ ᠵᠠᠩ ᠦᠢᠯᠡ ᠠᠴᠠ ᠪᠢᠳᠡ ᠮᠣᠩᠭᠤᠯ ᠦᠯᠦᠭᠡᠢ ᠨᠢ ᠮᠣᠩᠭᠤᠯᠴᠣᠳ ᠲᠤ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠦᠢᠯᠡᠳᠦᠯ ᠢᠶᠠᠨ | ᠦᠵᠡᠭᠦᠯᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠦ ᠪᠣᠯᠬᠤ ᠪᠦᠭᠡᠳ ᠦᠯᠦᠭᠡᠢ ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠠᠮᠠᠷ ᠵᠡᠷᠭᠡ ᠪᠠᠶᠢᠭᠰᠠᠨ ᠢ ᠣᠶᠢᠯᠠᠭᠠᠵᠣ ᠪᠣᠯᠣᠨᠠ᠃ ᠬᠡᠷᠪᠡ ᠡᠨᠡ ᠮᠣᠩᠭᠤᠯ ᠦᠯᠦᠭᠡᠢ ᠶᠢ | ᠦᠭᠡᠷᠡᠴᠢᠯᠡᠭᠡᠳ ᠴᠠᠬᠢᠯᠭᠠᠨ ᠬᠦᠳᠡᠯᠪᠣᠷᠢ ᠲᠠᠢ ᠪᠣᠯᠭᠠᠨ᠂ ᠴᠠᠭ ᠤᠨ ᠴᠣᠬᠢᠯᠭᠠ ᠮᠡᠲᠦ ᠨᠠᠰᠢ ᠴᠠᠰᠢ ᠠᠶᠢᠵᠠᠮ ᠴᠣᠬᠢᠯᠭᠠ ᠲᠠᠢ᠂ ᠪᠠᠰᠠ ᠳᠡᠭᠡᠷᠡ ᠨᠢ ᠪᠦᠪᠡᠢ ᠶᠢᠨ ᠳᠠᠭᠤᠣ ᠲᠠᠢ | ᠪᠣᠯᠭᠠᠪᠠᠯ ᠨᠡᠩ ᠰᠢᠨᠵᠢᠯᠡᠬᠦ ᠣᠬᠠᠭᠠᠨᠴᠢ᠂ ᠨᠡᠩ ᠣᠳᠣᠬᠢᠴᠢᠯᠠᠭᠰᠠᠨ ᠪᠠᠶᠢᠵᠣ ᠪᠣᠯᠣᠨᠠ᠃ ᠭᠡᠲᠡᠯᠡ ᠦᠯᠦᠭᠡᠢ ᠶᠢᠨ ᠠᠴᠢ ᠲᠣᠰᠠ᠂ ᠬᠡᠷᠡᠭᠴᠡᠭᠡ ᠶᠢ ᠡᠳᠦᠭᠡ ᠪᠣᠯᠲᠠᠯᠠ ᠰᠣᠳᠣᠯᠬᠤ | ᠬᠦᠮᠦᠨ ᠦᠭᠡᠢ ᠪᠠᠶᠢᠬᠤ ᠨᠢ ᠦᠨᠳᠦᠰᠦᠲᠡᠨ ᠤ ᠪᠠᠨ ᠵᠠᠩ ᠦᠢᠯᠡ ᠶᠢ ᠰᠣᠳᠣᠯᠵᠣ ᠪᠠᠶᠢᠭᠠ ᠬᠦᠮᠦᠰ ᠪᠠᠭᠠ ᠪᠠᠶᠢᠬᠤ ᠶᠢ ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯᠴᠣᠳ | ᠦᠨᠳᠦᠰᠦᠲᠡᠨ ᠤ ᠪᠠᠨ ᠵᠠᠩ ᠦᠢᠯᠡ ᠶᠢ ᠰᠣᠳᠣᠯᠣᠨ ᠰᠢᠨᠵᠢᠯᠡᠵᠦ ᠵᠠᠯᠭᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠴᠢᠷᠮᠠᠶᠢᠬᠤ ᠬᠡᠷᠡᠭᠲᠡᠢ ᠭᠡᠰᠡᠨ ᠡᠭᠦᠷᠭᠡ ᠬᠦᠮᠦᠨ ᠪᠦᠬᠦᠨ ᠳᠤ | ᠲᠣᠯᠭᠠᠷᠠᠵᠣ ᠪᠠᠶᠢᠨᠠ᠃ ︵ᠨᠠᠮᠵᠢᠯᠳᠣᠷᠵᠢ᠂ ᠨ᠊ · ᠪᠦᠬᠡᠬᠠᠳᠠ︶ |