| ᠴᠢᠮᠡᠳ · ᠡᠷᠳᠡᠨᠢᠪᠠᠶᠠᠷ | ᠴᠠᠭᠠᠨ ᠱᠣᠩᠬᠤᠷ ᠰᠢᠪᠠᠭᠤᠨ ᠤ ᠡᠵᠡᠯᠡᠭᠴᠢ ᠲᠠᠢ | ᠱᠣᠩᠬᠤᠷ ᠤᠨ ᠠᠭᠤᠯᠠᠨ ᠤ ᠰᠦᠷ ᠨᠢ ᠮᠠᠨᠳᠤᠭᠰᠠᠨ | ᠴᠠᠭᠠᠨ ᠳ᠋ᠠᠷᠠ ᠪᠤᠷᠬᠠᠨ ᠰᠢᠲᠦᠭᠡᠨ ᠲᠠᠢ | ᠱᠣᠩᠬᠤᠷ ᠰᠦᠮᠡ ᠶᠢᠨ ᠭᠠᠨᠵᠢᠷᠠ ᠨᠢ ᠭᠢᠯᠲᠤᠭᠠᠨᠠᠭᠰᠠᠨ | ᠪᠣᠳᠣᠯᠭᠠᠲᠤ ᠴᠢᠨ ᠸᠠᠩ ᠰᠡᠩᠭᠡᠷᠢᠨᠴᠢᠨ ᠤ | ᠪᠦᠸᠧ ᠸᠠᠩ ᠤᠨ ᠬᠤᠶᠢᠲᠤ ᠬᠤᠰᠢᠭᠤ ᠰᠢᠤ | ᠪᠤᠮ ᠰᠠᠶᠠ ᠵᠢᠯ ᠢᠶᠠᠷ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ | ᠪᠤᠶᠠᠨ ᠬᠡᠰᠢᠭ ᠲᠠᠢ ᠨᠤᠲᠤᠭ ᠤᠰᠤᠨ ᠰᠢᠤ | ᠬᠤᠭᠤᠷ ᠴᠤᠭᠤᠷ ᠤᠨ ᠠᠶᠠ ᠬᠥᠭᠵᠢᠮ | ᠬᠤᠲᠠ ᠠᠶᠢᠯ ᠤᠨ ᠴᠡᠩᠭᠡᠯ ᠪᠣᠯᠤᠭᠰᠠᠨ | ᠬᠤᠪᠢᠯᠭᠠᠨ ᠡᠷᠳᠡᠮ ᠲᠠᠢ ᠪᠦᠭᠡ ᠪᠠᠷᠢᠶᠠᠴᠢᠳ | ᠬᠤᠷᠤᠭᠤ ᠭᠠᠷ ᠤᠨ ᠰᠢᠳᠢ ᠶᠢ ᠭᠠᠶᠢᠬᠠᠭᠤᠯᠤᠭᠰᠠᠨ | ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠲᠤ ᠬᠤᠰᠢᠭᠤ | ᠬᠤᠣᠰ ᠦᠭᠡᠢ ᠰᠠᠶᠢᠬᠠᠨ ᠭᠠᠵᠠᠷ ᠨᠤᠲᠤᠭ ᠰᠢᠤ | ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠥᠪᠯᠡᠵᠦ ᠦᠯᠡᠳᠡᠭᠡᠬᠦ | ᠬᠤᠪᠢ ᠬᠡᠰᠢᠭ ᠲᠠᠢ ᠥᠯᠥᠭᠡᠢ ᠨᠤᠲᠤᠭ ᠰᠢᠤ | ᠤᠯᠠᠭᠠᠨ ᠠᠯᠠᠭ ᠦᠬᠡᠷ ᠤᠨ ᠰᠦᠷᠦᠭ | ᠮᠠᠩᠬᠠ ᠵᠣ ᠦᠭᠡᠢ ᠳᠠᠷᠬᠠᠨ ᠪᠡᠯᠴᠢᠭᠰᠡᠨ | ᠤᠷᠤᠯᠳᠤᠭᠠᠨ ᠤ ᠬᠤᠷᠳᠤᠨ ᠠᠵᠢᠨᠠᠢ ᠭᠦᠯᠦᠭ | ᠮᠠᠯᠴᠢᠨ ᠠᠶᠢᠯ ᠤᠨ ᠴᠢᠮᠡᠭ ᠪᠣᠯᠤᠭᠰᠠᠨ | ᠵᠢᠷᠢᠮ ᠤᠨ ᠬᠤᠷᠴᠢᠨ ᠤ ᠬᠤᠶᠢᠲᠤ ᠬᠤᠰᠢᠭᠤ | ᠵᠢᠷᠭᠠᠯᠠᠩ ᠪᠠᠶᠠᠰᠬᠤᠯᠠᠩ ᠤᠨ ᠲᠠᠬᠰᠢᠨ ᠣᠷᠣᠨ ᠰᠢᠤ | ᠡᠮᠡᠭᠡᠯ ᠤᠨ ᠭᠠᠨᠵᠤᠭᠠ ᠡᠭᠦᠷᠢᠳᠡ ᠳᠦᠭᠦᠷᠡᠩ | ᠡᠷᠡᠮᠡᠬᠡᠢ ᠪᠠᠭᠠᠲᠤᠷᠴᠤᠳ ᠤᠨ ᠬᠡᠢ ᠮᠣᠷᠢᠲᠤ ᠨᠤᠲᠤᠭ ᠰᠢᠤ | ᠨᠠᠮᠤᠷ ᠤᠨ ᠤᠰᠤᠨ ᠤ ᠴᠡᠩᠬᠡᠷ ᠳᠣᠯᠭᠢᠶᠠᠨ ᠳᠤ | ᠨᠠᠭᠤᠷ ᠤᠨ ᠰᠢᠪᠠᠭᠤᠳ ᠭᠠᠩᠭᠠᠨᠠᠯᠳᠤᠨ ᠳᠠᠭᠤᠯᠠᠭᠰᠠᠨ | ᠨᠠᠷᠢᠮᠤ ᠰᠢᠰᠢ ᠮᠣᠩᠭᠤᠯ ᠰᠠᠭᠠᠭ | ᠨᠠᠷᠠᠨ ᠤ ᠭᠡᠷᠡᠯ ᠢ ᠬᠥᠬᠦᠨ ᠳᠣᠬᠢᠯᠵᠠᠭᠰᠠᠨ | ᠵᠡᠭᠦᠨ ᠭᠠᠷᠤᠨ ᠬᠤᠷᠴᠢᠨ ᠤ ᠬᠤᠶᠢᠲᠤ ᠬᠤᠰᠢᠭᠤ | ᠵᠢᠷᠦᠬᠡᠨ ᠠᠴᠠ ᠬᠤᠯᠪᠣᠭᠠᠲᠠᠢ ᠲᠥᠷᠥᠯᠬᠢ ᠨᠤᠲᠤᠭ ᠰᠢᠤ | ᠵᠡᠭᠦᠳᠦ ᠨᠣᠶᠢᠷ ᠲᠠᠭᠠᠨ ᠵᠡᠭᠦᠳᠦᠯᠡᠨ ᠵᠡᠭᠦᠳᠦᠯᠡᠨ ᠭᠦᠷᠳᠡᠭ | ᠵᠢᠩᠬᠢᠨᠢ ᠪᠢᠳᠡᠨ ᠤ ᠡᠬᠡ ᠨᠤᠲᠤᠭ ᠰᠢᠤ | ᠴᠦᠩᠬᠦᠯ ᠤᠨ ᠭᠤᠤ ᠶᠢᠨ ᠲᠤᠩᠭᠠᠯᠠᠭ ᠤᠰᠤᠨ | ᠰᠡᠳᠬᠢᠯ ᠢ ᠪᠠᠶᠠᠰᠬᠠᠵᠤ ᠬᠤᠷᠴᠢᠭᠢᠨᠠᠨ ᠤᠷᠤᠰᠤᠭᠰᠠᠨ | ᠴᠦᠯ ᠬᠡᠭᠡᠷᠡ ᠶᠢᠨ ᠤᠡᠭᠭᠤᠨ ᠬᠠᠶᠢᠯᠠᠰᠤ | ᠰᠡᠭᠦᠳᠡᠷ ᠲᠠᠲᠠᠵᠤ ᠤᠷᠮᠠ ᠶᠢ ᠰᠡᠷᠭᠦᠭᠡᠭᠰᠡᠨ | ᠨᠤᠨ ᠬᠤᠷᠴᠢᠨ ᠤ ᠬᠤᠶᠢᠲᠤ ᠬᠤᠰᠢᠭᠤ | ᠨᠡᠭᠦᠳᠡᠯᠴᠢᠨ ᠠᠷᠠᠳ ᠤᠨ ᠰᠠᠶᠢᠬᠠᠨ ᠨᠤᠲᠤᠭ ᠰᠢᠤ | ᠨᠤᠭᠤᠨ ᠥᠬᠢᠳ ᠨᠢ ᠨᠤᠲᠤᠭ ᠢᠶᠠᠨ ᠰᠠᠬᠢᠭᠰᠠᠨ | ᠨᠡᠶᠢᠭᠡᠮ ᠵᠢᠷᠤᠮᠲᠤ ᠰᠢᠨᠡ ᠬᠥᠳᠡᠭᠡ ᠰᠢᠤ | ᠠᠵᠤ ᠮᠡᠷᠭᠡᠨ ᠬᠠᠲᠤᠨ ᠤ ᠲᠤᠭᠤᠯᠵᠢᠨ ᠠᠭᠤᠯᠠ | ᠠᠷᠠᠳ ᠤᠨ ᠳᠤᠮᠤᠭ ᠲᠤ ᠥᠨᠢ ᠮᠥᠩᠬᠡᠷᠡᠭᠰᠡᠨ | ᠠᠪᠤᠷᠠᠯᠲᠤ ᠪᠣᠭᠳᠠ ᠭᠡᠰᠡᠷ ᠤᠨ ᠪᠢᠯᠢᠭ ᠤᠨ ᠬᠡᠭᠡᠷ | ᠠᠷᠠᠯᠲᠤ ᠴᠤᠭᠤᠷ ᠤᠨ ᠤᠲᠠᠰᠤᠨ ᠳᠤ ᠡᠭᠦᠷᠢᠳᠡ ᠦᠦᠷᠰᠡᠭᠰᠡᠨ | ᠰᠡᠷ ᠰᠡᠷ ᠰᠠᠯᠬᠢ ᠨᠢ ᠦᠯᠢᠶᠡᠳᠡᠭ | ᠰᠧᠩ ᠸᠠᠩ ᠰᠡᠩᠭᠡᠷᠢᠨᠴᠢᠨ ᠤ ᠬᠤᠰᠢᠭᠤ ᠰᠢᠤ | ᠪᠤᠷ ᠪᠤᠷ ᠪᠣᠷᠣᠭᠠᠨ ᠨᠢ ᠣᠷᠣᠳᠠᠭ | ᠪᠣᠳᠣᠯᠭᠠᠲᠤ ᠴᠢᠨ ᠸᠠᠩ ᠤᠨ ᠬᠤᠶᠢᠲᠤ ᠬᠤᠰᠢᠭᠤ ᠰᠢᠤ | ᠡᠶᠢᠮᠦ ᠯᠡ ᠰᠠᠶᠢᠬᠠᠨ ᠬᠤᠰᠢᠭᠤ | ᠲᠡᠶᠢᠮᠦ ᠯᠡ ᠰᠠᠶᠢᠬᠠᠨ ᠨᠤᠲᠤᠭ | ᠠᠯᠤᠬᠠ ᠬᠠᠳᠤᠭᠤᠷ ᠰᠦᠯᠵᠢᠯᠳᠦᠭᠰᠡᠨ ᠤᠯᠠᠭᠠᠨ ᠲᠤᠭ ᠤᠨ ᠳᠣᠣᠷᠠ | ᠠᠬᠠ ᠳᠡᠭᠦᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠭᠡᠳ | ᠠᠯᠲᠠᠨ ᠰᠢᠷᠠ ᠲᠠᠪᠤᠨ ᠤᠳᠤ ᠲᠠᠢ ᠤᠯᠠᠭᠠᠨ ᠲᠤᠭ ᠢᠶᠠᠨ | ᠠᠭᠠᠷ ᠤᠨ ᠮᠠᠨᠳᠠᠯ ᠳᠤ ᠥᠨᠳᠥᠷ ᠲᠤ ᠨᠠᠮᠢᠷᠠᠭᠤᠯᠤᠭᠠᠳ | ᠨᠠᠷᠮᠠᠢ ᠲᠦᠮᠡᠨ ᠳᠡᠭᠡᠨ ᠠᠯᠳᠠᠷᠲᠠᠢ ᠬᠤᠶᠢᠲᠤ ᠬᠤᠰᠢᠭᠤ | ᠨᠠᠨᠳᠢᠨ ᠰᠣᠶᠣᠯ ᠤᠨ ᠪᠠᠭ᠋ᠠᠷᠬᠠᠯ ᠪᠦᠸᠧ ᠸᠠᠩ ᠬᠤᠰᠢᠭᠤ | ᠨᠠᠷᠠᠨ ᠰᠠᠷᠠᠨ ᠤ ᠣᠷᠴᠢᠯᠠᠩ ᠬᠤᠷᠸᠠ ᠳᠤ | ᠨᠠᠮ ᠤᠨ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠮᠥᠩᠬᠡ ᠣᠷᠣᠰᠢᠨᠠ |