| ᠥᠩᠭᠡᠷᠡᠭᠰᠡᠨ ᠭᠤᠨᠢᠭ ᠡᠮᠵᠡᠭᠯᠡᠭᠦᠯᠦᠯ ᠦᠭᠡᠢ | ᠦᠭᠡᠷᠡᠶᠢᠭᠰᠡᠨ ᠳᠤᠷᠠᠰᠤᠮᠵᠢ ᠪᠠᠨ ᠡᠷᠭᠢᠵᠦ ᠱᠠᠭᠠᠶᠢᠯ ᠦᠭᠡᠢ | ᠥᠩᠭᠡ ᠬᠠᠯᠠᠭᠠ ᠲᠠᠮᠵᠢᠵᠦ ᠴᠢᠮᠡᠭᠯᠡᠯ ᠦᠭᠡᠢ | ᠥᠷᠯᠥᠭᠡ ᠶᠢᠨ ᠨᠠᠷᠠᠨ ᠳᠠᠭᠠᠨ ᠰᠦ ᠶᠢᠨ ᠳᠡᠭᠡᠵᠢ ᠪᠠᠨ ᠡᠷᠭᠦᠵᠦ | ᠡᠷᠡᠮᠡᠯᠵᠡᠯ ᠢᠶᠠᠨ ᠳᠡᠪᠰᠢᠭᠦᠯᠦᠶᠡ ᠰᠢᠨᠡ ᠣᠨ ᠳᠠᠭᠠᠨ | | ᠰᠢᠨᠡ ᠣᠨ ᠢᠶᠠᠨ ᠪᠢ | ᠢᠷᠡᠵᠦ ᠶᠠᠪᠤᠭᠠ ᠬᠠᠪᠤᠷ ᠤᠨ ᠤᠷᠢᠨ ᠭᠡᠵᠦ ᠲᠥᠰᠥᠭᠡᠯᠡᠨᠡᠮ | ᠢᠨᠢᠶᠡᠳᠦ ᠪᠠᠶᠠᠷ ᠳᠦᠭᠦᠷᠡᠩ ᠴᠠᠯᠭᠢᠶᠠᠯᠠᠭᠰᠠᠨ | ᠢᠲᠡᠭᠡᠯ ᠪᠢᠰᠢᠷᠡᠯ ᠥᠨᠢᠳᠡ ᠪᠢᠯᠬᠠᠭᠰᠠᠨ | ᠢᠰᠢᠭᠡ ᠬᠤᠷᠠᠭᠠ ᠶᠢᠨ ᠮᠠᠶᠢᠯᠠᠭᠠᠨ ᠳᠤ ᠨᠣᠷᠣᠭᠰᠠᠨ | ᠢᠩᠭᠡ ᠪᠣᠲᠣᠭᠤ ᠶᠢᠨ ᠪᠣᠶᠢᠯᠠᠭᠠᠨ ᠳᠤ ᠤᠶᠠᠷᠠᠭᠰᠠᠨ | ᠬᠠᠪᠤᠷ ᠤᠨ ᠬᠥᠭᠵᠢᠮ ᠭᠡᠵᠦ ᠲᠥᠰᠥᠭᠡᠯᠡᠨᠡᠮ | | ᠰᠢᠨᠡ ᠣᠨ ᠢᠶᠠᠨ ᠪᠢ | ᠴᠠᠭ ᠬᠤᠭᠤᠴᠠᠭᠠ ᠶᠢ ᠵᠢᠩᠳᠠᠭᠡᠵᠦ ᠵᠡᠭᠦᠳᠦᠯᠡᠭᠰᠡᠨ | ᠳᠤᠷᠠᠯᠠᠯᠲᠤ ᠠᠮᠠᠷᠠᠭ ᠢᠶᠠᠨ ᠭᠡᠵᠦ ᠲᠥᠰᠥᠭᠡᠯᠡᠨᠡᠮ | ᠵᠡᠭᠦᠳᠦ ᠨᠣᠶᠢᠷ ᠢ ᠬᠡᠮᠵᠢᠵᠦ ᠰᠤᠷᠤᠬᠰᠠᠨ | ᠵᠢᠷᠦᠬᠡᠨ ᠤ ᠴᠣᠬᠢᠯᠭᠠ ᠶᠢ ᠲᠣᠩᠰᠢᠵᠤ ᠮᠡᠳᠡᠷᠡᠭᠰᠡᠨ | ᠵᠦᠢᠯ ᠤᠨ ᠤᠬᠠᠭᠠᠨ ᠳᠤ ᠡᠭᠡᠰᠢᠭ ᠬᠥᠭᠵᠢᠮᠳᠡᠭᠰᠡᠨ | ᠵᠣᠯ ᠵᠢᠷᠭᠠᠯ ᠢᠶᠠᠨ ᠮᠥᠷᠥᠭᠡᠳᠴᠦ ᠤᠶᠠᠩᠭᠠᠷᠠᠭᠰᠠᠨ | ᠳᠤᠷᠠᠯᠠᠯᠲᠤ ᠪᠦᠰᠡᠭᠦᠢ ᠭᠡᠵᠦ ᠯᠡ ᠲᠥᠰᠥᠭᠡᠯᠡᠨᠡᠮ | | ᠰᠢᠨᠡ ᠣᠨ ᠢᠶᠠᠨ ᠪᠢ | ᠬᠠᠶᠢᠷᠠᠯᠠᠵᠤ ᠠᠮᠵᠢᠭᠠ ᠦᠭᠡᠢ ᠲᠠᠭᠤᠨ ᠤ ᠡᠭᠡᠰᠢᠭ ᠤᠨ | ᠴᠣᠮᠤᠭ ᠭᠡᠵᠦ ᠲᠥᠰᠥᠭᠡᠯᠡᠨᠡᠮ | ᠬᠠᠮᠤᠭ ᠬᠦᠰᠡᠯ ᠢ ᠮᠢᠨᠢ ᠭᠦᠢᠴᠡᠭᠡᠵᠦ ᠶᠠᠳᠠᠭᠰᠠᠨ | ᠬᠠᠶᠢᠷᠠ ᠶᠢᠨ ᠰᠢᠯᠦᠭ ᠢ ᠮᠢᠨᠢ ᠪᠢᠰᠢᠷᠡᠭᠦᠯᠵᠦ ᠤᠩᠰᠢᠭᠰᠠᠨ | ᠰᠡᠳᠬᠢᠯ ᠤᠨ ᠲᠡᠩᠬᠡᠭᠡ ᠬᠦᠴᠦ ᠤᠶᠤᠨ ᠢ ᠮᠢᠨᠢ | ᠥᠷᠥᠭᠡᠯ ᠪᠤᠰᠤᠳ ᠲᠤ ᠮᠡᠳᠡᠷᠡᠭᠦᠯᠬᠦ ᠭᠡᠰᠡᠨ | ᠬᠠᠶᠢᠷᠠᠯᠠᠵᠤ ᠠᠮᠵᠢᠭᠠ ᠦᠭᠡᠢ ᠲᠠᠭᠤᠨ ᠤ ᠴᠣᠮᠤᠭ ᠭᠡᠵᠦ ᠲᠥᠰᠥᠭᠡᠯᠡᠨᠡᠮ | ᠰᠢᠨᠡ ᠣᠨ ᠢᠶᠠᠨ ᠪᠢ ᠰᠢᠯᠢ ᠶᠢᠨ ᠰᠠᠶᠢᠬᠠᠨ ᠲᠡᠨᠵᠢᠨ ᠠᠴᠠ ᠪᠠᠨ ᠤᠭᠲᠤᠶᠠ | |