| ᠨᠤᠲᠤᠭ ᠤᠨ ᠡᠵᠡᠨ ᠪᠣᠭᠳᠠ | ᠪᠠᠷᠢᠭᠰᠠᠨ ᠨᠢ ᠪᠠᠲᠤ ᠪᠣᠯᠵᠤ | ᠨᠠᠷᠠᠨ ᠮᠡᠲᠦ ᠮᠠᠨᠳᠤᠯᠠᠵᠤ | ᠰᠠᠷᠠᠨ ᠮᠡᠲᠦ ᠳᠦᠩᠭᠡᠭᠡᠵᠦ | ᠣᠳᠣᠨ ᠰᠢᠩᠭᠢ ᠪᠠᠨ ᠭᠡᠷᠡᠯᠲᠦᠵᠦ | ᠴᠡᠴᠡᠭ ᠰᠢᠩᠭᠢ ᠪᠠᠨ ᠳᠡᠯᠭᠡᠷᠡᠵᠦ | ᠰᠠᠭᠤᠳᠠᠯ ᠰᠢᠩᠭᠢ ᠪᠠᠨ ᠤᠤ ᠪᠣᠯᠵᠤ | ᠬᠠᠷᠭᠠᠢ ᠰᠢᠩᠭᠢ ᠪᠠᠨ ᠤᠷᠲᠤ ᠨᠠᠰᠤᠲᠠᠢ ᠪᠣᠯᠵᠤ | ᠵᠡᠭᠡᠷᠡᠨᠡ ᠰᠢᠩᠭᠢ ᠪᠠᠨ ᠬᠥᠬᠡ ᠪᠣᠯᠵᠤ | ᠠᠷᠠᠵᠠ ᠰᠢᠩᠭᠢ ᠪᠠᠨ ᠦᠷᠡᠵᠢᠯ ᠪᠣᠯᠵᠤ | ᠪᠠᠷᠰ ᠰᠢᠩᠭᠢ ᠪᠠᠨ ᠬᠦᠴᠦ ᠲᠠᠢ ᠪᠣᠯᠵᠤ | ᠯᠤᠤ ᠰᠢᠩᠭᠢ ᠪᠠᠨ ᠳᠠᠭᠤ ᠲᠠᠢ ᠪᠣᠯᠵᠤ | ᠤᠰᠤᠨ ᠰᠢᠩᠭᠢ ᠪᠠᠨ ᠴᠡᠭᠡᠭᠡᠨ ᠪᠣᠯᠵᠤ | ᠦᠰᠦᠨ ᠰᠢᠩᠭᠢ ᠪᠠᠨ ᠴᠠᠭᠠᠨ ᠪᠣᠯᠵᠤ | ᠯᠠᠮᠠ ᠳᠠᠭᠠᠨ ᠲᠠᠬᠢᠯ ᠲᠠᠢ ᠪᠣᠯᠵᠤ | ᠨᠠᠰᠤᠨ ᠳᠠᠭᠠᠨ ᠵᠢᠷᠭᠠᠯ ᠲᠠᠢ ᠪᠣᠯᠵᠤ | ᠭᠬᠢᠷ ᠦᠭᠡᠢ ᠶᠢ ᠡᠮᠦᠰᠴᠦ | ᠬᠢᠯᠢᠨᠴᠡ ᠦᠭᠡᠢ ᠶᠢ ᠡᠳᠡᠯᠡᠵᠦ | ᠵᠠᠭᠤᠷᠠ ᠳᠦᠭᠦᠷᠡᠩ ᠮᠣᠷᠢ ᠲᠠᠢ ᠪᠣᠯᠵᠤ | ᠬᠠᠯᠠᠭᠠ ᠮᠥᠩᠭᠦᠨ ᠬᠠᠵᠠᠭᠠᠷ ᠬᠤᠳᠤᠷᠭᠠ ᠲᠠᠢ ᠪᠣᠯᠵᠤ | ᠳᠥᠰᠢ ᠮᠥᠩᠭᠦᠨ ᠳᠥᠷᠥᠭᠡ ᠲᠠᠢ ᠪᠣᠯᠵᠤ | ᠬᠥᠪᠥᠩ ᠴᠠᠭᠠᠨ ᠲᠣᠬᠤᠮ ᠲᠠᠢ ᠪᠣᠯᠵᠤ | ᠬᠠᠬᠢᠷ ᠮᠣᠳᠣᠨ ᠬᠠᠪᠲᠠᠰᠤ ᠲᠠᠢ | ᠪᠣᠬᠢᠷ ᠮᠣᠳᠣᠨ ᠪᠦᠦᠷᠭᠡ ᠲᠠᠢ ᠡᠮᠡᠭᠡᠯ ᠲᠠᠢ ᠪᠣᠯᠵᠤ | ᠪᠤᠭᠤ ᠶᠢᠨ ᠠᠷᠠᠰᠤᠨ ᠣᠯᠣᠩ ᠲᠠᠢ ᠪᠣᠯᠵᠤ | ᠮᠠᠭᠠᠷᠠᠯ ᠤᠨ ᠠᠷᠠᠰᠤᠨ ᠵᠢᠷᠢᠮ ᠲᠠᠢ ᠪᠣᠯᠵᠤ | ᠭᠤᠷᠢ ᠶᠢᠨ ᠠᠷᠠᠰᠤᠨ ᠭᠠᠨᠵᠤᠭᠠ ᠲᠠᠢ ᠪᠣᠯᠵᠤ | ᠵᠠᠭᠠᠨ ᠤ ᠠᠷᠠᠰᠤᠨ ᠵᠢᠯᠣᠭᠤ ᠲᠠᠢ ᠪᠣᠯᠵᠤ | ᠽᠠᠨᠳᠠᠨ ᠡᠰᠢ ᠲᠠᠢ ᠮᠠᠯᠢᠶᠠ ᠲᠠᠢ ᠪᠣᠯᠵᠤ | ᠮᠠᠬᠠᠯᠠᠢ ᠨᠢ ᠳᠡᠷᠪᠡᠭᠡᠷ ᠪᠣᠯᠵᠤ ᠮᠠᠩᠨᠠᠢ ᠨᠢ ᠲᠡᠨᠢᠭᠡᠷ ᠪᠣᠯᠵᠤ | ᠠᠬᠠ ᠪᠠᠨ ᠠᠯᠳᠠ ᠬᠦᠨᠳᠦᠯᠡᠵᠦ | ᠳᠡᠭᠦᠦ ᠪᠠᠨ ᠳᠡᠯᠢᠮ ᠬᠠᠶᠢᠷᠠᠯᠠᠵᠤ | ᠠᠪᠤ ᠶᠢᠨ ᠢᠶᠠᠨ ᠪᠠᠭᠤᠷᠢᠨ ᠳᠤ ᠪᠠᠭᠤᠵᠤ | ᠡᠵᠢ ᠶᠢᠨ ᠢᠶᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ | ᠬᠥᠳᠡᠭᠡ ᠪᠠᠷ ᠳᠦᠭᠦᠷᠡᠩ ᠮᠠᠯ ᠭᠡᠷ ᠤᠨ | ᠬᠢᠰᠢᠭ ᠪᠤᠶᠠᠨ ᠬᠤᠷᠠᠵᠤ | ᠬᠥᠨᠵᠢᠯᠡ ᠪᠠᠷ ᠳᠦᠭᠦᠷᠡᠩ ᠬᠥᠪᠡᠭᠦᠨ ᠬᠡᠦᠬᠡᠨ ᠤ | ᠬᠢᠰᠢᠭ ᠪᠤᠶᠠᠨ ᠬᠤᠷᠠᠵᠤ | ᠡᠷᠦᠬᠡ ᠴᠢᠨᠢ ᠦᠨᠳᠦᠷ ᠪᠣᠯᠵᠤ | ᠡᠭᠦᠳᠡᠨ ᠴᠢᠨᠢ ᠬᠤᠯᠠ ᠪᠣᠯᠵᠤ | ᠠᠯᠲᠠᠨ ᠴᠠᠭᠠᠷᠢᠭ ᠠᠴᠠ ᠴᠢᠨᠢ | ᠤᠲᠤᠭᠠ ᠪᠢᠲᠦᠭᠡᠢ ᠬᠤᠶᠢᠭᠤᠲᠤᠭᠠᠢ︕ | ᠮᠥᠩᠭᠦᠨ ᠲᠣᠳᠬᠠ ᠠᠴᠠ ᠴᠢᠨᠢ | ᠮᠣᠷᠢᠨ ᠪᠢᠲᠦᠭᠡᠢ ᠬᠤᠶᠢᠭᠤᠲᠤᠭᠠᠢ︕ | ᠠᠪᠤ ᠪᠠᠨ ᠬᠤᠶᠢᠮᠣᠷ ᠲᠠᠭᠠᠨ ᠰᠠᠭᠤᠯᠭᠠᠵᠤ | ᠠᠬᠠ ᠳᠡᠭᠦᠦ ᠨᠠᠷ ᠢᠶᠠᠨ ᠥᠭᠡᠳᠡ ᠪᠠᠨ ᠰᠠᠭᠤᠯᠭᠠᠵᠤ | ᠨᠠᠰᠤᠲᠠᠨ ᠤ ᠪᠠᠨ ᠨᠠᠰᠤᠨ ᠳᠤ ᠬᠦᠷᠲᠡᠵᠦ | ᠬᠢᠰᠢᠭᠲᠡᠨ ᠤ ᠪᠠᠨ ᠬᠢᠰᠢᠭ ᠲᠤ ᠬᠦᠷᠲᠡᠵᠦ | ᠬᠤᠲᠣ ᠶᠢᠨ ᠰᠠᠶᠢᠨ ᠢ ᠬᠦᠮᠦᠨ ᠳᠤ ᠢᠳᠡᠭᠦᠯᠵᠦ | ᠬᠤᠪᠴᠠᠰᠤᠨ ᠤ ᠰᠠᠶᠢᠨ ᠢ ᠥᠪᠡᠷ ᠢᠶᠠᠨ ᠡᠮᠦᠰᠴᠦ | ᠨᠡᠭᠦᠬᠦ ᠳᠡᠭᠡᠨ ᠲᠣᠭᠤᠰᠤ ᠲᠠᠢ | ᠪᠠᠭᠤᠬᠤ ᠳᠠᠭᠠᠨ ᠣᠲᠤᠭᠠ ᠲᠠᠢ ᠪᠣᠯᠵᠤ | ᠵᠢᠭᠡ ᠪᠠᠨ ᠲᠠᠨᠢᠰᠢ ᠦᠭᠡᠢ ᠥᠨᠢᠷ ᠪᠣᠯᠵᠤ | ᠵᠡᠭᠡᠷᠳᠡ ᠪᠠᠨ ᠲᠠᠨᠢᠰᠢ ᠦᠭᠡᠢ ᠪᠠᠶᠠᠨ ᠪᠣᠯᠵᠤ | ᠰᠠᠨᠠᠭᠰᠠᠨ ᠴᠢᠨᠢ ᠪᠦᠲᠦᠵᠦ | ᠰᠠᠬᠢᠭᠰᠠᠨ ᠴᠢᠨᠢ ᠥᠷᠥᠰᠢᠶᠡᠵᠦ | ᠮᠥᠩᠬᠡ ᠳᠤ ᠠᠮᠤᠭᠤᠯᠠᠩ ᠡᠳᠡᠯᠡᠬᠦ ᠶᠢᠨ ᠪᠡᠯᠭᠡ ᠪᠣᠯᠲᠤᠭᠠᠢ︕ |