| ᠊᠊᠊᠊᠊ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠤᠤ ᠺᠠᠩ ᠪᠠᠯᠭᠠᠰᠤ ᠶᠢᠨ | ᠳᠠᠷᠬᠠᠨ ᠨᠡᠶᠢᠭᠡᠮ ᠲᠣᠭᠤᠷᠢᠭ ᠤᠨ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠢᠨ ᠢ ᠲᠡᠮᠳᠡᠭᠯᠡᠪᠡ | ᠰᠤᠷᠪᠤᠯᠵᠢᠯᠠᠬᠴᠢ ᠰᠠᠴᠤᠷᠠᠩᠭᠤᠢ ᠴᠡᠯᠡᠭᠡᠷ ᠴᠢᠮᠡᠭᠡᠯᠡᠭᠴᠢ ᠭᠤᠤ ᠺᠦᠨ | ᠊᠊᠊᠊᠊᠊᠊ ᠮᠠᠨ ᠤ ᠨᠡᠶᠢᠭᠡᠮ ᠲᠣᠭᠤᠷᠢᠭ ᠤᠨ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠢᠨ ᠪᠣᠯ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠳᠦᠷᠪᠡᠨ ᠦᠶᠡ ᠪᠠᠷ ᠢᠶᠠᠨ | ᠬᠠᠮᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠲᠣᠮᠣ ᠭᠡᠷ ᠪᠦᠯᠢ ᠶᠤᠮ᠃ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠠᠪᠤ ᠡᠵᠢ ᠨᠢ ᠪᠦᠷ ᠶᠡᠷᠡ ᠭᠠᠷᠴᠤ ᠪᠠᠶᠢᠭᠠ ᠪᠥᠭᠡᠳ ᠠᠪᠤ ᠨᠢ ᠬᠡᠪᠲᠡᠷᠢ ᠳᠤ | ᠣᠷᠣᠭᠠᠳ ᠬᠥᠳᠡᠯᠵᠦ ᠳᠡᠶᠢᠯᠭᠦ ᠦᠭᠡᠢ ᠪᠣᠯᠴᠢᠬᠠᠵᠠᠢ᠃ ᠪᠠᠢ ᠭᠤᠸᠠᠩ ᠶᠤᠸᠠᠨ ᠠᠬᠠ ᠡᠭᠡᠴᠢ ᠳᠡᠭᠦᠦ ᠬᠡᠳᠦᠭᠦᠯᠡ ᠪᠠᠨ ᠡᠭᠡᠯᠵᠢ ᠬᠠᠯᠠᠭᠠ ᠪᠠᠷ ᠵᠢᠵᠢᠭᠦᠷᠯᠡᠨ ᠨᠠᠰᠤᠲᠠᠢ | ᠠᠪᠤ ᠪᠠᠨ ᠲᠤᠩ ᠰᠠᠶᠢᠬᠠᠨ ᠠᠰᠠᠷᠠᠨ ᠰᠤᠪᠢᠯᠠᠵᠤ ᠪᠠᠶᠢᠨᠠ ᠰᠢᠦ ᠭᠡᠬᠦ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠤᠤ ᠺᠠᠩ ᠪᠠᠯᠭᠠᠰᠤ ᠶᠢᠨ ᠳᠠᠷᠬᠠᠨ | ᠨᠡᠶᠢᠭᠡᠮ ᠲᠣᠭᠤᠷᠢᠭ ᠤᠨ ᠠᠵᠢᠯᠲᠠᠨ ᠤ ᠲᠠᠨᠢᠯᠴᠠᠭᠤᠯᠭᠠ ᠪᠠᠷ᠂ ᠪᠢᠳᠡ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠢᠨ ᠳᠤ ᠭᠦᠷᠦᠭᠰᠡᠨ ᠶᠤᠮ᠃ | ᠤᠷᠢᠳ ᠢᠶᠠᠷ ᠮᠡᠳᠡᠭᠳᠡᠭᠰᠡᠨ ᠴᠤ ᠦᠭᠡᠢ ᠪᠠᠷ ᠡᠭᠦᠳᠡ ᠶᠢ ᠨᠢ ᠲᠤᠬᠰᠢᠨ ᠠᠯᠬᠤᠭᠠᠳ ᠣᠷᠣᠬᠤ ᠳᠤ ᠯᠠ ᠭᠢᠯᠠ ᠴᠢᠯᠠ᠂ ᠴᠡᠪᠡᠷ ᠴᠡᠮᠴᠡᠭᠡᠷ ᠰᠠᠭᠤᠵᠤ | ᠪᠠᠶᠢᠭᠰᠠᠨ ᠠᠴᠠ ᠨᠢ ᠡᠨᠡ ᠭᠡᠷ ᠤᠨ ᠬᠥᠮᠥᠰ ᠤᠨ ᠠᠵᠢᠯᠴᠢ ᠭᠦᠳᠡᠯᠮᠦᠷᠢᠴᠢ᠂ ᠠᠷᠢᠭᠤᠨ ᠴᠡᠪᠡᠷᠴᠢ ᠭᠡᠳᠡᠭ ᠨᠢ ᠮᠡᠳᠡᠭᠳᠡᠨᠡ᠃ ᠦᠲᠡᠯᠦᠭᠡ ᠨᠠᠰᠤᠲᠠᠨ ᠨᠢ ᠤᠳᠠᠭᠠᠨ | ᠡᠳᠦᠷ ᠢᠶᠠᠷ ᠬᠡᠪᠲᠡᠵᠦ᠂ ᠥᠳᠬᠡᠨ ᠰᠢᠩᠭᠡᠨ ᠳᠡᠭᠡᠨ ᠵᠥᠪ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠠᠳᠠᠯᠠ ᠥᠴᠥᠬᠡᠨ ᠴᠤ ᠦᠨᠦᠷ ᠲᠠᠨᠢᠷ ᠦᠭᠡᠢ ᠠᠷᠢᠭᠤᠨ ᠴᠡᠪᠡᠷ ᠠᠰᠠᠷᠠᠵᠤ | ᠰᠤᠪᠢᠯᠠᠨᠠ ᠭᠡᠳᠡᠭ ᠦᠷᠡ ᠬᠡᠦᠬᠡᠳ ᠪᠣᠯᠣᠭᠰᠠᠳ ᠤᠨ ᠬᠢᠨᠢ ᠨᠠᠷᠢᠨ ᠨᠢᠮᠪᠠᠢ ᠠᠰᠠᠷᠠᠨ ᠰᠤᠪᠢᠯᠠᠯᠲᠠ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠮᠡᠳᠡᠭᠡᠵᠢ᠃ ᠲᠡᠷᠡ ᠭᠠᠷᠠᠭ | ᠨᠢ ᠠᠬᠠ ᠡᠭᠡᠴᠢ ᠳᠡᠭᠦᠦ ᠬᠡᠳᠦᠭᠦᠯᠡ ᠶᠢᠨ ᠢᠶᠠᠨ ᠠᠬᠠ ᠨᠢ ᠪᠤᠯᠬᠤ ᠪᠠᠢ ᠭᠤᠸᠠᠩ ᠶᠧ ᠶᠢᠨ ᠡᠭᠡᠯᠵᠢ ᠲᠠᠭᠠᠷᠠᠵᠦ ᠳᠡᠭᠦᠦ ᠶᠢᠨ ᠳᠡᠭᠡᠨ ᠢᠷᠡᠵᠦ ᠠᠪᠤ ᠪᠠᠨ ᠰᠤᠪᠢᠯᠠᠵᠤ | ᠪᠠᠶᠢᠪᠠ᠃ | ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠠᠪᠤ ᠶᠢ ᠪᠠᠢ ᠬᠤᠨᠭ᠌ ᡁᠢ ᠭᠡᠳᠡᠭ᠂ ᠮᠠᠨᠵᠤ ᠦᠨᠳᠦᠰᠦᠲᠡᠨ᠂ ᠡᠨᠡ ᠵᠢᠯ ᠶᠡᠷᠡᠨ ᠳᠥᠷᠪᠡᠲᠡᠢ᠃ ᠡᠵᠢ ᠶᠢ ᠨᠢ ᠬᠤ᠋ | ᠭᠦᠢ ᠯᠠᠨ ᠭᠡᠳᠡᠭ᠂ ᠬᠢᠲᠠᠳ ᠦᠨᠳᠦᠰᠦᠲᠡᠨ᠂ ᠡᠨᠡ ᠵᠢᠯ ᠶᠡᠷᠡᠨ ᠨᠢᠭᠡᠲᠡᠢ᠃ ᠲᠡᠳᠡᠨ ᠤ ᠳᠡᠭᠡᠳᠦ ᠶᠢᠨ ᠨᠤᠲᠤᠭ ᠨᠢ ᠯᠢᠶᠤᠤᠨᠢᠩ ᠮᠤᠵᠢ ᠳᠤ ᠪᠠᠶᠢᠳᠠᠭ ᠪᠥᠭᠡᠳ ᠪᠠᠢ | ᠭᠤᠸᠠᠩ ᠶᠤᠸᠠᠨ ᠤ ᠡᠪᠦᠭᠡ ᠶᠢᠨ ᠬᠢᠨᠢ ᠦᠶᠡ ᠳᠤ ᠲᠠᠢ ᠫᠢᠩ ᠴᠤᠸᠠᠨ ᠳᠤ ᠨᠡᠭᠦᠨ ᠢᠷᠡᠵᠤ ᠰᠠᠭᠤᠷᠢᠰᠢᠭᠠᠳ᠂ ᠠᠬᠠ ᠪᠠᠢ ᠭᠤᠸᠠᠩ ᠶᠧ ᠶᠢ ᠨᠢ ᠨᠢᠷᠠᠢ ᠪᠠᠶᠢᠬᠤ | ᠳᠤᠨᠢ ᠪᠤᠤ ᠺᠠᠩ ᠪᠠᠯᠭᠠᠰᠤᠨ ᠳᠤ ᠨᠡᠭᠦᠨ ᠢᠷᠡᠵᠦ ᠠᠮᠢᠳᠤᠷᠠᠭᠰᠠᠨ ᠭᠡᠳᠡᠭ᠃ ᠪᠠᠢ ᠭᠤᠸᠠᠩ ᠶᠤᠸᠠᠨ ᠠᠬᠠ ᠡᠭᠡᠴᠢ ᠳᠡᠭᠦᠦ ᠲᠠᠪᠤᠭᠤᠯᠠ᠂ ᠪᠠᠢ ᠭᠤᠸᠠᠩ ᠶᠧ ᠬᠠᠮᠤᠭ | ᠶᠡᠭᠡ ᠨᠢ᠂ ᠪᠠᠢ ᠭᠤᠸᠠᠩ ᠶᠤᠸᠠᠨ ᠬᠤᠶᠠᠳᠤᠭᠠᠷ ᠨᠢ᠂ ᠲᠡᠳᠡ ᠬᠤᠶᠠᠭᠤᠯᠠ ᠳᠤ ᠭᠤᠷᠪᠠᠨ ᠬᠡᠦᠬᠡᠨ ᠳᠡᠭᠦᠦ ᠲᠠᠢ ᠶᠤᠮ ᠭᠡᠨᠡ᠃ ᠠᠬᠠ ᠡᠭᠡᠴᠢ ᠳᠡᠭᠦᠦ ᠲᠠᠪᠤᠭᠤᠯᠠ ᠪᠠᠨ | ᠮᠠᠨᠵᠤ ᠪᠣᠯᠣᠨ ᠬᠢᠲᠠᠳ ᠬᠤᠶᠠᠷ ᠦᠨᠳᠦᠰᠦᠲᠡᠨ ᠤ ᠠᠪᠤ ᠡᠵᠢ ᠠᠴᠠ ᠲᠦᠷᠦᠭᠰᠡᠨ ᠪᠤᠯᠪᠠᠴᠦ ᠡᠷᠦᠭᠡ ᠠᠮᠠ ᠶᠢᠨ ᠳᠠᠩᠰᠠᠨ ᠳᠡᠭᠡᠷᠡ ᠪᠠᠨ ᠪᠦᠷ ᠮᠠᠨᠵᠤ | ᠦᠨᠳᠦᠰᠦᠲᠡᠨ ᠢᠶᠠᠷ ᠶᠠᠪᠤᠭᠠ ᠠᠵᠢ᠃ | ᠊᠊᠊᠊᠊᠊᠊ ᠮᠢᠨᠤ ᠳᠡᠭᠦᠦ ᠪᠣᠯᠣᠨ ᠳᠡᠭᠦᠦ ᠪᠡᠷᠢ ᠪᠦᠷ ᠳᠠᠯᠠ ᠰᠢᠬᠠᠵᠤ ᠪᠠᠶᠢᠭᠠ ᠬᠥᠮᠥᠰ᠂ ᠳᠡᠭᠦᠦ ᠮᠠᠨᠢ ᠣᠮᠪᠣᠯᠣ ᠪᠠᠨ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠭᠡᠵᠦ ᠲᠤᠰᠤᠭᠠᠳ | ᠡᠳᠦᠷ ᠤᠨ ᠭᠡᠳᠦ ᠤᠳᠠᠭᠠ ᠨᠠᠭᠠᠰᠢ ᠴᠠᠭᠠᠰᠢ ᠭᠦᠶᠦᠭᠡᠳ ᠶᠠᠭᠠᠷᠠᠤ᠃ ᠳᠡᠭᠦᠦ ᠪᠡᠷᠢ ᠪᠠᠰᠠ ᠭᠡᠷ ᠲᠡᠷᠭᠡ ᠪᠠᠨ ᠳᠣᠳᠣᠮᠳᠠᠵᠤ᠂ ᠭᠤᠷᠪᠠᠨ ᠡᠷᠢᠨ ᠤ ᠬᠤᠭᠤᠯᠠ | ᠪᠡᠯᠡᠳᠬᠡᠭᠡᠳ ᠡᠳᠦᠷᠵᠢᠨ ᠶᠠᠪ ᠶᠠᠭᠠᠷᠠᠤ᠂ ᠳᠠᠷᠠ ᠪᠠᠰᠠ ᠰᠠᠶ᠋ᠢᠬᠠᠨ ᠨᠣᠭᠤᠭᠠ ᠠᠪᠬᠤ ᠪᠠᠷ ᠵᠡᠭᠡᠯᠢ ᠳᠤ ᠭᠠᠷᠴᠠᠢ᠃ ᠪᠢ ᠪᠣᠯ ᠡᠡ᠊ᠨᠳᠡ ᠢᠷᠡᠪᠡᠯ ᠠᠪᠤ ᠪᠠᠨ ᠠᠰᠠᠷᠠᠨ | ᠰᠤᠪᠢᠯᠠᠬᠤ ᠠᠴᠠ ᠣᠨᠳᠣᠣ ᠶᠠᠭᠤ ᠴᠤ ᠬᠢᠵᠦ ᠪᠠᠶᠢᠬᠤ ᠦᠭᠡᠢ᠃ ᠬᠡᠦᠬᠡᠳ ᠪᠦᠷ ᠬᠤᠪᠢ ᠬᠤᠪᠢᠨ ᠤ ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠤ᠃ ᠠᠪᠤ ᠮᠢᠨᠢ ᠬᠡᠪᠲᠡᠷᠢ ᠳᠤ ᠣᠷᠣᠭᠠᠳ | ᠨᠢᠭᠡᠨᠲᠡ ᠵᠢᠯ ᠭᠠᠷᠤᠢ ᠪᠣᠯᠴᠢᠬᠠᠵᠠᠢ᠂ ᠴᠡᠷ ᠢᠶᠠᠨ ᠭᠠᠷᠭᠠᠵᠤ ᠳᠡᠶᠢᠯᠭᠦ ᠦᠭᠡᠢ ᠪᠥᠭᠡᠳ ᠬᠠᠭᠠᠰ ᠴᠠᠭ ᠪᠤᠯᠬᠤ ᠦᠭᠡᠢ ᠵᠤᠷᠯᠤᠩ ᠳᠤ ᠣᠷᠣᠨᠠ᠃ ᠡᠶᠢᠮᠦ ᠠᠴᠠ ᠡᠳᠦᠷ | ᠰᠥᠨᠢ ᠶᠢᠨ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠢᠶᠠᠷ ᠬᠠᠵᠠᠭᠤ ᠠᠴᠠ ᠨᠢ ᠬᠥᠮᠥᠨ ᠰᠠᠯᠵᠤ ᠪᠤᠯᠬᠤ ᠦᠭᠡᠢ ᠲᠤᠯᠠ ᠮᠠᠨ ᠤ ᠠᠬᠠ ᠡᠭᠡᠴᠢ ᠳᠡᠭᠦᠦ ᠲᠠᠪᠤᠭᠤᠯᠠ ᠪᠠᠨ ᠡᠭᠡᠯᠵᠢᠯᠡᠨ | ᠠᠰᠠᠷᠠᠨ ᠰᠤᠪᠢᠯᠠᠵᠤ ᠪᠠᠶᠢᠨᠠ᠃ ᠮᠢᠨᠤ ᠳᠡᠭᠦᠦ ᠶᠢᠨ ᠡᠳᠦᠷ ᠤᠨ ᠠᠵᠢᠯ ᠶᠠᠭᠠᠷᠠᠤ ᠪᠣᠯᠬᠤᠷ᠂ ᠲᠡᠭᠦᠨ ᠳᠤ ᠡᠳᠦᠷ ᠪᠣᠯᠭᠠᠨ ᠤ ᠣᠷᠣᠢ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠠᠴᠠ | ᠰᠥᠨᠢ ᠶᠢᠨ 12 ᠴᠠᠭ ᠪᠤᠯᠳᠠᠯᠠ ᠠᠪᠤ ᠶᠢ ᠰᠤᠪᠢᠯᠠᠬᠤ ᠵᠢᠵᠢᠭᠦᠷ ᠲᠣᠬᠢᠷᠠᠭᠤᠯᠵᠠᠢ᠃ ᠪᠤᠰᠤᠳ ᠴᠠᠭ ᠨᠢ ᠪᠦᠷ ᠪᠢᠳᠡᠨ ᠤ ᠡᠭᠡᠯᠵᠢ ᠶᠢᠨ ᠬᠥᠮᠥᠰ ᠤᠨ ᠬᠢ᠂ ᠪᠢᠳᠡ | ᠤᠤᠯ ᠳᠠᠭᠠᠨ ᠬᠡᠳᠦᠭᠦᠯᠡ ᠪᠠᠨ ᠬᠥᠮᠥᠨ ᠪᠦᠷᠢ ᠠᠷᠪᠠᠨ ᠡᠳᠦᠷ ᠢᠶᠠᠷ ᠡᠭᠡᠯᠵᠢᠯᠡᠵᠦ ᠪᠠᠶᠢᠵᠠᠢ᠃ ᠡᠨᠡ ᠵᠢᠯ ᠤᠨ ᠡᠬᠢᠨ ᠠᠴᠠ ᠨᠠᠭᠠᠰᠢ᠂ ᠭᠤᠷᠪᠠᠨ ᠬᠡᠦᠬᠡᠨ ᠳᠡᠭᠦᠦ | ᠬᠤᠭᠤᠷᠣᠨᠳᠤ ᠪᠠᠨ ᠵᠥᠪᠳᠡᠭᠡᠳ ᠨᠠᠳᠠ ᠶᠢ ᠪᠠᠰᠠ ᠳᠠᠯᠠ ᠭᠠᠷᠴᠤ ᠨᠠᠰᠤ ᠠᠬᠢᠵᠤ ᠪᠠᠶᠢᠨᠠ ᠬᠡᠮᠡᠨ ᠲᠡᠳᠡ ᠬᠥᠮᠥᠨ ᠪᠣᠯᠭᠠᠨ 11 ᠡᠳᠦᠷ ᠠᠪᠤ ᠶᠢ ᠰᠤᠪᠢᠯᠠᠬᠤ ᠪᠠᠷ | ᠪᠣᠯᠵᠤ᠂ ᠨᠠᠳᠠ ᠰᠠᠶ᠋ᠢ ᠨᠢᠭᠡ ᠯᠠ ᠭᠠᠷᠠᠭ ᠤᠨ ᠵᠢᠵᠢᠭᠦᠷ ᠲᠣᠬᠢᠷᠠᠭᠤᠯᠤᠭᠠᠳ ᠪᠠᠶᠢᠭᠠ ᠨᠢ ᠡᠨᠡ᠃ ᠡᠶᠢᠮᠦ ᠠᠴᠠ ᠨᠠᠳᠠ ᠳᠤ ᠶᠠᠭ ᠪᠦᠲᠦᠨ ᠨᠢᠭᠡ ᠰᠠᠷᠠ ᠪᠣᠯᠣᠭᠠᠳ | ᠰᠠᠶ᠋ᠢ ᠨᠢᠭᠡ ᠭᠠᠷᠠᠭ ᠤᠨ ᠵᠢᠵᠢᠭᠦᠷ ᠲᠠᠭᠠᠷᠠᠳᠠᠭ ᠭᠡᠵᠦ ᠪᠠᠢ ᠭᠤᠸᠠᠩ ᠶᠧ ᠨᠠᠰᠤᠲᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠪᠠᠢ ᠭᠤᠸᠠᠩ ᠶᠧ ᠪᠤᠤ ᠯᠦᠡᠭ ᠱᠠᠨ ᠪᠠᠯᠭᠠᠰᠤ ᠶᠢᠨ ᠬᠠᠩᠭᠠᠨ ᠪᠣᠷᠣᠯᠠᠭᠤᠯᠬᠤ ᠬᠤᠷᠰᠢᠶᠠ ᠠᠴᠠ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠴᠤ᠂ ᠤᠳᠤ ᠴᠤ ᠭᠡᠰᠡᠨ | ᠪᠤᠤ ᠯᠦᠡᠭ ᠱᠠᠨ ᠪᠠᠯᠭᠠᠰᠤᠨ ᠳᠤ ᠪᠠᠶᠢᠭᠠ ᠪᠠᠶᠢᠰᠢᠩ ᠭᠡᠷ ᠲᠡᠭᠡᠨ ᠰᠠᠭᠤᠵᠤ ᠪᠤᠢ᠃ ᠡᠮᠦᠨᠡ ᠬᠡᠳᠦᠨ ᠵᠢᠯ᠂ ᠠᠪᠤ ᠡᠵᠢ ᠨᠢ ᠪᠠᠢ ᠭᠤᠸᠠᠩ ᠶᠧ ᠶᠢᠨ ᠲᠡᠨᠳᠡ ᠰᠠᠭᠤᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠪᠠᠶᠢᠰᠢᠩ ᠭᠡᠷ ᠡᠪᠦᠯ ᠳᠡᠭᠡᠨ ᠬᠦᠢᠲᠡᠨ᠂ ᠨᠠᠰᠤᠲᠠᠢ ᠬᠥᠮᠥᠨ ᠵᠤᠷᠯᠤᠩ ᠳᠤ ᠣᠷᠣᠬᠤ ᠳᠤ ᠲᠦᠭᠦᠮ ᠦᠭᠡᠢ ᠵᠡᠷᠭᠡ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ᠂ | ᠰᠡᠭᠦᠯ ᠤᠨ ᠲᠠᠪᠤ ᠳᠤᠯᠤᠭᠠᠨ ᠵᠢᠯ ᠳᠤ ᠬᠤᠶᠠᠳᠤᠭᠠᠷ ᠬᠦᠦ ᠶᠢᠨ ᠳᠡᠭᠡᠨ ᠪᠠᠶᠢᠩᠭᠤ ᠰᠠᠭᠤᠳᠠᠭ ᠪᠣᠯᠤᠭᠰᠠᠨ ᠨᠢ ᠡᠨᠡ ᠠᠵᠢ᠃ ᠪᠠᠢ ᠭᠤᠸᠠᠩ ᠶᠧ ᠬᠡᠳᠦᠶᠢᠪᠡᠷ ᠥᠪᠡᠷ | ᠢᠶᠠᠨ ᠪᠠᠰᠠ ᠳᠠᠯᠨᠨ ᠨᠢᠭᠡ ᠬᠦᠷᠴᠦ᠂ ᠰᠠᠬᠠᠯ ᠦᠰᠦ ᠨᠢ ᠴᠠᠶᠢᠵᠤ ᠰᠠᠨᠴᠢᠭ ᠨᠢ ᠪᠤᠭᠤᠷᠤᠯᠲᠤᠨ ᠨᠢᠷᠤᠭᠤ ᠨᠢ ᠪᠥᠭᠲᠥᠶᠢᠭᠰᠡᠨ ᠪᠤᠯᠪᠠᠴᠦ ᠦᠷᠡ ᠬᠡᠦᠬᠡᠳ ᠤᠨ ᠶᠣᠰᠣ | ᠪᠠᠷ ᠡᠯᠪᠡᠷᠢᠯ ᠵᠢᠷᠤᠮ ᠢ ᠭᠦᠢᠴᠡᠳᠬᠡᠨ᠂ ᠦᠲᠡᠯᠦᠭᠡ ᠠᠪᠤ ᠪᠠᠨ ᠰᠤᠪᠢᠯᠠᠬᠤ ᠪᠠᠷ ᠰᠠᠷᠠ ᠶᠢᠨ ᠨᠢᠭᠡ ᠤᠳᠠᠭᠠ ᠳᠡᠭᠦᠦ ᠶᠢᠨ ᠳᠡᠭᠡᠨ ᠢᠷᠡᠵᠤ᠂ ᠠᠪᠤ ᠪᠠᠨ ᠰᠤᠪᠢᠯᠠᠬᠤ | ᠪᠠᠨ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠪᠠᠶᠢᠨᠠ᠃ ᠬᠡᠯᠡᠵᠦ ᠶᠠᠷᠢᠬᠤ ᠪᠠ ᠶᠠᠪᠤᠵᠤ ᠰᠠᠭᠤᠬᠤ ᠠᠴᠠ ᠨᠢ ᠪᠠᠢ ᠭᠤᠸᠠᠩ ᠶᠧ ᠭᠡᠭᠴᠢ ᠨᠠᠮ ᠳᠥᠯᠭᠡᠨ ᠵᠠᠩ ᠠᠭᠠᠯᠢ ᠲᠠᠢ᠂ ᠲᠤᠩ ᠶᠡᠭᠡ | ᠬᠡᠪ ᠪᠣᠯᠪᠠᠰᠤᠷᠠᠯ ᠲᠠᠢ ᠬᠥᠮᠥᠨ ᠭᠡᠳᠡᠭ ᠨᠢ ᠢᠯᠡ ᠮᠡᠳᠡᠭᠳᠡᠨᠡ᠃ ᠶᠡᠷᠡ ᠭᠠᠷᠴᠤ ᠪᠠᠶᠢᠭᠠ ᠨᠠᠰᠤᠲᠠᠢ ᠡᠵᠢ ᠨᠢ ᠮᠥᠨ ᠥᠷᠥᠪᠴᠢ ᠡᠨᠡᠷᠢᠩᠭᠦᠢ ᠵᠢᠰᠦ ᠴᠢᠷᠠᠢ ᠲᠠᠢ | ᠬᠥᠮᠥᠨ ᠪᠥᠭᠡᠳ ᠪᠢᠳᠡᠨ ᠳᠤ ᠰᠠᠨᠳᠠᠯᠢ ᠠᠪᠴᠤ ᠥᠭᠭᠦᠨ ᠤᠰᠤ ᠴᠠᠢ ᠣᠶᠢᠷᠠᠲᠤᠭᠤᠯᠬᠤ ᠭᠡᠵᠦ ᠮᠠᠶᠢᠵᠢᠭᠢᠨᠠᠬᠤ ᠠᠴᠠ ᠨᠢ ᠠᠰᠪᠤᠷ ᠴᠠᠶᠢᠯᠭᠠᠨ ᠬᠠᠯᠠᠭᠤᠮᠰᠤᠭ ᠵᠠᠩ | ᠲᠠᠢ ᠬᠥᠮᠥᠨ ᠭᠡᠳᠡᠭ ᠨᠢ ᠭᠠᠳᠠᠷᠯᠠᠭᠳᠠᠨᠠ᠃ | ᠊᠊᠊᠊᠊᠊᠊ ᠡᠨᠡ ᠳᠡᠯᠡᠬᠡᠢ ᠳᠤ ᠡᠵᠢ ᠠᠪᠤ ᠭᠡᠳᠡᠭ ᠡᠷᠭᠢᠭᠡᠳ ᠣᠯᠳᠠᠰᠢ ᠦᠭᠡᠢ ᠡᠷᠳᠡᠨᠢ᠃ ᠨᠠᠳᠠ ᠶᠢ ᠲᠦᠭᠦᠭᠡ ᠣᠷᠣᠬᠤ ᠲᠡᠷᠡ ᠴᠠᠭ ᠠᠴᠠ ᠡᠬᠢᠯᠡᠨ᠂ ᠮᠠᠨ ᠤ | ᠠᠮᠢᠳᠤᠷᠠᠯ ᠲᠡᠶᠢᠮᠦ ᠴᠢᠨᠡᠭᠡᠯᠢᠭ ᠪᠢᠰᠢ ᠪᠠᠶᠢᠭᠰᠠᠨ᠂ ᠭᠡᠪᠡᠴᠦ ᠠᠬᠠᠰ ᠵᠠᠬᠠᠰ ᠢᠶᠠᠨ ᠬᠦᠨᠳᠦᠳᠬᠡᠨ᠂ ᠡᠴᠢᠭᠡ ᠡᠬᠡ ᠪᠠᠨ ᠠᠴᠢᠯᠠᠬᠤ ᠶᠢ ᠠᠪᠤ ᠡᠵᠢ ᠮᠠᠨᠢ ᠪᠡᠶᠡ ᠪᠠᠷ ᠢᠶᠠᠨ | ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠦᠵᠡᠭᠦᠯᠵᠦ ᠰᠤᠷᠭᠠᠵᠠᠢ᠃ ᠪᠢᠳᠡᠨ ᠢ ᠪᠠᠭᠠ ᠪᠠᠶᠢᠬᠤ ᠳᠤ᠂ ᠮᠢᠨᠤ ᠡᠪᠦᠭᠡ ᠰᠠ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠪᠥᠭᠡᠳ ᠮᠢᠨᠤ ᠡᠮᠡᠭᠡ | ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠬᠦᠨᠳᠦ ᠠᠭᠤᠰᠬᠢᠨ ᠡᠪᠡᠳᠴᠢᠨ ᠳᠤ ᠲᠠᠷᠴᠢᠯᠠᠭᠠᠭᠳᠠᠵᠤ᠂ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠵᠢᠯ ᠤᠨ ᠭᠡᠳᠦ ᠤᠳᠠᠭᠠ ᠡᠮᠨᠡᠯᠭᠡ ᠳᠤ ᠰᠠᠭᠤᠳᠠᠭ | ᠪᠠᠶᠢᠭᠰᠠᠨ ᠶᠤᠮ᠃ ᠣᠨᠴᠠᠭᠠᠶᠢᠯᠠᠨ ᠡᠪᠦᠯ ᠪᠤᠯᠬᠤ ᠲᠠᠢ ᠵᠡᠷᠭᠡ᠂ ᠡᠮᠡᠭᠡ ᠶᠢᠨ ᠮᠢᠨᠢ ᠬᠠᠭᠤᠴᠢᠨ ᠠᠷᠬᠠᠭ ᠬᠥᠳᠡᠯᠬᠦ ᠨᠢ ᠬᠡᠴᠡᠭᠦᠦ ᠪᠣᠯᠴᠢᠬᠠᠳᠠᠭ᠃ ᠲᠡᠶᠢᠮᠦ ᠠᠴᠠ ᠲᠤᠬᠠᠢ | ᠶᠢᠨ ᠦᠶᠡ ᠳᠤ ᠮᠠᠨ ᠤ ᠠᠮᠢᠳᠤᠷᠠᠯ ᠬᠡᠳᠦᠶᠢᠪᠡᠷ ᠲᠤᠩ ᠬᠦᠴᠢᠷᠲᠡᠢ ᠪᠠᠶᠢᠭᠰᠠᠨ ᠴᠤ ᠡᠪᠦᠯ ᠳᠡᠭᠡᠨ ᠭᠡᠷ ᠡᠷᠦᠭᠡ ᠪᠠᠨ ᠳᠤᠯᠠᠭᠠᠨ ᠪᠠᠶᠢᠯᠭᠠᠬᠤ ᠶᠢ ᠬᠢᠴᠢᠶᠡᠵᠦ᠂ | ᠨᠡᠭᠦᠷᠡᠰᠦ ᠶᠢ ᠵᠣᠭᠰᠣᠯ ᠦᠭᠡᠢ ᠲᠦᠯᠡᠵᠦ᠂ ᠵᠤᠤᠬᠠᠨ ᠤ ᠭᠠᠯ ᠢᠶᠠᠨ ᠤᠨᠲᠠᠷᠠᠭᠠᠳᠠᠭ ᠦᠭᠡᠢ ᠪᠠᠶᠢᠪᠠ᠃ ᠬᠡᠷᠪᠡ ᠡᠮᠡᠭᠡ ᠶᠢᠨ ᠡᠪᠡᠳᠴᠢᠨ ᠨᠢ ᠬᠦᠨᠳᠦᠷᠡᠵᠦ᠂ ᠡᠮᠨᠡᠯᠭᠡ ᠳᠤ | ᠰᠠᠭᠤᠬᠤ ᠳᠤ ᠭᠦᠷᠪᠡᠯ᠂ ᠪᠢᠳᠡ ᠨᠡᠭᠦᠷᠡᠰᠦ ᠪᠠᠨ ᠠᠷᠪᠢᠯᠠᠬᠤ ᠶᠢᠨ ᠲᠥᠯᠥᠭᠡ ᠵᠤᠤᠬᠠᠨ ᠤ ᠭᠠᠯ ᠢᠶᠠᠨ ᠵᠣᠭᠰᠣᠭᠠᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠨᠢᠭᠡ | ᠵᠢᠯ ᠤᠨ ᠡᠪᠦᠯ ᠡᠮᠡᠭᠡ ᠮᠠᠨᠢ ᠬᠤᠷᠢ ᠭᠠᠷᠤᠢ ᠡᠳᠦᠷ ᠢᠶᠠᠷ ᠡᠮᠨᠡᠯᠭᠡ ᠳᠤ ᠰᠠᠭᠤᠬᠤ ᠳᠤ᠂ ᠪᠢᠳᠡ ᠨᠡᠭᠦᠷᠡᠰᠦ ᠪᠠᠨ ᠠᠷᠪᠢᠯᠠᠵᠤ ᠭᠠᠯ ᠬᠢᠭᠰᠡᠨ ᠦᠭᠡᠢ ᠪᠣᠯᠬᠤᠷ᠂ ᠮᠢᠨᠤ | ᠳᠡᠭᠦᠦ ᠶᠢᠨ ᠬᠥᠯ ᠭᠠᠷ ᠨᠢ ᠪᠦᠷ ᠭᠦᠯᠡᠶᠢᠳᠡᠯᠡ ᠬᠥᠯᠳᠡᠴᠢᠬᠡᠭᠰᠡᠨ ᠰᠢᠦ ᠭᠡᠵᠦ ᠬᠡᠯᠡᠬᠦ ᠳᠤ᠂ ᠪᠠᠢ ᠭᠤᠸᠠᠩ ᠶᠧ ᠨᠠᠰᠤᠲᠠᠨ ᠤ ᠨᠢᠳᠦᠨ ᠳᠤᠨᠢ ᠨᠢᠯᠪᠤᠰᠤ ᠴᠢᠯᠭᠡᠨᠡᠵᠦ | ᠪᠠᠶᠢᠯᠠ᠃ ᠲᠡᠶᠢᠮᠦ ᠠ᠋︕ ︽ᠬᠠ ᠭᠢᠰᠬᠢᠭᠰᠡᠨ ᠭᠠᠵᠠᠷ ᠭᠤᠶᠠ︾ ᠭᠡᠳᠡᠭ ᠬᠠᠭᠤᠴᠢᠨ ᠤ ᠦᠭᠡ ᠪᠠᠶᠢᠳᠠᠭ᠃ ᠨᠢᠭᠡᠨ ᠡᠯᠪᠡᠷᠢᠯ ᠠᠴᠢᠯᠠᠯ ᠲᠠᠢ ᠰᠠᠶᠢᠨ ᠬᠡᠦᠬᠡᠳ ᠢ | ᠬᠥᠮᠥᠵᠢᠭᠦᠯᠬᠦ ᠳᠤ ᠬᠡᠳᠦᠨ ᠦᠶᠡ ᠶᠢᠨ ᠬᠥᠮᠥᠰ ᠤᠨ ᠬᠢᠴᠢᠶᠡᠯ ᠵᠢᠳᠬᠦᠯ ᠱᠠᠭᠠᠷᠳᠠᠭᠳᠠᠨᠠ ᠭᠡᠳᠡᠭ ᠣᠷᠣ ᠲᠠᠢ ᠦᠭᠡ ᠪᠠᠶᠢᠵᠠᠢ᠃ | ᠪᠢᠳᠠᠨ ᠢ ᠨᠠᠰᠤᠲᠠᠨ ᠲᠠᠢ ᠪᠠᠭ᠋ᠠᠨ ᠵᠣᠭᠤᠭᠳᠠᠵᠤ ᠰᠠᠭᠤᠲᠠᠯᠠ᠂ ᠭᠠᠳᠠᠨᠠ ᠠᠴᠠ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠡᠬᠡᠨᠡᠷ ᠨᠢ ᠨᠣᠭᠤᠭᠠ ᠮᠢᠬᠠ ᠠᠪᠴᠤ ᠢᠷᠡᠭᠡᠳ᠂ | ᠶᠠᠭᠠᠷᠠᠯᠲᠠᠢ ᠭᠡᠭᠴᠢ ᠭᠠᠯ ᠲᠣᠭᠤᠭᠠ ᠲᠠᠢ ᠪᠠᠨ ᠨᠣᠴᠣᠯᠳᠤᠵᠤ᠂ ᠦᠳᠡ ᠶᠢᠨ ᠬᠤᠭᠤᠯᠠ ᠪᠠᠨ ᠪᠡᠯᠡᠳᠬᠡᠵᠦ ᠡᠬᠢᠯᠡᠪᠡ᠃ ᠳᠡᠮᠡᠢ ᠤᠳᠠᠯ ᠦᠭᠡᠢ᠂ ᠪᠠᠢ ᠭᠤᠸᠠᠩ ᠶᠤᠸᠠᠨ | ᠴᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠣᠨ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠭᠠ ᠣᠮᠪᠣᠯᠣ ᠬᠦᠦ ᠪᠠᠨ ᠲᠤᠰᠤᠭᠠᠳ ᠬᠠᠷᠢᠵᠤ ᠢᠷᠡᠵᠡᠢ᠃ ᠪᠠᠢ ᠭᠤᠸᠠᠩ ᠶᠤᠸᠠᠨ ᠭᠡᠭᠴᠢ | ᠠᠬᠠ ᠪᠠᠨ ᠪᠤᠳᠤᠪᠠᠯ ᠥᠨᠳᠥᠷ ᠨᠠᠷᠢᠬᠠᠨ ᠪᠡᠶᠡ ᠲᠠᠢ ᠪᠥᠭᠡᠳ ᠦᠰᠦ ᠭᠡᠵᠢᠭᠡ ᠨᠢ ᠠᠬᠠ ᠠᠴᠠ ᠪᠠᠨ ᠢᠯᠡᠭᠦᠦ ᠴᠠᠶᠢᠴᠢᠬᠠᠭᠰᠠᠨ ᠬᠠᠷᠠᠪᠲᠤᠷ ᠵᠢᠰᠦ ᠲᠠᠢ ᠬᠥᠮᠥᠨ | ᠪᠠᠶᠢᠯᠠ᠃ | ᠊᠊᠊᠊᠊᠊᠊ ᠠᠪᠤ ᠡᠵᠢ ᠮᠠᠨᠢ ᠡᠪᠡᠳᠴᠢᠨ ᠡᠮᠭᠡᠭ ᠲᠠᠢ ᠡᠪᠦᠭᠡ ᠡᠮᠡᠭᠡ ᠶᠢ ᠲᠡᠷᠡ ᠮᠡᠲᠦ ᠰᠠᠶᠢᠨ ᠠᠰᠠᠷᠠᠵᠤ ᠰᠤᠪᠢᠯᠠᠭᠰᠠᠨ ᠪᠥᠭᠡᠳ ᠪᠢᠳᠡ ᠴᠤ ᠭᠡᠰᠡᠨ ᠡᠪᠦᠭᠡ | ᠡᠮᠡᠭᠡ ᠶᠢᠨ ᠢᠶᠠᠨ ᠠᠭᠰᠢᠭᠤᠨ ᠰᠢᠩᠭᠡᠨ ᠢ ᠨᠢ ᠠᠰᠬᠠᠬᠤ ᠠᠴᠠ ᠡᠬᠢᠯᠡᠭᠡᠳ᠂ ᠬᠤᠶᠠᠷ ᠨᠠᠰᠤᠲᠠᠨ ᠢᠶᠠᠨ ᠠᠰᠠᠷᠠᠵᠤ ᠰᠤᠪᠢᠯᠠᠬᠤ ᠠᠵᠢᠯ ᠳᠤ ᠬᠥᠯ ᠬᠤᠶᠢᠰᠢ ᠦᠭᠡᠢ | ᠣᠷᠣᠯᠴᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠯᠡᠵᠦ ᠨᠢᠯᠬᠠᠰ ᠢᠶᠠᠨ ᠬᠠᠶᠢᠷᠠᠯᠠᠨ᠂ ᠭᠡᠷ ᠵᠠᠭᠤᠷᠠ ᠪᠠᠨ ᠡᠶᠡ ᠨᠠᠶᠢᠷᠲᠠᠢ ᠠᠮᠢᠳᠤᠷᠠᠬᠤ ᠨᠢ ᠮᠠᠨ ᠤ ᠭᠡᠷ ᠤᠨ | ᠬᠡᠳᠦᠨ ᠦᠶᠡ ᠶᠢᠨ ᠬᠥᠮᠥᠰ ᠤᠨ ᠰᠢᠯᠢᠳᠡᠭ ᠤᠳᠤᠮᠰᠢᠯ ᠪᠣᠯᠴᠢᠬᠠᠵᠠᠢ᠃ ᠮᠢᠨᠤ ᠡᠬᠡᠨᠡᠷ ᠬᠢᠲᠠᠳ ᠬᠥᠮᠥᠨ᠂ ᠪᠢᠳᠡ ᠬᠤᠶᠠᠭᠤᠯᠠ ᠠᠴᠠ ᠨᠢᠭᠡ ᠬᠦᠦ ᠨᠢᠭᠡ ᠥᠬᠢᠨ ᠲᠠᠢ᠂ | ᠬᠦᠦ ᠪᠡᠷᠢ ᠪᠣᠯᠣᠨ ᠥᠬᠢᠨ ᠤ ᠬᠦᠷᠭᠡᠨ ᠪᠦᠷ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠃ ᠲᠡᠶᠢᠮᠦ ᠪᠠᠷ ᠢᠶᠠᠨ ᠮᠠᠨ ᠤ ᠭᠡᠷ ᠴᠢᠨᠢ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠲᠠᠢ ᠲᠣᠮᠣ ᠭᠡᠷ ᠪᠦᠯᠢ᠂ | ᠪᠢ ᠳᠡᠭᠡᠷᠡ ᠪᠠᠨ ᠶᠡᠷᠡ ᠭᠠᠷᠴᠤ ᠪᠠᠶᠢᠭᠠ ᠨᠠᠰᠤᠲᠠᠨ ᠠᠪᠤ ᠡᠵᠢ ᠲᠠᠢ᠂ ᠳᠣᠣᠷᠠ ᠪᠠᠨ ᠠᠷᠪᠠ ᠭᠠᠷᠤᠭᠰᠠᠨ ᠣᠮᠪᠣᠯᠣ ᠲᠠᠢ ᠪᠠᠨ ᠳᠤᠯᠤᠭᠠᠨ ᠠᠮᠠ ᠪᠦᠯᠢ ᠬᠠᠮᠲᠤ | ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠭᠡᠷ ᠪᠦᠯᠢ ᠭᠡᠳᠡᠭ ᠬᠠᠶᠢᠷᠠ ᠬᠠᠷᠢᠭᠤᠴᠠᠯᠭᠠ ᠬᠤᠶᠠᠷ ᠳᠡᠭᠡᠷᠡ ᠲᠣᠭᠲᠠᠵᠤ ᠪᠠᠶᠢᠳᠠᠭ᠂ ᠪᠦᠷ ᠨᠢᠭᠡ ᠭᠡᠷ ᠤᠨ ᠬᠥᠮᠥᠨ | ᠪᠣᠯᠴᠢᠬᠠᠭᠰᠠᠨ ᠪᠢᠳᠡᠨ ᠳᠤ ᠦᠨᠳᠦᠰᠦᠲᠡᠨ ᠤᠭᠰᠠᠭᠠ ᠶᠢᠨ ᠭᠠᠳᠠᠭᠤᠷᠴᠢᠯᠠᠯ ᠭᠡᠵᠦ ᠶᠠᠭ ᠦᠭᠡᠢ ᠪᠥᠭᠡᠳ ᠬᠠᠷᠢᠯᠴᠠᠨ ᠬᠦᠨᠳᠦᠳᠬᠡᠨ ᠬᠠᠷᠢᠯᠴᠠᠨ ᠬᠠᠮᠵᠢᠯᠴᠠᠨ | ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠬᠰᠠᠭᠠᠷ ᠢᠷᠡᠵᠡᠢ᠃ ᠵᠢᠱᠢᠶᠡᠯᠡᠪᠡᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠳᠬᠠ ᠤᠷᠠᠯᠢᠭ ᠢ ᠪᠢ ᠮᠠᠰᠢ ᠪᠠᠭ᠋ᠠᠷᠬᠠᠳᠠᠭ᠂ ᠲᠡᠶᠢᠮᠦ ᠪᠠᠷ ᠢᠶᠠᠨ ᠤᠳᠤ ᠪᠢ | ᠪᠢᠴᠢᠬᠠᠨ ᠣᠮᠪᠣᠯᠣ ᠳᠠᠭᠠᠨ ᠮᠣᠷᠢᠨ ᠬᠤᠭᠤᠷ ᠰᠤᠷᠭᠠᠵᠤ ᠪᠠᠶᠢᠨᠠ ᠰᠢᠦ ᠭᠡᠵᠦ ᠪᠠᠢ ᠭᠤᠸᠠᠩ ᠶᠤᠸᠠᠨ ᠶᠠᠷᠢᠭᠰᠠᠨ ᠢᠶᠠᠨ ᠡᠮᠦᠨᠡᠬᠡᠨ ᠾᠧᠪᠧᠢ ᠮᠤᠵᠢ ᠶᠢᠨ ᠱᠢ ᠵᠢᠶᠠ | ᠵᠤᠸᠠᠩ ᠳᠤ ᠪᠣᠯᠤᠭᠰᠠᠨ ᠳᠤᠮᠳᠠᠳᠤ ᠪᠣᠯᠣᠨ ᠴᠠᠭᠠᠨ ᠤᠷᠤᠰ ᠤᠨ ᠬᠠᠮᠲᠤᠷᠠᠯᠴᠠᠭᠰᠠᠨ ᠠᠵᠢᠯᠯᠠᠭᠠ ᠳᠤ ᠲᠤᠬᠯᠠᠯᠲᠠ ᠭᠠᠷᠭᠠᠭᠰᠠᠨ ᠣᠮᠪᠣᠯᠣ ᠶᠢᠨ ᠢᠶᠠᠨ ᠮᠣᠩᠭᠤᠯ | ᠲᠡᠷᠯᠢᠭ ᠡᠮᠦᠰᠦᠭᠡᠳ ᠮᠣᠷᠢᠨ ᠬᠤᠭᠤᠷ ᠲᠠᠲᠠᠵᠤ ᠪᠠᠶᠢᠭᠠ ᠰᠡᠭᠦᠳᠡᠷ ᠢ ᠪᠢᠳᠡᠨ ᠳᠤ ᠦᠵᠡᠭᠦᠯᠪᠡ᠃ | ᠡᠨᠡ ᠲᠡᠷᠡ ᠶᠢ ᠵᠣᠭᠤᠭᠳᠠᠨ ᠪᠠᠶᠢᠲᠠᠯᠠ᠂ ᠡᠭᠦᠳᠡ ᠳᠤᠤᠭᠠᠷᠴᠤ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠦᠦ ᠪᠠᠢ ᠫᠧᠩ ᠴᠧᠩ ᠡᠬᠡᠨᠡᠷ ᠲᠠᠢ ᠪᠠᠨ ᠣᠷᠣᠭᠠᠳ ᠢᠷᠡᠬᠦ ᠨᠢ | ᠲᠡᠷᠡ᠃ ᠡᠳᠡᠨ ᠤ ᠭᠡᠷ ᠤᠨ ᠬᠥᠮᠥᠰ ᠡᠭᠦᠳᠡ ᠪᠠᠨ ᠠᠯᠬᠤᠭᠠᠳ ᠣᠷᠣᠵᠤ ᠢᠷᠡᠬᠦ ᠳᠤ ᠯᠠ ᠬᠥᠮᠥᠨ ᠪᠣᠯᠭᠠᠨ ᠤ ᠴᠢᠷᠠᠢ ᠳᠤ ᠵᠣᠯ ᠵᠢᠷᠭᠠᠯ ᠤᠨ ᠮᠦᠰᠢᠶᠡᠳᠦ | ᠲᠣᠳᠣᠷᠠᠵᠤ ᠪᠠᠶᠢᠭᠠ ᠶᠢ ᠪᠢᠳᠡ ᠰᠤᠷᠪᠤᠯᠵᠢᠯᠠᠬᠴᠢ ᠬᠥᠮᠥᠨ ᠤ ᠭᠢᠷᠠᠬᠠᠢ ᠨᠢᠳᠦ ᠪᠠᠷ ᠠᠵᠢᠭᠯᠠᠵᠤ ᠠᠮᠵᠢᠯᠠ᠃ ᠭᠡᠷ ᠲᠤᠨᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠮᠠᠨᠤᠰ ᠢ | ᠲᠡᠳᠡ ᠦᠯᠦ ᠲᠠᠨᠢᠬᠤ ᠬᠥᠮᠥᠨ᠂ ᠶᠠᠷᠰᠢᠭ ᠲᠦᠪᠡᠭ ᠲᠠᠢ ᠤᠯᠤᠰ ᠭᠡᠵᠦ ᠲᠦᠪᠡᠭᠰᠢᠶᠡᠭᠰᠡᠨ ᠮᠠᠶ᠋ᠢᠭ ᠶᠠᠭ ᠦᠭᠡᠢ ᠪᠥᠭᠡᠳ ᠪᠦᠷ ᠯᠡ ᠥᠭᠡᠳᠡ ᠴᠢᠷᠠᠢ ᠲᠠᠢ | ᠠᠭᠤᠯᠵᠠᠵᠤ᠂ ᠢᠳᠡᠭᠦᠯᠵᠦ ᠤᠤᠭᠤᠯᠭᠠᠬᠤ ᠬᠡᠮᠡᠨ ᠬᠠᠯᠠᠭᠤᠮᠰᠤᠭ ᠨᠢ ᠠᠷᠭᠠ ᠦᠭᠡᠢ ᠪᠠᠶᠢᠯᠠ᠃ | ᠊᠊᠊᠊᠊᠊᠊ ᠪᠢ ᠬᠤᠰᠢᠭᠤᠨ ᠤ ᠲᠤᠷᠰᠢᠯᠲᠠ ᠶᠢᠨ ᠥᠨᠳᠥᠷ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠠᠩᠭ᠍ᠯᠢ ᠭᠡᠯᠡ ᠵᠢᠭᠠᠳᠠᠭ᠃ ᠶᠡᠷᠡ ᠭᠠᠷᠤᠭᠰᠠᠨ ᠬᠠᠳᠠᠮ | ᠡᠪᠦᠭᠡ ᠡᠮᠡᠭᠡ ᠮᠠᠨᠢ ᠪᠢᠳᠡᠨ ᠲᠠᠢ ᠬᠠᠮᠲᠤ ᠰᠠᠭᠤᠳᠠᠭ ᠪᠣᠯᠬᠤᠷ ᠠᠪᠠᠭᠠ᠂ ᠠᠪᠠᠭᠠ ᠡᠭᠡᠴᠢ ᠨᠠᠷ ᠪᠠᠶᠢᠩᠭᠤ ᠢᠷᠡᠵᠦ ᠡᠪᠦᠭᠡ ᠡᠮᠡᠭᠡ ᠶᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠳᠠᠭ᠂ | ᠤᠳᠤ ᠪᠣᠯ ᠨᠡᠩ ᠡᠭᠡᠯᠵᠢ ᠬᠠᠯᠠᠭᠠ ᠪᠠᠷ ᠵᠢᠵᠢᠭᠦᠷᠯᠡᠵᠦ ᠪᠠᠶᠢᠨᠠ᠂ ᠡᠭᠦᠨ ᠳᠤᠨᠢ ᠪᠢᠳᠡ ᠴᠤ ᠭᠡᠰᠡᠨ ᠶᠡᠭᠡ ᠪᠠᠶᠠᠷᠯᠠᠵᠤ ᠲᠠᠯᠠᠷᠬᠠᠵᠤ ᠶᠠᠪᠤᠳᠠᠭ᠃ ᠨᠡᠩ ᠵᠢᠯ ᠴᠠᠭᠠᠨ | ᠰᠠᠷᠠ ᠪᠤᠶᠤ ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠪᠣᠯ ᠮᠠᠨ ᠤ ᠬᠢᠨ ᠳᠤ ᠨᠠᠰᠤᠲᠠᠢ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢᠶᠠᠨ ᠴᠤᠭᠯᠠᠷᠠᠭᠠᠳ ᠭᠦᠷ ᠪᠠᠶᠠᠷ ᠢᠶᠠᠷ ᠪᠢᠯᠬᠠᠳᠠᠭ᠃ ᠡᠪᠦᠭᠡ | ᠡᠮᠡᠭᠡ ᠨᠠᠷ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯ ᠪᠠᠶᠢᠬᠤ ᠪᠣᠯᠬᠤᠷ᠂ ᠮᠠᠨ ᠤ ᠬᠢᠨ ᠠᠮᠠ ᠪᠦᠯᠢ ᠣᠯᠠᠨᠲᠠᠢ᠂ ᠦᠨᠳᠦᠰᠦᠲᠡᠨ ᠠᠳᠠᠯᠢ ᠪᠤᠰᠤ ᠪᠤᠯᠪᠠᠴᠤ | ᠵᠥᠷᠢᠴᠡᠯ ᠵᠢᠭᠤᠷᠠᠯᠳᠤᠭᠠᠨ ᠬᠡᠷᠡᠭᠦᠯ ᠶᠠᠷᠭᠢᠶᠠᠨ ᠭᠡᠵᠦ ᠬᠡᠵᠢᠶᠡᠳᠡ ᠪᠠᠶᠢᠳᠠᠭ ᠦᠭᠡᠢ᠂ ᠤᠴᠢᠷ ᠨᠢ ᠪᠢᠳᠡ ᠪᠠᠰᠠ ᠬᠤᠵᠢᠮ ᠪᠦᠷ ᠥᠲᠡᠯᠦᠨᠡ᠂ ᠥᠲᠡᠯᠵᠦ ᠬᠥᠭᠰᠢᠷᠡᠬᠦ | ᠠᠴᠠ ᠮᠤᠯᠲᠤᠷᠠᠵᠤ ᠴᠢᠳᠠᠬᠤ ᠬᠥᠮᠥᠨ ᠦᠭᠡᠢ᠂ ᠡᠶᠢᠮᠦ ᠠᠴᠠ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠰᠠᠶᠢᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠤᠯᠬᠤ ᠶᠢ ᠪᠢᠳᠡ ᠪᠦᠷ ᠬᠢᠴᠢᠶᠡᠳᠡᠭ᠃ ᠤᠳᠤ | ᠮᠢᠨᠤ ᠬᠦᠦ ᠴᠤ ᠡᠪᠦᠭᠡ ᠡᠮᠡᠭᠡ ᠪᠠᠨ ᠬᠠᠮᠵᠢᠨ ᠨᠠᠰᠤᠲᠠᠢ ᠡᠯᠦᠨᠴᠡ ᠪᠠᠨ ᠠᠰᠠᠷᠠᠬᠤ ᠳᠤ ᠲᠤᠰᠠ ᠳᠡᠮ ᠪᠣᠯᠴᠢᠬᠠᠳᠠᠭ ᠰᠢᠦ᠃ ᠪᠦᠭᠦ ᠭᠡᠷ ᠤᠨ ᠢᠶᠠᠨ ᠰᠠᠶᠢᠨ | ᠰᠠᠶᠢᠬᠠᠨ ᠤ ᠲᠥᠯᠥᠭᠡ ᠦᠳᠡᠯᠦᠭᠡ ᠵᠠᠯᠠᠭᠤ ᠪᠦᠭᠦᠳᠡᠭᠡᠷ ᠢᠶᠠᠨ ᠨᠢᠭᠡ ᠯᠠ ᠰᠡᠳᠬᠢᠯ ᠢᠶᠠᠷ ᠴᠢᠷᠮᠠᠶᠢᠵᠤ ᠪᠠᠶᠢᠳᠠᠭ ᠠᠴᠠ ᠶᠠᠳᠠᠷᠠᠯᠲᠠᠢ ᠪᠠᠶᠢᠭᠰᠠᠨ ᠴᠤ ᠵᠢᠷᠭᠠᠯᠲᠠᠢ | ᠰᠠᠨᠠᠭᠳᠠᠳᠠᠭ ᠭᠡᠵᠦ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠦᠦ ᠪᠡᠷᠢ ᠸᠠᠩ ᠳ᠋ᠠᠨ ᠰᠣᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ︽ᠥᠰᠬᠦ ᠮᠠᠯ ᠤᠨ ᠵᠢᠰᠦ ᠨᠢ ᠨᠢᠭᠡ᠂ ᠥᠭᠡᠳᠡᠯᠡᠬᠦ ᠭᠡᠷ ᠤᠨ ᠦᠭᠡ ᠨᠢ ᠨᠢᠭᠡ︾ ᠭᠡᠳᠡᠭ ᠢᠶᠠᠷ᠂ ᠪᠠᠢ ᠭᠤᠸᠠᠩ ᠶᠤᠸᠠᠨ ᠤ ᠬᠢᠨ ᠤ ᠬᠡᠨ ᠨᠢ ᠪᠤᠯᠪᠠᠴᠦ ᠬᠠᠶᠢᠷᠠ | ᠪᠢᠯᠬᠠᠭᠰᠠᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠵᠤ᠂ ᠬᠤᠪᠢ ᠬᠤᠪᠢᠨ ᠳᠠᠭᠠᠨ ᠪᠦᠷ ᠵᠣᠯ ᠵᠢᠷᠭᠠᠯᠲᠠᠢ ᠰᠠᠨᠠᠭᠳᠠᠵᠤ᠂ ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠯᠡᠨ | ᠨᠢᠯᠬᠠᠰ ᠢᠶᠠᠨ ᠬᠠᠶᠢᠷᠠᠯᠠᠨ᠂ ᠲᠤᠰ ᠲᠤᠰ ᠤᠨ ᠬᠤᠪᠢᠳᠠᠭᠰᠠᠨ ᠠᠵᠢᠯ ᠳᠠᠭᠠᠨ ᠰᠢᠭᠤᠷᠬᠠᠶᠢᠯᠠᠨ ᠠᠵᠠ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢᠶᠠᠨ ᠴᠣᠭᠴᠠᠯᠠᠵᠤ ᠪᠠᠶᠢᠭᠠ ᠨᠢ | ᠪᠠᠭ᠋ᠠᠳᠤᠭᠤᠰᠢᠲᠠᠢ᠃ ᠳᠡᠳᠡᠨ ᠤ ᠬᠢᠨ ᠡᠨᠡ ᠮᠡᠲᠦ ᠪᠠᠷ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠤ ᠬᠥᠮᠥᠰ ᠨᠢᠭᠡ ᠭᠡᠷ ᠪᠦᠯᠢ ᠳᠤ ᠳᠦᠷᠪᠡᠨ ᠦᠶᠡ ᠪᠠᠷ ᠢᠶᠠᠨ ᠡᠶᠡ ᠨᠠᠶᠢᠷᠲᠠᠢ | ᠬᠠᠮᠲᠤ ᠠᠮᠢᠳᠤᠷᠠᠵᠤ᠂ ᠠᠨᠠᠷ ᠤᠨ ᠦᠷᠡ ᠮᠡᠲᠦ ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠵᠤ᠂ ᠦᠨᠳᠦᠰᠦᠲᠡᠨ ᠤ ᠪᠦᠯᠬᠦᠮᠳᠡᠯ ᠤᠨ ᠦᠯᠢᠭᠡᠷ ᠵᠢᠱᠢᠶᠡ ᠪᠣᠯᠵᠤ᠂ ᠨᠡᠶᠢᠲᠡ ᠲᠦᠮᠡᠨ ᠳᠡᠭᠡᠨ | ᠱᠠᠭᠰᠢᠭᠳᠠᠵᠤ ᠪᠠᠶᠢᠨᠠ᠃ | |